|
Re: يا ست البنات، والله مشتاقين (Re: أبوبكر عباس)
|
طيب يا أخوانا، خلونا نتفاوض حول هبوط ناعم إن شاء الله في أديس أوكي بنديك فرصة، لكن ما تجرجر معانا وتلف لينا لفات طويلة
أوكي ديل
مقدمة: زمان عندي صاحبي اسمو عمر بنقو كل ما ألاقيهو بطلب منو بحكي لي نكتة واحدة، زمان قبل انفصال الجنوب كان ممكن تفسر عنصرية، لكن بعد الانفصال عادي نحكيها، لأنو ما في لحمة وطن نحافظ عليها أضم صوتي للمنادين بفصل دينق من المنبر. جنوبي سألوهو أكتر كلمة في العربي بتحبها شنو؟ قال ليهم: سبأ وكمسين (٥٧) قالوا ليهو طيب واحدة تاني بتكسرك أكتر من دي قال ليهم: ميّة سبأ وكمسين (١٥٧)
في قرد فوق شجرة بسمع في الحوار دا قال للقرود المعاهو: قوموا نشوف لينا شغلة المعفن الاسمو المستنير دا يوم بكتل ليهو زول لو بقوا على جلدو، أنا بجيب لي جك موية باردة بكشحو ليهو في وشو
معفن
| |
|
|
|
|
|
|
Re: يا ست البنات، والله مشتاقين (Re: أبوبكر عباس)
|
أحمد شبو قال لي بمناسبة جك الموية دي: دنقلاوي ساكن جرادة* أخوهو رسل ليهو تلاجة من السعودية يوم في شهر واحد حسّ انو في حرامي داير يتلب عندو في البيت فتح التلاجة وشال جك الموية وكسر طبقة التلج الخفيفة الفوق باصبعو ولبد للحرامي محل الحيطة قصيرة، محمد صالح الحرامي أول ما تلب لمحمد صالح سيد البيت؛ المويّة البارد كش في وشو قال بعد نفس طويل: يلعن أبوك مهمد ساله ما عندك عكاز؟!
| |
|
|
|
|
|
|
Re: يا ست البنات، والله مشتاقين (Re: أبوبكر عباس)
|
. . يا ابكرونا ... انت قبل يومين ما قلت داير تبقى زول كويس وتبطل السجاير ... . . طيب ما دام بقيت مدمن وغلبك تبطل ... ماااا تشوف لينا بوست عطبرة الحلوة ... عشان ثنائي النغم ود المدير وجلال الدين يجوا يمتعونا بجاي ... . . سؤال اخير يا مستنير ... انت طالما عطبرة دي حلوة كدة ... ليه الجماعة ديل هجوا ومرقوها في براري كندا التي تموت حيتانها من الصقيع ؟؟؟ . .
| |
|
|
|
|
|
|
Re: يا ست البنات، والله مشتاقين (Re: قسم الفضيل مضوي محمد)
|
نفهم من سؤالك دا يا حمد، انك داير اجابة مباشرة من غير لولوة
أوكي ديل
خد لي بالك مقدماتي وتعال معاي: معاوية الزبير عندو تعبير بليغ بستعملو كتير، لأنو هو زول بمل المطاولات ومرّة قال لي: مستغرب أقفال الأبواب بعملو المفتاح يقفل لفتين لشنو؟! المهم عندو استعمال لتعبير "شنو كدا لشنو كدا" بصورة ممتازة تفيد الاختصار والبلاغة العجيبة أها معاوية دا صديق لأهل ست البنات أها بكون في ونستو معاهم أكيد قال ليهم شنو داك لشنو كدا في شنو كدا أهل ست البنات أكيد بكونو يوم قالوا ليها: يعني شنو داك لشنو كدا أها في بوست الشمعة والمطرة والكلاكلة وصنقعت آخر مداخلة كتبتها ست البنات، قالت لي: أبكر دا شنو كدا قلت ليكم شنو ما عارفة
أها وأنا بقرأ في المداخلة دي، جاني احساس سعادة عجيب قلت لازم أرد الجميل فكتبت البوست وكدا
| |
|
|
|
|
|
|
|