|
|
|
 Re: بنك السودان ينفي تحديد سقف للصرف (Re: عبدالحفيظ ابوسن)
|
الناس الجوة ما محتاجين للبنك يصرح ولا ينف
الناس جوة هنا بتواجه الاحداث مباشرة
التصريح دة للناس البرة
حكي لي زول وتحديدا من بنك الخرطوم مشي يصرف ولقا زحمة مبالغ فيها . واستحالة في الصرف
والناس تتذمر . وعسكري واقف مانع الناس الدخول
وقريت في الفيس لصعوبات لاقت بعض الناس في عدم قدرتهم لسحب مبالغ مالية لعدم وجود سيولة
| |
 
|
|
|
|
|
|
|
|
Re: بنك السودان ينفي تحديد سقف للصرف (Re: عبدالحفيظ ابوسن)
|
أضف لذلك تصريح الرئيس انو واحد سحب 900 مليار من البنك وما رجعها
كدة !!!؟؟؟
يخليك تراجع نفسك مليون وواحد مرة ياربي سحبها كيف يعني ؟ وانت عارف البنك بنجضك لو داير تصرف شيك بي مية جنية .
ولو داير سلفية يقرب يطلب منك تجيب مستند بعدد ملابسك الداخلية زاتها خلي عقار
بكل بساطة التصريح بقول سحب 900 مليار
تزعمية مريااااار !! يا النبي نوح !! ديل كم صفر ؟ كم ؟ طرشمية صفر ؟!
قديم ولا جديد دة هسة
والمزارعون يخشو السجن في برميل جاز
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: عبدالحفيظ ابوسن)
|
الجري قبل الشوف قدلة
مثل سوداني
الناس ما عندها شغلة بي يصرح ولا يطلع في راس الميضنة ويسمع الناس
الناس عليهم بالشايفنو
تصريح الرئيس
ماشايفنو في البنوك وما سمعوهو من ناس قريبين ليهم كتجربة حقيقية في صرف مبالغ زهيدة ومعاناتهم
ما شايفنو في الصراف الآلي
دة كلو بخلي الشائعات ولا حقيقة تنتشر
الشائعات البدتا الحكومة زاتا
يطلقو شايعة انو في مليار دولار خاشة من دولة نفطية
في وديعة جاية
غذت المجتمع بالشائعة والمجتمع عكس ليها الكورة
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: عبدالحفيظ ابوسن)
|
والناس تسمع
وتنخلع وتتدافع
والواتس والفيس ما بقصرو
هايبر انفليشن لافي لف جد
انفليشن اند ديفليشين لافي
امراض الاقتصاد الرأسمالي لافة
تآكل النقود .. ال ال ال
امراض لايمكن تواجدها في وقت واحد كلها قاعدة في وقت واحد
الرعب
يسيطر الرعب علي الناس
الخوف
وكلو مربوط بالغضب
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: عبدالحفيظ ابوسن)
|
امس
مقاول بتكلم معاي
قال مشي يشتري من مغلق .. سيد المغلق ضرب للبائع الماسك الدكان
وقف البيع
قال لي وقف البيع بعد تحديد تكلفة مشترواتي ب 185 ألف
ضرب ليهو تاني قال ليهو تخت 10% علي اي صنف
وفعلا حصل
مشترواتو البي 185 الف بقت 203.5 ألف
ياهو السوق
الماشي لي مكان وحيدقر فيهو
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: عبدالحفيظ ابوسن)
|
ياهون دة الواتس والفيس مليان قصص
اهل السلطة
فلان سحب كم كدة
فلانة سحبت
فلانات وفلانين سحبو
حولو القروش لي دولار
فلان ساق اولادو المطار وياهون ديلك شايفهم متخارجين
وقالوا منو ومنو اجتمعو مع منو وهو ابا
رفض
قصص تجيك لافة كل دقيقة
ولا تبشر بخير
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: محمد الأمين موسى)
|
تعرف يا محمد .. كنا لاعبين مع جدي الطيب جلي في بيتو في رفاعة
وهو زول قدامي وضكران .. الا في الكوشتينة غلبك بنجضك نجاض قبورة .. غلبتو بخرخر معتمدا علي السلطة الابوية
لاعب ضدو .. ويست
وزعو الورق وشو نور عديل كدة ... عرفتو ليك ورق سمح
ورقي ابيض اظنو عشرة مافيهو خلي بلي ولا صورة
زميلو عرفو .. سماها سبعة ما مربوطة
زميلي باص
قال حداشر جدي
يورطني يعني ألعب اخسر يلعب امكن سيك عديل
