جرام الذهب اول امس 1600 ج الفئة حتكون كم يعني؟ ماهي لازم تكون متينة وما خفيفة كمان عشان ما تتهشم وتترم دي واحدة . يعني اقل شي واحد جرام . زمان كانت مستديرة زي الريال المواطن العادي ما اظن مقصود بيها ولا متوسط الحال زاتو . الفكرة شنو في انو يكون عملة ذهبية فوق مقدرات 90% من الشعب وقال ليك مصنع ألماني كمان الناس في شنو وناس الحكومة في شنو يكون قرأ في التراث دينار ذهبي وداير يعيد الماضي الذي ظنه تليدا يا ناس الحكومة خلونا في عملتنا دي الما جايبة حقها وحاولو ارفعوها من تحت العملات التانية ولا يكونو خجلو من يعملو فئة تساوي ألف ج او نقول مليون ؟؟؟
01-29-2018, 05:12 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
اب سن كيف حالك .. دي عملة ذهبية حتكون محدودة الاستخدام .. يعني ليست للجمهور .. الجدوى شنو منها اصلا .. عموما الكيزان حاير بيهم الدليل .. وشغالين في الهاء الناس عن الواقع المعيشي المتردي .. ناس مالاقية تاكل عيش قروضه .. يقولوا ليهم حنعمل ليكم عملة ذهبية .. الذهب الناس خلوهو وبقوا شغالين كشاكيش وهتش .. اللابسين الذهب حريمهم وبس .. غايتو احتاروا وحيرونا .. الاقتصاد هم سبب ترديه والعملة هم سبب انهيارها .. بلد يتم ادارتها بعقلية لاتدير كشك خردوات .. بعدين عينهم للخراب عاملنه ناسهم .. وماقادرين يمنعوهم من العبث بالسوق .. السبب انه شرائح التجار ديل .. وراهم ناس ماسكين كل خيوط اللعبة .. وأي عبث معاهم بيقلبوا على النظام الطاولة .. البلد شغالة بي نظام شيّلني و أشيّلك .. أو خليني آكل بخليك تحكم .. ده المنطق الشغالة بيهو البلد .. سمسرة في المواطن من أوسع أبوابها ..
01-29-2018, 07:44 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
حبابك جمال صدقت والله النسوان زاتن بقن مقدرات الظرف . وخلن الدهب مش خلنو وبس ، ديل باعن دهبن عشان الاسرة ، تصليح بيت ولا تعليم ولا مرض ، وبرضاء تام وفيهن من اعرفن رسلمن رجالهم بعد وقعو بحق دهبن يقولن ليك الدهب ما جابو هو زاتو . ولو ربنا فتحها علينا تاني بنسعاهو في الاساس خاتنو للظروف احفظ مالك وزي ما قلت إلهاء وعدم احساس بالناس هذه سلطة ثبت ان المستعمر افضل منهم
01-30-2018, 01:50 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة