|
|
|
 Re: ملخص اجتماع الدولار (Re: عبدالحفيظ ابوسن)
|
ولايقدروا يعملوا أي حجة قانونهم ده يبلوهو ويشربوا مويته ..
لسبب بسيط انه جماعتهم هم تجار العملة والمضاربين في الدولار ..
هل بتصدق يا أب سن انه في زول خارج منظومة الكيزان ..
فضل عنده قروش يتاجر بيها في العملة ؟!! ..
الناس ديل بيستهبلوا ولاّ شنو ؟ ..
هم اصحاب القروش وهم المخربين الاقتصاد ..
الشغلة ولا عايزه قانون ولا قومة نفس ..
ناسهم واضحين ومعروفين ..
لو عندهم المقدرة يمشوا يختوهم حراسة وانتهينا ..
| |
 
|
|
|
|
|
|
|
 Re: ملخص اجتماع الدولار (Re: جمال ود القوز)
|
القصه مادايره اجتماع الجماعه ديل وبيان قدر البرش.
الازمه دايره غرفه عمليات من اهل الاختصاص ....والبيان يكون بعد ظهور بوادر لنجاح غرفه العمليات.
خلاف كدا ...بيكون مجرد سراب حتى يظل المواطن يلهث خلفه املا فى انفراج لا يدرك عن قريب.
| |
|
|
|
|
|
|
|
|
|
Re: ملخص اجتماع الدولار (Re: جمال ود القوز)
|
فعلا جمال
مش لاحظت طبيعة الاجتماع
اجتماع سلطة
كما اسلفت هنا
هي حرب بين السلطة والمجموعات المبعدة
المجموعات التي كانت تخلق الازمات زمن نميري
السلطة تعرف ذلك فهم ذات اللاعبين القدامي
حرب لضغط السلطة وخلق الازمات لها من رفاق الامس
والاثنان يعرفان السلاح نفسه
| |
|
|
|
|
|
|
|
|
|
Re: ملخص اجتماع الدولار (Re: عبدالحفيظ ابوسن)
|
تجربة فاشلة أخرى يا حفيظ ..
ملؤونا صراحا قبل اعوام بالحديث عن تحرير الاقتصاد .. وقبل عام او يزيد بتحرير سعر الصرف كخلاص للاقتصاد السوداني .. واليوم اعادوها سيرتها الاولى .. مشهد لا ينقص فيهو الا صلاح كرار ..
| |
|
|
|
|
|
|
|
|
Re: ملخص اجتماع الدولار (Re: محمد حيدر المشرف)
|
الاخ ابو سن.
الحكومة خيارتها قد نفدت تماما، ولم يعد هنالك أي خيار سريع يمكن أن يتم وقف تدهور سعر الجنيه السريع.
إنهيار الدولة قادم بلاشك.
فمن هو المنقذ هذه المرة؟
دولة قطر
المملكة العربية السعودية
؟؟؟
| |
|
|
|
|
|
|
|
|
|
Re: ملخص اجتماع الدولار (Re: Deng)
|
سلام صاحب البوست وضيوفك الكرام
....
كل ما صدر من قرارات سبق وأن صدرت قبل ذلك
هناك شئ فات عليهم او قد يكون قد تغاضى عنه الاجتماع عمدا
وهو في هذه الحالة كل نشاط تجار العملة سيكون في الخارج لقد سبق وأن اتخذ تجار العملة من دول الخليج مركزا لإدارة تجارتهم واليوم سيعيدون الكرة من جديد وسيتحكمون في سعر العملة من خارج الحدود
| |
|
|
|
|
|
|
|
|
|
Re: ملخص اجتماع الدولار (Re: Deng)
|
سلامات اب سن
الازمة في ظاهرها اقتصادي ولكن في حقيقتها مشكلة سياسية بحتة
ما لم يُحل الجانب السياسي من الازمة لن تُجدي اي حلول اخري.
| |
|
|
|
|
|
|
|
|
|
Re: ملخص اجتماع الدولار (Re: Nasser Amin)
|
الكلام نظرياً ممتاز جداً وان طبق سيكون مردوده جيد ..
كنت أتمنى أن يكون مصاحبا لهذا النقاش كيفية تحفيز المغتربين السودانيين
حتي يكون المردود عالي وسريع ...
