|
Re: البطل و تفسير عبارة صرفت ليها بركاوي !! (Re: محمد البشرى الخضر)
|
البطل يبدو انه لم يفهم وجه استنكار الناس لصدور مثل هذه العبارة من رئيس الجمهورية, القصّة ليست سب الدين القصّة في ضياع هيبة المنصب وفي سوقية الخطاب التي لا تليق بمنصب رئيس كل السودانيين حتى لو كان هذا مصطلح متداول في اوساط الجيش فهو ليس أمرا إيجابيا بل ويستخدم فيما يعرف بالفارغة يعني ذنبنا شنو احنا ما كفاية هالكنا بالشتارة في الرقيص و في الكذب كمان ناقص يشدّنا إدارة و يطرشنا فارغة ! رئيس دا ولاّ تعلمجي, وشعب إحنا ولّا مستجدّين خدمة!!
| |
|
|
|
|
|
|
Re: البطل و تفسير عبارة صرفت ليها بركاوي !! (Re: محمد البشرى الخضر)
|
تحياتي ودو الرك علي صرفت !! يقول ليك صرفت ليهو صرف بدون اضافة كلمة تانية وتكون مفهومة صرف ليهو شنو التانية هو قايل الجيش دة منظمة سرية كالمافيا ولا الماسونية ؟ ياتو بيت مافيهو زول عندو علاقة بالجيش و رندوك الجيش والناس خشت الدفاع الشعبي وعارفين الرندوك المتداول فيهو
| |
|
|
|
|
|
|
Re: البطل و تفسير عبارة صرفت ليها بركاوي !! (Re: Mustafa Mahmoud)
|
هلا اب سن فعلا البطل عايز يبيع بضاعة اي كلام المهم يبعد سب الدين من المشهد
هلا دكتور مصطفى كيف ما بتذكرو موجود ومتواصلين لكنه ككثيرين تركوا البورد و استعاضوا عنه بالوسائط الأخرى بس حبيت اصحح معلومة انه ما كوز, اللهم إلّا لو بنفس الفهم بتاع انّك مناضل وكدا
| |
|
|
|
|
|
|
Re: البطل و تفسير عبارة صرفت ليها بركاوي !! (Re: محمد البشرى الخضر)
|
هههههههههههههههههههههههههههههه
طبعا سؤالي يا محمد ما كان بي البساطة دي لانك كررت قبل مدة الكلام نفس الكان بيقولو فيصل نوبي في بوستاتي
لكن حكاية مناضل دي و كوز وخلايا نائمة و ناس اللون الرمادي
الاسماء دي كلها بي تتقال للزول حسب تصرفاتو و افعالو
واالله اعلم
سلم علي فيصل نوبي الكوز و قول ليهو زمان انا وصلني كلام مكتوب انو بي يتعامل مع جهاز الامن قبل 8 سنة تقريبا وكان بيدهو حاجات كده ..................
مع تحيات الاستاذ نزار قباني ليك
معليش لانو مداخلاتي محددة ما ح اقدر اتونس معاك تاني
مع السلامة
| |
|
|
|
|
|
|
Re: البطل و تفسير عبارة صرفت ليها بركاوي !! (Re: Mustafa Mahmoud)
|
شكرا البطل على اجتهادك المفضوح لسكب الماء المثلج على "بركاوي" الرئيس ....
ومن باب الشيء بالشيء يذكر ....
وبعد هذه المهارة الفائقة التي أبديتموها في استخراج الشربات من فسيخ الرئيس ...
لعلك تنفحنا بتفسير مدنكل آخر لعبارته "طال عمره" ... الميكانيكية بقولوا الحديد لو ما سبيت ليهو الدين ما بشتغل ...
أكيد بكون حديد أمخاخنا سخن بعد ثلاثين عاما من الاستعلاء الإنقاذي علينا ...
فهلا أتحفتنا بتفسير قوله رعاه الله .... ورعاك ...
| |
|
|
|
|
|
|
Re: البطل و تفسير عبارة صرفت ليها بركاوي !! (Re: Deng)
|
و عبدالوهاب همت حا يمشي يقول للسفيرة كلام البشير بي ضبانتو "البشير قال صرف ليك بركاوي " ، بالتاكيد حيوصل ليها المعني ، او حيسألها بي طريقة تانية ، شنو الكلام الدار بينك وبين البشير في اخر مقابلة ليك معاهو .. مثلا .. طبال وغبي
| |
|
|
|
|
|
|
Re: البطل و تفسير عبارة صرفت ليها بركاوي !! (Re: Abdullah Idrees)
|
غايتو همت بكون تعب يوصل المعني .. واجتهد في توضيح انو دة نبذ ... الا يكون استعان بخطب القذافي زمان السفيرة تكون مهجومة لي هسة بهتوها وشيلوها القوالة ولا حكاية كرهت اليوم الامها ولدتو فيها ! غايتو همت دة بإعتبارو من كوستي وصديق قديم من زمن الثانوي بطلب منو يكتب لي فهم السفيرة كيف بالانجليزي هسة دة ما امتحان ماجستير عديل 😆😆😆😆
| |
|
|
|
|
|
|
Re: البطل و تفسير عبارة صرفت ليها بركاوي !! (Re: عبدالحفيظ ابوسن)
|
الاخ محمد وبقية الزملاء والزميلات - هذ المدعو البطل في كل مرة يمارس السقوط وسيظل كذلك ويجب ان يعرف ان التاريخ لايرحم ولاينسي والانقاذ زائلة وان طال السفر - عجيب امر الرئيس اليس فيهم رجل رشيد ينصحه فسقوطه يتتزايد بمعدل متزايد اكثر من ا لبطل نفسه - رغم عبارة صرفت ليها بركاوي تعبير لايشبه رئيس دولة الا ان في تقديري العبارة التي تلتها اسؤا " كرهت اليوم الولدتا فيها امها زاتو " والسفير قل ادبو - كمان موضوع محاربة الفساد دا اخير منو البركاوي تحياتي
| |
|
|
|
|
|
|
Re: البطل و تفسير عبارة صرفت ليها بركاوي !! (Re: ابراهيم حسين)
|
تحية للجميع
المشكلة الأساسية قبل موضوع البركاوي أنه الموضوع باين عليه دراما منسوجة من نافوخ الرئيس عشان يحمس الحضور بي جنس الكلام الفارغ دا مافي دبلوماسية في الدنيا بتغادر بلد وقبل المغادرة تجوط الشغلة وتسئ الأدب للدولة وحكومتها فهذا يخالف الأعراف الدبلوماسية تماماً وأهي جات السفيرة وقالت دا ما حصل وأكيد ما حصل لكن تقول شنو .. جنس الكضب دا هو الاتعودوا عليه ناسنا ديل
| |
|
|
|
|
|
|
Re: البطل و تفسير عبارة صرفت ليها بركاوي !! (Re: محمد البشرى الخضر)
|
سلام يا هندسة
Quote: ومثل هذا الاستخدام عريق في سيرة جيش السودان، ولا صلة له بسب الأديان، وما ينبغي له. وقد اشتهر به بعض كبار الضباط لعل أبرزهم المغفور له اللواء حسن بشير نصر نائب الراحل الكبير الفريق إبراهيم عبود. تغمدهما الله بواسع الرحمات. |
يا ريت أحد الإخوة الأعضاء في هذا المنبر ممن له علاقة بالجيش ينورنا بخصوص هذا ( الاستخدام العريق للبركاوي في سيرة جيش السودان ) .....
| |
|
|
|
|
|
|
Re: البطل و تفسير عبارة صرفت ليها بركاوي !! (Re: الطيب رحمه قريمان)
|
معروف اي سفير/ سفيرة لما مدة العمل تنتهي بقابل رئيس البلد او رئيس الوزراء واثناء الحديث بكون هناك حديث ودي فيه إبداء رأي حول قضايا لمسوها اثناء فترة عملهم بحاولوا يحثوهم على معالجتها مثل قضايا حقوق الانسان وغيرها من البلادوي الحاصلة في بلدنا البشير عاوز يقول السفيرة حبت تملي عليه شروط وخلافه انا خايف مترجمه زاتو يكون مافاهم التكتح من كلامها
| |
|
|
|
|
|
|
Re: البطل و تفسير عبارة صرفت ليها بركاوي !! (Re: عاطف عمر)
|
Quote: سلم علي فيصل نوبي الكوز و قول ليهو زمان انا وصلني كلام مكتوب انو بي يتعامل مع جهاز الامن قبل 8 سنة تقريبا وكان بيدهو حاجات كده . |
يازول إنت رايح ليك الدرب في الموية بس .. فيصل نوبي لا كوز ولا أمنجي ولاينتمي للنظام الحاكم دا اصلا .. فيصل زول حقاني وأخو أخوان ومابحب الدهنسة ولا البلبصة .. الكلام الجاك مكتوب دا تموصو وتديهو حبة ملح عشان يطعو ليك وتشربو .. انت من زمن فلان أمنجي وفلان كوز الدنيا إتطورت والفهم إرتقي والعصبيات بكل مسمياتها في طريقها للتلاشي .. إنت لو عايز تعيش في قوقعتك دي عيش ياخ لكن كمان ما تأذي غيرك بأوهامك دي .. ونصيحتي أبعد من قلنا وقالو الحاجة دي ماحلوة في حق الرجال .
....... ياعمك أولا .. البطل شرح المعني ( صرفت ليها بركاوي ) بإسهاب .. وجاب أمثلة من داخل المنظومة العسكرية ثم تانيا هو ماقال ياسلام ياريس خطابك كان في الصميم ... ابدا .. البطل ركز علي فرح المناضلين بالعبارة وتهليلهم بها .. فشرح معناها الحقيقي وأورد أمثلة للتدليل علي رعانتهم ولقافتهم .. وهذا كان هدف مقاله . تحياتي يامساعد 😁
| |
|
|
|
|
|
|
|