يني عمر: "هذه هي تفاصيل اتهامي بالزي الفاضح". "يجب أن نقاوم قانون النظام العام". "وهذا تفسير المقبو

مرحبا Guest
اخر زيارك لك: 05-13-2024, 11:59 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-18-2017, 08:30 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 9208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
يني عمر: "هذه هي تفاصيل اتهامي بالزي الفاضح". "يجب أن نقاوم قانون النظام العام". "وهذا تفسير المقبو

    07:30 AM December, 18 2017

    سودانيز اون لاين
    Hassan Farah-جمهورية استونيا
    مكتبتى
    رابط مختصر



    يني عمر: "هذه هي تفاصيل اتهامي بالزي الفاضح". "يجب أن نقاوم قانون النظام العام". "وهذا تفسير المقبوضات بالكشة"
    12-18-2017 03:01 AM
    الخرطوم: الراكوبة عبدالوهاب همت
    الاستاذة ويني عمر المحررة الصحفية تعرضت للاعتقال في يوم 10 ديسمبر2017 تحت دعاوى أنها كانت ترتدي زياً خادشاً للحياء، ووفقاً لقانون النظام العام والذي يتيح لبعض المهووسين وضيقي الآفاق أن يوظفوا هذا القانون وفقاً لأمزجتهم وخيالهم، ومايراه البعض زياً محتشماً يراه آخرون فاضحاً ولكن هل هناك معايير محددة لذلك؟ وهل في ذهنية المهووسين مقاييساً يتخذونها لذلك؟ واذا كان الاسلام يحرم علينا التدقيق في النظر الى المرأة فمن سمح لهؤلاء بالسياحة في كل جسدها السافر والمغطى ليحددوا اذا ماكانت محتشمة أم لا؟ وماهو حكم من يهين النساء ويبطش بهن ويرمي بهن في الحراسات مع أطفالهن دونما اتاحة أي فرصة لهن حتى للاتصال بذويهن؟ وماهو موقف جماعة (الانقاذ) من ذلك
    في يوم الاحد الموافق العاشر من ديسمبر2017 وفي حوالي الساعىة الرابعة والنصف وبعد طلوعي من الشغل كنت واقفة وزميلي ننتظر المواصلات في الخرطوم 3، أثناء ذلك جاءت عربة كرولا يضاء مارة فينا ورجعت تاني السائق لابس( فُل سوت) وقاعد جنبه زول لابس نظامي فتح الشباك واتكلم معاي بشمل عدائي جداً وقال لي اللابساهو دا شنو وهل هو لبس مناسب وانو دا زي خادش للحياء، وانا طوالي سألته انت منو ومنو البديك الحق تقيف في الشارع وتتكلم معاي بالطريقة دي؟ وبدأ صوته يعلو وقال لي اتكلمي معاي زي الناس وأنا وكيل نيابة وقلت ليه ما بعرف وكيل نيابة بقيف يكورك في الناس في نص الشارع ودي حاجة ما مقبولة بالنسبة لي، واحتدينا لحوالي عشرة دقائق وقال لي كيف تتكلمي معاي بالطريقة دي ولازم نوديك القسم وانا قلت ليهو ما بركب في عربية ما بعرفها وما في حاجة اسمها وكيل نيابة يطلب مني أركب معاه دي عربية مدنية وكيف أعرف أنك وكيل نيابة؟ وأصر بشكل عنيف وهددني إذا ما ركبت معاه حيجيبوا عربية البوليس وحيرفعوني فيها ويفتح فيني بلاغ إعتراض موظف وعدم تنفيذ اوامره،واصبحت المسألة واضحة بالنسبة لي أنه دي قضية نظام عام وإرتداء زي فاضح وكدة ومعاي زميلي وفي العربية مشينا على القسم الأوسط وكنا بنتناقش في الموضوع دا وقلت ليه أنا غير مؤمنة بحاجة اسمها النظام العام وما من حق اي زول يتدخل في خياراتي والزول دا ما عندو سلطة علي وهو كان بقول لي دي الشريعة الإسلامية دي مسئوليتي وربنا بسألني واول ما