|
|
|
 Re: علي عثمان ذات العرقي الداشر (Re: معاوية الزبير)
|
هههه
تعرف معاوية فتشت لي لغة ولا منطق ارد بيهو علي كلام الزول دة لقيتو صعب خلاس
المنطق لامن يكون بائس و ساذج ويرتد بالمنطق زاتو ما تعرف تقول شنو .. اسحن تسكت بس وتخلي الناس تكشف بؤسه ... وتتحسر للعقليات التي تحكمنا
| |
 
|
|
|
|
|
|
|
|
Re: علي عثمان ذات العرقي الداشر (Re: عبدالحفيظ ابوسن)
|
قلت ليكم يا حفيظ الناس ديل عايشين في عالم من أوهامم
وذاهلين عن الواقع
يعتقدون أنهم خلفاء الله في السودان
وبما أن البشر عباد الله فـ بالتالي نحن عبيدهم
يختبروا فينا أوهامهم ونظرياتهم
هم صادقون جدا في أنفسهم بهذا الاعتقاد والظن والوهم
ولذلك لا بد من هزهم هزاً و رجهم رجاً
أقل شيء مثل ما حدث مع القذافي
لكن باختلاف سماكة العود
| |
|
|
|
|
|
|
|
|
|
Re: علي عثمان ذات العرقي الداشر (Re: معاوية الزبير)
|
تعرف يا ود أب سن الكيزان ديل مثيرين للشفقة والإشمئزاز
يعني معقول ممكن زول عنده عقل يمشي فيه زي جنس الكلام الفارغ دا
الناس بتشوف بي عيونها كيف إستطالت عمارات الكيزان وكيف تضخمت ثرواتهم
الداخلية والخارجية معقول عاوزين الناس يشتروا منهم الكلام الفارغ دا
اذا علي عثمان صادق خلي يمشي يرجع أي قرش إكتسبه من السلطة
ويرجع إبن موظف بسيط ويعيش زيه وزي باقي الشعب السوداني
مش يتجدع في البساتين ويعانق الثراء ويجي يقعد يونس في الناس
بي مجاعة سنة 1958
| |
|
|
|
|
|
|
|
|
|
Re: علي عثمان ذات العرقي الداشر (Re: عبدالحفيظ ابوسن)
|
الاشكالية يا عظمة ان يأتي ذلك من الانتلجنسيا
معقول ذهنية الاستبداد والتسلط تؤثر في قدرات الانسان العقلية
معقولة جدا سنة 1958 تنعدم عيدان الثقاب معقولة جدا . وقبلها بقرون عدة كانت النار اكتشاف!!!
وهذا لا يقارن بذلك
| |
|
|
|
|
|
|
|
|
|
Re: علي عثمان ذات العرقي الداشر (Re: عبدالحفيظ ابوسن)
|
فرق بين من يعاني من حمل الصخر طائعا لقاء اجر
ومن يعاني من نقل الصخر سخرة مجبرا دون اجر
معاناته هنالك لها طعم وقيمة العمل
ومعاناتها هنا لها طعم المهانة واحساس القهر والعبودية
توجد معاناة تترفع بقدر الانسان وتحفزه للمضي قدما نحو واقع افضل وتكون رصيدا نفسيا محفزا لها
وهنالك معاناة تقهر الانسان وتحط به وبإهتماماته
كيف لشخص مثققف ومبدع ان يكون كل همه فقط في توفير ابسط مقومات الحياة . ويستهلك ذلك كل ساعات يومه ؟
الاحساس بالقهر نفسه مربوط بوضع الانسان الثقافي والتعليمي ووعيه
| |
|
|
|
|
|
|
|
|
|
Re: علي عثمان ذات العرقي الداشر (Re: عبدالحفيظ ابوسن)
|
حكي لي شقيقي وكان طالبا بالطب .. قال لي
الاحساس بالالم ما واحد .. استاذهم قال ليهم مرة جابو ليهو عميد كلية الطب .. وكان قد ذكر لي الاسماء وانسيتها
قال جابو ليهم العميد وكان اخصائي باطنية .. متألم جدا يتبعه كل افراد الاسرة قلقين .. وكشف عليهو وبعد الفحوصات لقا عندو قرحة لا تتجاوز راس الدبوس
وللصدفة الغريبة جا عامل طلبة بنا متألم . جا ماشي بي كرعينو وبشكي . وبعد الكشف لقا عندو قرحة اتفجرت
| |
|
|
|
|
|
|
|
|
|
Re: علي عثمان ذات العرقي الداشر (Re: عبدالحفيظ ابوسن)
|
ده رجل محتال
قول ليهو في حياتك كلها اشتغلت في وظيفة منتجة يستفيد منها المجتمع الصرف على تعليمك من اولى ابتدائي كم يوم ؟ اشباهك من محترفي السياسة هم سبب كل بلاوينا وقد اصبحوا بالملايين في عهدكم البائس ، طفيليات تتغذى على دماء الشعب وياريت لو عايزين ياكلوا ويعيشوا زينا !
شوف مزرعتك العايش فيها دي والبيت الفيها ده مص دم كم زول بسيط دخلوا في السنة لا يتعدي 24 الف جنيه ؟ شوف في كم واحد زيك من سنة 89 والى الان ؟
يمكن حصل زمن عبود انعدم الكبريت ، لكن قطعا لم ينعدم لسبب يخص الاقتصاد ، دي مشكلة تجار واكيد اتحلت في اسبوع وانتهت ، كبريت شنو ، اي زول ممكن يولع نار بدون كبريت في دقيقة ونص وبدون ما يدخل ايدو في جيبو ، لاكين كيف ممكن يجيب 20 عيشة لي اولادو لو جيبو فاضي ؟
والدي يرحمه الله عمل معلما ، اتزوج زمن عبود الانعدم فيهو الكبريت ده ، الشيلة بتاعتو كان فيها 12 غويشة من بتاعات زمان ديك ، وهو مجرد معلم صغير في بداية الطريق وليس لديه اي مصدر دخل اخر .. هل يستطيع المعلم الان شراء عجلة ؟
يا حرامية يا لصوص
| |
|
|
|
|
|
|
|
|
|
Re: علي عثمان ذات العرقي الداشر (Re: عبدالحفيظ ابوسن)
|
هم لا يكذبون !! بل يظنون انها الحقيقة !
---------------------------------------------
كلهم كذابين يا ابوسن وعلى عثمان اكذبهم انا شخصيا اكبر منه عمرا واقسم بالله العظيم كل ما ذكره عن انعدام الكبريت عام 1958 مجرد كذب براح ...عام 58 لم تكن هناك ازمة اقتصادية بل كانت هناك ازمة سياسية نتجت عن الصراح بين الاحزاب وعبدالله خليل حسمها بتسليم الحكم للجيش
| |
|
|
|
|
|
|
|
|
|
Re: علي عثمان ذات العرقي الداشر (Re: Hassan Farah)
|
تحياتي حسن
لعلي عجزت عن ايصال المعني
الادراك !!
إن كنت تعتقد في امر ما ستراه صحيحا جدا
ستراه وحدك صحيحا
ولن تكون كاذبا امام نفسك
ألم تقرأ للمتنبئ
ومن يكن ذا فم مر مريضا
يجد به مرا الماء الزلال
| |
|
|
|
|
|
|
|
|
|
Re: علي عثمان ذات العرقي الداشر (Re: عبدالحفيظ ابوسن)
|
مهمة الخمرة ان تكسب الانسان الفرح والبهجة وتنتزعه من واقعه ايا كان .. ليحلق في عوالم اخري بهيجة
هذه الخمرة الجيدة .. اما بعض الخمور بتعولق الزول
وسمعت تعبير العرقي الداشر من الذين يتناولون الفرح المعبأ في الزجاج كما يسمونه تحببا .
سمعته منه كونه بعولقك .. ويدفعك للاستفراغ ويفعل اكثر من ذلك ان تناولت منه ما يكفيك
ف شنو
بضوقوهو ويقولو عرقي داشر ولا يواصلون شربه
ف شربه لن يجعلك تغيب عن واقعا في فرح او ينقلك لعوالم اجمل
بل ستصحو الصباح وتجد نفسك في حالة تخجلك
| |
|
|
|
|
|
|
|
|
|
Re: علي عثمان ذات العرقي الداشر (Re: Hassan Farah)
|
تعرفوا يا أخوة كل ما الواحـد يقول يسيب التذكير بافاعيل هؤلاء يتذكر مرة
أخرى أنه لا يزال هناك من ينخدع بأقاويلهم المزخرفـة
لذلك فالتنويــر عمــل مستمــر
https://youtu.be/vish2a4HgSchttps://youtu.be/vish2a4HgSc
بالله نزلوا الفيـديــو دا (للشــيـــخ) علي ... ينوبكــم ثــواب
اصلا الصورة والصــوت بتشتغــل في العقــول أكثر من الكتابــة
أحمـد الشــايقي
https://youtu.be/vish2a4HgSchttps://youtu.be/vish2a4HgSc
| |
|
|
|
|
|
|
|
|
Re: علي عثمان ذات العرقي الداشر (Re: Hassan Farah)
|
اب سن سلام
مولانا الشايقي لكن ماعصرت شديد علي الراجل
من ثقب الكبريت الي عنق القوارير .
شبه الشخصيات الكرتونية الاسطورية
وهو ابن السجانة جوار زريبة العيش
وبعد التخرج كان محامي ومؤثق عقود
في مكتبه الكائن فوق اجزخانة محمود
وبار السجانة
| |
|
|
|
|
|
|
|
|
|
Re: علي عثمان ذات العرقي الداشر (Re: MAHJOOP ALI)
|
. وأكد طه أن أي تجربة من المعاناة والحرمان ستكون رصيداً لأي شخص وسيدركها مستقبلاً بإعتبارها لبنة في تكوين الشخصية وتعبيد الطريق للأمام. الخرطوم(كوش نيوز)
وانت طريقك الى الامام كانت اموال البترول لعدة سنوات تنزل فى حسابك هذا ما جنيته من كسب سيسالك الله الله عنه وكل مثال ذره من هذا الكسب من اين اتييتها يامحروق
من غضب الملايييين
| |
|
|
|
|
|
|
|
|
|
Re: علي عثمان ذات العرقي الداشر (Re: السنجك عثمان)
|
Quote: قلت ليكم يا حفيظ الناس ديل عايشين في عالم من أوهامم
وذاهلين عن الواقع
يعتقدون أنهم خلفاء الله في السودان
وبما أن البشر عباد الله فـ بالتالي نحن عبيدهم
يختبروا فينا أوهامهم ونظرياتهم
هم صادقون جدا في أنفسهم بهذا الاعتقاد والظن والوهم
ولذلك لا بد من هزهم هزاً و رجهم رجاً
أقل شيء مثل ما حدث مع القذافي
لكن باختلاف سماكة العود |
والله يا معاوية يحلنا الحلّ بله ...
يا ناس دي مصيبة شنو البقت علينا دي .. شيئ عجيب وابتلاء أسال الله أن يرفعه عنا ...
سلام عبدالحفيظ ..
| |
|
|
|
|
|
|
|
|
|
Re: علي عثمان ذات العرقي الداشر (Re: عبدالحفيظ ابوسن)
|
كتر خيركم
علي ذمة الواتس
طه .. والكبريت :
.....................
صبري فخري
كان علي عثمان محمد طه في أوائل ثمانينات القرن الماضي يؤم المصلين في صلاة العيدين بمسجد الصحافة .. و كانت امتحاناتنا بكلية الطب صادفت عيد الأضحى حيث احتج احد طلاب السنة الثالثة وكتب قصيدة في ذلك ورد عليه بروف منقوشي بقصيدة مطلعها ..
