|
كتب الكاتب الفاتح جبرا المتوفرة بمعرض الدوحة
|
|
 Re: ندعوكم لمشاهدة - قلة ادب - وزير النفط السود (Re: عمر دفع الله)
|
هههههههه فاقد تربوي ... ان شالا نفقد كلنا ...
Quote: ســـيرة ذاتيـــة
معلومات شخصية:
الاسم : د.عبد الرحمن عثمان عبد الرحمن فضل
تاريخ الميلاد : 10/2/1942م
مكان الميلاد : ولاية الجزيرة – رفاعة
ملخص السيرة الذاتية:
خريج الهندسة الميكانيكية جامعة الخرطوم 1967م بكلاريوس مرتبة
الشرف الأولى ودكتوراه جامعة بيرمنجهام – انجلترا 1974م. استاذ للهندسة
الميكانيكية كلية الهندسة جامعة الخرطوم ومنسقاً لشهادة الهندسة الزراعية
وسكرتيراً لمجلس الكلية ورئيساً للجنة الامتحانات حتى سبتمبر 1981. التحق
بشركة بترول ابوظبى الوطنية (ADNOC) مصفاة الرويس رئيساً لقسم التطوير
الهندسي مسؤولاً عن التصميم والشراء والعقود والتنفيذ لأكثر من اربعمائة
مشروع صغير وعشرين مشروعاً كبيراً وذلك خلال ثماني سنوات بما في ذلك
توسعة للمصفاة من 120.000 الى 220.000برميل في اليوم. كما شارك في وضع
نظم العمل وحدود التفويض وهياكل العمالة. اكتسب خبرة جمة في مجالات
الادارة والعقود والمفاوضات والامن والسلامة .
في عام 1989م استدعته الحكومة السودانية ليقود المؤسسة العامة
للبترول خلال فترة عصيبة من شح الموارد وكثرة الحاجة وقلة ذات اليد
والتطلع الى استخراج البترول المكتشف منذ عام 1978م في جنوب وغرب البلاد.
قاد عملية التخطيط والمفاوضات التى أفضت إلى خروج شركة شفرون بطريقة
سلمية وترخيص بعض من مساحتها لشركات أخرى أدت في عام 1996م إلى
إنتاج24000 برميل فى اليوم.
وبعد حل المؤسسة العامة للبترول في 1994م أسس شركة بن برخياء
المحدودة للعمل في مجالات الطاقة والبترول استشارة وتدريباً للقيادات
العليا والوسيطة.
عمل مفاوضاً عن شركة ستيت بتروليوم لحل النزاع بينها وبين وزارة
الطاقة والتعدين وصولاً إلى مذكرة أنشئت بموجبها مجموعة العمل في
الحقول1/2/4 . وذلك خلال ثلاثة أشهر من يونيو إلى أغسطس 1996م .
في سبتمبر 1996م استدعته الحكومة مرة أخرى لتكوين مجموعة من
الشركات في الحقول 1و2و4 وبنجاح تكونت المجموعة. استمر في قيادة فريق
العمل من وزارة الطاقة والتعدين حتى ترسية جميع العقود لتنفيذ المشروع من
الإنتاج والنقل وميناء التصدير. ترأس خلالها المجموعة ولجنة عمليات
المنبع ولجنة عمليات المصب وفريق التنسيق والتصديق الحكومي.
المؤهلات العلمية:
1974م دكتوراه هندسة ميكانيكية جامعة بيرمنجهام - انجلترا .
1971م ماجستير مؤهل للدكتوراه جامعة بيرمنجهام - انجلترا .
1967م بكلاريوس هندسة ميكانيكية مرتبة الشرف الأولى - جامعة الخرطوم .
1961م الشهادة الثانوية السودانية الدرجة الأولى - مدرسة حنتوب الثانوية .
سجل التوظيف:
فبراير 1994م حتى تاريخه:
استشاري في مجال البترول والطاقة وإدارة المشروعات والهندسة .
رئيس مجلس إدارة شركة بن برخياء المحدودة في أكتوبر 1994م .
أجرى دراسات متعددة وبرامج مختلفة في مجالات البترول والطاقة
وزارة الطاقة والتعدين - مستودعات الغاز الجيلي.
الدراسة الأولية لمصفاة في تشاد - شركة ستيت بتروليم .
دراسة خط الانابيب الصادر - شركة خطوط أنابيب البترول السودانية.
شارك في تقييم أصول مؤسسة النفط السودانية .
وضع الهيكل الوظيفي لشركة سودابت .
التدريب:
منذ إنشاء مركز التدريب "بريف" عمل مديراً له ومتخصصاً في تطوير قدرات
الإدارات الوسيطة والعليا وإعداد الكفاءات الوسيطة لتولي الإدارات العليا
في برامج متكاملة شاملة وذلك بالعمل الشخصي والتعاون مع مؤسسات تدريب
عالمية معترف بها:
حسابات البترول ومراجعتها .
اتفاقيات قسمة الإنتاج والنقل عبر خطوط الأنابيب .
إعداد العقود واداراتها .
حل النزاعات .
تصميم خطوط الأنابيب .
تصميم واختيار المضخات .
تصميم الخزانات والمبدلات الحرارية وخزانات الضغط.
الصمامات (البلوفة) .
القلايات .
برامج السلامة الأولية .
مراقبة السلامة .
السلامه عند عمليات اللحام .
سلامة الربط والرفع والتوجيه في الرافعات .
أعمال أخرى:
رئيس مجلس إدارة شركة دانفوديو لخدمات البترول .
رئيس مجلس إدارة شركة Tri-Ocean للاستكشاف والإنتاج النفطي .
عضو مجلس إدارة شركة سودابت وزارة الطاقة والتعدين .
عضو مجلس كلية هندسة وتكنولوجيا النفط - جامعة السودان للعلوم
والتكنولوجيا.
مستشار شركة ستيت بتروليم ثم شركة تاليسمان للبترول حتى ديسمبر 2002م.
مستشار شركة لندين للبترول حتى ديسمبر 2003م.
مستشار السيد وزير الطاقة والتعدين وعضو المجلس الاستشاري لوزير
الطاقة والتعدين.
عضو المجلس الاستشاري لوزير الاستثمار.
يونيو 1996 حتى سبتمبر 1996م:
مستشاراً لشركة استيت بتروليم للتفاوض مع وزارة الطاقة والتعدين للتوفيق
بينهما لمعالجة إنذار الوزارة لإنهاء عقد التنقيب في المربعات المرخصة
لها (1 ، 2 و4). الوحدة - هجليج وكيكانيج. تم التوفيق بينهما بنجاح تام
أدى الى تكوين مجموعة عمل "CONSORTIUM" لمشاركة الشركة في الاستكشاف
والإنتاج والتصدير.
أكتوبر 1996م حتى نوفمبر 1996م:
تكوين مجموعة عمل التنقيب للمربعات 2,1 و4 : طلبت وزارة الطاقة والتعدين
خدماته لتكوين مجموعة عمل مع شركة ستيت حسب الاتفاق المبرم في اغسطس
1996م منذ البداية وحتى نهاية ترسية العقود. تم خلالها :
توجيه الدعوات للشركات المفضلة . ترتيب عرض المنطقة وبياناتها
الفنية والسياسات الحكومية والاحوال الامنية والاجتماعية وخواص الحقول.
وضع استراتيجية العمل والبدائل المتاحة .
