الزول دا معانا ؟

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-08-2018, 09:45 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-06-2018, 03:25 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30471

للتواصل معنا

FaceBook
تويتر Twitter
YouTube


الزول دا معانا ؟
                   |Articles |News |مقالات |بيانات

12-06-2018, 03:29 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30471

للتواصل معنا

FaceBook
تويتر Twitter
YouTube


Re: الزول دا معانا ؟ (Re: محمد البشرى الخضر)

    يعني نلقاها من الحكومة ولا من ابطال الديقيتال ديل!
    من شذّاذ الآفاق للشحادين لي خايسين وزي النسوان!!
    و شوف المصيبة في الدقيقة عشرة برد على واحد قال ليه تعال انت اطلع شوف رد عليه كيف:
    يا خايب يا باطل يا كــلب احنا نأكلك ونشربك ونقريك نعالجك ونعرس ليك وكمان نجي نرجع نحررك!!

    شوف بالله قلة الادب و طول اللسان!
    صحي مناضل اسفيري!
                   |Articles |News |مقالات |بيانات

12-06-2018, 03:36 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30471

للتواصل معنا

FaceBook
تويتر Twitter
YouTube


Re: الزول دا معانا ؟ (Re: محمد البشرى الخضر)

    مستوى عبيط وساذج و طرح غبي
    هل يظن هؤلاء الرجال البلهاء أن هذا الاسفاف و النبيح سيفعل شيئ في سبيل الحل والتغيير!
    ولا القصة بس بقت كل من هب ودب ولقى سمارت فون وباقة نت ابو ريالين وعايز يعمل فيها جيفارا باي هراء
                   |Articles |News |مقالات |بيانات

12-06-2018, 03:55 PM

Abureesh

تاريخ التسجيل: 22-09-2003
مجموع المشاركات: 19467

للتواصل معنا

FaceBook
تويتر Twitter
YouTube


Re: الزول دا معانا ؟ (Re: محمد البشرى الخضر)

    He's just venting

    الزول قاعد يفشى غبينتو بس. وكتير مما قاله حقائق لو استبعدنا التعبير. لكن المشكلة فى الشعب ذاته.. شعب كل مرة يعمل انتفاضة ويسلمها لنفس القيادات التى أثبتت فشلها.
                   |Articles |News |مقالات |بيانات

12-06-2018, 03:58 PM

يوسف الطيب احمد إدريس
<aيوسف الطيب احمد إدريس
تاريخ التسجيل: 03-03-2014
مجموع المشاركات: 826

للتواصل معنا

FaceBook
تويتر Twitter
YouTube


Re: الزول دا معانا ؟ (Re: محمد البشرى الخضر)


    سلام ود البشرى
    المسؤولية ثلاثية الاضلاع
    الشعب - الحكومة - المعارضة
    لو طبقنا النظرية دي على حال السودان بنلقى في ضلعين منتهيات تماما
    الحكومة والمعارضة تشابه شديد في الفشل على كل المستويات
    باقي الضلع الأول اللي هو الشعب
    السؤال : هل الشعب السوداني قايم بدوره تجاه الحكومة والمعارضة ؟!
    للأسف الإجابة لا .. انا لا احمل الشعب كامل المسؤولية عن عدم القيام بواجبه
    لكن له نصيب الأسد في ذلك ..
    دور الشعوب مهم واقرب مثال عندك أزمة الضرائب في الأردن وكيف أجبر الشعب الأردني الحكومة في اعلى مستوياتها على إلغاء الضرائب.
    وعند أزمة الوقود في البرازيل كيف أجبر سائقو الشاحنات الرئيس البرازيلي على التراجع عن زيادة أسعار الوقود .
    بعيدا عن الإسفاف والتقليل من قيمة المرأة في المجتمع للأسف الشديد اللامبالاة ضربت عميقا في الشعب السوداني وصراحة الواحد بقى يحس الحاصل في البلد كأنه حاصل في كوكب المريخ.
    الله يصلح الحال ويريحنا من شر خلقه
                   |Articles |News |مقالات |بيانات

12-06-2018, 05:02 PM

أمين محمد سليمان
<aأمين محمد سليمان
تاريخ التسجيل: 08-08-2009
مجموع المشاركات: 8318

للتواصل معنا

FaceBook
تويتر Twitter
YouTube


Re: الزول دا معانا ؟ (Re: يوسف الطيب احمد إدريس)

    السؤال البطرح نفسو لزول بيكيل كمية الشتايم للناس على اطلاقها كدا ... إنو انت عملت شنو عشان تغير الوضع ده ؟!!
                   |Articles |News |مقالات |بيانات

