|
|
|
 Re: ضهبان في مترو شنغهاي العجيب (Re: Abureesh)
|
سلامات استاذ عثمان موسي
في مرة من المرات وانا حديث عهد بكوريا ركبت المترو المفروض انزل محطة انشون اها اخوك مع التدفئة دقس لما صحيت لقيت نفسي في شنون
غايتوا لما المذيع اعلن الوصول عاينت للزمن لقيته فات والجهة اختلفت غايتوا استعنت بابو مروءة كم حطة غيرت وتأخير زي ساعة ووصلت . بعداك
تاني توبة العيون مفتحة حتي الوصول
| |
 
|
|
|
|
|
|
|
|
Re: ضهبان في مترو شنغهاي العجيب (Re: Abureesh)
|
عارف يا أبوالريش انا بتخيل نيويورك دي كوم والعالم كلو كوم .
في ملفات صبوي نيويورك صعب تضهب . وبر ضو الصبوي في نيويورك حنين .
في شنغهاي المترو أشد شلهتة و سرعة عجيبة . غايتو انت راكب في مترو شنغهاي
كأنك لاعب جناح في برشلونة . لازم تكون مفتح عيونك زي الريال . وإلا لقيت نفسك
في لفة الكلاكلة صنقعت .
| |
|
|
|
|
|
|
|
|
Re: ضهبان في مترو شنغهاي العجيب (Re: Osman Musa)
|
يا عثمان بالله خليك معقول.. ياخ كلمة صبواى نيويورك ساى تعمل للواحد ضريسا.. كركبة وازعاج التقول جار صفايح فاضية. وزحمة شنو حرم 10 من الصينيين يساووا واحد من ناس نيويورك السمان.. شفت الاناقة والنضافة والأدب.. فى كتير من عربات نيويورك إلا تتاوق بالشباك كل ما قربت من محطة عشان تقرا اسم المحطة.. ولكن فى جميع قطارات شنغهاي لا تحتاج لان الكمبيوتر مثبت قرب كل شباك. فى نيويورك لما تذاع اسم المحطة انا اقفل اضانى من النويز بتاع اللاوداسبيكر. الساوند سيستم زى بتاع سماعات الفنان السودانى. شوف وقارن نظافة العربات.. نظافة المحطات.. انضباط وادب المسؤولين.. اساسا ما فى مقارنة زاتو. امريكا بلدنا والأمريكان اهلنا لكن الحق يقال.
| |
|
|
|
|
|
|
|
|
|
Re: ضهبان في مترو شنغهاي العجيب (Re: Abureesh)
|
اظنكم ما زرتو محطة فلتون الجديدة في منهاتن ....غاية في الروعة والمعمار...
وبعدين ما ممكن تقارنوا عاصمة العالم نيويورك باية مدينة تانية في العالم....
حتى طرمبة العندو قصور عديدة في كل الولايات ومنها فلوريدا وكاليفورنيا اختار نيويورك للسكن...
وانا مرة قريت في مجلة امريكية ان افضل قطارات انفاق في العالم نيويورك وموسكو وطوكيو ....ولندن في الاخير
مع وافر التقدير والاحترام...
| |
|
|
|
|
|
|
|
|
|
Re: ضهبان في مترو شنغهاي العجيب (Re: Kostawi)
|
كوستاوي
شئ عجيب..اول مرة اعرف ان واشنطن فيها قطار انفاق ...ومرة جينا زرنا البيت الأبيض وما لقينا اي أثر لقطار انفاق...لكن لو سألنا كنا لقينا ...لكن برضه الصورة دي توضح ان المحطة نظيفة ..يمكن عشان دي عاصمة امريكا ...
مع وافر التقدير والاحترام
| |
|
|
|
|
|
|
|
|
|
Re: ضهبان في مترو شنغهاي العجيب (Re: امتثال عبدالله)
|
امتثال.. هو اسمه قطار انفاق حتشوفوه كيف!! لازم تنزلوا تحت الواطاة.. المرة الجاية نسقوا مع مولانا عبدالله ..
ويل اخ كوستاوى.. امشى شنغهاي او شينزين وصورتك دى حتبلها وتشكح مويتها.. بكرى عطل رفع الصور.
| |
|
|
|
|
|
|
|
|
|
Re: ضهبان في مترو شنغهاي العجيب (Re: Kostawi)
|
عزيزنا الفنان كوستاوي سلامات
مترو dc لابد من انو يكون أنيق . ياخ واشنطن دي هي محل الطيارة بتقوم . و ترامب بنوم .