إدارة الاجتماعات والتفاوض ممثلاً للحكومة .
فرز العروض .
إدارة المفاوضات بين شركة ستيت والشركات المؤهلة للمشاركة .
تكوين المجموعة.
إدارة الجلسات لوضع الاتفاقية المرحلية لإدارة العمليات البترولية .
انتهى هذا العمل في 29 نوفمبر 1996م
ديسمبر 1996م حتى فبراير 1997م الاتفاقيات:
بعد تكوين المجموعة وتوقيع الاتفاقية المرحلية إدارة العمليات البترولية.
وضع الجدول الزمنى للمفاوضات والتوقيع على الاتفاقيات النهائية:
1- اتفاقية قسم الإنتاج PSA .
2- اتفاقية خط الانابيب وميناء التصدير COPA .
3- اتفاقية إجارة الارض ومسار الخط LEASE .
4- اتفاقية الشراكه SHARE HOLDERS .
ترأس وفد الحكومة وقيادة المجموعة CHAIRMAN OF CONSORTIUM and
GOVERNMENTREPRESENTATIVEوتكلل العمل بالنجاح والتوقيع على التفاقيات حسب
الجدول المتفق عليه في الأول من مارس 1997م.
ديسمبر 1996م حتى ديسمبر 1997م إدارة العمليات البترولية:
تولى نيابة عن وزارة الطاقة والتعدين قيادة العمل حسب الاتفاقيات المبرمه:
1- رئيس الكونسورتيوم CONSORTIUM .
2- رئيس لجنة ادارة العمليات المنبع JCC - EPSA .
3- رئيس لجنة ادارة عمليات المصب JMC - COPA .
4- رئيس فريق عمل الوزارة للمراقبة والتصديق PCT لمشروع خط الانابيب
وميناء التصدير وتطوير الحقول.
ديسمبر 1989 – يناير 1994م المؤسسة العامة للبترول – وزارة الطاقة والتعدين
بإستدعاء رسمي من حكومة السودان لدولة الامارات العربية المتحدة عاد
للوطن مديراً عاماً للمؤسسة العامة للبترول والتي تم حصر كل انشطة
البترول المفرقة على عدة ادارات تحت ادارتها
الاستكشاف والانتاج
التكرير
النقل وخطوط الانابيب
الاستيراد والتوزيع
الترخيص والتسعير
تلك فترة قلت فيها الامكانات المادية والمساعدات الاجنبية واشتدت الضغوط
الخارجية واستعرت الحرب وازدادت الاحتياجات واستنت الحكومة الاكتفاء
مساراً وعملت المؤسسة تحت ظل هذه المؤثرات لتوفير الاحتياجات العاجلة
والتخطيط للمستقبل.
الامدادات:
بالتعاون مع وزارة المالية وبنك السودان بذل جهد كثيف لتوفير الامدادات
البترولية لتغطية كافة الاحتياجات وذلك بتوفير النقد والتعاقد وتحسين
النقل والتوزيع وضبط السوق السوداء بالتوفير الدائم واتباع نظام مؤسس
للتموين ازيل بعدها شيئاً فشيئاً.
التنسيق مع وزارة المالية وبنك السودان والبنوك التجارية لتوفير
النقد الاجنبي للإستيراد.
وضع الخطط لإزالة الاختناق في التوزيع خاصة عند المحطات.
المفاوض الموكل من قبل الحكومة للتفاوض مع شركة شل لشراء نصيبها
من مصفاة بورتسودان.
المفاوض الموكل من قبل الحكومة للتفاوض مع شركة توتال - فرنسا
لشراء نصيبها في شركة توتال للتوزيع - النيل للبترول.
رئيس مجلس ادارة مصفاة بورتسودان.
رئيس مجلس ادارة شركة النيل للبترول - توتال سابقاً.
الاستكشاف والانتاج:
كان لابد من توفير المخرج الدائم وذلك باستخراج البترول المكتشف منذ عام
78 في غرب واواسط الجنوب
مراجعة اتفاقية شركة شيفرون وتحديد نقاط الضعف والتفاوض.
ترأس مجموعة التفاوض خلال عملها الذي دام قرابة الثمانية عشر شهراً.
قيادة التفاوض مع شركة شيفرون والاتفاق في أكتوبر 1992م على
خروجها بصورة ودية .
وضع اتفاقية جديدة نمطية معدلة من كافة الاتفاقيات السابقة ضماناً
لحقوق البلاد وتفادياً للإخطاء السالفة.
وضع الخطط لإستخراج الخام المحلي المكتشف من قبل شركة شيفرون
منذ 1983م لحقلي هجليج والوحدة .
مراجعة خطط تطوير حقل هجليج تحسباً لإيجاد التمويل اللازم.
قيادة التفاوض مع شركة ستيت بتروليوم حتى التوقيع على الاتفاقية
في 29 أغسطس 1993م .
متابعة العمل حتى حل المؤسسة العامة للبترول وترك العمل في
منتصف يناير 1994م
(انتجت شركة ستيت بتروليوم 24000 برميل في اليوم من حقل هجليج في 25 يونيو 1996).
|
| |
 
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: كمال عباس)
|
بالغت يا صلاح..
هسي ايرادك للسيرة الذاتية للوزير قليل الادب دا
مدح ولّ ذم ؟
( وهنا فإن عدم ولوج باب التعليم النظامي ، قد لا يكون عنصراً يجعل من الفاقد التربوي طاغياً في مجتمع ، بل قد يكون التعليم النظامي
نفسه غير قادرٍ على إخراج طائفة من مجتمع الفاقد التربوي ، وهذا ما يجعل المثل الشعبي ، مثلاً صادقاً بأن « القلم لا يزيل بلماً » .
والفاقد التربوي ، ليس من شروطه أن يكون غير قادرٍ على القراءة والكتابة ، بل قد يلحق شخص بشريحة هذا الفاقد ، إذا كان حظه من
التأديب متواضعاً ، أو كسبه من الخلق الرفيع ، لا يمكنه من ممارسة السلوك الحسن ، والمعاملة وفقاً لمقتضيات الإحسان ، ورفعة الأذواق ، وطهارة اليد ، واللسان . )
.... فهمت يا صلاح ؟
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: كمال عباس)
|
| Quote: العلم والتاهيل ان لم يصحبه سلوك متحضر ولغة نقية - علمية وموضوعية يصبح بلا معني |
تحياتي اخ كمال ....
وين السلوك الما متحضر ووين اللغه الما
علمية وما نقية ... كدي ارجع اسمع الشريط
مرة تانية ... بس يكون في علمك انهاء
المحادثة ممكن يكون لاي سبب خارج
ارادة الطرفين ....
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
لك التحية صديقي ود الزبير وليك وحشات .
يعني سلوكه عاجبك ؟ من غلاط ولف ودوران ؟ وعدم شفافية
وردود مقنعة ؟
وين السلوك الما متحضر ووين اللغه الما علمية وما نقية ...
كدي ارجع اسمع الشريط مرة تانية ... بس يكون في علمك انهاء
المحادثة ممكن يكون لاي سبب خارج ارادة الطرفين ....
غايتو مصيبتنا يعزوا فيه يشهد الله !
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
Quote: لك التحية صديقي ود الزبير وليك وحشات .
يعني سلوكه عاجبك ؟ من غلاط ولف ودوران ؟ وعدم شفافية
وردود مقنعة ؟ |
ليكي الف تحية بت عمسيب ...
لمعرفتي الشخصية بالرجل باكد ليكي انكم
بهتوهو بهتان باين .... ارجعو للشريط وورنا
وين السلوك الما عجبكم ووين قلة اللدب.
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
Quote: ويا باش مهندس في مسؤول يرد السؤال بسؤال ؟
والمذيع يقول له ياخ أنا البسأل وما دوري أجاوب الحكومة هي التجاوب . |
الطاهر التوم يعلم تماما" ان مهمة وزارة
النفط تنتهي بتوفير كمية المحروقات ....
يبقي من البديهي ساعة اعداد مثل هذا
البرنامج ان تدعو جميع الاطراف التي
لها علاقة ... يعني ما ممكن تسال وزير
السياحه عن تفشي البنقو وسط الطلاب
وتقول لي ما كلو حكومة .....
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
سلام صلاح البنقو من المحروقات يسأل منه زولك ده ذاتو أما وزير السياحة يسأل عن الدعارة مناصفة مع وزير المواصلات لأنه زهير قال رجعت الدعارة المتحركة أو المتنقلة ،دي إضافتي في مسألة إدارة الأزمة هسع السأل الوزير ده صحفي كوز لو سألوا مواطن كان جقدو ولا رقد ليه بي طوبة
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Mustafa Mahmoud)
|
Quote: مفهوم الفاقد التربوي
نقصد بالفاقد التربوي: حجم الفاقد من التعليم نتيجة الرسوب أو التسرب في أي صف من الصفوف ولأي سبب من الأسباب؛ سواء بتكرار بقاء الطالب بأي صف من الصفوف لأكثر من سنة دراسية أو ترك الطالب للمرحلة التعليمية في أي صف من الصفوف دون نيل الشهادة. أو لم يجد من هم في سن المدرسة الفرصة في الالتحاق بالتعليم، وهذا التعريف تبنته الدارسة في معالجة الموضوع. كما يعرف الفاقد التربوي أيضا بأنه مجموعة ما يفقده النظام التعليمي جراء الرسوب أو التسرب ولهذا للفاقد آثار واضحة على البيئة التربوية والاجتماعية والاقتصادية، كما يعرفه آخر بأنه يطلق على الأطفال الذين درسوا جزءًا من التعليم النظامي ثم تسربوا من الفصول الأولى والمدارس الأساسية أو الثانوية، وكذلك الأطفال الذين هم في سن المدرسة ولكنهم خارجها لأسباب سياسية واقتصادية واجتماعية وهم اليافعين الذين تقع أعمارهم من «9- 14» عامًا. |
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
Quote: الراجل لم يتفوه بكلمه
واحده فيها قلة ادب لتنصر عنوان بوستيك
لو كان المتداخل عمر دفع الله هيمسلف لسمعنا
العجب عند استفزازات الطاهر التوم التي
غابت عن تقديركم. |
المنبر ده بقي علاقات عامة، اي واحد عندو قريبو وزير متقنطر علي رؤوس الغلابة يجو اهلو يبرروا ليهو.
قبال كم يوم عمر دفع الله كتب او دكتور مصطفي محمود كتبوا عن الكوز المافون علي الحاج صاحب القصر العشوائي وعن فساده وسكوته المخزي جو الغرابا ناطين لمصطفي محمود شايلين ( قفة) احزانهم المعهودة ليييه عشان غرابي وما تلاها من هرطقة. عمر دفع الله كتب عن السيسي المسكين الذي باع اهلو وسكن الخرطوم في قصر ثمنه في الغالب دماء اهلو، لا املك دليل علي سرقته ولكن سكوته وصمته المريب وهو داخل قصر فأر افريقيا مخزي ومشين واهلو يلتحفون الارض في معسكرات الذل والهوان برضو جو الغرابا بنغمتهم المعهودة،
يا ود الزبير ايوه وزيرك وقريبك قليل ادب في عدم جوابه علي السؤال ولو ما عاجبو الليبلط البحر ، زولك ده انطبق عليهو المثل رجل لا يدري ولا يدري انه لا يدري وده يقولوا عليهو شنو؟؟!!
زول يسألوهو سؤال ويجاوب بسؤال دي ما قلة ادب بس دي اسمها صفاقة وعدم اختشا. هو وكت ما عارف وزارتو والحاصل فيها مستوزر مالو ومستوزرنو لشنو؟!!
جايين شغالين في المنبر ده قريبي وده بعرفو، الزويل ده مسئول من وزارة ان ما بيعرف الشغل الليقعد في بيتو او يشوفلو شغلة يقضاها،
شفت عينة ( الزويل) البيغرق من سؤال صحفي ده سبب تخلف البلد
يا عمر اضربوا اوكار الرويبضة دون هواده
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Elsanosi Badr)
|
| Quote: يا ود الزبير ايوه وزيرك وقريبك |
يا ود بدر (يلحقنا ويفزعنا) ....
كنت ولا زلت اعتبرك من العقلانيين الفي المنبر
دا ومن الذين يبعدون تماما" عن اسلوب الخم
المستشري في حوش بكري دا :-
اولا" وزيري دا لا يمت لي بي صلة قرابة او دم
وصلتي به انتهت في العام 1990 بعد 8 سنوات
زمالة عمل وجيرة سكنية واخر مرة شاهدته فيها
اواخر عام 1998 عندما زارنا في الرويس ... يعني
لي 20 سنة بالتمام والكمال لم اشاهده او نحظي
بالتحدث مع بعض ولو تلفونيا" ....
تداخلي هنا تم لبهتان الرجل في شخصه بانو قليل
ادب وفاقد تربوي وجايبين الدليل علي ذلك وعند
سماعي للمداخلة لم اسمع الرجل يتفوه بي كلمة
واحدة يمكن ان تحسب قلة ادب وتملكتني الدهشه
بانه فاقد تربوي ....
حكاية وزير في حكومة كيزان وما ادراك مؤكد
سبب كافي للنيل منه وهو يعلم تماما" ذلك ...
وانا شخصيا" ممكن اشارك في النيل منه لكن
في معترك حقيقي مش مزور ....
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
يا ود الزبير
اللهم لا تؤاخذنا بما فعل السفهاء منا ،
اللهم لا تسلط علينا بذنوبنا من لا يخافك و لا يرحمنا ....
السفهاء هم الحاكمنكم وهم المسلطين عليكم !
بذنوبكم دي احتمال غلاطكم ومدافعتكم عنهم
بالكضب ! تذكر يوم غاااااالطنا بتقول الموية
موجودة وهي ما موجودة وكانت موجودة فقط
في بيتك ؟ دا في حد ذاته ربنا حا يسخر عليك
البغالطوا وما برحموا زي القتلة والمجرمين
والمفسدين الكيزان .!
اوعة تشاكلني دا كلام انت قولته .
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: مني عمسيب)
|
لك التحية اخي الفاضل ود بدر ..
صدقت والله .
يا ود الزبير ايوه وزيرك وقريبك قليل ادب في عدم جوابه
علي السؤال ولو ما عاجبو الليبلط البحر ، زولك ده انطبق عليهو
المثل رجل لا يدري ولا يدري انه لا يدري وده يقولوا عليهو شنو؟؟!!
ودي مصيبتنا في امثال ود الزبير البغالط
ولا فرق بينه وبين السفهاء الكيزان انفسهم !!
ود الزبير ما تدافع عن الباطل لو سمحت .
