|
كتب الكاتب الفاتح جبرا المتوفرة بمعرض الدوحة
|
|
 Re: الروووب (Re: احمد محمد بشير)
|
الصبر زاتو يا جلال قال لينا
انتو عورا كدة مالكم
قال ليها زول يموت دة قضاء وقدر .. لكن حلة قدوقدو تندفق دة اهمال
اها القصت دقرت في الحلة
رغيفها وزيتها .. العيشة تلاتة لقمات ما اكتر وبي واحد جنية قابل للزيادة
اضف ليها البنزين 47 ج بزيادة 100%
يعني مواصلاتك واكلك
| |
 
|
|
|
|
|
|
|
|
Re: الروووب (Re: عبدالحفيظ ابوسن)
|
حباب احمد
جلال يقصد الطرفة من يتعامون عن القضية الاساسية ويتحدثون خارجها مزايدين بالدين والاخلاق اللذان لا يعرفان عنه سوي انه وسيلة لأكل اموال الناس بالفهلوة والخبث
| |
|
|
|
|
|
|
|
|
|
Re: الروووب (Re: عبدالحفيظ ابوسن)
|
البرلمان يستدعي وزير المالية بخصوص زيادة اسعار الخبز
عجيب لكن !!
يطالبو برفع الدعم الكامل عن الدقيق ويصفقو ويجو يستدعو؟!
النواب ديل الا يكونو قايلين الرغيف دة ما بصنعو من القمح
| |
|
|
|
|
|
|
|
|
|
Re: الروووب (Re: عبدالحفيظ ابوسن)
|
واحدة من المشاكل حقت الرغيف كانت هروب الدقيق من الفرن بدون تصنيعه رغيف ليتباع في السوق الاسود بأضعاف سعرو
يعني بتاع الفرن بستلمو بالتسعير 167 ويبيعو في السوق ب 400 / 450 ج . محقق ربح خيالي بدون مجهود
يستلم عشرين شوال يبيع عشرة ويشتغل عشرة
اضف لذلك حتي الوكيل ببيع
مشكلة رقابة لا اكثر كان يمكن ضبطها
ولكن
سال لعاب السلطة
اذا بجيب 450 ج ما تبيعو هي
ودة الحصل
رفعت سعر الجوال ل 450 ج وبي كدة حيصل اكتر من كدة
| |
|
|
|
|
|
|
|
|
|
Re: الروووب (Re: عبدالحفيظ ابوسن)
|
*ميزانية 2018 وجراب السلطان كسفروك:*
السلطان كسفروك سلطان مملكة الداجو كان رجلا جبارا تخافه القبيلة لبطشه و جبروته و هو الذي أمر بنقل جبل منعزلا عن سلسلة جبل مرة ليكون مع بقية الجبال ومات جراء ذلك خلق كثير، و كثرت القصص عن جبروت السلطان كسفروك.
فذات يوم يقال أنه كان جالسا ورأى ناس من قبيلته يحسبون نقودا فاغتاظ وقال لنفسه هو أولى بهذه النقود من عامة الناس من الرعية. فأمر حاجبه بأن ينادي في الناس إلى اجتماع في دار السلطان، وعندما اجتماع الناس صاح فيهم:
هووووي عيال نسوان، تعود أن يناديهم بهذه الكلمات كلما أراد الاستخفاف بهم، أنا دايركم تقبضوا كديس هناي خلا.
رحب عيال نسوان بالفكرة وأمام جبروته اعتبروا الموضوع بسيط. وعند الضحى كان كديس الخلاء بين يدي السلطان كسفروك. فصاح فيهم مرة أخرى: عيال نسوان أضبحوا الكديس وأدبغوا جلده وما تربطوا جيبوا فاتح.
في المساء كان جلد الكديس مدبوغا عند السلطان.
وللمرة الثالثة ارتفع صوت السلطان كسفروك: عيال نسوان بكرة دايركم تملوا الجراب دا قروش.
ونسبة لصغر حجم جلد الكديس وافق عيال نسوان ولموا القروش وأتوا مبكرين لتنفيذ أمر السلطان لكن المفاجأة وجدوا أن أحد حجاب السلطان ممسكا جلد الكديس في خشم بير، طبعا الجلد مفتوح من الجهتين، فعرف عيال نسوان المكيدة.
تذكرت هذه القصة وأنا أطالع أخبار ميزانية 2018 ويبدوا أن الحكومة رأت بعض القروش في إيدين عيال نسوان فصممت هذه الميزانية لأخذها منهم.
*# عيال نسوان أملوا الميزانية دي.*
منقول*
| |
|
|
|
|
|
|
|
|
|
Re: الروووب (Re: عبدالحفيظ ابوسن)
|
استعير حكاية حكاها أحد كتاب الانترنت عن والده رحمه الله - لا اذكر إن كانت هنا في المنبر أو في الفيسبوك أو في مكان آخر -
روى الرجل أو والده كان يقول لهم في ستينات القرن الماضي "تقريباً - إن لم تخنّي الذاكرة - :
"البلد دي وجبت منها الهجرة"
| |
|
|
|
|
|
|
|
|
|
Re: الروووب (Re: Hani Arabi Mohamed)
|
يا معاوية بقت في تولاها
القصة جات في الاكل
قالوا نقصو ميزانية التعليم عشان الامن قلنا سمح
قالوا نقصو ميزانية الصحة عشان الامن قلنا سمح
الامن هو الاساس والعمود (الفقرى) ! للوطن
لكن كمان تجي في الاكل زي ما قال عمك البوفر من الاكل عشان يغني لامن صنقر
كنت قايل الكرعين بشيلن البطن . لكن لقيت البطن بتشيل الكرعين
| |
|
|
|
|
|
|
|
|
|
Re: الروووب (Re: عبدالحفيظ ابوسن)
|
يا عربي نحن قاعدين برشام
قال السياب
الشمس اجمل في بلادي
من سواها والظلام
حتي الظلام ..
فإنه يحتضن العراق
او
حميد
وطني البموت وبخلي حي
| |
|
|
|
|
|
|
|
|
|
Re: الروووب (Re: محمد الأمين موسى)
|
يا محمد قدر ما قرينا عن عهود الظلم والظلام والفساد والتخلف عبر التاريخ في جميع الحضارات لم نجد اسوأ منهم
لقد اظهروا اقبح ما بداخل النفس البشرية
لا اظن في الحاضر او المستقبل يأتي من هم اسوأ
| |
|
|
|
|
|
|
|
|
|
Re: الروووب (Re: عبدالحفيظ ابوسن)
|
ما عارف تصريحات ود الصادق المهدي وناس وزارة المالية وهيلمانة اجتماع الرئيس .. والمجلس يستدعي وزير المالية
وتصريحات ان ارتفاع الدولار الجمركي لا يؤثر في الاسعار
وارتفاع تسعيرة كهربا المصانع لا تؤثر في الاسعار
ما عارف هل الناس جادين ولا حقيقة ما فاهمين
لو جادين يكونو في غيبوبة لايرون فيها تأثيرات ذلك علي من يحكمونهم لذا لا يصلحون للحكم
ولو ما فاهمين برضو ما بصلحو
دي اشياء مربوطة مع بعضها .. تأثيراتها كتأثير نظرية جناح الفراشة
او كقطعة جليد صغيرة تنزل منحدرة من اعلي جبل جليد لامن تصل الواطة تكون بقت كارثة
| |
|
|
|
|
|
|
|
|
|
Re: الروووب (Re: عبدالحفيظ ابوسن)
|
تعرف يا ابوسن المشكلة إنو لسه في ناس في السودان متخيلين ممكن الحكومة دي تعمل شيء لصالح الشعب
البرلمان ممكن يتحل بجرة قلم لو كتر كلامو وهو أصلا كلامو ما فايت القاعة
| |
|
|
|
|
|
|
| |
عبدالحفيظ ابوسن
جلالدونا
احمد محمد بشير
معاوية الزبير
Hani Arabi Mohamed
محمد الأمين موسى
حمد عبد الغفار عمر
فيس بوك
تويتر
انستقرام
يوتيوب
بنتيريست