|
Re: وحاتو هو دة هلال يومين (Re: عبدالحفيظ ابوسن)
|
امس بعد المغرب الناس دي كلها مصنقعة تعاين للسما التقول راجين هلال رمضان 😆😆😆 والهلال قاعد فوق في الجهة الشمالية يميل قليلا نحو الغرب زمن قاعد وواضح جدا الناس ترتفع اصواتهم والله دة هلال يومين والعوين شغالات وحات نظري ماكلين يوم وانا في السوق الموضوع دة وحد كل المارين والقاعدين يشترو 😆😆 الحكومة مباريه السعودية ساي 😆😆😆
| |
|
|
|
|
|
|
Re: وحاتو هو دة هلال يومين (Re: عبدالحفيظ ابوسن)
|
وانا شغال مغرزة ليهم آي ما يبارو السعودية .. دة محل الدين زاتو ومهبط الوحي هسة الكعبة وين ؟ غايتو العاقل فيهم نظر لي مندهشا وبعضهم صرف لي بركاوي وبعضهم صرف للسعودية والسودان بركاوي تقيل ومرق من الدين للسياسة ولزيادة الضغط والنجاض نحن ما علينا شئ معلقة فوق رقبة عمر البشير دي براها جابت لي جاو الجاو مر ياخ وبرمي في الشوك
| |
|
|
|
|
|
|
Re: وحاتو هو دة هلال يومين (Re: عبدالحفيظ ابوسن)
|
حليل زمن النميري طبق فينا نظريات الاثبات والنفي تبعا للموقف السياسي مرة صومنا بعد الساعة تمنية صباح رمضان ذاعوهو الصباح ومرة صومنا يوم العيد السعودية ثبتت رمضان .. وفي رمضان احتك معاهم .. ثبتو العيد وهو قال لا اكمال رمضان ثلاثين يوما انا غايتو فطرت ما صمت العيد😆😆😆
| |
|
|
|
|
|
|
Re: وحاتو هو دة هلال يومين (Re: عبدالحفيظ ابوسن)
|
اكيد الاجر بتاعنا اكبر ...
السعوديه تعلن عن راتب إكرامية لجميع موظفي الدوله في المملكة بمناسبة شهر رمضان
قطر تعلن عن اعفاء جميع المواطنين من القروض البنكيه بمناسبة حلول الشهر الكريم ،
الامارات تعلن عن راتبين لكل موظف في الدوله بمناسبة شهر رمضان
السودان يعلن زيادة في السكر والرغيف والمواصلات ويعلن مشروع الهجرة الي الله في الشهر الفضيل بالجوع ووقوف الصفوف ليذكرهم يوم الحشر ...
تحت شعار ( لا لدنيا قد عملنا ) منقول في الجنة هناك ما اشوف لي خليجي قاعد معانا من اول يوم 😆😆😆
| |
|
|
|
|
|
|
Re: وحاتو هو دة هلال يومين (Re: muntasir)
|
شوف يا منص مافي شي موقعنا في الهورب غير العاطفة الدينية الصادقة .. كون انو الحاكم بستغلها وحياة الخوة تشوف الناس بتغالتو في الاستنجاء والاستبراء تقول بعد شوية بسلو سكاكينهم ولا واحد بحل سروالو ويشرح ليهم عملي فلا حياء في الدين انت بتشوفو غلات علا الشعب كايس الجنة ولولا الصيام كان حكيت ليك نكتة كايس الجنا😆😆
| |
|
|
|
|
|
|
Re: وحاتو هو دة هلال يومين (Re: عبدالحفيظ ابوسن)
|
صديقي كمال معاذ وكنا في الثانوي العام نسو السحور والجو شتاء . نايمين جوة الاوضة وصحو متأخرين واحسو بالمواعيد ما ياها . الاوضة مضلمة . واحد داير يفتح الباب يعاين الشمش طلعت ولا لسة لحقوهو جمب خشم الباب خلو الباب مقفول وضربو سحورهم وادمدمو نامو
| |
|
|
|
|
|
|
Re: وحاتو هو دة هلال يومين (Re: عبدالحفيظ ابوسن)
|
اخ عبدالحفيظ وضيوفه رمضان كريم وانشاء الله يعود علينا وعلى البلد بالخيرانشاءالله ويرفع الغلاء واسبابو بالمناسبه الناس كملت شعبان 30 عشان الهلال بيكون من فتره وحتى دقيقتين بعد الغروب (بالحساب) ومرجح مايتشاف . . لسه بتذكر يوم النميرى الصمنا فيهو رمضان ناقص يوم (اظن صمنا 28 يوم) وصحينا صباح اليومداك قالو عيد . وبتذكر فى خطبه الجمعه الامام اتكلم عن اعتماد الحساب لتفادى اخطاء زى دى.