كشف ورقي ابيض
دك
واضحة ألف با تا الويست
قال ما بدك
ليه يا عمك ورقي ابيض
خلاس دكوها انتو التلاتة !! ووزعوها بيناتكم . انا ما بدك
هي لكن يا جدو ندكها التلاتة وانت ماسك السلاح كلو في يدك
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: عبدالحفيظ ابوسن)
|
بدأ الانهيار الاقتصادي منذ زمن طويل . وظلت تتراكم الاسباب
بدأ حين تم حل النقل الميكانيكي وبدأت المؤسسات منفردة في شراء العربات
بدأ حين فرضت السلطة الزكاة والعشور والقبانات والجبايات علي النشاط الزراعي
بدأت حين قامت البنوك بتمويل الزراعة وفرض شروطها علي المزراعين
بدأت حين ساهمت الحكومة في ابعاد البيوتات التجارية الشهيرة في الاستيراد والتصدير وزرع غيرهم الذين لا يملكون سوي جشعهم
حين حجمت دور الامدادات الطبية
حين تخلت عن الصحة والتعليم
حين خصخصت المؤسسات العتيقة
حين دمرت مشروع الجزيرة
حين
حين
وما يحدث اليوم ليس سوي استلام نتيجة نهاية الدراسة
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: عبدالحفيظ ابوسن)
|
بدأ الانهيار
حين منعنا الاصدارات المعرفية وصارت المكتبات خاوية علي عروشها وتحولت لدكاكين ادوات مكتبية
وبل حين لحقنا الفارشين في الارض كتبهم الخاصة وكتب غيرهم الخاصة طاردناهم بالمنع والتشريد
اغلقنا باب العقل والمعرفة وبدأت رحلة التجهيل
فتولي شأن الثقافة والمعرفة عدوها
انهار التعليم
فصدقنا المكواة ام ديك وابوالقنفد
وتركنا العمل يسيل لعابنا لقصص الذهب
وحبسنا التلفزيون ننتظر اذاعة اسمنا في الفائزين من قبل شركات الاتصال
بمعني
ساهمت السلطة في بث رسائل الثراء السريع المفاجئ
ونسينا اهم شروط النجاح هو العمل
العمل بجد
العمل الذي يعد له الصغير قبل ان يصبح
العمل المربوط بالمعرفة
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: معاوية الزبير)
|
تسلم ياسر
الوضع مؤلم .. مزرئ ومخيف
الشعب دايش في اكلو عيشو
يتخلع ويتخازز زي المسعور
بتي امس قالت لي قلم البك بقا بي 8 ج وكان تلاتة
تلك الاشياء الصغيرة الاقل من ان تلاحظ .. الاستيكة وقلم الرصاص وكرس 24 ورقة . وحلاوة ام جنية . وكيس الدندرمة ولا العرديب بالشطة
وصلت وليداتنا القصة
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: عبدالحفيظ ابوسن)
|
يا دهب هو المواطن لاقي يدس . بالكاد هو يسد رمقه
بالكاد يعيش علي هامش الحياة
يعاني يوماتي
الناس الحابسه البنوك دي عارفها مالها ؟
الحكومة ألزمت أي موظف يفتح حساب عشان ماهيتو تنزل فيهو
ويوم الماهية البنوك والصرافات زحمة مبالغة
مافي زول عندو صبر لامن الزحمة تخف . متضايق وراجي الماهية وهي زاتا شن طعمها
اها
القصة في المواهي دي الخلت الناس تنتبه لقصة السيولة
| |
|
|
|
|
|
|
|
|
|
Re: بنك السودان ينفي تحديد سقف للصرف (Re: عبدالحفيظ ابوسن)
|
اسوأ ما يترتب على هذا الانفلات التضخمي يا حفيظ هو توقف عجلة الانتاج تماما
يعني حتى صغار المنتجين والمزارعين يتعرضون لخسائر متوالية بسبب ان قيمة البيع لا تسوي شيئا اذا ماقورنت بتكلفة المواد الخام ومدخلات الانتاج الجديدة
حكى لي قريبي انه لن يزرع ارضه هذا العام، قلت له البصل السنة دي ماقالوا بعتو غالي .. فقال : ماحايجيب قيمة الخيش والملح للموسم الجديد
| |
|
|
|
|
|
|
| |
عبدالحفيظ ابوسن
محمد الأمين موسى
Yasir Elsharif
عمر دهب
معاوية الزبير
عمر التاج
فيس بوك
تويتر
انستقرام
يوتيوب
بنتيريست