دخلني القسم أخد مني تلفوني وبدأ يفتش فيه عن الصور والفيديوهات وكده وأنا نبهته لأكثر من مرة أنو البعمل فيهوو دا ما قانوني وانا ما متهمة وما في حتى بلاغ ضدي فبدأ يقول لي دي معروضات وقلت ليه ومعروضات بتاعت شنو ومافي تهمة ضدي حتى الآن وين المشكلة وانت ما فتحت بلاغ حيازة مواد أو أجهزة الكترونية مافي سبب بخليك تفتش تلفوني ورفض يديني التلفون عشان أتصل بمحامي وحينها كان لي أكثر من ساعة في القسم وما عارفة الحيحصل شنو ونبهته لأكثر من مرة لكنه رفض يتكلم معاي وقلت ليهو لو ما عايز تتكلم معاي خليني أتصل بمحامي عشان اتكلم معاه فقال لي ما بنتفاهم مع زول فقلت ليهو دا قانون ولا حاجة تانية.
    بعد أكثر من ساعة جاتني عربية النظام العام وحضروا زملائي ومعاهم محامي وبقوا واقفين منتظرين قدام القسم وبعد داك ركبوني بوكس النظام العام وطلبوا مني أجلس في الأرضية فقلت ليهو عندي مشكلة في ضهري ما بقدر أقعد في الارضية وطلبت أقعد في اطار البوكس واحد من زملائي قال ليهم قعدوها قدام أو خلوها تقعد في الاطار عشان مشكلة ضهرها وزميلي اسمه منتصر إبراهيم. وفجأة بدأ الضابط يتكلم مع منتصر بطريقة عدائية ويكورك وضرب منتصر في كتفه ولزاه لوراء ،والضابط صوته يرتفع ومنتصر بحاول يهدئ فيهو وفي اللحظة ديك جاءوا أربعة من العساكر واحاطوا بمنتصر ودخلوه القسم وأنا ركبوني العربية وأخدوني لقسم النظام العام وزملائي قعدوا مع منتصر.
    لما وصلت لقسم النظام العام قعدت اكتر من ساعة لأنه ما كان في بلاغ مفتوح ضدي وما كان عندهم شاكي (تخيل) !!!!!!!!!!!.وفي الاخير جابوا شاكي الغريبة أنه كان قاعد جوة القسم وما شاف أي شئ حتى تلك اللحظة، وهو قدم شكواه ضدي بإرتداء الزي الفاضح المادة 152 من القانون الجنائي وبعد داك طوالي دخلوني الحراسة الاستاذ حاتم الياس المحامي حضروبدأ في إجراءات الضمان وحصلت جرجرة والموضوع أخد أكثر من خمسة ساعات ونصف وأنا قاعدة في الحراسة في قسم الديم .مساحة الحراسة الكنت محجوزة فيها اربعة في ستة أمتار وعدد المقبوضات حوالي 23 تتراوح أعمارهن من بداية العشرينيات حتى الستينيات فيهن واحدات بعملن عرقي وواحدات إرتداء زي فاضح وواحدات شغالات في فنادق وكافتيريات ..الخ.. فيهن من جنوب السودان وجبال النوبة واثيوبيات. الاثيوبيات شغالات في كافتريا فيها شيشة، خلوا صاحب المحل وقبضوا البنات الشغالات ( تصور) !!!!!!!!!في نسوان لقوهن في بيوت العرقي وهن لا ببيعن ولا بشربن بس جريمتن انهن كانن في بيت العرقي لحظة المداهمة.
    جوة الحراسة تقدر تتخيل الزحمة كيف والجو ساخن جداً مافي مراوح وممنوع إدخال أي شئ للمحتجزات وفي امهات مع اطفالهن واحدة معاها طفل أقل من سنة وأخري معاها طفلة أقل من سنتين كانن راقدات في الارض فقط واهلهن أحضروا ليهن مراتب وناموسيات لكن ناس البوليس رفضوا إدخالها لهن. وكيل النيابة الجابني إسمه عبد الرحيم الخير والشاكي كان لابس مدني في كلامه قال انه طرحتي كانت واقعة من رأسي وانه صدري كلوا كان ظاهر والاسكيرت حقي كان شبر بس تحت ركبتي. بعد خمسة ساعات ونصف أطلقوا سراحي بالضمان وفي العادة إجراءات الضمانة ما بتأخد الوقت دا لكن ............ .
    الجلسة الاولي كانت يوم الاثنين الماضي سمعنا فيها الشاكي واثنين من الشهود، الشاهد واحد كان قاعد جنب وكيل النيابة لما ركبوني العربية والثاني كان في القسم و(المصيبة )قالوا عندهم مزيد من الشهود للجلسة القادمة واضح حيجيبوا ناس من الشافوني في القسم وأنا رفضت أغطي شعري وقلت ليهم أنا زولة ما محجبة وما بغطي شعري فما تقعدوا تكوركوا وتهددوني بالموضوع ده وكانوا بحاولوا يخوفوني انتي ما مسلمة ؟وقلت ليهم أنا مسلمة وزيادة ولكن دا خيار شخصي وما بتقدروا تجبروني، وهم قالوا في الجلسة الاولى اني رفضت أغطي رأسي وكانوا بكرروا الكلام وكانوا بحوروا كلامي، يعني كلام الحرية الشخصية قالوا اني قلت اي زول يلبس العايزوا وبعملوا إضافات من عندهم والغرض مكشوف انهم عايزين يستفزوا القاضي على الطريقة السودانية ويأثروا فيهو وبالتالي يتم تعبئته ضدي.
    الجلسة إستمرت أقل من ساعة أخدوا لبستي كمعروضات وطلبوا مني ألبسة داخل المحكمة وفعلاً حضرت بيها المحكمة والحضور كانوا مستغربين ومندهشين وهو بقول الاسكيرت تحت الركبة بشبر واحد والناس كانوا شايفين الطرحة والبلوزة والاسكيرت واكتر شئ مذل ومهين طلبوا مني في المحكمة لبس الملابس وإستعراضها في طابور عرض امام المحكمة. والناس كانت مندهشة للكلام البتقال وهم شايفين اللبسة.
    داخل الحراسة النسوان حكن لي عن الحاصل وقالن لي كل ما يجيبونا هنا معناها الحكومة مفلسة وما عندها قروش وهن نسوان بسيطات وبقن عارفات الكيفية التي تقوم بها الدولة في تصريف امورها المالية.
    في زولة من جبال النوبة قالت انهم طوالي بقبضوها ويغرموها ويشيلوا عدتها بإستمرار.
    اما البنات الاثيوبيات الشغالات في كافتريا ومطعم وفندق بعرفن الضباط بالاسم ووين يافلان ووين يافلانه؟.
    والحكاية دي بقت وسيلة للتكسب لأنه بعد عشرة دقائق صاحب المحل بجي وبدفع الغرامة خمسة مليون لكل واحدة منهن ويطلق سراحهن ويستمر الموضوع وتاني بعد كم اسبوع تدور نفس الساقية ودي وسيلة تكسب بشكل ثابت.
    واحدة حكت لي أنه قبضوها في شقة معاها زول حكموا على كل واحد منهم بالغرامة خمسة مليون أو السجن تلاتة شهور والراجل القبضوه معاها دفع لنفسه وإتخارج صاحب الشقة عمل نفس الشئ، وهي رجعوها تاني الحراسة بدل ما يودوها السجن وبقت ما عارفة تعمل شنو وقعدت يومين في الحراسة حتى اتمكنت من الإتصال بأهلها.
    في نسوان داخل الحراسة كل مشكلتهن انهن ما قادرات يتواصلن مع أهلهن خارج الحراسة وما في تلفونات والبت القبضوها في الشقة دي كانت بتحنس في العساكر طوال فترة الخمسة ساعات الأنا قاعدة فيها في الحراسة عشان يدوها تلفون تتصل وتلقى زول يجيب ليها الغرامة عشان تدفع وتمرق.
    طبعاً الأكل داخل الحراسة على مسئوليتك وهي الحاجة الوحيدة المسموح لاهلك بتوصيلها ليك ولو ما قدرت تتصل بأهلك عشان يجيبوا ليك أكل يا تموت من الجوع أو تأكل مع المقبوضات وممكن الزول يتخيل انه في يوم كامل ما دخل أكل للمقبوضات ومعاهن اطفال فالموقف بكون كيف الله أعلم وممكن في واحدات مريضات ووضعهن لايحتمل التواجد داخل الحراسات والجو سخن ، أو بستعملن حبوب منقذة للحياة مثل بخاخات الازمة حبوب سكري وضغط وقلب ديل الواحدات اذا تفاقم مرضها أو ماتت حتكون مسئولية منو وليه في الحراسات مابتم تسهيل الاتصال بالاهل أو الاصدقاء؟. دي حاجات مفروض المسئولين يأخدوها بشكل جاد.
    التعليقات
    #1720454 [وحيد]
    0.00/5 (0 صوت)
    12-18-2017 07:30 AM
    الواضح ام هنالك سوء استغلال للسلطة و هذه ما نشهده منذ بداية عهد التمكين و اصبح كل صاحب منصب هو سلطة مطلقة يفعل ما يشاء و هو الخصم و الحكم و الشاهد و القاضي ... و مع الحصانات المطلقة للجماعات الامنية فقد اصبحت هي السلطة العليا على المواطن تفعل ما تشاء ...
    النظام القانوني منهار تماما و القوانين مفصلة لاذلال المواطن و يمكن لكل متمكن استغلال القوانين المعيبة للتشفي و الانتقام من خلق الله
    القضاء ضعيف و منهار تماما ...
    الشرطة تعامل المواطن بعنجهية مطلقة و تذله كما تشاء و ليس من حق المواطن ان يسال عن حقوقه او حتى يستوضح عن اسباب اعقاله او التعدي عليه ... و من يجرؤ على ذلك فمصيره الضرب و الاذلال ثم تلبيسه تهمة اعتراض موظف اثناء تادية عمله .... اسوأ ما يمكن ان يصل اليه نظام قمعي هو ما نعيشه الان: سلطات امنية فاشلة فاسدة متغطرسة .. . قواني معيبة و فاسدة ........... قضاء ضعيف منهار جاهل .
    #1720450 [حزين جداً]
    0.00/5 (0 صوت)
    12-18-2017 07:19 AM
    زماااان كان عندنا لبسة إسمها جكسا في خط ستة .... معظم البنات كن
    يلبسن هذه اللبسة وبألوانها الهادئة ...
    ونحن كنا بنلبس الرداء وبصورة عادية جدا ... هذه الافكار تشربناها
    من المجتمع الذي عشنا فيه ...مجتمع عايش الإنجليز .... ولكن بصراحة كانت
    التفوس طيبة جدا ...كنا نعرف أين المسجد وأين بيوت الخمور والهلس وأين
    الكنيسة ... وانت حر أينما تذهب ... كان لا يوجد شئ أسمه إيدز ...كان
    هنالك مرض إسمه السيلان والزهري ..ولا يصيب إلا شخص الذي يذهب للبيوت
    المشبوهة...............
    صدقوني مع هذه الحرية المطلقة كان الفساد قليل جدا ... وكانت الحياة
    رخية جداً جداً ... وكان السياح يملأون السودان وبصورة مبالغ فيها ...
    كانت بعض الدول تقصد السودان من أجل العمل ومنها ... أهل اليمن وسوريا
    ومصر والأغاريق والارمن والطليان ....
    الخير راقد والحياة حلوة والبارات فاتحه ليل نهار ودور العبادة متاحة
    في اي وقت والزراعة خيرها وفير والسكة حديد منتعشة جداً والتعليم ميه
    بالمية والجيش في قوته وعظمته والجنيه السوداني مزهوا مرفوع الرأس
    يناطح الريال والدولار ....والشعب مثقف جدا ... والدكتور السوداني معرفة
    خبرة دراية ومدرسة ...والمدرس أبهة ...ويا ماشي لباريس جيب لي معاك عريس
    **** شرطاً يكون لبيس ومن هيئة التدريس ...والولايات تسعة فقط والوزراء تسعة
    فقط والرئيس واحد ...والقضاء في قمته ...والشيوخ والعمد والنظار آخر
    ابهة ونضارة والبوليس محترم جدا ...وكنا نندس ونقول ( ذاك البوليس السري )
    حياة ...حياة حلوة ...حلوة ...والسوداني كان محترم أين ما حل .... ولكن
    الآن تبدل الحال وبنتنا لو لبست أي لبسة تعال شوف الدنيا تولع والصحف
