|
|
|
 Re: شنو فائدة تعليم البنات إذن ؟؟ (Re: جلالدونا)
|
Quote:
كلام عقل والله يا عادل
حفظك الله من كل سوء
ودمت بالف خير وصحة وعافية وكل سنة وانت طيب |
يديك الف عافية يا بسمات وكل سنة وانتي طيبة
قبل شهر من الان كنت في إجازة قصيرة بالسودان وجدتا ربات بيوت
في الاسرة والاهل والحي بنات خريجات في تخصصات عدة طبيبات
ومهندسات والخ وقصدتا أسأل لماذا لا تعملي وكان جوابهن واحد الزوج
رافض . حاجة غريبة مش كدة ؟
| |
 
|
|
|
|
|
|
|
|
Re: شنو فائدة تعليم البنات إذن ؟؟ (Re: عادل الباهي عبدالرازق)
|
Quote:
هلا عادل
شنو هى مشئولية الزوجة فى البيت عشان هى توفق بينا و بين عملا |
حياك حياك يا جلال
كل سنة وانت طيب
عاوزني أقول ليك المطبخ وغيرو عشان تعمل لي ابي حنيفة النعمان
تلقاها عند غافل 
ما أقصده أنا بمسئولياتها في البيت حقوق زوجها ورعاية أطفالها ، في نساء كثير
يعملن وعندهن القدرة في التوفيق وفي نساء الواحدة بتكون عاملا وبعد إنجاب الاطفال
بمحض إرادتها بدون ضغوط من احد بتترك العمل وتشوف أطفالها أولي .
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: عادل الباهي عبدالرازق)
|
.
.
الحاجة الملاحظها انه النساء أقل كفاءة من الرجال من ناحية التركيز ...
مثال لذلك ...
لما تلقى ليك بت سايقة ليها عربية اصلا ما بتكون بنفس كفاءة الراجل ...
تلقاها مكنكشة في الدركسون بيديها الاتنين ومعسّمة رقبتا وغالبها تتلفّت ... ...
.
.
كذلك في الطبيخ تفوق الرجال بمراحل كبيرة على النساء والحاجة دي انا ملاحظ ليها في النساء الحوليني ، لو عملت طبيخ يا جابت ليك الملح زايد او كترت الصلصة ولا طمبجت الزيت ... ...
وغير ذلك كتير ...
طبعا الكلام دا ما بصورة مطلقة ...
.
.
مجرد ملاحظة !!!
.
.
تحياتي يا ود الباهي ...
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: قسم الفضيل مضوي محمد)
|
Quote: الحاجة الملاحظها انه النساء أقل كفاءة من الرجال من ناحية التركيز ...
مثال لذلك ...
لما تلقى ليك بت سايقة ليها عربية اصلا ما بتكون بنفس كفاءة الراجل ...
تلقاها مكنكشة في الدركسون بيديها الاتنين ومعسّمة رقبتا وغالبها تتلفّت ...... |
تحياتي ود الباهي ...
موضوع حيوي وبنجيك راجعين بي حكم
تجربة حقيقية مع بناتي ... لكن قسيم الريد
دا ما بالغ حبتين ... هسع يا قسم كلامك دا
انا براي حسبت فيهو خمسه اخرام ...
كدي راجعو وما في داعي نخمخم ليك
الفيديوهات وتجي بتي تديك كورس بتاع
دفينسف درايفنق ...
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: Basamat Alsheikh)
|
لكن كمان بالمقابل يا قسوم. لاحظ لبنات قناة الجزيرة السمحات في قراءة الأخبار،
يتفوقن مية مرّة على الرجال
سريعات، لماحات مقارنة بالرجال المعسمين ديك
يمكن يكون السبب في حبهن للأخبار جينياً
يمكن، ما عارف
لكن من ملاحظتي هنّ أحسن أحسن
أنا غايتو لو كانت واحدة منهن زوجتي ومع الراتب العالي دا؛ بقعد في البيت بقعد
وأزبط ليك الأكل بملح وصلصة وزيت مناسبات خالص
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: أبوبكر عباس)
|
تحياتي
تفوق المرأة في التعليم ظاهر ،من معاناتها نتج طموح جميل وسعي واثق لتحقيق مستقبل أفضل.
تخلي بعض الرجال عن أدوارهم أدخلهم في حالة من المرونة وصلت بالبعض لدرجة أن تبدلت شخصياتهم كما تتبدل خواص المادة (السيولة بعد الصلابة)
الحديث عن الحقوق يعتبر ضمن الحد الأدنى من الأخلاق
متعة الحياة في الإستمتاع بالنقص أولاً قبل الكمال..والنقد- من الطرفين - يأتي بعد دمار جزء معين من عين الرضا وما بعده يجرح ولا يُصلح.
ما بدعو للمساواة أبداً..ولا بتعصب لبنات جنسي في تقصيرهن..ولا أقدِس كمال الرجال المُدعى.
محتاجين معايير تانية تناسب شكل الحياة الحالي - في السودان - وهو شكل يحمله السوداني معه ولا يغادره إن غادر البلد.
ومحتاجين نراجع معايير الاختيار..قبل ما نسعى لخلق بيت (صراع وعيال)
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: تماضر الطاهر)
|
هلا والله بالاخ قسم الفضيل
كل سنة وانت طيب
Quote:
الحاجة الملاحظها انه النساء أقل كفاءة من الرجال من ناحية التركيز ...
مثال لذلك ...
لما تلقى ليك بت سايقة ليها عربية اصلا ما بتكون بنفس كفاءة الراجل ...
تلقاها مكنكشة في الدركسون بيديها الاتنين ومعسّمة رقبتا وغالبها تتلفّت |
ولية ما تنظر للنصف الممتليء من الكوب وأعتبرتها أقل كفاءة وما اعتبرتها تهور وعدم
إنصياع الرجال للقوانيين ؟ بنفس القدر حوادث السير بالنسبة للنساء بسيطة مقارنة للرجال
فالمراءة لا تتخطيء السيارة التي امامها الا ما ندر ولا تتجاوز في حدود السرعة القانونية .
معروف عن النساء الدقة لو سألتني عن تجربتي في اي تعاملات مكتبية لا احب التعامل معهن
لانهن دقيقات وقل ما يتجاوزن ليك اي ورقة ناقصة .
في آخر سفرياتي عبر الخطوط التركية متوجها للسودان انا وصديقي واقفين في صف وزن
العفش وتكملة الاجراءات همست لصديقي الكاونتر الفيهو البت ماعاوز امشي ليها وزني زائد
وبالفعل لمن جاء دوري وقعت عندها فارسلت لها صديقي بحكم قال هي مزه وذهبت انا لشاب
بالكاونتر الثاني ووزني زائد قرابة الاثني عشر كيلو وحنكت مع الشاب ومرر لي العفش وصديقي
وزنو زائد خمسة كيلو البت دفعتو فرق وزن وقفت ليهو الف أحمر زعلان ويسب فيها لمن وصلنا
الخرطوم وانا كبرت في نظري جدا
Quote:
كذلك في الطبيخ تفوق الرجال بمراحل كبيرة على النساء والحاجة دي انا ملاحظ ليها في
النساء الحوليني ، لو عملت طبيخ يا جابت ليك الملح زايد او كترت الصلصة
ولا طمبجت الزيت ... ...
وغير ذلك كتير ...
طبعا الكلام دا ما بصورة مطلقة ...
.
.
مجرد ملاحظة !!! |
والله شغلك دا يا قسم الفضيل ياهو زاتو بتكتح مالك وهم في نص البحر
والله الاعباء البيقومن بيها النساء يوميا لو ادوها واحد مننا شهر
واحد يامشي مستشفي الامراض العقلية يا هرب وترك البيت الله يكون في عونهن .
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: عادل الباهي عبدالرازق)
|
Quote:
تحياتي ود الباهي ...
موضوع حيوي وبنجيك راجعين بي حكم
تجربة حقيقية مع بناتي ... لكن قسيم الريد
دا ما بالغ حبتين ... هسع يا قسم كلامك دا
انا براي حسبت فيهو خمسه اخرام ...
كدي راجعو وما في داعي نخمخم ليك
الفيديوهات وتجي بتي تديك كورس بتاع
دفينسف درايفنق |
هلا بالعزيز صلاح الزبير
زارتنا البركة وكل سنة وانتم بالف خير
قسم الفضيل دا بيحب الملاوة والمكاوة ساي قبل سنيين في الفيس بهظر
مع بعض الاخوان والاخوات العارفين مسبقا تقديري للمراءة مجرد مزاح
دخلت لي صحفية ما بتعرفني بالضربة القاضية غسلتني وكوتني وتاني رجعتني
الغسالة فاااشنو قسم الفضيل دا شايف انا يوم مصيرو حيكون كدة تدخل ليهو واحدة
تبستفو زي بستيفتي ديك وقسم الفضيل المنتظرنو يقع كتااار هنا
منتظرين عودتك لتحكي لنا عن تجاربك يا حبوب
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: عادل الباهي عبدالرازق)
|
سلامات الاخ عادل
Quote: الحاجة الملاحظها انه النساء أقل كفاءة من الرجال من ناحية التركيز ...
مثال لذلك ...
لما تلقى ليك بت سايقة ليها عربية اصلا ما بتكون بنفس كفاءة الراجل ...
تلقاها مكنكشة في الدركسون بيديها الاتنين ومعسّمة رقبتا وغالبها تتلفّت |
يا قسم مسالة التركيز دي النساء يتفوقن علي الرجال ودا حسب
دراسة اجرتها جامعة لوس أنجلوس الأمريكية وجامعة مدريد الإسبانية
تبين وجود 10 فروقات اولها : تعدد المهام
المرأة “عمليات متعددة” فقد صُمم مخ المرأة لتركيز في أكثر من شئ في وقت واحد فيمكنها متابعة التليفزيون
والتكلم في التليفون أو ممارسة أعمال المنزل في نفس الوقت.
الرجل “أُحادي العملية” صُمم عقل الرجل للتركيز في عمل واحد فقط فلا يستطيع الرجل مثلا التحدث في
التليفون أثناء مشاهدة التليفزيون.
بالنسبة لقيادة السيارات قالت الدراسة:
تُستخدم المساحة التحليلية في عقل الرجل أثناء القيادة فيمكنه القيادة مسرعا والتحكم في السيارة والإتجاهات
وإذا قابله أي عائق يمكنه التفكير بسرعة وتفاديه، أما المرأة فيلزمها الوقت لإدراك وجود عائق على الطريق
والتفكير فيه.
ولكن بسبب عدم قدرة تركيز الرجل على أكثر من شئ في نفس الوقت فنجد أنه يقوم بخفض صوت
الراديو أو إغلاقه للتركيز فيما أمامه.
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: Nasser Amin)
|
كدى يا اخوانا زحّو لى من عادل ده
الواحد ما صدّق لقى ليهو سنّير مطرّف
====
حيّاك الله و بيّاك يا باهى
اها رعاية الاطفال دى ما مسئولية الزوجة
تجيب ليهم مرضعة .. تـأجر من تقوم بخدمتهم و رعايتهم ده شأن يخصك كزوج
و من اوجب واجباتك
اها تعال ورينا حقوق الزوج دى شنو
ما ترمى لينا الكلام بى صرتو و تبنى عليهو حقوق تستكرد بيها الزوجة
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: جلالدونا)
|
قسم الفضيل
مكاواتك أفظع من المكوة وبتفقع المرارة لخمسين قطعة ...اذا المرأة ما عندها تركيز ما كان ناس وكالة ناسا رسلوها للفضاء وتقود سفينة فضاء وتقضي في المحطة الفضائية ٦ شهور..وما كان ناس الخطوط الهندية خصوصا طائرة جامبو كل الطاقم من الكابتن والمشرفات والمهندسين من النساء ووضعوا بين أيديهم حياة ٥٠٠ راكب من نيودلهي إلى نيويورك ...
ولسه الكلام ما انتهى ...
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: Basamat Alsheikh)
|
الاخ منتصر عبدالباسط
طابت اوقاتك بكل خير وكل سنة وانت طيب
Quote:
مفروض يعملوا تخصصات
خاصة بالنساء
مثل تربية الطفل وكيفية تنمية الزكاء العقلي المكتسب
للطفل
وكذلك علم التغذية
ديل براهن بحر لا ساحل له
وبعد داك لا بأس لمن تريد أن تكون مع الرجل كتف بكتف
فهناك فروق فردية |
كدي ياحبوب خليهم في الاول يحسسو البنت انو التعب والسهر بتاعا
ماضاع هدر لانو لو الوضع إستمر بشكل دة حيتسلل اليأس لدي الغالبية
العظمي من الفتيات لمن تشوف الحولها تخرجت ووضعت شهادتها في
الدولاب واصبحت ربة منزل الباقيات حيقولن طيب نحن تعبانين لية مادام
نهايتها القعاد في البيت .
Quote:
فهناك فروق فردية .
علماء النفس بقولوا الفروق
الفردية أكبر بين الرجال
وعند النساء تقل الفروق الفردية
فالمعاقين عقليا بين الرجال أكثر من النساء
وكذلك العباقرة بين الرجال أكبر وبين النساء
يندر.
فالنساء درجة الوسط أكثر
وبين الرجال يحدث التفاوت أكثر.
الظروف التي سببتها فترة الإنقاذ
جعلت نسبة الخريجين من النساء أكبر
من الرجال .
لأسباب لا داعي للتفصيل فيها |
ما أختلفنا ياحبوب مع أنني ليس متخصص في علم النفس لكن مادام
متفقين لظروف ما نسبة الخريجين النساء أكبر من الرجال وديل قوة
بشرية هائلة ممكن تستفيد منها البلد لماذا بعض الازواج الواحد يشترط
علي زوجة المستقبل أن لا تعمل ، لماذا الوصايا علي النساء من اصلو
من المجتمع الذكوري .
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: عادل الباهي عبدالرازق)
|
طابت اوقاتك بكل خير وكل سنة وانتي طيبة أختي تسنيم
Quote:
معقول لسة في رجال بفكروا
بالعقلية دي!!!!!!
حياتي |
للاسف يا أختي نعم لو عملتي إحصائية سريعة حولك من بنات الاهل
والاقارب والحي الخريجات ومتزوجات معظمهن ربات بيوت ولو
ناقشتي أي واحدة صدقيني ليست جالسة في البيت برضاها .
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: عادل الباهي عبدالرازق)
|
Quote:
أحبهن جداً في مجالات الضيافة والطب ..
لا أرتاح لونساتهن في القيلولة (الشمارات) ..
وشغلة المشطات .. هناك رجال خايببن بقوموا بالوظائف الأخيرة! |
حبابك يا بريمة
وكل سنة وانت طيب وتقبل الله منا ومنكم
الحب والارتياح دا شعور داخلي وبيطراء لتغيرات كما يتغير الطقس
كدي خلينا نؤمن علي إحترام الجنس الآخر وإحترام رغباتهن في العمل
وأن يكون لها مطلق الحرية أن تواصل في العمل بعد الزواج او تجلس في
البيت بدون قيود او شروط .
الجزء الاخير من مداخلتك يبدو لي كضرب تحت الحزام لاحد الاعضاء
تداخل معك خشن في أحد البوستات لذلك لم افهم ربما لانني ليس مداوم او
لصيق بالبورد .
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: عادل الباهي عبدالرازق)
|
Quote: حيّاك الله و بيّاك يا باهى
اها رعاية الاطفال دى ما مسئولية الزوجة
تجيب ليهم مرضعة .. تـأجر من تقوم بخدمتهم و رعايتهم ده شأن يخصك كزوج
و من اوجب واجباتك |
هم لكن ما اولاد الراجل براهو
اولاد المرة برضو
الزول البعمل كدة دة ما احترم امهم نهائي
لو انفصل ما حيديها الحق تشوف اولادها
..................................................................
في ناس بقولو المرة لو مرضت ترجعها اهلها
علاقة خالية من اي مشاعر انسانية
تحياتي عادل وجلال
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: Basamat Alsheikh)
|
سلام يا عادل يا باهي فعلاً و ضيوفك الكرام
شئ مفرح ان نقرأ لسودانيين راقين، واعين و فاهمين تماماً معنى الحياة و الآخرة أيضاً. لم يخلقنا الله عبثاً، و لم يخصص عقاب للنساء و أخر للرجال
و لم يقل القرآن انه توجد جنة للنساء و أخرى للرجال، و قيامة و حساب مختلف لكل منهما. اذاً رحلة الأنسان في هذه الدنيا واحدة و ان اختلفت
بعض التفاصيل.
بعض السودانيين يفكرون بذهن منفتح و لهم نظرة واقعية جداً و عميقة.
هولاء السودانيون هم من يتغير ايجاباً و يغير من حوله، بل كل مجتمعه للأفضل،و بفضلهم ينتقل الينا اجمل ما في الحضارات الأخرى مع حفاظهم على اجمل ما تربوا عليه من قيم، يعني هم صانعو النهضة و المواكبة.
ليس أسوأ من ان يتواجد المرء بجسده فقط في بلدان تتسابق للمعرفة و لكن
يغلق عقله في الكهف الذي أتى منه، فيصبح مسخاً شائهاً .
يا استاذ عادل و صحبك الكرام
الأب الحكيم، يدرك ان العلم و العمل سلاحان مهمان لمواجهة تحديات و صعاب في عالم متقلب ليس فيه ضمانات للبنت أو الولد .
لذا أي أب محب لبناته و ابنائه سيمكنهم من كل ما يحفظ كرامتهم و ثقتهم بأنفسهم و يجعلهم صالحين.
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: صديق مهدى على)
|
.
.
.
اها يا اخواتنا/اخوانا شايفين (الكوجين) و(العواسة) العملنها البنات الفوق ديل ؟؟؟
دي صورة تيبيكال للقاعد يحصل في المطبخ والسواقة من جانب بعض اخواتنا ...
.
.
الاتحاد الاوربي لو شاف الفيديو دا ...
حا يكّرم (راموس) ويديه جائزة اللعب النظيف فور ايفر ......
.
.
| |
|
|
|
|
|
|
|
|
|
Re: شنو فائدة تعليم البنات إذن ؟؟ (Re: Nasser Amin)
|
سلامات قسم الفضيل
ياخي امشي اليوتيوب و شوف فاولات لاعبين كرة القدم ! انا لله !
لكن بالرغم من العنف و الفوضى، لا يمكن ان نحكم على الرجال كلهم بانهم عنيفين. يبدو انك من المعجبين بشراسة لاعبات كرة القدم. 😊
اما السواقة، كلما واحد شاف واحدة بتسوق، يحاول يتخطاها او يدخل على
مسارها، و كل مرة ياخد درس بانو نحن صاح مهذبات لكن لما تغلط بتاخد على راسك و الإيقو حقك كمان . ☺
المطبخ؟ ياخ يكفي انك بقيت شحط بسبب اطايب طبخ والدتكم الكريمة.
| |
|
|
|
|
|
|
| |
عادل الباهي عبدالرازق
جلالدونا
قسم الفضيل مضوي محمد
Salah Zubeir
منتصر عبد الباسط
Biraima M Adam
أبوبكر عباس
تماضر الطاهر
Nasser Amin
أيمن الفاضل
صديق مهدى على
نعمات عماد
فيس بوك
تويتر
انستقرام
يوتيوب
بنتيريست