|
|
|
 Re: ناس النصيحة في المنبر (Re: محمد المسلمي)
|
يقولوا الظرفاء:
المستنير
الحلوين:
المستنير
الوجهاء:
المستنير
النصيحة:
المستنير
أخجلتم تواضعنا
أختلف معك في نصيحة الملك الواضحة؟؟
الملك رجل دبلوماسي سياسي
بختها ليك
لكن أبداً ما واضحة
أضف للستتك علي دفع الله حينما يكون المنصوح غير شيوعي
| |
 
|
|
|
|
|
|
|
|
Re: ناس النصيحة في المنبر (Re: محمد المسلمي)
|
| Quote: يقولوا الظرفاء: المستنير الحلوين: المستنير الوجهاء: المستنير النصيحة: المستنير أخجلتم تواضعنا |
ولو قلنا الانسانية ( تشمل اشياء كثيرة لو كنت صوفي كان بقوك ولي كامل ولو سلفي لكنت شيخنا حفظه الله )وحب الخير للآخرين وتكتب السهل الممتنع الذي يجعل من يعشق الكتابة متابعتك الف مليون سلام
| |
|
|
|
|
|
|
|
|
|
Re: ناس النصيحة في المنبر (Re: محمد المسلمي)
|
سلام يا مسلمي
الكيشة دا طبعاً كدا بترفعوا ليه معنوياته
هسع بكون متكيّف كيف شديد
...
قبل كدا علي دفع الله قال ليه بتشبه أمير بوب ، صاحبك بقي يتكشّم زي نار القصب
و بكون قشر بي صورتي 😂
...
الزول التعبان دا الناس عاملة ليه هيلمانة ساي
و عينتو دي أنا بطقطقا عادي و هو عارف كدا ... والله صحي !
...
تحياتي
| |
|
|
|
|
|
|
|
|
|
Re: ناس النصيحة في المنبر (Re: امير بوب)
|
Quote: قبل كدا علي دفع الله قال ليه بتشبه أمير بوب ، صاحبك بقي يتكشّم زي نار القصب
و بكون قشر بي صورتي |
هههههههه
يا بوب ياخي صورتك زاتا قلنالك شبح زيك واحد ، ظهرت لثواني معدودة ثم اختفت
في ناس شافوها وواحدين قالو شفنا الشافا 
المستنير زول وجيه وبشبه المبدع الراحل العميري
المسلمي سلام يغشاك
| |
|
|
|
|
|
|
|
|
|
Re: ناس النصيحة في المنبر (Re: محمد المسلمي)
|
| Quote: الكيشة دا طبعاً كدا بترفعوا ليه معنوياته هسع بكون متكيّف كيف شديد ... |
يادكتور امير بوب سلامات ..ياخ المستنير ده غايتوا عنده مقدرات كتابة تؤهله اي شي في المنبر ده يكون الاول مكرر غير الحاجات التانية غايتوا لو الإيمانيات حقته ظبطت ده ممكن يكون المهدي المنتظر حق الشيعة زاته 🤣لكن علي قول الصوفية لو ماعمل كدي كان يطير عديل 🤣🤣
| |
|
|
|
|
|
|
|
|
|
Re: ناس النصيحة في المنبر (Re: محمد المسلمي)
|
يا مسلمي عليك الله ياخ ما تشكّر لينا الراكوبة في الخريف !
الزول دا قالوا لابس ليه عِرق محبّة جابو زمان من تمبول عشان الجكس
يبدو إنّو العِرِق ما جاب نتيجة غير في المنبر دا 😂
...
أنا في تقديري هو مستواه فوق الوسط
اما خزعبلاته الدينية الفطيرة دي ، حلها بسيط ، اربطوه في مسيد الشيخ الكباشي
و يتركب بسطونة زي السم ، بعد داك كثافته بتجي
و ح تلقي سبحتو لالوبة .. صدقني !
...
تحياتي
| |
|
|
|
|
|
|
|
|
|
Re: ناس النصيحة في المنبر (Re: عبدالحفيظ ابوسن)
|
Quote: هههههههه
يا بوب ياخي صورتك زاتا قلنالك شبح زيك واحد ، ظهرت لثواني معدودة ثم اختفت
في ناس شافوها وواحدين قالو شفنا الشافا
المستنير زول وجيه وبشبه المبدع الراحل العميري
المسلمي سلام يغشاك
|
ياهيثم غالي سلامات . غايتوا دكتور امير بوب ده هو المستنير في الشبه فولة وانقسمت 🤣 لكن المستنير لمباته كثيرة رغم كتابته هنا حتي الان فائت الناس مسافة .ودكتور امير بوب ده قريب بنزل لي صورة سيلفي معاه هنا المافي شنو 🏃🏿🏃🏿غايتوا بعدين لازم تكتب انه انسان بشحمه ودمه وليس كما يعتقد الفلول 🤣🤣
| |
|
|
|
|
|
|
|
|
|
Re: ناس النصيحة في المنبر (Re: محمد المسلمي)
|
Quote: سلم حبيبنا محمد المسلمي ..
شاكر حُسن ظنكـ ..
|
الاستاذ جمال ود القوز سلامات الكتابة رسالة يجب ان تكون من منظار واحد وانت كذلك حسب متابعتي للمنبر وماتكتبه فيه لك مني الف تحية
| |
|
|
|
|
|
|
|
|
|
Re: ناس النصيحة في المنبر (Re: محمد المسلمي)
|
ههههه
هيثم غالي ياخ أبتبالغ أبتشز !!
مستنير شنو كمان في الصقط دا
أنا غايتو خارتو ليك وجاهة و طقطقة
بس ما بقدر اعمل شيء مع حجاب المحبّة اللابسو دا
...
قبل كدا تمت دعوته للمباهلة و زاغ !!
أها !!
| |
|
|
|
|
|
|
|
|
|
Re: ناس النصيحة في المنبر (Re: امير بوب)
|
المستنيز ظريف وحناك ووناس وزول نصيحة وأي حاجة .. لكن في حتة وجيه دي عصرتو علينا شديد
يا أمير بوب علي دفع الله ما بكون قاصد شبه شكل بكون قاصد شبه استنارة وفنيات .. يعني زي لما تقول في شبه فني بين ود الأمين وراغب علامة
| |
|
|
|
|
|
|
|
|
|
Re: ناس النصيحة في المنبر (Re: أحمد محمد عمر)
|
يا احمد عمر كدا انت عصرت علي أنا لما تقول شبه إستنارة
مستنير الجن دا براهو نصّب نفسه مستنير ، يعني شغل عضل ساي
لاكين فعلياً تلقاهو إمكانياته عادية بس هو بعمل ليها شوية بهرجة
...
علي دفع الله لما شاف صورتي المرة الفاتت ، قال لي بتشبه المستنير
طبعاً دمّرني عديل كدا و عمل لي نفسيات ، لاكين كيشتي داك إتكيّف شديد
لأنو أب شنباً بُرادة مغنطيس رفع ليه معنوياته !
...
ظرافة المستنير زي ظرافة صلاح غريبة 😂
و الاختلاف بينهم ما اختلاف نوع ، بل مقدار !!
...
تحياتي للجميع و لبتاع السواسيو دا 😂😂
| |
|
|
|
|
|
|
|
|
|
Re: ناس النصيحة في المنبر (Re: امير بوب)
|
ياخ المنبر كلو ناس نصيحة طيب كفار قريش منو؟ ياخ نسيت الطريفي زول النصيحة زاتو كما نسيت الشيخ السيد أخوك من جا راجع سمو فاير في شاي بي لبن في دافوري بخش يدلي بالبقدروا عليه الله
| |
|
|
|
|
|
|
|
|
|
Re: ناس النصيحة في المنبر (Re: muntasir)
|
الحبيب ود المسلمي تحياتي
والله اكتر زول نصحتو يتمرحل في مراحلو من المعارضة للموالاة الباهت صاحبك قريمان وعملت ليه بوست عسى ولعل يفوق من سكرة الهيلامنا بتاعة ابلة تراجي .
لكن يظهر نصيحتي ليه ما قدر يستوعبا .وراسو والف سيف يواصل سقوط ودونك جميع مواضيعو الطارحا كلها لا طعم لا ريحة زي الزول الفكت منو السكرة وقام دبل ليها تاني😂
كفيلتو تراجي اتمرحلت لامن بقت شخصية قومية وفق الاستاندرد الكيزاني واهو شوفها هسي في كندا شغالة زي هنوية الدرويشة في سوق سنار يفكوها من الرقيص تتدردق بالواطة .
هسي انت يا مسلمي مش كوز 😂😂😂 وقوش صاحبك لكن زول نصيحة والبوست بتاعك يوم العصيان كان بوست صادق مما اضطر ود الباوقة يقلع منك لقب شيخي المسلمي😂😂
يا بوب اقيف علي حيلك انت بتشبه المستنير بجامع النخرين في كل ههههههه
الغريبة المستنير قال جدو العباس ههه لكن انت شكلك جدك ابادماك
تحية ومودة
| |
|
|
|
|
|
|
|
|
|
Re: ناس النصيحة في المنبر (Re: MOHAMMED ELSHEIKH)
|
محمد المسلمي
قلت في نفسي يا ربي انا المقصودة!!
واعتبر من قائمة ناس النصيحة من قبل احد فطاحلة المنبر العام ورواده!