    تكتب والشرطة تمسك وتبهدل ...لا يوجد شئ إسمه حرية أبدا .... لا نشجع
    على الفساد ...ونقول الحشمة والحكمة ... يجب أن نتعامل مع بناتنا برفق
    ودون غلظة ...وانا متأكد لو هذا العسكري تكلم بلطف مع بنتنا لكان تجاوبت
    معه وإعتذرت وصدقوني سوف لن تكررها ...والكل مستور ....ويا شرطة النظام
    العام لكم التحية ولكن فضلا التعامل برفق ...نعم برفق وهذا شعبنا وهولائي
    بناتنا كفاية إهانة وذلة ...لا زواج ...ولا حياة ..ولا حرية .... نسأل الله
    أن يهدينا جميعاً ....
    #1720448 [كمال]
    0.00/5 (0 صوت)
    12-18-2017 07:11 AM
    الإخوة الأفاضل أنا كلما سمعت عن قضية طرحة واقعه ولابسه لبس غير محتشم أسأل نفسي الناس ديل ما شايفين نانسي عجاج وليه ما في زول بسألها يا ترى أنا في حاجة ما عارفها ؟
    #1720445 [عمار]
    0.00/5 (0 صوت)
    12-18-2017 07:03 AM
    تحية للقاضي لكن شوف شغلك جوه المحكمة مش في الشارع وبعدين شهادة الزور حللوها ولا شنو ماجانا خبر لسه.
    وبعدين يا ويني عمر رب ضارة نافعة يعني لو ما الفلم ده ما كان عرفنا احوال المساجين شنو
    وربنا فوق كل شي..
    #1720444 [Janlui]
    0.00/5 (0 صوت)
    12-18-2017 06:59 AM
    البنتين الكانو بيرقصو مع البشير و لابسات بناطلين بيضاء دحين قبضوهم ؟
    #1720440 [محمدوردي محمد]
    0.00/5 (0 صوت)
    12-18-2017 06:33 AM
    يابتي الله يكفيك شر المتربصين والمتنطعين والمتأسلمين وشر كل ذو شر مبين
    بس انتي كمان يابتي ما تديهم فرصه ، يعني كان ممكن تغطي راسك ده طاعة لله
    وليس طاعة لهؤلاء المهوسين ، الله ينقذنا من الانقاذ قولي امين
    #1720436 [ابو مهند]
    0.00/5 (0 صوت)
    12-18-2017 06:03 AM
    كلامك كل صح لكن نصحيتي ليك مخافة من الله البس كويس شوية
    #1720434 [نظام غرقان]
    0.00/5 (0 صوت)
    12-18-2017 06:01 AM
    دي حاجات مفروض المسئولين يأخدوها بشكل جاد. قبل ما يكون في تطبيق لنظام عام او خلافه يجب أن يكون هنالك نظام system للإجراءات مثل حق المتهم في الاتصال بأهلة وأن تكون هناك صالة الاحتجاز مش زنزانة وحراسة. المسؤلين في وادي تاني وهم لا مبالين ولا يعرفون معنى كلمة المسئولية. اعاننا الله على ما ابتلينا به من ناس عدمي الفائدة ونحن مجبرون ندفع رواتبهم ليقبضوا علينا ويعذبونا. الله لا يرحمك يا عمر
    #1720432 [اباذر المشكلجي]
    0.00/5 (0 صوت)
    12-18-2017 05:55 AM
    من سير المحاكمة والكلام اتضح انو اللبس مش كان ولابد وليه ما نلبس ما يعجب الشارع؟؟كلي زى ما تريد
    #1720423 [الزول]
    0.00/5 (0 صوت)
    12-18-2017 04:50 AM
    بالله وكيل نيابة دي أخلاقه وسلوكه!؟ على السودان الكان السلام!!
    #1720421 [Space]
    0.00/5 (0 صوت)
    12-18-2017 04:35 AM
    التحية لوكيل النيابة وشرطة النظام العام وارجو من المولانا أن يحكمها بأشد عقوبة حتى تكون عبرة لمثيلاتها
    https://www.alrakoba.net/news-action-show-id-294027.htmhttps://www.alrakoba.net/news-action-show-id-294027.htm




















