|
Re: آراء في سجائر ناشطات العمل العام (Re: زهير عثمان حمد)
|
النصيحة ليك يا الله ما شفت لي شابة بتدخن الموضوع اختلاف ثقافات ما اكتر عندنا مثلا التدخين امام عمك او خالك او ابوك او الاكبر منك سنا عيبا يعني انا مثلا ما دخنت ولا سفيت قدام ديل ابدا الآن ما عندي مشكلة اولاد اخواني وغيرهم يسفو ولا يسجرو قدامي . لكنهم لا يفعلون . لا اقول لهم مافيها حاجة ولكن اتحاشي احراجهم لامن اشوفو في وضع تدخين الامر ما خطير
| |
|
|
|
|
|
|
Re: آراء في سجائر ناشطات العمل العام (Re: عبدالحفيظ ابوسن)
|
يا زهير سلام
فى مفهوم خاطئ سايد يجعلنا نحن الرجال نتكلم عن حقوق النساء ...المراة مفروض تعمل شنو و ما تعمل شنو...طيب لو اتغير الوضع هل بنرضى نحن الرجال ان تتغول النساء على حقوقنا و يورونا نعمل شنو او ما نعمل شنو؟
طالما التدخين غير مجرم قانونا فالمراة هي التي تختار ان تدخن او لا تماما كما الرجل و نحن ما عندنا حق اصلا عشان نتكلم فى ممارسة شخص تاني لحقوق كفلها له القانون
| |
|
|
|
|
|
|
Re: آراء في سجائر ناشطات العمل العام (Re: هشام المجمر)
|
سلام حبيبنا زهير .. التدخين في اللاوعي السوداني .. خاص بالرجال تدخين الفتاة يذهب جزء من جمالها وأنوثتها بالنسبة للتفكير السائد عندنا أظن ما في شاب يحب بنت بتدخن .. التدخين عادة ذكورية بالنسبة لأهلنا .. يعني الفتاة المدخنة هي مسترجلة
شكراً زهير ..
| |
|
|
|
|
|
|
Re: آراء في سجائر ناشطات العمل العام (Re: علي عبدالوهاب عثمان)
|
الاخ علي
Quote: التدخين في اللاوعي السوداني .. خاص بالرجال تدخين الفتاة يذهب جزء من جمالها وأنوثتها بالنسبة للتفكير السائد عندنا أظن ما في شاب يحب بنت بتدخن .. التدخين عادة ذكورية بالنسبة لأهلنا .. يعني الفتاة المدخنة هي مسترجلة |
هل هذا هو رأيك ؟
| |
|
|
|
|
|
|
Re: آراء في سجائر ناشطات العمل العام (Re: Osama Mohammed)
|
حبيبنا أسامة .. مودتي .. لا ليس الرأي الخاص بي .. ولكن بحكم أنني نشأت وكبرت في جزر نائية في شمال السودان فمثل هذه العادة كانت جريمة أو منقصة لأهل البنت وحتى إلى يومنا هذا في تلك البقاع البعيدة .. مثل جزيرتي أرتقاشا في اقصى شمال السودان أنا دائماً أنقل الصورة من واقعي فقط .. لأن هكذا الصورة تكون واضحة مثلاً عندنا زمان قبل أكثر نصف قرن وأكثر .. أذكر أن الحبوبات من كبار السن كانوا يتناولوا عرقي التمر ولكن ليس لدرجة السكر وفقد والوعي .. ولكن بالنسبة للشابات لا حتى التمباك الاخضر ولاحقاً السعوط كان ممنوع للفتيات أو الشابات بعد أن تصبح فوق الستين والسبعين مرفوع عنها القلم ولتكون الصورة واضحة للباحث والقاريء لا بد أن ينقل كل واحد منا الصورة الذهنية لدى أهله وليس له شخصياً .. هذه هي الحكمة من وراء مداخلتي ..
| |
|
|
|
|
|
|
|