|
Re: وتزداد الحياة قسوة (Re: عبدالحفيظ ابوسن)
|
خوف علي مستقبل الوليدات . امتحان الكيمياء قالوا بعيدوهو واهو الوزارة مجتمعة وتتحدث عن مجهوداتها الامنية في ضبط من كشف الامتحان . ولا تسأل نفسها كيف تم كشف الامتحان ولماذا ؟ وماذا عن الاخبار المتناقلة عن كشف كل الامتحانات؟
| |
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
شوال السكر 10 كيلو ب 260 ج والحكومة قالت تفتح الاستيراد . والبرلمان قال ما معقول الحكومة لو شافت تجار السكر القاعدين معاها جوة بيتها بتحل المشكلة زيادة قرابة 100% من السعر المعلن وبرضو ما قادرة تعرف السبب .. او عارفه وعامله نايمه . لأنها هم زاتهم
| |
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
شبه توقف للمواصلات .. مشيت في صف قرابة الخمسة دقايق شان اشوف حدو وشايفو لسة . هو ما صف بل صفين متوازيين وصفين متوازيين في الاتجاه الاخر وما متحرك كمان واحد قال لي جالون البنزين حصل 170 ج وسعرو 30 ج في الصف في استثناءات للكاكي والعندو سلطة
| |
|
|
|
|
|
|
Re: وتزداد الحياة قسوة (Re: معاوية الزبير)
|
شنو يعني يا عبدالحفيظ ..ما نجي إجازة؟
يا كافي البلا و يا حايد المحن
الله يلطف..
الله يكفي البلد شر الفتن و البلاء و الغلاء
شعبنا ما شعب دردرة و ما بقدر عليها
نسالك اللطف به يا الله
| |
|
|
|
|
|
|
Re: وتزداد الحياة قسوة (Re: محمد عبد الله الحسين)
|
دي لافة في الواتس يا محمد .. مع قليل من الخيال تلقاها الانقاذ زاتا #الانتقام_الاكثر_قسوة_بالتاريخ ..
(انتقام أولغا )
في عام 945م تم اغتيال الأمير إيغور بن روريك (أمير كييف) على يد قبيلة الدريفليان (قبيلة تسكن شرق أوروبا) حيث قاموا بثني شجرتين ربطوه فيهما ثم أفلتوا الشجرتين مما تسبب في انشطار جسده. بعد أن اغتال "الدريفليان" الأمير إيغور، زوج الأميرة أولغا تولت الحكم عقب وفاته، فأرسلوا أفضل رجالهم وأكثرهم حكمة لإقناعها بالزواج من أميرهم "مال" الذي كان يرغب في السيطرة على عرش "كييف". أولغا قامت بدفنهم أحياء، و أرسلت لأمير "مال" تقول أنها قبلت الزواج وتريد مجموعة من أفضل رجاله ليتجولوا بين الشعب للتمهيد للزواج، عندما وصل هؤلاء الرجال، رحبت بهم ترحيبًا شديدًا ثم حبستهم في قلعتها و أحرقتهم أحياء. في هذا الوقت كانت "أولغا" قد خططت لعزاء مهيب لزوجها قامت فيه بدعوة الكثير من "الدريفليان"و جنودهم، فقام جنود "أولغا" بذبح 5000 جندي من الذين شاركوا في العزاء، ليس هذا فحسب، عادت أولغا و جنودها للتجهيز لغزو "الدريفليان" بعد أن قضت على أفضل رجالهم لتقضي على من تبقوا منهم.
أثناء حصارها لهم توسل لها العديد من أهل "الدريفليان" لتتركهم أحياء مقابل كل إنتاجهم من العسل وغيره مما ينتجوه، فقررت العفو عنهم بعد أن رأت أنها اثقلت المزارعين بالحصار، في مقابل 3 حمامات و 3 عصافير من كل منزل حتى يتذكر أهل "الدريفليان" ما فعلته "أولغا" بساداتهم بعد أن قتلوا زوجها "إيغور". وافق المزارعين على هذا الطلب الغريب ، لكن بعد تسليمها الطيور قام جنودها بربط قطعة قماش مشتعلة مغطاة بمادة الكبريت مربوط بخيط طويل بعض الشئ في أقدام الطيور و تركتهم ليعودوا لأعشاشهم في بيوت المزارعين بالمدينة لتحرقها بالكامل. وأثناء هروب أهل المدينة أمرت أولغا جنودها بالقبض عليهم، بعضهم قُتل وبعضهم أصبحوا عبيدًا.
ويعتبر انتقام الأميرة هذا هوالانتقام الأكثر قسوة في التاريخ كله ..
