كتب الكاتب الفاتح جبرا المتوفرة بمعرض الدوحة
|
Re: إكتشفت سبب انتحار روبن وليامز (Re: أبوبكر عباس)
|
ولّ قلعها؟
لمان رجعنا العربية بدت مكارم بشير تغني: ما زي عوايدك إتّا تتناسى أو تتغيّر
طوالي جاء في راسي سبب انتحار روبن وليامز الاكتشفتو في بوست مأرشف
جاتني نومة حلمت مباشرة أشوف في عين النائم شجار بين الله والملاك مالك الوكت بقى لي يوم قيامة المكان صحراء فيها صخور ترابية أنا سحلية عيونها كبار ومطلع راسي من حفرة أراقب في الشجار في حفرة مجاورة في ضب برضو بتابع من بسمتو الوصفتها آمنة مختار عرفتو دا روبن وليامز
كنت مستغرب في شكلة مالك ومطالبته لله بنهاية خدمة محترم قلت لو أداهو نهاية خدمة ح يمشي وين؟!
| |
|
|
|
|
|
|
Re: إكتشفت سبب انتحار روبن وليامز (Re: أبوبكر عباس)
|
الغريبة في البوست الأول كنت ناوي أدي وليامز تبرير جميل للانتحار التبرير غير السبب لكن لمان العربية وقفت جنب بيتنا، نزلت قبل أدخل البيت قلت اسلم علي عاطف ترّعة في كنتينو جاء ابراهيم الساكن في بيت شراب طلب سجارتين برنجي قلت لعاطف اديهو علبة كاملة هسع بقى عندي تلاتة أسباب خلتني أكتب البوست: - غناء مكارم - الحلم - ولّ ونستي مع ابراهيم وعاطف أضيف سبب رابع شجرة المهوقني الفي بيتنا قررت أقطعها للاستفادة من خشبها ولتبدأ خيام جديدة
| |
|
|
|
|
|
|
Re: إكتشفت سبب انتحار روبن وليامز (Re: أبوبكر عباس)
|
السلام عليكم يامستنير .. ثم كل سنة وانت طيب ياخ ..رسلنا ليك التورتة دليفري وفيها صورتك وإنت مشنق العمة لو انت حايم في شارع الشرق تكون وقعت ليها في زول مجازف .. أستلمها وزور توقيعك :)
... السيد المسلمي .. ظلامي قديم وممول سابق لبيوت الأشباح قبل ماتراجي تبقي حكومة والناس مظلومة واخ وشقيق لصاحبك المسلمي :)
| |
|
|
|
|
|
|
Re: إكتشفت سبب انتحار روبن وليامز (Re: السيد المسلمي)
|
وحات كل شيوخ الكباشي، كنت داير أدخل بوستك عن أخوك، لكن الكتابة عن الحنين تأذيني زايد انو في زميل قبل كدا اتهمني في تراسل داخلي بأنني تجاوزت في حق العوض، اشتكيت للمسلمي صديق قوش المهم الرسالة استلمناها
| |
|
|
|
|
|
|
Re: إكتشفت سبب انتحار روبن وليامز (Re: أبوبكر عباس)
|
ساكن في بيت الشباب البقع غرب بيتنا ولي بيت شراب بيت الشباب دا بنتو بعثات شبابية في زمن مايو أواخر السبعينات كنا بالمتوسطة نمشي نعمل تمارين مخاطبة للغتنا الانجليزية مع للشباب الافارقة في شكل ونسة ونجيب ليهم بالتناوب لقيمات وشاي مغرب جيران بيت الشباب دا كان عندنا مركز شباب بانت غرب لمان الانقاذ جات وزعتر وعملوهو جامع للآن قاعد أسأل أخواني هل قدروا يغيروا شهادة البحث باعتو؟
| |
|
|
|
|
|
|
Re: إكتشفت سبب انتحار روبن وليامز (Re: أبوبكر عباس)
|
في جيب مكشوف زي بتاع عساكر الحرب العالمية التانية جاء في اتجاه مالك والله أنا ووليامز نزلنا راسنا في الجحور خفنا اللساتك تعفصنا بعد الجيب مرّ قلت ما كان أنزل تحت، لأنو ما ممكن الزول يموت يوم القيامة
| |
|
|
|
|
|
|
Re: إكتشفت سبب انتحار روبن وليامز (Re: أبوبكر عباس)
|