12-06-2018, 05:22 PM

Abdullah Idrees
<aAbdullah Idrees
تاريخ التسجيل: 05-12-2010
مجموع المشاركات: 2321

للتواصل معنا

FaceBook
تويتر Twitter
YouTube


Re: الزول دا معانا ؟ (Re: أمين محمد سليمان)

    وسائل الميديا اتاحت لاي زول يعبر عن نفسو ، أغلبهم ناس عايزين يظهرو ساي وده ارخص طريق ممكن الزول يظهر بيهو ..
    في عشرات زيو كده ما عندهم اي موضوع ولا فكرة فما تاخدوهم بجدية ويبقوا خصم على ناس بتناضل بالجد بمعنى كلهم
    يتختو ف سلة واحد ..
                   |Articles |News |مقالات |بيانات

12-06-2018, 05:35 PM

Nasser Amin

تاريخ التسجيل: 07-02-2017
مجموع المشاركات: 978

للتواصل معنا

FaceBook
تويتر Twitter
YouTube


Re: الزول دا معانا ؟ (Re: أمين محمد سليمان)


    اعتقد التاريخ اللي ح يتكتب بعد سنين و التحليل
    عن سبب طول امد هذا النظام بالرغم من الفشل؟
    الاجابة : سوء استخدام ناشطي المعارضة
    للسوشيال ميديا كاداة تعبئة و تغيير


                   |Articles |News |مقالات |بيانات

12-06-2018, 06:00 PM

Hafiz Bashir
<aHafiz Bashir
تاريخ التسجيل: 04-12-2004
مجموع المشاركات: 2843

للتواصل معنا

FaceBook
تويتر Twitter
YouTube


Re: الزول دا معانا ؟ (Re: Nasser Amin)



    Quote: هل يظن هؤلاء الرجال البلهاء أن هذا الاسفاف و النبيح سيفعل شيئ في سبيل الحل والتغيير!
    ولا القصة بس بقت كل من هب ودب ولقى سمارت فون وباقة نت ابو ريالين وعايز يعمل فيها جيفارا باي هراء


    ما أفتكر الراجل طرح نفسو كمفكر و لا قائد للمعارضة عشان نفترض أنو عمل الفيديو عشان يقدم حلول.
    مواطن سوداني في بلد الغربة عبر عن وجه نظرو بتعبيرات زول عادي، مع بعض الهنات هنا وهناك، وقال بوضوح إنو الهدف من الفيديو هو إنو عايز إتفشى.
    أنا أحترم حقه في الغضب و حقه في التعبير.
    و سائل التواصل الإجتماعي إتعملت عشان تتيح فرصة للجميع للتعبير عن مكنوناتهم، فلماذا نريد لها أن تُحتكر لصفوة تفرض نفسها على الآخرين؟

    أتفق معه في مجمل حديثه عن مسؤلية الشعب السوداني في ما وصل إليه حال البلاد.
    و أختلف معه تماماً قي تحليله لأسباب فشل الشعب السوداني في إصلاح نظام الحكم.

                   |Articles |News |مقالات |بيانات

12-06-2018, 07:16 PM

Munir
<aMunir
تاريخ التسجيل: 11-02-2002
مجموع المشاركات: 10389

للتواصل معنا

FaceBook
تويتر Twitter
YouTube


Re: الزول دا معانا ؟ (Re: Hafiz Bashir)

    .. وكما قلت سابقاً: كل فرد تلقاهو شايل كشافاته وموجهها على الآخرين وهو منزوى فى ركن مظلم لا يرى نفسه ويظن الآخرين ماشايفنه .. فى نفس الوقت هناك آخر شايل كشافته وجاهر ببها الآخرين ومنزوى فى ركن مظلم ويظن نفسه فى الضرا وفى مأمن من كشافات الآخرين .. وهكذا دواليك .. الكل كاشف الكل من مكمنه ظاناً أنه قاعد فى الضرا .. لكن بالنسبة للآخرين قاعد فى السهلة تحت الكشافات .. يعنى تكون شايل كشافة واحدة تكشّف للملايين والملايين عندهم مليون كشافة موجهة كلها عليك .. فأحسن كل كشاف يرعوى ..





                   |Articles |News |مقالات |بيانات

12-06-2018, 07:49 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19046

للتواصل معنا

FaceBook
تويتر Twitter
YouTube


Re: الزول دا معانا ؟ (Re: Munir)

