طالعت في الكوكتيل الاخباري خبر السودان التاسع عالميا في انتاج الذهب
مؤكد كل من قرأ الخبر ح يسأل نفسه سؤال اجابة هذا السؤال في نكتة الشايقي دا
شايقي اشتري كيلو لحم ضاني كارب وقال لمرتو اعملي لينا شية كاربة في الغداء المرا ماقدرت تصبر اكلت اللحم كلو قبل الغداء
وكت الغداء جابت ويكة بكسرة للراجل
الراجل اسستغرب قال ليها وينها اللحمة قالت ليه اللحمة غفلت منها اكلتها الكديسة دي كلها الشايقي زعل شديد عنده ميزان خت الكديسة وزنا وزن الكديسة طلعت كيلو بالظبط
قال للمرا اها يانفيسي النعتبر دي اللحمة الكديسة وينا ؟؟؟؟
اها ياخوانا النعتبر الدهب المصدر ياهو الوصلنا المركز التاسع السودان وينو ؟؟؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اسامة عثمان السيد
فيس بوك
تويتر
انستقرام
يوتيوب
بنتيريست