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: مني عمسيب)
|
بت عمسيب صديقتي الاسفيريه ...
الطاقيه دي ما حقتك امرقيها من راسك ...
الدعا المقصود بيهو عارف رقبتو ... عليك
الله ما تلخبتي الاختساسات ... بعدين
شوفي (......كم) كم مرة قلتيها التكنك
ما معانا ... الطوفان اكان جا كلنا حا نغرق
حتي لو بقيتي ولد سيدنا نوح وساكنا
هولندا ...
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Mustafa Mahmoud)
|
Quote: وصلتي به انتهت في العام 1990 بعد 8 سنوات
زمالة عمل وجيرة سكنية واخر مرة شاهدته فيها
اواخر عام 1998 عندما زارنا في الرويس ... يعني
لي 20 سنة بالتمام والكمال لم اشاهده او نحظي
بالتحدث مع بعض ولو تلفونيا" .. |
اها يا ود الزبير جنس كلامك ده زاتو بجيب ليك اللوم،
الزول ده اتا ليك عشرين سنة ما شفت ولا اتكلمت معاهو ، اها جنس ده يقولو عليهو شنو اااود الزبير !!!
ما عندنا شغلة بزمتو المالية ولا نستطيع ان نقول عليهو حرامي والحاجات المجانية دي ببساطة لانو ما بنملك دليل علي ذلك،
اما قصة انو قليل ادب دي اصلا ما فايتاه شبر!
زول في منصب عام وبيستلم قروشو وراتبو الشهري ومخصصاتو من الجبايات والضرائب الباهظة المفروضة حتي علي ستات الشاي واصحاب الدرداقات!!!
ولامن يسألوه عن البنزين وشح الوقود يعمل فيهو جاهل ولا يدري!!
فعلا هو لا يدري ولا يدري انه لا يدري
ااااود الزبير زولك ده قليل ادب وترديدو للسؤال بسؤال دي عدم (اختشا)
هو وكت ما عارف وقاعد طرطور في الوزارة المقعد شنو في راس الوزارة
اااود الزبير عشرين سنة دي تغيير ملامح الزول خلي اخلاقو
وبعدين الزويل ده وكت (بيغرق) من سؤال صحفي وبيرتبك ويتوتر بقي وزير كيفين؟!!
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: السنجك عثمان)
|
صلاح الزبير يا هندسة مجرد قبول رجل بهذا السجل الأكاديمي والعملي المشرف
لمنصب مع هذا النظام المجرم يعتبر كارثة ساحقة ماحقة تشطب كل إنجازاته الشخصية
ومواقفه السابقة ما لم يتوب قبل القدرة عليه او قبل ان يغرغر أيهما أسرع 😅
بعدين مفروض ياخد ويدي في الكلام على الأقل احتراما لجمهور المشاهدين مش يقفل
الخط بالطريقة دي.
| |
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: سيف النصر محي الدين)
|
وزير ضعيف جدا يفتقر القدرة علي التوصيل - والإتصال الجماهيري ولايملك فن إدارة الأزمة - مهرج - لايملك القدرة علي التخاطب وتمليك الحقائق, غارق في المماحكة والغلاط - يجيب علي السؤال بسؤال - يلف
ويدور في الفارغة - لم يتمكن من تفسير التناقض والتضارب في تصريحات أركان وزارته !
لم يحترم المتلقي والمشاهد - ! سوقي التناول - وسطحي التعاطي ! ولكن لاعجب فهو وزير في نظام شمولي لايحترم الشعب علاوة علي إنه ترس في منظومة
الإنقاذ الفاسدة والمستبدة - فماذ نتوقع من مثله ؟
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: الطيب رحمه قريمان)
|
الطيب ( قرمان )
اهلا بيك يا بتاع الحوار المحتار..
ياخى ما فكرّت تطبق نظام الخلاوى السودانية في كندا ولّ لسه تحت الدراسة ؟
بالله ماتنسى توري اصحابك وصاحباتك الكنديين الصورّ .
نظام الخلاوي لحدى هسي وصل الى ( بى بى سى ) وفي طريقه الى المنظمات الحقوقية
واحسن حاجة يكون بين نوعك دا وبينهم راس يا - مصطفى البطل - من وراء حجاب .....
حاشاك ( الفاقد التربوى ) يا اخونا ودالزبير
لكن احتمال تكون فاقد ذاكرة
والعشرين سنة الما شفت فيها صاحبك الوزير المتعنطس دا
كافية لرفعه الى مرتبة - الحاج ساطور - بين بطانة الرئيس الحرامى ... ولّ دا برضو عندك احتمال بعيد ؟
بالله لو قابلته قول ليهو يا سعادة الوزير لسع عبدالعزيز خطاب ما لقا ليك البروفسور السودانى
مدير شركة النفط الصخرى الامريكية ؟
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
هههههههه ماحي ابيااااض .... ياخوي احسن
فاقد تربوي امكن نلقي لينا وزارة في الجبانه
الهايصه جوا وبرا دي ... امكن لو ما في عهد
الانقاذ تكون في عهد المناتلين .... هههههه
--------
ههههههههههههههههههههههههههه
لا لا لا يا ود الزبير
في ( الفاقدالتربوى ) دا ما بتقدر تنافس الجماعة ديل ، خليك في النسيان دا ...
لكن في عهد المناتلين دا ، الله اعلم تلقى فرقة إلا تجيب شهادة حسن سير وسلوك
ما قبل الانقاذ ...هههههه
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: عمر دفع الله)
|
تحياتي عمر
وضيوفك
الوزير لم يكن قدر مقام الوزارة . لسبب في تقديري يخص امر السلطات نفسها . بعض الوزارات عبارة عن دهاليز مظلمة ومناطق نفوذ متعددة . وكل ما كانت الوزارة تبيض ذهبا كثرت مراكز سلطتها وتنوعت وترهلت
الوزير لا يعلم الكثير عن خبايا وزارته ويتعامل مع ارقام داخل مكتبه . ولو جردته من سلطاته لتحدث حديثا يناسب مؤهلاته ولكن
جراداية في خشم دابي ولا يعضي
في فمه ماء
لكن يا صلاح قريبك بالغ 😆😆😆😆
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: عمر دفع الله)
|
سلام أخ صلاح زبير
فيما يلي تقيمي لأداء الوزير المعني ياصلاح زبير !
أها هسي فرقو شنو من نافع وربيع عبد العاطي ؟ ولولا خشيتي من وصفي بمحاولة إغتيال الوزير والتحامل عليه لقلت ; فرقو شنو من عمر البشير؟؟
دا تقيمي للوزير
(
وزير ضعيف جدا يفتقر القدرة علي التوصيل - والإتصال الجماهيري ولايملك فن إدارة الأزمة - مهرج - لايملك القدرة علي التخاطب وتمليك الحقائق, غارق في المماحكة والغلاط - يجيب علي السؤال بسؤال - يلف
ويدور في الفارغة - لم يتمكن من تفسير التناقض والتضارب في تصريحات أركان وزارته !
لم يحترم المتلقي والمشاهد - ! سوقي التناول - وسطحي التعاطي ! ولكن لاعجب فهو وزير في نظام شمولي لايحترم الشعب علاوة علي إنه ترس في منظومة
الإنقاذ الفاسدة والمستبدة - فماذ نتوقع من مثله ؟
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: كمال عباس)
|
باسم الدروه ارحب بالجميع ....
بس نشنو كويس ....