| |
|
|
|
|
|
|
Re: وحاتو هو دة هلال يومين (Re: عبدالحفيظ ابوسن)
|
🌜🧐أول نكتة في رمضان 😂😂😂 💫فجرتها خالتنا كبيييرة كدا ..🅰 قالوا ليها : الهلال دا كبير حق يومين !! إذن في يوم ناقص ، و أكيد ح يتعاد بعد نهاية الشهر . قالت 😏: أها دا كمان بقى امتحان كيمياء؟ 😂😂
منسوخ 😆😆😆
| |
|
|
|
|
|
|
Re: وحاتو هو دة هلال يومين (Re: عبدالحفيظ ابوسن)
|
رمضان كريم صاحب البوست و الجميع
قرأت و لأول مرة انه هناك ما يعرف بانتفاخ الهلال وردت فى بعض الأحاديث وهو من علامات الساعة و بذلك يكون ( الصيام صحيح )
تقبل الله منا الصيام و القيام
| |
|
|
|
|
|
|
Re: وحاتو هو دة هلال يومين (Re: ندى صالح الطيب)
|
كل عام وانتم بخير اقول ليك يا أبسن انا كنت متأكد أنو الصيام حيكون 30 يوم معانا موظف سعودي قبل اسبوعين قال لي رمضان 30 لأنو ما حيقدروا يشوفوا الهلال مع الغبار دا
غبار قبل 15 يوم فتأمل؟
قرأت و لأول مرة انه هناك ما يعرف بانتفاخ الهلال وردت فى بعض الأحاديث
انتي مريخابية يا ندى؟
| |
|
|
|
|
|
|
Re: وحاتو هو دة هلال يومين (Re: حمد عبد الغفار عمر)
|
حبابك ندي انا صاحب البوست 😂😂😆😆 صحيح في كلام حول ان الرسول قال بما معناه ان آخر الزمان يري الناس الهلال في ليلته ويقولون هذا هلال يومين يعني يتغالتو زي غلاتنا دة لكن حسب علمي الحديث ضعيف وحسب ما قرأت انو الهلال لم يتجاوز ما دون الخمسة دقايق وتعثرت رؤيته لكن عموما زي ما بقولو اهلنا الهلال دة بعشي عديل .. يعني الاكل بتشوفو وبقولو في هلال بمشي بخليك تشوف الدرب
| |
|
|
|
|
|
|
Re: وحاتو هو دة هلال يومين (Re: عبدالحفيظ ابوسن)
|
سلامات يا قريبك و رمضان كريم لاقاني البيان دا في الواتس
نائب رئيس مجمع الفقه الإسلامي السوداني يطمئن المسلمين بالسودان بصحة الصوم
السلام عليكم ورحمة الله وبركاته كل عام وأنتم بخير..
انا الذي اعلنت نتيجة تحري هلال رمضان وكنت رئيس اللجنة التي درست التقارير الفلكية ووقفت على الحسابات الفلكية القطعية المؤثرة في اثبات هلال رمضان. فكانت النتيجة كما يلي:
1- حصل الاقتران وولد القمر في الساعة الواحدة و48دقيقة ظهر يوم امس الثلاثاء 15/5/2018. 2- عند غروب الشمس غاب القمر في كل شرق آسيا والجزيرة العربية قبل دقيقة في مدن السعودية وقبل 2-8 دقائق في بقية بلدان آسيا ما عدا مكة المكرمة حيث مكث القمر 3.دقائق والمدينة المنورة مكث دقيقتين وصنعاء 4 دقائق. 3- عندنا في الخرطوم بعد غروب شمس امس 15/5/2018 مكث القمر 5.30 . وباتفاق علماء الفلك حسب التقارير الفلكية المختلفة من جمعياتهم ومراكز الرصد الفلكي وغيرها الرؤية مستحيلة في كل آسيا وغير ممكنة عندنا.وكذلك باتفاق الفقهاء كما نص ابن تيمية اتفاقهم على ان القمر اذا كان في ارتفاع درجة لا يرى والدرجة الفلكية تساوي 4.دقائق ارضية. ولذلك كل ادعاء للرؤية امس يكذبه الحساب القطعي وترده القاعدة الفقهية. وعليه اعلنا بعد التدقيق العلمي والفقهي ان يوم الاربعاء هو المكمل للثلاثين من شعبان وان الخميس غدا هو اول رمضان. 4- اما ظهور الهلال الليلة كبيرا فسببه امران: الاول: انه مولود من ظهر امس فعند المغرب اليوم سيكون عمر الهلال اكثر من 28.ساعة وبالتالي من البدهي والمنطق الفلكي ان يظهر جرم الهلال كبيرا. الثاني: ان من نبوءات نبينا عليه الصلاة والسلام كبر الهلال في آخر الزمان في اكثر من حديث. فارجو ان يطمئن الجميع على صحة صومنا وكل عام وانتم بخير.
أخوكم / عبدالله الزبير عبد الرحمن نائب رئيس مجمع الفقه الإسلامي
| |
|
|
|
|
|
|
Re: وحاتو هو دة هلال يومين (Re: محمد البشرى الخضر)
|
Quote: الثاني: ان من نبوءات نبينا عليه الصلاة والسلام كبر الهلال في آخر الزمان في اكثر من حديث. |
هسه دا كلام يقولو نائب رئيس مجمع فقه إسلامي؟ صحيح في أكتر من حديث عن كبر الهلال في آخر الزمان و لكن جميعها إما منكرة السند او ضعيفة. يمسك في الضعيف و يخلي حديث إبن أبي البحتري الوارد في صحيح مسلم "حدثنا أبو بكر بن أبي شيبة حدثنا محمد بن فضيل عن حصين عن عمرو بن مرة عن أبي البختري قال خرجنا للعمرة فلما نزلنا ببطن نخلة قال تراءينا الهلال فقال بعض القوم هو ابن ثلاث وقال بعض القوم هو ابن ليلتين قال فلقينا ابن عباس فقلنا إنا رأينا الهلال فقال بعض القوم هو ابن ثلاث وقال بعض القوم هو ابن ليلتين فقال أي ليلة رأيتموه قال فقلنا ليلة كذا وكذا فقال إن رسول الله صلى الله عليه وسلم قال إن الله مده للرؤية فهو لليلة رأيتموه"
وبعدين الثاني دا لا يستقيم منطقاً مع الأول. ما معقول في الأول يطلعها لينا ظاهرة طبيعية تتعلق بمنازل القمر المعروفة فلكياً و في التاني يطلعها من علامات آخر الزمان.
| |
|
|
|
|
|
|
Re: وحاتو هو دة هلال يومين (Re: احمد حمودى)
|
مرحبا ودو و حافظ غايتو بكونو شتر شتر لامن يعملو فيها عصريين وناس علم شوفو زنقو الحديث دة كيف مع علم الفلك وهو زاتو حديث ضعيف اقصد اكثر من حديث تشكر احمد الشرط هو الرؤية فإذا تعذرت فلا تثريب عليهم لكنهم حاولو تبرير تصرف لا تشوبه شائبة وفقا للعبادات بإخراجه من العبادات نفسها بقول ينم عن جهل وعدم اهلية للمنصب الديني الذي يلزم الورع والمعرفة
| |
|
|
|
|
|
|
|