المثقف الكبير ملك الكتابة المرحة والملح بالمنبر الاستاذ حاتم الياس قال اجرى متشعبط فوقو هنا: قوات من الاحتياطي المركزي محاصرة مظاهرة للشيوعيين بفريق الحجر، واحد من البعام الشيوعي يتحاوم حول الكومر دايرم يقبضوهو واحد من العساكر بعرفو قال ليهو: يا بعام، الليلة لو بقيت نقد ما بتركب الكومر دا كن ملك الثقالة محمد سليمان قال لجرو متشعبط فوقو: يا جرو، شايفك شاركت في البوست، لكن وحات رب المجرات ما قريت مداخلاتك لو لقيت زمن، أوعدك بقراهن
| |
|
|
|
|
|
|
Re: إكتشفت سبب انتحار روبن وليامز (Re: أبوبكر عباس)
|
ما من عوايدك إتّا تتناسا أو تتغير من أمس بحاول ألقى ليها شاعر حسب المكتوب عنها ما معروف شاعرها
نرجع لواحد من المواضيع الاساسية: ابراهيم وليس ابراهيم حسين من جنوب النيل الأزرق، نزل المعاش من مجلس مدني وسط قبل خمسة سنين، يعني في نفس سن روبن وليامز حين انتحر، نحيل الجسم نحالة شديدة الزول بعد يتعدى الستين قاعد اشوف في عيونو نقصان في حلقة السواد في الحتة الصغيرة الناقصة من السواد في سر لغة كبير تقراهو دون تعب
في العشرة دقائق دي، ابراهيم لخص لينا عبر أسئلتي مسيرة حياتو
| |
|
|
|
|
|
|
Re: إكتشفت سبب انتحار روبن وليامز (Re: أبوبكر عباس)
|
. . . في مدرسة الخرطوم القديمة ... استاذ الفيزياء مرغني يوسف كان بيدرس فينا في قانون ارخميدس ... في بداية الحصة قال يا اخوانا ارخميدس لما كان بيستحمى و طلع من الحمام عريان وقال وجدتها وجدتها ... كان بيستحمى في شنو ؟ ردّ ليه واحد من الطلاب وقال ليه كان بيستحمى في (طشت) ... الاستاذ قال ليه يا زول انت من (الجريف) ولا شنو ؟ "باعتبار انه ناس (بُري) ب ينظروا لي ناس (الجريف) ك (عرب) غير متحضرين وما بيفقروا بين الطشت والبانيو" ... . . بعد قراءة عنوانك يا بكة ... اتخيلتك كنت بتستحمى لما اكتشفت سبب انتحار روبن وليامز ... بس ما عارفك كنت بتستحمى في طشت ولا بانيو ...... . .
| |
|
|
|
|
|
|
Re: إكتشفت سبب انتحار روبن وليامز (Re: قسم الفضيل مضوي محمد)
|
إتّا طبعا يا قسم، ما مثقف زيي، وغير ملم بالمبدعين أمثال وليامز ديل، ما بعيد إتّا وعنقالة كثيرين هنا تكونوا أول مرّة تسمعوا بيهو في البوست دا، زي وليامز دا وتوم هانكس، جوليا روبرتس، ميري ستريب، جزء هام من حياتنا. لمان نبينا وليامز دا ينتحر؛ تراتيب كتيرة جواك بتهتز وتظل تفكر في الأمر طويلا جداً
| |
|
|
|
|
|
|
Re: إكتشفت سبب انتحار روبن وليامز (Re: أبوبكر عباس)
|
غايتو حسب علمى كعنقالى هنا انو واحده طقطقتو 30 مليون دولار عشان يطلّقا الفلس مع عدم اليقين و الخواء الروحى بيودّى التوج الغريبة شال سكينو الصغيرة عشان يقطع شراينو و بدا فى الحاجه دى لقاها حاره .. ساكت جرّح ايدو ... ف شنو قام شنق نفسو بى حزام بنطلون معقولة دى ... حزام بنطلون !!!!!! اها الروايه دى ما واقعة لى و اشكك فيها و فى صحتها تماما و بالتالى يكون ركن من اركان البوست ده انهد نتابع الحلم و حكاية عم* ابراهيم بلقى لى فيهن فرقة قطع شدرة المهوقنى دى الحرقتنى ____ * بالمناسبة عممّتو عشان هو نزل المعاش و كده
| |
|
|
|
|
|
|
|