    تحياتي ودو
    وضيوفه
    اظننا متفقين تماما في تخطأت قوله وفي صب جام غضبه علي المواطن ، ولكن ان اخذناه كمواطن عادي ، وليس معبرا بلسان حزب او تنظيم يمكن ان نعتبره كألاف من يسبون الشعب !!
    هنا في الواقع داخل السودان اسمع مثل حديثه من اناس عاديين يعبرون عن سخطهم بشكل معوج !
    يقول ليك
    نحن نستاهل اكتر من كدة لأننا ويسرد لك كمية من الصفات السالبة التي تقرب من الشتيمة ، ويضيف
    والله حقوا يحكمونا مية سنة لأننا فعلا بنستاهل
    الغضب مبرر جدا ولكن التعبير عنه يحتاج لوعي
    هذا الشخص يحتاج هو وغيره ليعرف اسباب الانهيار وكيفية الخروج منه
    يحتاج ان يعرف كيف يراكم غضبه ويحوله لطاقة رفض ايجابية
    لا اظنه سوى شخصا غاضبا من السلطة ضعيف الوعي السياسي والفهم
    استمعت قبل ايام لشخص يتحدث مذكرا انه كان مدير جامعة وساهم في تأسيس مؤسسات لدول خارج السودان ويتحدث في السياسة حديث شخص غير واعي سياسيا
                   |Articles |News |مقالات |بيانات

12-06-2018, 07:40 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30471

للتواصل معنا

FaceBook
تويتر Twitter
YouTube


Re: الزول دا معانا ؟ (Re: Hafiz Bashir)

    مولانا خلاص قمت للغلاط!! شنو زول عادي بقول في وجهة نظرو مع بعض الهنات!
    هل معايرته لاهلو بصرفو عليهم ومساعدتهم دي وجهة نظر عادية مع بعض الهنات! دي عقلية من وأذى جارحة جدا! يمين انا لو قريبه الم الاهل كلهم ونرجع ليه اي قرش رسله او ساهم بيه في كشف علاح او عرس او دراسة.
    والادهى والامر كمان هو قاعد بعيد وآمن على نفسه وعياله وعايز الناس تواجه الرصاص و القتل و التعذيب وهو يكتفي باللايكات و دفع الريالات في الكشوفات.
    بعدين كدي اعمل بحث باسمه اي نعم هو ما طارح نفسه مفكر لكن طارح نفسه لايفاتي كبير عنده خرتمية فيديو نبيح زي دا ايام العصيان
                   |Articles |News |مقالات |بيانات

12-06-2018, 07:49 PM

صديق مهدى على
<aصديق مهدى على
تاريخ التسجيل: 09-10-2009
مجموع المشاركات: 8639

للتواصل معنا

FaceBook
تويتر Twitter
YouTube


Re: الزول دا معانا ؟ (Re: محمد البشرى الخضر)

    السلام عليكم ورحمة الله تعالى وبركاته كل سنة وانتم بخير غايتو نصيحة
    لله وسايل التواصل الاجتماعى دى لخبطت الامور مرة وإحدى بحيث لم
    نعرف منو تبع الحكومة و منو المعارض لذا انا بعتبر اى كلام ياتى من هذا
    الباب غير مجدى وربنا يكون فى عون السودان وشعبه
                   |Articles |News |مقالات |بيانات

12-06-2018, 08:12 PM

Asim Ali
<aAsim Ali
تاريخ التسجيل: 25-01-2017
مجموع المشاركات: 2037

للتواصل معنا

FaceBook
تويتر Twitter
YouTube


Re: الزول دا معانا ؟ (Re: محمد البشرى الخضر)

    الكثيرين اسلوبهم فى الاسافير زى ما يكونو فى جلسات العلاج النفسى تنفيس ولاتجد ايجابيه تتكامل فى طرحها مع الاخرين لاعطاءالحركه التغيير مزيد قوه الدفع.
                   |Articles |News |مقالات |بيانات

12-06-2018, 08:27 PM

عثمان الأمام

تاريخ التسجيل: 17-05-2013
مجموع المشاركات: 1040

للتواصل معنا

FaceBook
تويتر Twitter
YouTube


Re: الزول دا معانا ؟ (Re: Asim Ali)

    الزول ده ومعاهو واحد تاني كنت مشارك في قروب في الفيسبوك اظنو
    بتاع العصيان المدني كل ما تفتح الفيسبوك يجي ناطي بي لايف ما ارتحت
    الا لما غادرت القروب.
                   |Articles |News |مقالات |بيانات

12-06-2018, 08:54 PM

عمر أبوعاقلة
<aعمر أبوعاقلة
تاريخ التسجيل: 11-04-2016
مجموع المشاركات: 830

للتواصل معنا

FaceBook
تويتر Twitter
YouTube


Re: الزول دا معانا ؟ (Re: عثمان الأمام)

    يا ابو حتوت سلام
    السودان أشبه بالسفينة الفاقدة بوصلتها
    لايوجد طرح جاد وعملي للخروج من الجحر دا
    لا من حكومتنا الرشيدة .. ولا المعارطة .. ولا أمحداحمد
    باقي التنفيس بس وزي ما قال حفيظ وآخرين
    كل زول يفش غبينتو في الحيطة القصيرة دي
    اللي هي الشعب السوداني البطل
    ختاماً وللضمان كدا الفيديو فاحش والله

    مودتي
                   |Articles |News |مقالات |بيانات

12-06-2018, 08:38 PM

أيمن الفاضل
<aأيمن الفاضل
تاريخ التسجيل: 12-01-2013
مجموع المشاركات: 972

للتواصل معنا

FaceBook
تويتر Twitter
YouTube


Re: الزول دا معانا ؟ (Re: Asim Ali)

    سلام
    Quote: يقول ليك
    نحن نستاهل اكتر من كدة لأننا ويسرد لك كمية من الصفات السالبة التي تقرب من الشتيمة ، ويضيف
    والله حقوا يحكمونا مية سنة لأننا فعلا بنستاهل

    الزول دة اصلا ما قال (نحن) يا حفيظ
    كلامو كلو (انتو)


    لو مسكنا منطقو المعووج دة حنطلعو هو الما راجل
    قال الرجال كلهم مرقو من السودان والفضلو جوة ما رجال (الدقيقة 12)
    ممكن الواحد يقول ليهو لو راجل ما كان خليت بلدك و شردت

    لكن حقو ناس برة يروقو المنقة ويفهمو ويحسو شوية (انا زاتي قاعد برة)
    مساعدتنا لي اهلنا دي الواجب
    النضال ما عشان زول تاني، كلو واحد بيناضل عشان نفسه
    والنضال دة مكانو جوة، من برة ممكن تساعد كتير، بس ما اسمه نضال
                   |Articles |News |مقالات |بيانات

12-06-2018, 09:59 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19046

للتواصل معنا

FaceBook
تويتر Twitter
YouTube


Re: الزول دا معانا ؟ (Re: أيمن الفاضل)

    تشكر ايمن
    الحقيقة انا ما شاهدت المقطع
    اعتمدت علي تلخيص ودو . و ودو بالنسبة لي زول دقيق في تعابيرو و وصفو
    يعني اخدت كلامو عن الشعب بس بشكل عابر
    الكلام القالو ودو لاحقا كلام سليم جدا . في المن والاذي أكيد الناس البعرفوهو بشكل حقيقي نظرتهم لي كلامو حول مساعدتو للناس بياخدو بشكل شخصي وقبيح وليهم الحق
    وحتي حكاية الرجال الذكرها ايمن بتأكد كلامي جدا انو زول غير واعي سياسيا وان كان متعلما
    وبعدينك رجال شنو ونسوان شنو . النضال دة ضم كل فئات الشعب دون ذكورية ساذجة . ولامعني بدائي للرجولة
                   |Articles |News |مقالات |بيانات

13-06-2018, 00:04 AM

Hafiz Bashir
<aHafiz Bashir
تاريخ التسجيل: 04-12-2004
مجموع المشاركات: 2843

للتواصل معنا

FaceBook
تويتر Twitter
YouTube


Re: الزول دا معانا ؟ (Re: عبدالحفيظ ابوسن)



    Quote: هل معايرته لاهلو بصرفو عليهم ومساعدتهم دي وجهة نظر عادية

    راجعت المقطع تاني و ما فهمت من كلامه أي معايرة لأهله و لم أجد أي من في كلامه.
    هو يرد على تعليق غير موضوعي من شخص قد يكون بالنسبة له مجهول و الهدف من ذلك التعليق هو الإصمات و هو بالتأكيد لم يصرف على هذا الشخص تحديداً و لم يقدم له مساعدة مالية.
    فهمت من كلامه، رغم ركاكة لغته، أنه يقصد أن للمغترب (المغترب عموماً وليس شخصاً محدداً) دور وواجب يقوم به و هو دور مهم تجاه نفسه و تجاه أهله و من اللامنطق أن يطالب بالصمت وأن يُصادر حقه في الإنفعال و التفاعل مع قضايا ومحن وطنه بحجة أنه مغترب.
    إذن العلة في التعليق قبل أن تكون في الرد على التعليق.