وكما ذكر الإخوة هنا .. نخاف أن يكون كلام غير قابل للتطبيق الا في جانب محاربة تجار العملة
واهمال التوجه للانتاج بحق .. وهو المخرج الوحيد لمستقبل الاقتصاد السوداني
| |
|
|
|
|
|
|
|
|
|
Re: ملخص اجتماع الدولار (Re: Deng)
|
يا دينق قولك.:
| Quote: نهيار الدولة قادم بلاشك. |
والله كلامك دا عسل على الحكومة لانو معناهو في دولة ح تنهار
عارف عدتُ للسودان في يوليو 2015 ولم اجد دولة
أي انسان عندو سلطة يسوي الدايرو وشوف اليسألو
وامشي ارفع قضية شوف كان يحكم ليك في عشرات السنين
لا توجد دولة في السودان بل توجد مراكز قوى كل مركز بكبر كومو وكوم الناس المعاهو
انا مستغرب كيف يستطيع الانسان السوداني أن يعيش في مثل هذه الظروف
وكيف الناس تكسب عيشا
يا حليل السودان لمن كان دولة تحكمو مؤسسات
كنتَ من ضاحيا نميري ولكن اقسم بالله العظيم نميري بالنسبة لمن يحكومنا الآن نبي عديل
قال | | Quote: نهيار الدولة قادم بلاشك. |
قال انهيار الدولة قادم هي في دولة عشان تنهار
| |
|
|
|
|
|
|
|
|
|
Re: ملخص اجتماع الدولار (Re: علي دفع الله)
|
تشكروا جميعا
مافي خلاف ان هذه السلطة غير مؤهلة فنيا واخلاقيا لحل مشكلة الاقتصاد
فهي السبب الرئيسي في الانهيار
ولكن
القرارات الاقتصادية قرارات جيدة اذا تم تطبيقها بصرامة
ستنتهي الزيادة المفتعلة ولكنها لن تحل مشكلة انهيار العملة
مشكلة انهيار العملة تعالج بالانتاج ومحاربة الفساد . وفك الارتباط بين القرارات السياسية المربوطة بمجموعة الفساد الاقتصادي
| |
|
|
|
|
|
|
|
|
|
Re: ملخص اجتماع الدولار (Re: علي دفع الله)
|
قرارات امنية فى غاية البؤس والتعاسة .. لن تجدى فى اصلاح الحال .
وكما قال الاخ الشامى فان تجار العملة سيتجهون الى الخليج ليتحكموا فى الاسعار من هناك واصلا كل تجار العملة اليوم : من الكيزان
الاصلاح يبدأ من تكوين لجنة خاصة من خارج السلطة لادارة هذه الازمة :
يـقـول العالم العبقرى الفـذ الالبيرت أنشتاين في مسألة ادارة الازمات :
(( لايمكن حل المشكلة بنفس العقلية التي صنعتها )) أهـ
| |
|
|
|
|
|
|
|
|
|
Re: ملخص اجتماع الدولار (Re: علاء سيداحمد)
|
سلامات يا حفيظ
الناس ديل راح ليهم الدرب
القرارات دي ما جديدة
في أي سوق هنالك عرض وطلب لأي سلعة
القرارات ي بتحاول تستهدف تجفيف الطلب وخنقه
والكلام دا حرث في البحر ... الحكومة ومؤسساتها هي المشتريالأكبر للعملة الصعبة
والناس الإجتمعوا يل ما حيقدروا علي تجفيف طلب الحكومة علي الدولار
لأن شركاتهم وأولاهم ومن لهم علاقة بصناع القرار هم من يقوموا ببيع وشراء الدولار في السوق
والحكومة ما عندها أي رؤية لزيادة المعروض من النقد الأجنبي , ولا عندهم صبر لإصلاح الإنتاج
وليسوا أصحاب مصلحة في نهوض الإقتصاد, والناس ديل حارسين المساعدات والمنح والقروض
عشان كدا ما عندهم إرادة أو رغبة حقيقية في الإصلاح ونهضة الإقتصاد
| |
|
|
|
|
|
|
|
|
|
Re: ملخص اجتماع الدولار (Re: عبدالعظيم عثمان)
|
السلام عليكم،
أبا سن وضيوفه الكِرام،،
دا ملخص كتير خلاص، وقد يصعّب مهمة فهمه لمن يُريد أن يفهم ..
هسة يعني ال (فهَم شنو؟)
هل نتوقّع أنو بُكرة سيطمئن الناس برجوع قيمة صرف الدولار مقابل جنيهنا الوطني بـــ 17.85 جنيه (بس!)
أم سيظل معلّقاً في السماء كدا ( US $.1.00 = SDG. 28,400.00) ..؟
مع ذلك، لا نملك إلّا أن نأمل خيراً ..!
ولا أستبعد أنهم قد قالوا ما قالوا، دسّاً ..! حتى لا يطير الطير بالريش الدولاري الدّقاق..
يااخواناً، يقولون إنتاج السودان الحالي يتراوح بين 80 ألف إلى 88ألف برميل نفط مزيج النيل ذاتو ..!
هسِّي دي بكم براها ..؟!
خلّيك من الدّهوب التي قد مرقت في السهلة بالأطنان كل رُبع-سنوي من عامنا المالي.
ـــــــــــــــــ
تفاءلوا خيراً تجدوه .. وربنا كريم
| |
|
|
|
|
|
|
|
|
 Re: ملخص اجتماع الدولار (Re: محمد أبوجودة)
|
بلاشك، فقد تزامن صعود الدولار (فوق) الجنيه السوداني، إلى أقصى علوّ
مذ كان هناك سعر صرف، مع وصول نائب وزير الخارجية الأمريكي
السيد/ جون سوليفان، والذي خصّ الخرطوم بزيارة مدتها يومين اثنين كاملين!
لكأنّما ألهَب راحلته البوينج، خصِّيصاً كي يشهد مثل هذا العلوّ الدولاري، لا غروَ ..!
وبالأكيد، فإن المواطن السوداني الغلبان، يعرف تماماً، أن هاهي نتيجة
اتباع "حكومة السودان" وهي مغضوب عليها، سياسات مؤسسات بريتون وودز
الأمريكية؛ كذلك الحكومة تعرف، والسيد/ نائب وزير الخارجية أكثر معرفة.
هل نقول: شكراً صندوق النقد الدولي .. شكراً البنك الدولي .. ثم
هاردلك جينهنا السوداني
شكراً لهذه المدارس "الاقتصادية" السودانية التي لم توفّر قُطناً، صمغاً، جلوداً، حبوباً
وماشية تمشي الخيزلي وَ حاجات حاجات حاجات، حتى تُسهِم في إنجاح مساعي تلك
المؤسسات الأمريكية الشّرهة لدولارها، لا تأخذها أدنى شقفة بــ"الجنيه" ال عمرو واقع؟!
وإنها لمدارس اقتصادية ذات بُلهَنية ..! بقدرما كان زعمها كبيراً، كان فشلها أكبر
ثم تصاعد الدولار لمكانٍ لم يكُ يظنّ بأنه واصله..
ويبقى أن لسان حال تلك المدارس الاقتصادية السودانية (المجوبَكَة):
ال بياكلوا الدولار أخير من ال بياكلو ال يوان 
| |
|
|
|
|
|
|
|
|
|
Re: ملخص اجتماع الدولار (Re: كمال عباس)
|
لك التحية حبيبنا الكلس \ ود ابو سن .
طبعآ نحن بنتعامل بالايرو لقيتو وصل فوق ال 30 !!!!
والحكومة بتناقش في انتخابات 2020 وحا يرشحوا منو
منهم ! الله لاسوا علينا تاني ويبعدهم عننا بعد السماوات
لللارض قادر يا كريم .
| |
|
|
|
|
|
|
|
|
|
Re: ملخص اجتماع الدولار (Re: مني عمسيب)
|
غالب الأمر، سينزل سعر الدولار بما "ربما" هو مُتَصَوَّرٌ ..!
وإذاً، فليهنأ أخونا "ود الباوقة" ..