                  

12-18-2017, 08:58 AM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 10929

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يني عمر: andquot;هذه هي تفاصيل اتهامي بالزي الف (Re: Hassan Farah)

    الأخ ود فرح
    شكرا أيضا كما شكرت الأخ محمد عوض لفتح بوست عن تجاوزات النظام العام و وكلاء النيابة و الشرطة.
    و اسمح لي أن أنزل ما كتبته في بوست عن اختصاص وكلاء النيابة للأخ محمد عوض:
    في الحقيقة لي عدة سنوات عايز أسأل عن وظيفة وكيل النيابة شنو؟ و ذلك لما لاحظته و قت وكلاء النيابة و مما قرأت ‏عنه في الأخبار من تصرفات كلاء النيابة المشابه تماما بل و الذي يفوق
    صلف و تجبّر و تجبّر معظم منسوبي ‏الشرطة.
    فبدلا من أن يكون وكلاء النيابة هم السند و الملجأ القانوني فقد جاوء هم إضافة جديدة ( و قانونية كمان) لموجات ‏الطغيان و الصلف و التكبر الذي يعاني منه المواطنون..‏
    فحسب فهمي أن وكيل النيابة هو ن ينوب عن الشرطي في التحقيق و ذلك فصلا للتحقيق و الجزء القضائي عن ‏التنفيذي..و
    و لكن اتضح من خلال الممارسة أن هناك خلط ..و هو يفيد كلا الطرفين.أقصد يفيد الشرطة و يفيد وكيل النيابة ‏لفرض سلطتهما على المواطن العاري من السند المواطن المكشوف الظهر..‏
    في الحقيقة كنت أود أن اعرف رأي الإخوة المحامين في هذا الموضوع. لأنه لم يجد حظه من الشرح و الإضاءة.
    و أذكر ‏هنا ما حدث من تنازع السلطات و الصراع بين الأفيال حين اعتدى أحد الضباط على وكيل نيابة و قام بسجنه واعتقاله. ‏
                  

12-19-2017, 07:03 AM

jafar hashim

تاريخ التسجيل: 04-25-2005
مجموع المشاركات: 293

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يني عمر: andquot;هذه هي تفاصيل اتهامي بالزي ال (Re: محمد عبد الله الحسين)
                  

12-19-2017, 07:06 AM

Asim Fageary
<aAsim Fageary
تاريخ التسجيل: 04-25-2010
مجموع المشاركات: 7810

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يني عمر: andquot;هذه هي تفاصيل اتهامي بالزي ال (Re: jafar hashim)


    سلام مربع

    إسمها ويني عمر

    مسماة على ويني مانديلا

    مع تحياتي،،،

    عاصم فقيري
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de