    Quote: والادهى والامر كمان هو قاعد بعيد وآمن على نفسه وعياله وعايز الناس تواجه الرصاص و القتل و التعذيب وهو يكتفي باللايكات و دفع الريالات في الكشوفات.

    دا نفس الفهم الإتولد منو التعليق المعلول بتاع "إنتو مالكم ما رجال تعالوا".

                   |Articles |News |مقالات |بيانات

13-06-2018, 00:11 AM

Hafiz Bashir
<aHafiz Bashir
تاريخ التسجيل: 04-12-2004
مجموع المشاركات: 2843

للتواصل معنا

FaceBook
تويتر Twitter
YouTube


Re: الزول دا معانا ؟ (Re: Hafiz Bashir)



    Quote: يمين انا لو قريبه الم الاهل كلهم ونرجع ليه اي قرش رسله او ساهم بيه في كشف علاح او عرس او دراسة.


    إلا أكان تقوموا تغتربوا عشان ترجعوا ليهو قروشو😜


                   |Articles |News |مقالات |بيانات

13-06-2018, 06:55 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30471

للتواصل معنا

FaceBook
تويتر Twitter
YouTube


Re: الزول دا معانا ؟ (Re: Hafiz Bashir)

    تحياتي للجميع
    وعليكم السلام يوسف
    لا أحد يعفي اي طرف من المسؤولية في ما آل إليه الحال, و المسؤولية جماعية, للجميع فيها نصيب
    الاعتراض على مسك قلم التصحيح و جر كرسي و الفرجة و التنظير للناس بل وكمان لومهم وتقريعهم كأنه هو مراقب امتحان ولا علاقة له بما يجري
    هذا بالإضافة لقلة الأدب و الاسلوب السخيف و كمان المن و الأذى

    Quote: إنو انت عملت شنو عشان تغير الوضع ده ؟!!
    ح يقول ليك عملت لايف ولايك!!

    Quote: عن سبب طول امد هذا النظام بالرغم من الفشل؟
    الاجابة : سوء استخدام ناشطي المعارضة
    للسوشيال ميديا كاداة تعبئة و تغيير
    أحد الأسباب بالطبع يا ناصر وليس السبب

    Quote: الغضب مبرر جدا ولكن التعبير عنه يحتاج لوعي
    يا قريبك الغضب مش مبرر فقط بل ومطلوب كمان ولابد منه, لا احد عاقل يرضى بالحاصل حتى الموالين العاقل و الصادق منهم اكيد لا يعجبه الحال
    المشكلة هنا مش فقط عن طريقة التعبير كما تفضلت لكن كمان في التجاوز في تحميل المسؤولية , وفي قلة الادب وفي السخف و الدهى و الأمر الطريقة التي استثنى بها نفسه و برّر باغترابه, دي بالغ فيها كأنو مجبور على خيار الاغتراب, طيب ما ترجع, اصلك كدا كدا ح ترجع مع الحاصل في الخليج دا.

    وعليكم السلام صديق مهدي

    هلا ابو عاقلة
    هي نان ينفّس في الشعب المسكين دا! عينو للفيل

    يا مولانا
    المغترب لامن يساهم في دعم وعلاج ودراسة و زواج اهله و اصدقائه دا واجب وليس فضلا أو منة, لأنو هو زاته احتاج ولقى دعم من مغترب قبله ودا عرف اجتماعي
    مافي زول بقول عملنا و سوينا دا واجبك وديل اهلك ما مشحود عليهن! يبقى اي ذكر للحاجات دي وفي معرض تبريرك لعدم مشاركتك أو قيامك بما تطالب الناس به كأنك تقول هذا دوري و قد اديته وفي هذا من, في تعداده لما فعل ثم ختمه "كمان نجي نحرركم" معايرة

    و التعليق الرد عليه لم يطالبه بالصمت, بل طالبه بقرن القول بالفعل و المشاركة فيما يطالب الناس به, وهذا هو المنطق, انت ما قاطع تذكرة لوج وقاعد تتفرج في عرض مسرحي وتحتج على سوء الأداء و تفلق بالبيض و الطماطم
    انت شريك اصيل وما تقدمه نحو التغيير ليس منة أو سنة بل واجب و فرض
    حتى ان كان نقدا فلتحسن النطق و تجيد اختيار هدفه

    واكان بالنسبة لقروشه بترجع بدون اغتراب, كمهن أصلهن؟ مية ميتين ريال الكل شهر و الخمسين في الكشوفات ولا شي تاني!
    دا زاتو ما منظر ولا الفاظ ولا فهم زول برسّل أكتر من كدا
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de