| |
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
كشات الحكومة الجبائية بقت محفوظة . تشوفهم مع نهاية كل شهر !!! كما يقول اهلنا انت تبكي وهو يلحس في دموعك بحكي لي واحد الاسبوع الفات والدو بغسل كلي . مركز الكلي مافيهو موية . مشو لي ناس المطافي . قالوا دايرين ميتين ج .. ورد الضابط ردا قاسيا عليهم ملخصه يا تدفعو ولا موية مافي شوفو وصلنا وين من القسوة والاستهتار الموية دي ما انتهت فجاة ومركز الكلي عندو قروش . ولا لو ما عندو ساي كان ممكن يجيب قروش للموية . لو ملك المعلومة لأي زول كان جاتو الموية . وتظهر المعلومة في اللحظة الحرجة . استهتار وعدم مسؤولية وتقصير وناس المطافي هدو الفلسفة القامت عليها المطافي زاتا
| |
|
|
|
|
|
|
Re: وتزداد الحياة قسوة (Re: معاوية الزبير)
|
ماعندي فكرة يا معاوية . بحتاجو لي موية لكن ما غسيل السلالم . بيحتاجو ليها في المكنات . لي شنو ما عارف والزول الكلمني والدو بغسل ليهو سنوات امكن واحد عارف يكلمنا ولا انا زاتي بسأل واجيب المعلومة اذكر في كوستي لامن عباس ابراهيم اتبرع بي مركز الكلي كمبني . احتاجو لي مية مليون قالوا لنظام الموية . والوالي الشنبلي كتب ليهم شيك بي مية مليون لافين بيهو ما عرفو يصرفو حتي تطوع بعض الخيرين بذلك . ما تقول لي الشيك وينو هسة
| |
|
|
|
|
|
|
Re: وتزداد الحياة قسوة (Re: معاوية الزبير)
|
اها سألت ليك سيستر شغالة في المركز قالت الموية مهمة زيها و زي الكهربا بحتاجو ليها لفلترة الرواسب البتخرج من المرضي وناس المطافي بكبو ليهم الموية بي قروش . ولو ماعندهم قروش برجعو المرضي بخصوص سؤ الظن وكدة الواحد يعمل حسابو ياخ الليامات دي بقت ما مضمونة
| |
|
|
|
|
|
|
Re: وتزداد الحياة قسوة (Re: عمر دهب)
|
حبابك دهب تعرف قاعد اقدم نصيحة لمعارف دايرين يجو راجعين تجي مقتنع انك حتعاني معاناة قاسية . غض النظر عن وضعك المادي اذا ما مستعد ليها ما تجي لو عينك علي باب الخروج ما تجي لو بتقارن ما تجي وتأكد انك تستطيع ان تعيش رغم المعاناة كون انك تسعي لاسقاط هذه السلطة
| |
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
والله يا اب سن فعلا نحن ماعارفين ماشين لي وين الحاجه الله يديها الصحه والعافيه فحوصات ساي قريب العشره مليون وكل دكتور يحولها للبعدو يعني استفيد وفيد غيرك يعني السودان لو مافي اتنين على الاقل خارج السودان والله الناس دي ماتقدر تعيش وللا تكون مع الجماعه ديل غايته لينا الله بس نحن، ويجو جماعتك يقول ليك الخروج عن طاعة الحاكم حرام جايبين ليهم احاديث ماعارف قاطعنها من وين
| |
|
|
|
|
|
|
Re: وتزداد الحياة قسوة (Re: Rami Abdelkareem)
|
والله يا رامي عصابة الاطباء دى براها حكاية . في اطباء عندهم اخلاق مهنية وبالذات في الاقاليم . اما الخرطوم فغابة الفحص الفي الاقاليم بسعر في الخرطوم مضاعف . رغم انو المواد بتجي من الخرطوم وبعدينك القصة زي الخدمة السرية . ما بكلموك الفحص بي كم . يدوك الفاتورة بس . والناس بتخجل تدفع بس بعض الاطباء بياخدو نسبة من المعمل !! ويكتبو ليك فحوصات غير ضرورية انت داير زول عارف ويفهم ثقافة عامة في الطب يحكها مع الدكتور .. ويسأل انا عندي تجارب شخصية . رفضت بعض الفحوصات وناقشت الدكتور وما كان عندو اسباب مقتعة وناقشت في الاسعار مع المعمل حتي الصيدلية . تديهو الورشتة وينزل ليك الادوية ويديك المبلغ . لا وريني الاسعار وبشوف كم صيدلية تانية دي بقت دكاكين مش صيدليات عندها سعر ثابت بشترو من السوق ومن تجار الشنطة
| |
|
|
|
|
|
|
Re: وتزداد الحياة قسوة (Re: Rami Abdelkareem)
|
Quote: ياعبد اللطيف والله العزيز عليك كان لقيت طريقه جيبو زياره عندك ناس السودان محتاجين لي مصاريف بس عشان يقدرو يمشو حالهم اهو الواتساب قاعد وبالفيديو كمان |
رامي ياحبيب حبابك والله ومنور البورد شايفك ترخيص ٢٠١٧ ههههههه،
كلامك صحي والله ، لكن انحنا ناس زولاً هناك قولة سلام تبقالو روح، عايزين نعفر أقدامنا بتراب ذكريات الناس والأمكنة والحادثات الخالدة في حياتنا!!
لي متين حنظل في هذه الدوامة وبعدين الواحد يحتاروا يدفنوا وين؟؟
غايتو وصيتي في العلن ، محل أموت يدفنوني ،،
وأسأل الله الواحد القهار أن يعذب من كان سبباً في شتاتنا عذاباً بيناً غير هين!!
| |
|
|
|
|
|
|
Re: وتزداد الحياة قسوة (Re: عبدالحفيظ ابوسن)
|
يا عبدالحفيظ بوستاتك أصبحت تطير النوم من العيون وترسب الاحباط والحزن في النفوس، والأسوأ من ذلك أن البلد تفقد صبيحة كل يوم بعض ما كان يدعو للاعتزاز والفخر. كان الله في عونكم (في الداخل) وفي عوننا (في الخارج).
| |
|
|
|
|
|
|
Re: وتزداد الحياة قسوة (Re: محمد الأمين موسى)
|
الاعزاء عبداللطيف محمد الامين اعتذر جدا للاحباط لكن اياهو الواقع العايشنو وبعد دة كلو كمية العربات آخر موديل والحديثة تفوق اي دولة غنية وعينة المباني الشاهقة الفخمة تشابه غيرها في الدول النفطية
| |
|
|
|
|
|
|
|