واذا كان الامر كذلك فلك الف الف شكر، وبصراحة شعرت بشئ من الفخر
وان لم يكن فامنيتي ان اكون من ناس النصيحة.
مع وافر التقدىر والاحترام والامتنان
امتثال عبد الله
| |
|
|
|
|
|
|
|
|
|
Re: ناس النصيحة في المنبر (Re: امتثال عبدالله)
|
الابنة الزميلة امتثال عبدالله سلامات
انت المقصودة وليس هنالك مقصود باسم امتثال محمد عبدالله ( اسف للخطا )
منذ تسجيلك هنا قد كنت زولة نصيحة ولم اشهد انك خالفني ذُلك موفقة حيث ماكنتي
| |
|
|
|
|
|
|
|
|
|
Re: ناس النصيحة في المنبر (Re: محمد المسلمي)
|
طلعت كم قائمة كدا والله زعلنا اننا مافيها
وجهاء المنبر
احلى زول في المنبر
ظرفاء المدينة
هههههه
لكن والله دي أهم قائمة (ناس النصيجة)
عوضتنا ياشيخ محمد الله يبرد عليك هههه
ربنا يجعلنا دائما اهل نصيحة ،،
| |
|
|
|
|
|
|
|
|
|
Re: ناس النصيحة في المنبر (Re: عبد اللطيف بكري أحمد)
|
ابعمة علي دفع الله سلام
انت عارف عندنا عمنا الراحل عثمان ود الحسن ودالنجومي عليه رحمة الله
منذ نشأته وفي مرضه وفي اي حال من الأحوال العمة في الراس ولبس العمة
نوع من انواع الشهامة والمروءة .. اها انت فت المستنير والجماعة 1000لمبة
استنارة من ناحية اهلنا الكبار
انت عارف مثالة المناصحة دي عندها باب كبير في الفقه لكن ده واجب ومعيار
المفروض الكل يسعي اليها ..المهم نعمل الذي نومن به دون الخوف من احد ..
ود الباوقة نزع لكن رجع بسرعة 🤣🤣 شايف المستنير هبشك قال مرات
بجيك لحظة كيزانية تقيف مع الشوايعة
| |
|
|
|
|
|
|
|
|
|
Re: ناس النصيحة في المنبر (Re: Abureesh)
|
Quote: الف شكر لابن سلالة شيخنا الكباشي
على هذه الثقة,
بس ختيتني بعد المستنير,
دحين ماعصرت على |
الاخ المهندس محمد الشيخ سلام . النصيحة حارة بس بدور صاحب مبدأ وكمان يكون فارس ... خلاص في البوست القادم نعملك الاول مشترك
| |
|
|
|
|
|
|
|
|
|
Re: ناس النصيحة في المنبر (Re: محمد المسلمي)
|
منتصر سلامات
السيد اخوي موجود والطريفي النصيحة خلاها زمان في سنة 2011 جاء شايت ساهي مو عارف الحاصل شنو
وصرف من التقيل غايتوا الدنيا كانت اخر ليل وعند بكري صباح بدر ي قام حذف البوست وعمل اللازم !!!!
-----
البوست ده ناس النصيحة الحقيقية حسب ما اري
فيهم ناس انا ما قاعد أشارك معاهم زاته بس
شايف طريقهم
| |
|
|
|
|
|
|
|
|
|
Re: ناس النصيحة في المنبر (Re: محمد المسلمي)
|
| Quote: طلعت كم قائمة كدا والله زعلنا اننا مافيها وجهاء المنبر احلى زول في المنبر ظرفاء المدينة هههههه لكن والله دي أهم قائمة (ناس النصيجة) عوضتنا ياشيخ محمد الله يبرد عليك هههه ربنا يجعلنا دائما اهل نصيحة ،، |
سلام الاخ الاستاذ عبداللطيف بكري لعلك بخير ..غايتوا معيار النصيحة والوضوح حسب ما اري فانت اهل له وممكن زيادة غير ذلك ماحصل شفت منك الا الراي الواضح ..معيار الوجهاء والظرفاء حسب علاقتك مع صاحب البوست ومايراه هو .. وهنا يوجد ناس ليس بيني وبينهم اي معرفة في الكتابة او قروبات أنس وصداقة في الواقع بس ما اري انه زول نصيحة اكتبه
-----
بس شايفك زمان هنا صنفوك في قايمة الشيعة 🤣🤣🤣
| |
|
|
|
|
|
|
| |
محمد المسلمي
أبوبكر عباس
اسامه العريفي
عبدالحفيظ ابوسن
جمال ود القوز
علي دفع الله
MOHAMMED ELSHEIKH
محمد علي البصير
Abureesh
فيس بوك
تويتر
انستقرام
يوتيوب
بنتيريست