دي وطن الفنانين العمالقة والأبطال . دي مدينة مارتن . و خلي الباقي علي الله .
ح أحاول ارسل ليك صور من شنغهاي .
| |
|
|
|
|
|
|
|
|
|
Re: ضهبان في مترو شنغهاي العجيب (Re: Osman Musa)
|
نيويورك اعشقها بشدة واحفظ قطاراتا واحوم تحت الارض واصل اى مكان رغم التحذيرات الصب واى فى نيويورك عالم مختلف فيه تشوف فيه العجب و واضح وضوح مافى زول بروح . اول سنة امشى كنت متخوفة ودرت قرو شى تكاسى من فيرست أفنيو لى سنكد اركب تاكسى لانى ما كنت عارفه البلد السنة البعدا طوالى على المحطة وعملت كرت وشلت لى خريطة وتانى ما شفت التاكسى الأصفر بى عينى ،
| |
|
|
|
|
|
|
|
|
|
Re: ضهبان في مترو شنغهاي العجيب (Re: Amira Hussien)
|
غايتو اليوم الاضطر اركب صبواى نيويورك داك اسبلو عديل والله يكون فى العوض. فئران.. ازعاج.. بوليس بعد كل شبرين. شخصيا لا اخاف منظر فئران لكن الظاهر ناس اميرة عندهم حيوانات اليفة. قضبان السكة حديد كلها زيوت وعلب ببسى وقاذروات يرموها المسافرين الكرام. وان شاء الله ما يجى قطر الصيانة ليملا المحطة ضجيج. فى الشتاء ما فى تدفئة وفى الصيف ما فى تبريد.. محطات المترو فى شنغهاي وشينزين وبيجن.. كلها التكييف مركزى ودرجة الحرارة controlled ما فى حماية للركاب من مسار القطر.. فاااتح.
فى المدن التى ذكرتها الرصيف معزول بجدار من مسار القطر.. ولما يصل القطر اولا تفتح ابوابه.. ثم تفتح ابواب الجدار.. ابواب الجدار بعدد ابواب عربات القطر ويقف قصادها بالضبط.
انا بكتب من التلفون وسوف ارفع الصور الما خمج
| |
|
|
|
|
|
|
|
|
|
Re: ضهبان في مترو شنغهاي العجيب (Re: Amira Hussien)
|
بتنا العزيزة اميرة سلامات
عدد الأيام السبعة ومن الدغش . من ندعك عيونا و ننزل علي مترو نيويورك
الذي لا ينام . 8 سنوات ومحطة ال 28 مع برودوي هي القبلة و هي المخرج .
مترو نيويورك هو الكيف . وجد يقيف عندو الكلام .
| |
|
|
|
|
|
|
|
|
|
Re: ضهبان في مترو شنغهاي العجيب (Re: Osman Musa)
|
غايتو خلينىا على غبانا لما نجى شنغهاى ، ده وصف لى حاجة جميلة لكن متعة الفوضى فى قطر نيويورك الغنا الرقيص الشكل الخوف من اى شى ملفوف جنبك الناس كلها تبعد تنزل جراند سنترال تسكع و تشترى وتغير لى قطر تانى . قطر 7 نضيف ومن لونج إيلاند سيتى فى كوينز لى جراند سنترال كلو ناس الامم المتحدة وناس قاشرة ومعطرة وشايلا شنط جميلة ،غايو ما صادفتنى الفئران
| |
|
|
|
|
|
|
|
|
 Re: ضهبان في مترو شنغهاي العجيب (Re: Amira Hussien)
|
طبعا يا ابو الريش القطارات تحت الواطة لكن فوق الواطة مفروض نكون في علامات واضحة بوجود محطة قطار انفاق..واكثر العلامات وضوحا شفناها في لندن وتشوف يافطة كبيرة مدورة وفيها خط في النص زي علامة do not enter ومكتوب بخط ولضح
underground وطبعا في نيويورك مافي داعي تسال عشان تعرف وين المحطة لانه في كل ركن في محطة وما عليك الا تتلفت يمين
او شمال وتشوف المحطة ..وزي ما قالت اميرة ما ممكن تضيع داخل المحطات ويافطات التوضيح توضح ليك كل شئ..