ـــــــــــــــــــــــــــــــــ
قُلت ليْ لَـبــَّــنَت ..؟! ياأخي الكريم، دي عَسَّلتْ عديل كِدا .. تعال أبقا مارق قُبّال ما.........!
| |
|
|
|
|
|
|
|
|
|
Re: ملخص اجتماع الدولار (Re: محمد أبوجودة)
|
تحية لكم جميعا
ولم يجف الحبر
والخبر
الرئيس ومعه أكثر من 50 مرافق إلي موسكو دة غير وفد المقدمة السافر قبل ايام
والرحلة تلاتة يوم
وواحدة من الموجهات تقليل الصرف الحكومي بتقليل السفريات الخارجية الا للضرورة
أكيد لا توجد مظلة تحت
كما تقول النكتة
| |
|
|
|
|
|
|
|
|
|
Re: ملخص اجتماع الدولار (Re: عبدالحفيظ ابوسن)
|
على حسب رواية صديقنا الدنقلاوى " السكر ما حرام، لكن حرام الدوشة" حكومتنا غفر الله لها تتهم المواطن السودانى بالإرهاب وغسيل الأموال.
يا ترى كم ستدفع حكومتنا الرشيدة من أموال وأسفار ووقت حتى تنفى التهمة عن المواطن السودانى المغلوب على أمره؟ ☺☺☺
الحكومة بدلا عن تقديم الحلول الإقتصادية ومواجهة أوكار وبؤر الفساد داخل الدولة (المعلومة لها) الدولة بكامل وعيها قررت مواجهة المواطن بحقيقة أنه مطلوب للعدالة الدولية (الإرهاب)
الدولة تقول لأهل السودان أن لا حلول عندى لكم 🙉🙉🙈🙈
تمخض الجبل فولد فأرا 🐒🐒🐒🐒
| |
|
|
|
|
|
|
|
|
|
Re: ملخص اجتماع الدولار (Re: مني عمسيب)
|
تشكري مني
كدي ادينا ملخص
بقولو
المطر من رشتو
والعريس من بشتو
من الواضح جدا عدم جدية الحكومة
مع الظروف دي الرئيس مسافر وسايق معاهو جيش اكتر من خمسين وقاعدين تلاتة يوم
هسة دي ظروف صرف ولا سفر زاتو
| |
|
|
|
|
|
|
|
|
|
Re: ملخص اجتماع الدولار (Re: عبدالحفيظ ابوسن)
|
الكلس ود ابو سن \ مساء النور .
هي بقت علي دي يا الحبيب ؟
مع الظروف دي الرئيس مسافر وسايق معاهو جيش اكتر من خمسين وقاعدين تلاتة يوم هسة دي ظروف صرف ولا سفر زاتو
وقت هو في الحالة المرة دي بجابدوا ويناتلوا في انتخابات
2020 الله لاسواها علينا تاني ونسال الله مشية من غير
عودة وانه علي كل شئ قدير . والله يا الكلس غلبني البقوله
فيهم ديل ما بشر بس ندعو الابتلانا بيهم يزيلهم مننا ببركة
هذه الايام المباركة ... الله ينتقم منهم ويجعلهم اية بجاه النبي .
ودمت ,,
| |
|
|
|
|
|
|
|
|
|
Re: ملخص اجتماع الدولار (Re: مني عمسيب)
|
ارتفاع الدولار
ما يهم المواطن منه اسعار الويكة والطماطم وسعر الدكوة
التجار رفعو الاسعار فقط بالسماع من الونسة والاشاعة
ثم قيل انه نزل
ولم تنزل الاسعار
كبار المستوردين اظنهم من اهل الحظوة هم من يحددون الاسعار
بعضهم رفض البيع
يبقي
للمواطن لسة ما نزل
المواطن الكان بشتري علبة الصلصة ب 15 وبعد يوم بقت 20 ج
صابونة الحمام ب 3 ج وبقت بي 7 ج
أي حديث عن نزوله او ضوابط لا معني لها مالم تتنزل في قفة الملاح وسعر الاستيكة وقلم الرصاص والكراس
وسعر الحنفية الصينية الما بتم اسبوعين
وسعر لمبة الاوضة (اللمض)
| |
|
|
|
|
|
|
| |
عبدالحفيظ ابوسن
جمال ود القوز
Asim Ali
محمد حيدر المشرف
Deng
الشامي الحبر عبدالوهاب
Nasser Amin
Ali Alkanzi
علي دفع الله
علاء سيداحمد
عبدالعظيم عثمان
محمد أبوجودة
كمال عباس
مني عمسيب
Khalid Elsayed
فيس بوك
تويتر
انستقرام
يوتيوب
بنتيريست