فلم سوداني قصير - الربّاطة...

Quote: النقطة هنا يا أحمد وإبراهيم إنو بعد كم مية سنة على اختراع السينما وبعد هذا البحر الهائج من المعلومات المتدفقة عن فنيات السينما من تصوير وإخراج .. ولغة سيناريو وبعد وبعد وبعد ما ممكن الواحد يقبل ناس تبدأ من الصفر ولا يمكن أن نطلق على هذه الحالة "تجارب أولى" خليك من الفنيات طيب، مسألة اللهجة الكردفانية دي محتاجة تجربة أولى؟ أم أنه الاستسهال؟

Quote: ما ممكن الواحد يقبل ناس تبدأ من الصفر

Quote: ههه ابوحتوت ما قصر يا أيمن، جاب مادة فنية وقال عايز راينا..

Quote: أخيرا قصة ماشي اقطع الجمار ما كان في داعي ليها بتفاصيل قدر دا :)

Quote: و بمناسبة المستنير وين حافظ بشير ما جا للغلاط شايفه :)

Quote: ده فيلم واقعي مش فانتازيا

Quote: فنيا مافي فرق بين الفيلم التلفزيوني والسينمائي والفيلم المستقل ، الفيلم التلفزيوني اخذ الاسم ده بس لأنو بتنتجو غالبا قناة تلفزيونية عشان تبثو على التلفزيون مش على السينما ، ميزانيتو بتكون قليلة وحتى الطاقم التمثيلي بكون قليل . بس دي كلها ما قواعد فنية بقدر ماهي امور بتخص حجم الانتاج او نوعية العمل .

Quote: المشاهد عايز يشوف حاجة يصدقا ، ده فيلم واقعي مش فانتازيا ، يفترض كل شيء فيهو يكون طبيعي ومألوف ما عندو شغلة بالفاضل الجبوري قال شنو والمعالجة السينمائية بتاعة القصص او الروايات عادي بتشيل حاجات في الرواية الاصلية لعدم ملائمتها او لاي سبب اخر . فهنا يا (المخرج - المنتج ) يجيب بت عندها شعر طبيعي بمواصفات القصة يا يغير الحتة دي ويغطي الشعر او اي شيء يبعد لينا المكوة دي من وشنا

بعدين يعني ما لقو بت شعرها في نعومة صاحبة القصة يبطلوا تصوير !!! ياخي دة فهم غريب خلاص
ويغطوا الشعر كيف وهو أساس الانجذاب القايمة عليه القصة ؟
المعالجة السينمائية بتتعمل في حاجات ما بتأثر على مبنى القصة الأساسي وإلا تكون قصة تانية غير المبنية عليها الدراما وإذا الناس قدرت تجيب الرواية كما قالها صاحبها خير وبركة
مالك مضيقها يا بوي ؟!! فك المشرط دة من يدك وامسك ليك وردة بتشوف الدنيا أحلى :)

Quote: لكن بالنسبة للافلام التصوير بتاعهم واحد وممكن المشاهد تكون جوه او بره او في الجو او في الاستوديو او في اي حتة بالنسبة ليهم الاتنين والحكاية محكومة بالقصة واحداثا مش بالجهة المنتجة او وسيلة العرض.

نادوا لي حاتم يا اخوانا

Quote: انت ليه افترضت إنه فيلم واقعي ؟

Quote: ومنو القال ليك البنشوفه في الافلام بنصدقو ؟ ومنو القال ليك الناس عاوزة تحضر افلام عشان تشوف حاجة طبيعية ؟

انا ما عارف قاصد شنو ولا مافهمت كلامي ولا الحاصل شنو بالظبط !

Quote: ياخي أنا داير احضر لي قصة حب تنتهي ببطل وبطلة يتحدوا الظروف ويتزوجوا ويعيشوا في سبات ونبات ما عاوز الوضع الطبيعي اللي بيجي فيه المغترب بالبرادو يسوق البنية ويخلي الهيمان الوهمان دة يسمع في هاشم ميرغني

ده شيء واقعي طبيعي وبحصل لو عايزو او ما عايزو ، وعكسو برضو طبيعي وواقعي وبحصل

Quote: "بعدين يعني ما لقو بت شعرها في نعومة صاحبة القصة يبطلوا تصوير !!! ياخي دة فهم غريب خلاص ويغطوا الشعر كيف وهو أساس الانجذاب القايمة عليه القصة ؟"

يبدو انك من نوعية الناس البتحور كلام الزول وتقولو كلام ما قالو ..
وين قلت يبطلوا التصوير ؟ ببساطة قلت يشغلوا مخهم ويتصرفوا ، يجيبوا ممثلة او ينسوا موضوع الشعر ده خاالص بدل يجيبوها كأنها داخلة صالة افراح
السيناريو وقصة الجبوري ده موضوع تاني ، حصل في حياتك قريت سيناريو فيلم عشان تحضروا ؟ الجمهور شن عرفوا بالسيناريو ، انا ما عايز اقرا سيناريو عايز اشوفو
مغزى القصة انو الزول ممكن يتنازل عن حاجات كتيرة الا شرفو بغض النظر عن طول شعر مرتو ، دي تفاصيل ثانوية وبهارات

عموما حكاية العلاقة بين الرباطة والشعر الطويل دي معلومة جديدة
تاني الخايف من الرباطة يحلق شعر مرتو ..

Quote: يبدو انك من نوعية الناس البتحور كلام الزول وتقولو كلام ما قالو

Quote: والله لو لم يكن لهذا "الفويلم" 😁 من حسنة اخرى غير إعادته لحبيب الكل عاطف عمر للمشاركة في المنبر العام لكفته.

Quote: ليت ود البشرى قد أشار إشارة صريحة لكون العمل مأخوذ من قصة الجبورى المرفق تسجيلها