وبالمناسبة ارخص مواصلات عامة في الدنيا مواصلات نيويورك على الرغم من انهم كل سنة بيزيدوا سعر التذكرة ... في لندن مقسمين المدينة الى زونات وكل zone عنده سعر واذا انت قطعت تذكرة لزون معين قريب ونزلت من القكر في zone بعيد ما بتقدر تطلع من المحطة لان بوابة الخروج ما بتفتح اذا ما ادخلت التذكرة في الباب ..ولازم تدفع الفرق قبل ما تطلع...
في نيويورك تركب القطر من اول المحطة وتنزل في اخر محطة للقطر بنفس التذكرة ..بل ان هناك مواصلات مجان زي البنطون او قول المعدية البتوصل بين منهاتن وجزيرة ستيتن ايلاند..والناس تمشي مخصوص للجزيرة دي عشان تتفسح بالبنطون وخاصة في الصيف...
مع وافر التقدير والاحترام
| |
|
|
|
|
|
|
|
|
|
Re: ضهبان في مترو شنغهاي العجيب (Re: osama elkhawad)
|
"مترو نيويورك هو الكيف . وجد يقيف عندو الكلام ."
ههههههه واللاى زى ما يقولوا حب الناس مذاهب يا عثمان. بس نحن السودانيين لو الحتة ما فيها مشكلة ما بنرتاح. اتذكر زمان فى المانيا
حضر سودانى جديد.. وبعد شهر قال راجع.. قدر ما نصحناه ابى كلو كلو
قال ما ممكن ياخ .. الواحد ما يقدر يتف فى الشارع!! دى بلد شنو دى نظام وبوليس ومخالفات..
بالمناسبة القصة هذه حقيقية.
| |
|
|
|
|
|
|
|
|
|
Re: ضهبان في مترو شنغهاي العجيب (Re: الفاتح ميرغني)
|
سلام عزيزنا عثمان
ياخ ان شاء الله ما تضهب ابداً.
عايتو انا العاجبني في ميترو طوكيو، نضيف شديد ومافي زول بشخبت: تذكار من فلان!
والحاجة التانية لو في زول من ذوي الاحتياجات الخاصة، ما بيكون عندو مشكلة بيستلموه من المحطة وموظفي الـ " Subway" بكونو في انتظارو في محطتو النهائية!
[/url] [/url]
 [/url]
Tokyo Station
محبتي
| |
|
|
|
|
|
|
|
|
|
Re: ضهبان في مترو شنغهاي العجيب (Re: الفاتح ميرغني)
|
عزيزنا أستاذ الفاتح ميرغني سلامات
ياخي مافي فرق كتير بين محطة مترو طوكيو الجديدة و محطة موقف شندي الجديدة في شمبات ههههها .
عندنا هنا أهم حاجه الافتتاح . يجي المسؤول يفتتح و يكون رافع اصبعوا فوق و نافخ نفخة عجيبة . وأهم شي
يطلع في الجرايد الشغيلة . افتتح . قوليهم قوموا لفوا . عان طوكيو دي .
| |
|
|
|
|
|
|
|
|
|
Re: ضهبان في مترو شنغهاي العجيب (Re: tasneem)
|
كدا شوفى دى يا تسنيم..
ختى قوقل فى بحث الصور.. بعدين ختى العبارة دى
"china library 1.2 million books"
اظن نحن الامريكان لاعبين فى الزمن الضائع. بقينا بس
نغنى جدودنا زمان وصونا على الوطن .. والفينا مشهودة.. والصين كسحتِ
| |
|
|
|
|
|
|
|
|
|
Re: ضهبان في مترو شنغهاي العجيب (Re: Abureesh)
|
عزيزنا أبوالريش سلامات
جيت بالقطار السريع من مدينة جنان . لأحد هنا والامور باسطة . نزلت في محطة شنغهاي قريب
لي مطار صغير . وبعد دأك ركبت الصبوي خط 2 انا التوهان و الروحة جات هنا . ياخ انا عشان أصل
مطار pudong عملت تغيير 4 مرات .
| |
|
|
|
|
|
|
|
|
|
Re: ضهبان في مترو شنغهاي العجيب (Re: امتثال عبدالله)
|
الصين كاسحة وترمب يبعزق القروش فى الحروب.. امريكا تنتهى من حرب عشان تبدأ حرب جديدة والصين شغالة انتاج وبيع وتطوير اقتصادها.
الصين كانت رابع اقتصاد فى العالم سنة 2007.. 2009 فاتت المانيا وبقت التالت.. بعد كم سنة تانى فاتت اليابان وبقت التانى بعد أمريكا. بعد 6 سنوات ستعلن اكبر اقتصاد فى العالم. لو لقيتى طريقة يا امتثال حاولى اقرى كتابى
عن الصين وهو فى أمازون. طبعا عشت سنين طويلة هناك.
China, Facts Outside the Box
Mohamed Osman Ali
ISBN 978-0615884820
| |
|
|
|
|
|
|
|
|
|
Re: ضهبان في مترو شنغهاي العجيب (Re: Abureesh)
|
الكتاب عند النسمة بسمات وهي اشترت الكتاب العام الماضي من امازون ..وحقيقة انا تصفحت الكتاب بصورة سريعة بدون تدقيق لأني ما زي أميرة المترجمة وبسمات القارئة النهمة
ولكن سوف أعود لقراءة الكتاب بمزيد من التفاصيل...مع وافر التقدير والاحترام
| |
|
|
|
|
|
|
|
|
|
Re: ضهبان في مترو شنغهاي العجيب (Re: امتثال عبدالله)
|
يا كوستاوى.. بعد إذن الاخ عثمان صاحب البوست
انت معزوم عندى فى الصين شهر اكتوبر الجاى.. عشان تعرف حاجة و تريحنا شوية من مترواتك دى.. انا شبه مقيم فى شينزين.. ولحد الله يسهل السفر ممكن تقوقل بالصور عن:
Shenzhen international airport
أرب مسكين ما يارف قوة بتاء المانيا.
| |
|
|
|
|
|
|
|
|
|
Re: ضهبان في مترو شنغهاي العجيب (Re: Kostawi)
|
"برضو صناعة صينية (:) ورق غلاف كتب (:)"
ههههه. قالوا الما بتحصلها اجدعها بشنو كدا ما عارف
يا زول انا كلمتى تهد الجبل والدعوة قايمة.. واقول ليك حاجة تانية وانت الرسام
حازورك مدينة الفن التشكيلي فى شينزين.. فيها حوالى الفين فنان تشكيلة
وأى لوحة لبيكاسو او دافنشي او او اى من الشماسة التانين تلقاها على كنفاس وبالالوان الزيتية الخالق الرازق. لو قدرت تفتش قوقل بالصور برضو
المدينة اسمها دافين Dafen oil painting village
ترجع امريكا وعندك مؤونة 10 سنة من الالوان والفرش والكنفاسان المختلفة.
| |
|
|
|
|
|
|
|
|
|
Re: ضهبان في مترو شنغهاي العجيب (Re: Kostawi)
|
عزيزنا الفنان كوستاوي سلامات
من الصور التاريخية للعاصمة السودانية المثلثة تبين العظمة و المدنية . رجعنا يااخي
زي الف سنة . أرجو وضع الصور عشان الناس تعرف كيف كانت البلاد قبل زحف الجراد هههها
| |
|
|
|
|
|
|
|
|
|
Re: ضهبان في مترو شنغهاي العجيب (Re: Osman Musa)
|
مترو دبى نظيف وجميل وفيهو مقامات يعنى فى عربية دهبية اغلى سعرا وتضمن فيها حصولك على مقعد ، فيهو فخامة لكنو بطئ وممل وأسماء المحطات خاليه من الجرس والفن ، الخور ، داماك العقارية الخ
| |
|
|
|
|
|
|
|
|
|
Re: ضهبان في مترو شنغهاي العجيب (Re: Abureesh)
|
مترو الانفاق في موسكو هو واحد من المشاريع المعمارية الأكثر دقة في الاتحاد السوفييتي ، حيث اعتمد تصميم محطاته على الجمال الذي يفوق التوقع .
وتأتي محطة ساحة الثورة المركزية من المحطات المبهرة بإعتبارها قصر للشعب ، وقد شيدت بالجدران الرخامية العاكسة ، والثريات الباهظة والسقوف العالية المزخرفة باجمل اللوحات الفنية .
https://www.0zz0.com
https://www.0zz0.com
| |
|
|
|
|
|
|
| |
Osman Musa
Abureesh
محمد المسلمي
Kostawi
Amira Hussien
osama elkhawad
الفاتح ميرغني
مدثر صديق
فيس بوك
تويتر
انستقرام
يوتيوب
بنتيريست