والله يا كمال اسهل شيء اقيم كلامك
واطلعو ليك كلام الطير في الباقير ...
المستغرب ليهو مافي واحد انتقد مقدم او
كابتن البرنامج (دايما" عايز يكون منتصر
ورافع الكاس)
ازمة البترول لا تخص وزارة النفط التي
هي محطة من ضمن محطات اخري كتيرة
ابتداء" بالامن وادارة الولاية واصحاب
الشركات التي تمتلك محطات التوزيع
انتهاء" بالعاملين في هذه المحطات ...
واضح من كلام الوزير انو وزارته اوفت بما
يليها من توفير المواد البترولية باكثر من
ضعف الكميات اليومية المخصصه والمستهلكه
للولايه وكان من الانصاف ان ياتي الطاهر التوم
بالجهات المنغمسة في استلام وتوزيع هذه
المواد علي المحطات وياتي بممثل لاصحاب
المحطات وافتكر دا من صميم الاعداد لهذا
البرنامج ... هو يتعب روحو ليه اهو وزير
البترول موجود يحملو كل حاجه باسم
الحكومة الاتحادية ومعظم الشغلانه هي
من صميم عمل حكومة الولايه .... وفي
بالو رفع كاس المنتصر ....
المداخله اعلاه سبقها تداخل مع الوزير
ياريت واحد ينزلا عشان تكتمل الصورة.
افتكر كلنا بنتكلم عن اداء مسؤول حكومي
بغض النظر عن انو كوز .... فمافي داعي
نلخبط الكيمان بي كلام لا بودي لا بجيب.
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: عزالدين عباس الفحل)
|
Quote: يكي الف تحية بت عمسيب ...
لمعرفتي الشخصية بالرجل باكد ليكي انكم
بهتوهو بهتان باين .... ارجعو للشريط وورنا
وين السلوك الما عجبكم ووين قلة اللدب.
|
[∆گالحمار يحمل أسفارا!!
شايف گيف، ناس معرفتي الشخصية. ما ياهو دا ظاطوالمجنن بوبي .
طيب لو رجعنا للشريط، الزول دا لامن المذيع زنقو بناس الولاية و بي تضاربو مع مدير إمداداته و وزبر دولة وزارته الناطقة بعدة ألسن، مرة قال ح يسألم بكرة ، و تاني رترت قال: هسي على اتصال معاهم.واضح شكلو موش فاقد ذاگرة موش( تربوي). و ما بعيد يكون (مزهمر) راسو عدييل.
∆ علا، والله فعلن النار بتخرا الرماد. بالله زي الجولگين العرة دا من
رفاعة الجابت أحمد عوض الكريم أبو سن، و د حلمي ، بابگر بدري،
و نفيسة عوض الگريم؟! و لا دا أسلوب همباتي في سوق تمبول ما يرضابو!!
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: دفع الله ود الأصيل)
|
here we go
نفس المصيبة بتاعة ادافع عن صاحبي ظالما ام مظلوما!!
يا صلاح الناس بتتكلم عن سلوك محدد بدر من هذا الفاسد، بدل الرد علي النقطة دي تسوي ده "ود حلتي"؟
نعم كل من شارك في نظام القتلة كقاعدة فاسد بغض النظر عن اي تفاصيل!
الكوز من طباعو الغرور وهذا ابرز صفات والدم الترابي الغرير المغرور!
الغرور كقاعدة هو انعكاس لي مركب نقص ما داخل الغرير!
نعم نظام معاوضة!
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Bashasha)
|
Quote: [∆گالحمار يحمل أسفارا!!
شايف گيف، ناس معرفتي الشخصية. ما ياهو دا ظاطوالمجنن بوبي .
الزول دا لامن المذيع زنقو ... و تاني رترت ... واضح شكلو موش فاقد ذاگرة موش( تربوي). و ما بعيد يكون (مزهمر) راسو عدييل.
∆ علا، والله فعلن النار بتخرا الرماد. بالله زي الجولگين العرة دا من |
ههههههه يا ... بوبي ... منو الحمار الشايل دا ...
بعدين شنو زنقو ورترت ومزهمر ....
النار عرفناها بتخرا الرماد ...
اتا خراك دا نسميهو شنو 👇
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
الحاجة الغريبة ان الوزير ده ما عنده اي معلومات وكأنه زي الأطرش في الزفة ..يعني وزير بدون مسؤوليات..والحاجة الأغرب انه هو وزير النفط ويقول ان المعلومات عند الحكومة الإدارية...وهي وين الحكومة الإدارية دي!!!؟؟؟مفروض وزير زى ده يستقيل اليوم قبل الغد ..
مع وافر التقدير والاحترام
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Nasr)
|
يا عمنا ود الزبير
لعلك طيبة
زولك دا مع انو استاذي و احترمه لذلك لكن صراحة انسان مهرج .
السؤال كان واضح:
هناك تناقض بين أقواله واقوال اثنين من مساعديه وكان المفروض يحال التناقض دا حول اسباب الأزمة.
مساعدينو قالوا اسباب فنية تتعلق بصيانات ونقص امداد ووووووهي من صميم عمل وزارتهم
وهو قال اسباب ادارية تتحملها الولاية والجهات الأمنية
ماهو يا نصدق الوزير يا نكضب المساعدين.
| |
|
|
|
|
|
|
|
|
 Re: ندعوكم لمشاهدة - قلة ادب - وزير النفط السود (Re: أيمن محمود)
|
Quote: ¶ نحن أهل فصاحة و لا غرو، و شواهدنا أمامگ ،يا ود الزبير.
و لكن بما أن لگل مقام لسان حال ، فللأسف الشديد لم نصادف
في { حظيرة شوارد بنت عدنان } ظرف من هذا ، ما يليق بگ
و ب(ود حلتكم) ، تماما گما يوافق شنن طبقة.
¶ فأحسن لگ، إذن، تبطل مكابرة و تخليك موضوعي شوية،
حفظا لبقية ماء وجوهگم ، إن گان به بقية. ماذا و إلا ، فإن
عدتم لوجدتم ما هو ألعن و (أظرط).
(عدل بواسطة دفع الله ود الأصيل on 10-04-2018, 08:02 PM)
(عدل بواسطة دفع الله ود الأصيل on 10-04-2018, 08:06 PM)
(عدل بواسطة دفع الله ود الأصيل on 10-04-2018, 08:25 PM)
|
دفع الله سلام ....
يا خوي اتا زول فصيح ولا غرو ...
وانا زول لديح ولا غرو ...
جيت براك شايل بقجه بتاعت شتايم
شخصية ومؤكد مافي زول رسل ليك
قال ليك تعال اشتم ... فيا خوي ما
عندنا معاك مشكلة تلم الشتيمه عليك
ولن تسمع مننا الا كل خير ...
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
يا ود الشيخ تحياتي ...
قتا لي درسك عدييييل ...
طيب وضعك الطبيعي تكفكف قميصك
وترفع اللياقه وتجي تقيف بي جنبي
ترجع الشلاليت الجاتني دي ....
انا في البوست دا لا عندي فهم في
سياسه ولا فهم ادافع عن نظام ...
فاقد تربوي وقليل ادب شفتها كتيره
جدا" علي شخص ازعم بانني اعرفه
تماما" وهو علي النقيض من ذلك ..
تحياتي ....
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
لا تثريب عليك و قد نزغ الشيطان بيني
و بين أخي صلاح الزبير. و يشهد الله أنني
لم في نيتي مطلقاً اترصد شخصك بأي سوءٍ،
لو لا أنك و قعت بعين موجةٍ نقدٍ عاصفة في
مواجهة شاغل منصبٍ حيويِّ عامٍ و معنيٍ بتأمين
سلعةٍ بمثابة الإكسير لحياة أناسٍ لم يعودوا يملكون
قوتَ يومهم و لا يذوقون طعم المبيت آمنين في سربهم.
بالنسبة لما يدون هنا، فطوبى لمن ترك المراء
و لو كان على حقٍ . و الجدال يكون بين طرفين،
لكل منهما رأيه الذي يألف هو يحبه و يقتنع به، فحين
تجادلني تريد أنْ تُخرِجهني عن رأيي الذي أألف إلى رأيك
الذي أخالفه و لم أعتده، فأنت تجمع عليَّ أمرين: أنْ تُخرجني
عما أَلف واعتاد إلى ما لم أألف أو أعتد، فلا يكُنْ ذلك بأسلوب
يكرهني حتى لا تجمع عليَّ شدتين. فعلى كلينا إذن باللين و فن
الاستمالة برفق ما دخل شيئاً إلا زانه؛ لأن النصح ثقيل كما قال
شوقي رحمه الله:فلا نجعله على بعضنا بعضٍ كحبل أُحُدٍ،وعادة
ما يُظهِر الناصح أنه أفضلمن المنصوح. ويقولون: الحقائق
مرة، فاستعيروال ها خِفَّة البيان؛ لأنك تُخِرج خَصْمك عما
أَلِف،فلا تخرجه عما ألف بما يكره، بل بما يحب.
عمومن معليش والمســــامح كريـــــــم.
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
لا تثريب عليك و قد نزغ الشيطان بيني
و بين أخي صلاح الزبير. و يشهد الله أنني
لم في نيتي مطلقاً اترصد شخصك بأي سوءٍ،
لو لا أنك و قعت بعين موجةٍ نقدٍ عاصفة في
مواجهة شاغل منصبٍ حيويِّ عامٍ و معنيٍ بتأمين
سلعةٍ بمثابة الإكسير لحياة أناسٍ لم يعودوا يملكون
قوتَ يومهم و لا يذوقون طعم المبيت آمنين في سربهم.
بالنسبة لما يدون هنا، فطوبى لمن ترك المراء
و لو كان على حقٍ . و الجدال يكون بين طرفين،
لكل منهما رأيه الذي يألف هو يحبه و يقتنع به، فحين
تجادلني تريد أنْ تُخرِجهني عن رأيي الذي أألف إلى رأيك
الذي أخالفه و لم أعتده، فأنت تجمع عليَّ أمرين: أنْ تُخرجني
عما أَلف واعتاد إلى ما لم أألف أو أعتد، فلا يكُنْ ذلك بأسلوب
يكرهني حتى لا تجمع عليَّ شدتين. فعلى كلينا إذن باللين و فن
الاستمالة برفق ما دخل شيئاً إلا زانه؛ لأن النصح ثقيل كما قال
شوقي رحمه الله:فلا نجعله على بعضنا بعضٍ كحبل أُحُدٍ،وعادة
ما يُظهِر الناصح أنه أفضلمن المنصوح. ويقولون: الحقائق
مرة، فاستعيروال ها خِفَّة البيان؛ لأنك تُخِرج خَصْمك عما
أَلِف،فلا تخرجه عما ألف بما يكره، بل بما يحب.
عمومن معليش والمســــامح كريـــــــم.
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
لا تثريب عليك و قد نزغ الشيطان بيني
و بين أخي صلاح الزبير. و يشهد الله أنني
لم في نيتي مطلقاً اترصد شخصك بأي سوءٍ،
لو لا أنك و قعت بعين موجةٍ نقدٍ عاصفة في
مواجهة شاغل منصبٍ حيويِّ عامٍ و معنيٍ بتأمين
سلعةٍ بمثابة الإكسير لحياة أناسٍ لم يعودوا يملكون
قوتَ يومهم و لا يذوقون طعم المبيت آمنين في سربهم.
بالنسبة لما يدون هنا، فطوبى لمن ترك المراء
و لو كان على حقٍ . و الجدال يكون بين طرفين،
لكل منهما رأيه الذي يألف هو يحبه و يقتنع به، فحين
تجادلني تريد أنْ تُخرِجهني عن رأيي الذي أألف إلى رأيك
الذي أخالفه و لم أعتده، فأنت تجمع عليَّ أمرين: أنْ تُخرجني
عما أَلف واعتاد إلى ما لم أألف أو أعتد، فلا يكُنْ ذلك بأسلوب
يكرهني حتى لا تجمع عليَّ شدتين. فعلى كلينا إذن باللين و فن
الاستمالة برفق ما دخل شيئاً إلا زانه؛ لأن النصح ثقيل كما قال
شوقي رحمه الله:فلا نجعله على بعضنا بعضٍ كحبل أُحُدٍ،وعادة
ما يُظهِر الناصح أنه أفضلمن المنصوح. ويقولون: الحقائق
مرة، فاستعيروال ها خِفَّة البيان؛ لأنك تُخِرج خَصْمك عما
أَلِف،فلا تخرجه عما ألف بما يكره، بل بما يحب.
عمومن معليش والمســــامح كريـــــــم.
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: أيمن محمود)
|
خلونا بهداوة كدة نستعرض السياق
الطاهر في بداية كلامه قال وزارة النفط هي المسؤولة عن الأزمة .. الوزير اعترض وقال ليه انت قررت كدة
وشرح إنه وزارة النفط أوفت بما عليها وبزيادة كمان .. يعني عارض نتيجة الطاهر التوم وقال ليه انت بتنشن في المكان الغلط
الوزير حاول يلفت نظر الطاهر لمسؤوليات الولاية تجاه الأزمة وإنه متابعة الصفوف ما من مهام الوزارة
الحاجة الاتغابت عنها كل وسائط التواصل الاجتماعي في انشغالها بعبارة (مكانها وين؟) التي ظل يرددها الوزير إنه العبارة دي ما حقة الوزير وإنما حقة الطاهر التوم
الطاهر التوم في سرده لوقائع الأزمة سقف بعبارة (فالأزمة كانت واضحة مكانا وين) وهنا الوزير شعر بالاستفزاز أو المناورة من الطاهر في حتة إنه عارف مسؤوليات المالية والولاية ورغم كدة يصر على رمي اللوم في وزارة النفط وأصبح زانقه في عبارته القالها .. يعني طالما إنت بتقول الأزمة معروف مكانها وين يلا يا فالح ورينا
الوزير مشكلته في مهارات التواصل
استجاب لاستفزاز الطاهر التوم بسهولة
وبدلاً عن ممارسة دوره كناطق رسمي على قمة الهرم الحكومي للوزارة المسؤولة أصبح كمتحدثي أركان النقاش في الجامعات
وظل يكرر في عبارة واحدة لمدة طويلة شديد وببالغ الحدة والتوتر والغيظ لحدي ما في النهاية قفل الخط .. الصفارة في نهاية المكالمة بتوضح إنه الخط اتقطع من قبل الوزير وليس البرنامج
الوزير إفاداته الفنية لا يمكن وصفها بالساذجة أو حتى الفتوى فيها لأنها كانت بأرقام تفصيلية
يعني كشغل فني تقني لا غبار عليه
لكن الوزير البطلع للمواطنين غير المختصين لتوضيح حقائق مفترض إنه يكون سياسي ومحنك ومتحدث لبق وما يستجيب لأي استفزاز
الحاجة التانية هو عضو في مجلس الوزراء يعني مفروض يكون مطلع على كل تقارير الأزمة من وزاراتها ومفروض يقدر يتحدث بمعلومات موثوقة من داخل مجلس الوزراء حتى لو غلفها بالعموم أو بعبارات ديبلوماسية .. لكن ما يتنصل عن عضوية مجلس الوزراء ويعتبر نفسه مسؤول عن النفط فقط وأي زول بعاين في ورقه
لما نتكلم مع وزير عاوزين سياسي متحدث بإسم الحكومة موش متخصص في مجاله وخلاص .. داك ممكن يكون مدير تنفيذي أو مدير مشروع أو أي وظيفة داخلية بيوصلوا ليها بالتسلسل الوظيفي والخبرات ما بقرار رئاسي.
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: أحمد محمد عمر)
|
| Quote: لكن الوزير البطلع للمواطنين غير المختصين لتوضيح حقائق مفترض إنه يكون سياسي ومحنك ومتحدث لبق وما يستجيب لأي استفزاز |
تحياتي احمد ...
اتفق معاك في كل ما ذهبت اليه لكن ارجع واقول
انو فشل الوزير يسال منو الطاهر التوم ... الطاهر
لو عايز راي الحكومة كان من المفترض يستضيف
الناطق الرسمي باسمها ... لكن الطاهر كان يبحث
عن القصور الفني الذي ادي لازمة البترول فبالتالي
وجب عليه استضافة كل الاطراف من الحكومة
الاتحادية (البترول والمالية) ومن حكومة الولاية.
وزير النفط ليس هو الناطق الرسمي باسم الحكومة
وتم الاتصال به بسبب انه وزير النفط مسؤول من
ما يليه من مهمة توفير كميات النفط التي تحتاجها
وهو ليس مكلفا" بان يكون او يمثل الناطق الرسمي
باسم الحكومة وليس بالضرورة ان يكون سياسي
ولبق ويتميز بالتواصل الجماهيري و و و الخ ...
اي نعم دكتور عبدالرحمن توجهو اسلامي بحكم
التربية والنشاءه لكنه من اميز التكنوقراط
الانجبتم البلد دي.
لخبت الكيمان دي ياها المودانه لي ورا ولا يمكن
ان يحدث تطور ... دي جبانه هايصه.
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
Quote: وليس بالضرورة ان يكون سياسي
ولبق ويتميز بالتواصل الجماهيري و و و الخ |
إذا ما كان كذلك يبقى يسيب الظهور الإعلامي لوكيل الوزارة ولا متحدث رسمي ولا مدير الاعلام والعلاقات العامة ولا أي حاجة
لأنه برامج التوك شو بتحتاج ملكات تواصل والما عندو ما مؤهل للمشاركة فيها
كل نقاطك القلتها دي لو كان بعرف يتكلم بلباقة بوصلها للمشاهد والطاهر التوم بسهولة وبدون أي تشنج
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: أحمد محمد عمر)
|
اخونا
أحمد محمد عمر
هل تعتقد ان وزير النفط دا لو كان يتحدث الى قناة الجزيرة او البى بى سى
كان سيلجأ الى نفس الطريقة التى خاطب بها الاستاذ الطاهر ؟
القصة ما قصة مهارات وبس ....
هذه عادة المسؤولين في احتقار الناس
ونظرتهم الى الوزارات كإقطاعيات خاصة
يوظفون فيها الاقارب والاصدقاء ويسرقونها
وعندما يتم استبدالهم بآخرين يقعدوا يبكوا زي الاطفال .... هذه هي القصة يا ابوحميد
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: عمر دفع الله)
|
يا عمر الفساد في عهد الإنقاذ دة أصبح هو الطبيعي وبنندهش لو لقينا فساد أقل من الحد المعتاد
أصلاً دة ما عاوز أي دليل أو برهان
لكن نفس مقعد الوزير دة اتخت فيه وزير الكهرباء وقدام كبيرة رداحات الإعلام المصري لميس الحديدي ولفترة طويلة موش مكالمة دقايق ورغم كدة نجح في إنه يجاوب على كل استفزازاتها وتلميحاتها ببراعة فائقة ودون أي انفعال
نفس الحكاية ابراهيم غندور .. عندو ديبلوماسية وبرود عجيب بخليهو يطلع من كل المطبات البدخلو فيها البشير
هل ديل الاتنين كويسين أو حتى ناجحين في إدارات وزاراتهم؟ بالتأكيد لأ
الفساد المالي والإداري والتنظيمي ضارب وزاراتهم كيماوي .. لكن كأوجه إعلامية ما فيهم كلام
هنا الوزير مشكلته ما كانت في فساد وزارته .. هو مقتنع بإنه عمل أي حاجة صح ومافي تقصير من جانبه وكان ممكن يقنع المشاهد لو امتلك ربع حنكة وزير الكهرباء
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: عمر دفع الله)
|
هذه الأيام أنا بالسودان بين مدني وعطبرة.
هناك شبه انعدام للوقود، معاناة شديدة للحصول على البنزين،
حصل كبيت الجالون ١٥٠ ج (السعر الرسمي ٣٣ ج)
طبعا دا بمون بترول وسخان كلفني صيانة للعربة وصلت ١٣ ألف ج
أختلف مع سيف النصر، الهروب من المشاركة للكفاءات سيؤدي لمزيد من التدهور
كونك تكون جيت بعد غيبة طويلة تلاحظ لمستوى الدمار، وتلوم نفسك على الهروب
أي زول شايف انو مشاركتو فيها فائدة فليشارك
البلد وصلت مرحلة الشفقة
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: كمال عباس)
|
سلام عمر
اول مره اشاهد برنامج ل الطاهر التوم كنت اسمع اسمه فقط أشيد باسلوبه الضاغط المهذب وتلك مهنيه عاليه فى التعامل مع كل من مسؤول بتصور انه فى منصب عام وبالتالى ملزم ان يسأل وإن يجاوب وهو ما فشل فيه الرجل لعصبيته وفهمه الخاطئ لحق الراى العام فى امتلاك المعلومه ربما ظن الرجل انه كوزير يأمر فقط ومقابله التلفزيون تحصيل حاصل لاغير
إنهاء المكالمه بهذا الاسلوب سلوك متكبر انهزامى وفيه عدم احترام للمشاهد وللمنصب
الرجل فى سيرته العلميه كما أوردها صلاح الزبير لاغبار عليه واحسبه على المستوى الشخصى مهذب بشهاده من يعرفه لذلك لااتفق معك فى قله ادبه واسميها عدم دبلوماسيه
ربما يكون الوزير نفسه ( رغم انتمائه ا الكيزانى )كما ذكر أحد الشباب هنا يجهل حقيقه الصراع الكيزانى/كيزانى بين اهل الحل والربط فى النظام الحاكم وهى سمه تميز عهدهم يتحدثون باكثر من لسان ولهم سياسات معلنه وأكثرها خفى بل فى داخلهم حلقات واجنحه متتعدده ستصعد الخلاف إلى شراسه مدمره بعد نقص الموارد مع تزايد بنود الانفاق على المرتزقه بمختلف مسمياتهم للحفاظ على النظام
لاخفى اسفى على سيره علميه تمرغ فى وحل السلطه ولاعذر له بعد كل هذه السنوات ان يظل معهم .....
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: سيف النصر محي الدين)
|
لااتفق معك فى قله ادبه واسميها عدم دبلوماسيه
--------------------------------------
يا اخونا عبدالرحمن ( عدم دبلوماسية) دا بس اسم دلع لقلة ادب الوزير.
تحدثت عن شهادة من يعرفونه انه على المستوى الشخصى زول مهذب
ولو كان حسن ظنك دا مبنى على شهادة ودالزبير فشهادته ترجع الى ذاكرة عشرين
سنة للوراء واحتمال لو ودالزبير قام عمل ( ابديت للذاكرة ) ومشى سجّل زيارة لسعادة الوزير
يطلع بموقف تانى فالسلطة الفاسدة تفسد طباع بطانتها .
كتير جدا يا عبدالرحمن عندما نسأل عن اي اسلامى نجد سيرته عطرة بين الناس ويضيف الناس
عادة في اجوبتهم ان فلانا من اسرة كريمة واصل طيب وهذه هي الاكليشهات المكررة والثابتة
فتصيبنا الحيرة . اذا كانوا كلهم هكذا ، على خلق قويم وينحدرون من اسر كريمة واصول طيبة
اذن من الذى يسرق البلد ويقتل الناس ويعذّب في بيوت الاشباح .
قال الاديب الراحل الطيب صالح ذات مرة مخاطبا المحبوب عبدالسلام فيما معناه:
عندما التقيكم فرادا ، اجدكم قوم طيبون وكرماء ولكن عندما تجتمعون تتحولون الى اشرار .
واعتقد ان الطيب صالح لم ينتبه الى ان ( النسخة الفردية ) هي للمخادعة و( النسخة الجماعية ) للتمكين .
يا عبدالرحمن لا تأخذ بكلام ودالزبير دا
فصدقنى لا يوجد بينهم شخص مهذب
ولا امين
ولا صاحب خلق قويم
ولا رشيد
وكلهم سواسية كأسنان التماسيح .
https://www.0zz0.com
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
| Quote: وبعدين ايه العلاقة في ان يكون صاحبك دا من اميّز التقنوقراط و- التهذيب - ؟ |
ما عندهم اي علاقة ... ديل الربطم ليك منو !!!!!
موضوع قلة اللدب دا اتا فوق رفعتا يدينك
وفشلت في اثباتو وقتا نخليهو للناس ومافي
زول بيقدر يثبتو الا عن طريق الخم والصوت
العالي وساندني يا هناي ....
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
Quote: سيبك من رأي وخلى الناس تحكم على مداخلته ...
|
دي مداخلتك الفوق ...
| Quote: فهل كل متعلم ناجح مهذب؟ |
دا ما السؤال .... السؤال هو هل عندك او عندي الحق
اني اشتم اي واحد بدون سابق معرفة بي شتايم
قاطعة زي قليل ادب وفاقد تربوي وسفيه بدون
دليل مقنع .... ما كلنا متعلمين واتمني نكون ناجحين ...
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
التكنوقراط ما شهادات بس وما كيزانيه
ولا شيوعيه ... وانما شغل وانجازات.
----------------------------------
الموية تكضب الغطاس ....
غايتو وزارتو إلا تكون الوزارة الاستثناء .
( السؤال هو هل عندك او عندي الحق
اني اشتم اي واحد بدون سابق معرفة بي شتايم
قاطعة زي قليل ادب وفاقد تربوي وسفيه بدون )
كان كدا
إلا انقلو ليك وزارة الخارجية وادخّلو بار او مترو
واناديك تشوفو يقابض في النسوان ...
دائما يا ودالزبير تجد ما يسمى ب ( المميزين)
في الحركة الاسلامية الواحد منهم يضرب صورته
في غفلة كما حدث مع الشيخ الترابى في حديث
الغرباوية والجعلى .......
سلام وخير الختام كاريكاتير للذكرى حتى لا ينساهم الناس .....
| |
|
|
|
|
|
|
|
|
 Re: ندعوكم لمشاهدة - قلة ادب - وزير النفط السود (Re: Salah Zubeir)
|
هسع الطاهر التوم دا فرقو شنو من
رداحات الاعلام المصري ناس احمد
موسي وعمرو اديب ... الخ ....
شرحو ليهو حدود المسؤليات والصلاحيات
وفهموك انو الازمة لا تخص وزارة النفط
وكلموك قالو ليك الازمة سببها تلاته جهات
اجتهد كصحفي ومقدم برامج لا يشق له
غبار في جلبهم لبرنامجك المهبب دا عشان
تعرف الحقيقة ... ولا زال يردد في نفس
الاتهام ... الوزير كان حليم جدا" ومؤدب
جدا" في انهاء المكالمة والطاهر يردح بما
لا يعلم ....
الفنان عمر ... ممكن تعرش علي كدا ....
| |
|
|
|
|
|
|
|
|
|
Re: ندعوكم لمشاهدة - قلة ادب - وزير النفط السود (Re: Salah Zubeir)
|
بالعكس يا صلاح الزبير مقدم البرنامج نجح فى كشف الخلل الرئيسى للمشاهد ولايستحق وصفك اعلاه
بل من صميم عمل المقدم الناجح حصار المسؤول المعنى وتضيق الخناق عليه ليخرج بالمعلومه الصحيحه ولاتنسى ان السياسين بارعين فى إستخدام اللغه وتأولاتها حتى يستطيع التراجع مستندا على هذه النقطة( هذا الأمر لا ينطبق على هذا الوزير ظاهر العصبيه والتوتر وإنهاء مكالمه على الهواء فى شأن عام)
من الواضح أن الوزير يجهل تماما خلفيه الازمه السياسيه وصراع الاجنحه المختلفه مستخدمين الوقود كواجهه ويتعامل مع الامر من ناحيه تقنيه بدليل طرحه الساذج عن توفير المواد البتروليه بكميات تغطى الاستهلاك اليومى ويعتقد الوزير ان دوره انتهى عند هذه النقطه
لكنه لم يتسأل ولم ينسق مع اطراف اخرى وهو يرى زياده الصفوف منذ أسابيع فى انتظار البنزين والحديث اليومى عن ازمه المحروقات ولسان حاله يقول (دى ما مشكله وزارتى انا العلى عملتو)
لو كنت مكان الوزير ويفهم السياسى وليس التكنوقراطى لقدمت استقالتى قبل أن يضعه البشير فى جبهه اخرى للقتال او استراحه محارب كما يسمونها
وهذه صنيعه كيزانيه بديل عن الاقاله وترضيه للخواطر لكن فى محصلتها النهائيه إقرار ب إخفاق
| |
|
|
|
|
|
|
| |
عمر دفع الله
مني عمسيب
Salah Zubeir
كمال عباس
Mustafa Mahmoud
Elsanosi Badr
السنجك عثمان
سيف النصر محي الدين
الطيب رحمه قريمان
الشامي الحبر عبدالوهاب
عبدالحفيظ ابوسن
عزالدين عباس الفحل
دفع الله ود الأصيل
Bashasha
Nasr
MOHAMMED ELSHEIKH
أيمن محمود
أبوبكر عباس
Abdelrahim Mohmed Salih
طارق زروق
aosman
فيس بوك
تويتر
انستقرام
يوتيوب
بنتيريست