أيا خرافا سعت للحتف طائعة
ما لمديتنا حد ولا عود
ذهبت للصحافة لأقضي ليلة العيد مع الخال و صليت خلف طه الذي حلق بنا في خطبته تلك عن احلامه في تحقيق دولة الشريعة التي ستملأ الأرض عدلا بعد أن ملأت جورا ... و في تلك السكرة دعوت الله أن يجعل مصير هذا البلد لهذا التقي الورع الذي يحمل كل الخير .. و لا أقول ان الله استجاب دعوتي بل هي كانت دعوة كثير من الذين انخدعوا مثلي ... في 1994 في الزنزانة رقم 16 في بيوت الأشباح ( منزل مأمون عوض أبو زيد سابقا .. كما قيل .. غرب بنك الاستثمار و جنوب ستي بنك ) و بعد أن تكل ايادي أفراد الأمن من تعذيبنا .. بعدها استرجع ذكريات خطبة طه في العيد .. و حلقات القران والتجويد مع البارودي و ود الريس و احلامنا في الدولة الاسلامية مع ابراهيم ادريس وطارق عبد الله .. عندها دون أن أشعر .. أحسست أن الدموع تنساب من عيني ... أدركت هول الخداع والكذب و التضليل الذي كنت أعيش في عالمه ... طه الذي كان يبشرنا بالعدل و الأمن .. طه الذي كان يلامس أشواقنا في تحقيق دولة الشريعة .. نعم دولة طه هي التي تمارس فينا أشد انواع التعذيب ... نعم الزنزانة رقم 16 التي يأبى انسان سوي ان يحبس فيها كلب وليس انسان .. و يحدث ذلك في دولة طه ... عزائي ان تلك الزنزانة اعتقل فيها من قبلي السيد الصادق و محجوب عروة و عمار ... لولا عقيدة رسخت في قلبي قبل أن أعرف طه و زبانيته لقلت ان ما يفعلونه هو الاسلام و كان خياري أن أتبرأ من دين طه و زمرته .. ولكني أيقنت أن ما يفعله طه لا علاقة له بدين سيدنا محمد صلى الله عليه وسلم ... ( ان الذين فتنوا المؤمنين والمؤمنات ثم لم يتوبوا لهم عذاب جهنم ولهم عذاب الحريق ) ..
بالأمس طل علينا طه ليمارس تدليسه و تلبيسه الذي اعانه عليه ابليس ... أتى يدعونا بأن الصبر على الشدائد يمحص الرجال .. و لم يعلم ولن يعلم بأن الرجال لا تصنعهم الشدائد و انما القدوة و القيادة الرشيدة هي التي تفرخ الرجال ...
يبني الرجال وغيره يبني القرى
شتان ما بين قرى ورجال
دعك من الرجولة و صناعتها ... دعك في قصرك المنيف بمزرعتك الوارفة الغناء .. و دولاراتك التي تحصلت عليها من نيفاشا وغيرها ( اليوم ب 1200 دولار .. ) ... عفوا ... ايها ( يصعب علي ان اقول الشيخ ) .. عفوا طه قد أفقنا من سكرتنا ... ورد الله علينا عقولنا ...
مهما تكن عند امرئ من خليقة وان خالها تخفى على الناس تعلم
لقد انكشف المستور .. و لا داع لبيع الماء في حارة السقايين ...اغلق عليك قصرك و أبك على خطاياك .. لم نعد نحتملك ..
صبري فخري
| |
|
|
|
|
|
|
|
|
|
Re: علي عثمان ذات العرقي الداشر (Re: معاوية الزبير)
|
الشوق من أجمل المشاعر في الدنيا
والكلمة ذاتها معبّرة جدا عن هذا الشعور وتناسبه تماما
كأنها خُلقت له وخُلق لها
أقصد إنو الكيزان ابتذلوا -من بين ما ابتذلوا- الكثير من الكلمات والمعاني الجميلة
إلى الجحيم with them بالإنجليزي
| |
|
|
|
|
|
|
| |
عبدالحفيظ ابوسن
معاوية الزبير
عبدالعظيم عثمان
Abdullah Idrees
Hassan Farah
أحمد الشايقي
MAHJOOP ALI
السنجك عثمان
فيس بوك
تويتر
انستقرام
يوتيوب
بنتيريست