هوي وهوي يا نسوان الحلة وبنات العاصمة القومية العاملات مفتاحات وفي الفيس قاعدات كلكن أنا دي ما طبيعتي ولا طريقتي في الدنيا لكين الفقري بلقي العضمة في الفشفاش قسم بالله صحي سلوي بت بطني لكين ما عندها طبع ونفسا صغيرة زي الجاهل أنا كان كنت زيها ما قعدت مع المسنوح الطاهر دا عمر من أكتوبر القرشي داك للان هو سكران حيران الحكومة غلبا دا راجل يقطع الخميرة من البيت واعي لسانو طويل شكالا وكان سكران كرم حاتم الله بعلم والله جد بسال الله أصلو ما يواعي عشان البوبار الفارغ البسوي لي دا وكمان ما بعرف غيري من قزازتو لي أحمد الله محافظة ونضيفة لا عملت عملية تجميل ولا فسختا أها أنتن يا ناقصات ونصكن عملات أنصارسنه وأنتن الحمدو ما حفظنها بس تغتو الوشوش بالدلاقين القبيحة دي عشان الشنه الله يقطع الشنه محل ما بقت كل في مرا ولا راجل حسي الطاهر كان شين خلقه واخلاق ما كنت بالحسرة لحقت الطيبين ووب علينا من الشنه وكشف الحال والفقر الضكر ديل الله يبعدنا منهن المهم أعرفن يا نسوان هوي أنا بتي سلوي بت بطني صحي لكين شلابه ومجنونة عرس حسي دا التاني أنشالله ربنا يجعل ليها فل خير وغنا أصلو الرجال ما بقعدوا ساي ألله يصرفو كان مشي يسوي لي قلاه المهم انا والله شدة ما غضبانه من البت سلوي دي العاملة زي مايكل جاكسون كل يوم بلون وبهدوم شكل ختت سمعتي في الوطه لا لا يا سكينه النسوان الفقر ديل بتاعين أشاعات ووهمات قالوا حسي بتك شلبت راجل محاسن السمحة هو كمان مالا زي شاي البكا خفيف كدي اول ما يشوف الصغرا والسماحة يبهدل الله أنعلك يا مصطفي المرضان موضوعك كلو نسوان الله منك ياسلوي يا بتي عملتني حجوه في حلقوم البهم ديل كل واحده عاملة قصة في بتي الله انشالله أقرا قصصكم في الدار يا عفن يا سكان الضواحي وفي الضواحي عشوائيات السمراب قالوا قاعدين في العاصمة يا حليل الخرطوم زمن نضيفة وفيها ناس سمحين بس حسي بقت بالجد لحم راس أنتو ما بتعرفوا مناهل بت عوضيه ما شلبت راجل من محل الشغل لحدي ما جات الحكومة العشووي حقنا دا ومرقوا من بيتا وقالت عرسني ودي قسميتي لكين ضابط البوليس قال ليهو طلاق المرا حسي عشان عندك هناك حساب تقيل أخير تمشي خفيف وح نقول أنك كنت بسكر في العشووي ساي والاضينه قام رمي عليها الطلاق حسي بتي بقت الشاذة في الفريق دا كلكن عندكن مصايب أنا بس مصيبتي سلوي دي ألله يقصها عشان نترح من كلام الغجر ديل لكين يا بت بطني السويتها رقدت والسمعة هنا في الحلة بقت طين وابوك ما جيب خبر عريسك العوير دا جاب الخروف والشربه وابوك دا كان يوم عيدو قدر ما قلت الزول ما بنفع والفات قال جاي يرجعا لكين الخروف والقزازة غلبوني اسوي شنو بعد دا يا سلوي يا بت بطني الحمد لله شبلتك شلبت السرور والراجل ما سمح وهدي وراضي وكمان سخي أمك حسي مسافرة العمرة بكشكوشو شلبتك ايويويويوييو عقبال البنات لحدهن ومبروك انت يا سلوي بس اتشالله ما تجيك شلابه من الفيس البوك ديل قالوا شديات وحريفات او بتاعت عدسات ملون وتروحي شمار في مرقة كدي قومي شوفي لي عريسك كان صاحي عشان يدوني المطار الطايره حقتي بعد المغرب بالجد بداعي ليكم وانت من حسي اعملي فيها حامل محاسن السمحة يخربا ما حملت منو دا جاك للولادة يا بتي #عرفتي دي وصيتي وخلاص تاني الحلة الفقر ديك اللي في العشووي دي أنسيها ما تمشي الا كان ابوك اتصل بيك ولا انا لا انا بجيك ما ببعد منك بعد الخير دا أنشالله ورجعت سكينة من العمرة الي منزلها الكائن في عشوائيات السمراب لقت سلوي قاعده في البيتيا با بت دا شنو يابت مالك قاعد هنا ضحكت سلوي ( يا أمي دي شلبة متعه ساي انت ماسمعت انا ماشلبتووو انا عجبتووو ساي )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست