|
|
|
 Re: الحاردلو و أدونيس و بيناتن جعفر المطموس (Re: أبوذر بابكر)
|
لَتيباً حَارسو حَرَّاتُو ومسايِس وفَـارِقْ
عَقب الحَرَّه صَقَّار مِن السِموم مِدَارِقْ
أَتناينْ عُروقو ورَاح فِصيصو يزارِقْ
لامِن جَاهو نَسَّامَ الغَــــفَرْ مِسَـــــارِقْ
المزارقه فعل عصيب ينم عن الرهق والمدافره والعنت والضنك
وما يزال اللتيب محروس
والعهدة على الحاردلو
اللتيب محروس
وسيدو يكوس
الدكان مفتوح على مصراعيه، وهن شن المصاريع، وحاج جعفر مافى
يا شيخ جعفر اتا مشيت وين يا زول
من قبيل ونحن نحاحى فى الغنم ما يدخلن الدكان
يدخلن وين يطيرن
ده محروس بى آيات الله
وما يزال جعفر يتقمص شخصية زول الخلوة الحافظ القرآن
ونعم بالله
آيات الله هدن الجبال
لكين غنم خجيجة بت الفحل ديل لا بتنفع معاهن آيات ولا غيرو
اختصر اختصر سيبك من النضمى الما ياهو
دى حسنتى انا المن قبيل شغال ليك غفير
يلا الحسنة فى ال
وقبال يوسف ما يتم كلامه
جعفر طوالى يغير الموضوع بطريقته المحببه
اتا جيرانكن ديل امس كان عندهم شنو يا يوسف ؟
ياتو جيران، ايوا ناس المبارك ؟
لا لا ما عندهم شى
بتهم الفى كوستى ديك جات امس بى وليداتها
بتهم ياتا ؟
الماخدا الحكيمباشى ؟
آى ياها
هى فى كوستى بالله والله انا وقتى ده كلو قايلها فى السعودية
ما قتا لى اتا داير شنو
هى نان اتا خليت لى بال لكين
ادينى رطلين سكر و وقية شاى
يوسف يوسف
يا خوى الله واحد ولا اتنين
هدا تراهو الكراس
تعال شوف جرورتك حصلت كم
ما بيناتنا يا شيخ جعفر
آخر الشهر خلاس جا
تجيك الطاويه حبالا قول يامين
بتطنطن بتقول شنو يا شيخ جعفر
اقعد اكتل لى فى حيلى كدى لامن افلس
كَاسي كِتيفُو دِيسِكْ بَرْعَـه مُو رَارَيبْ
عَاليه أردافِـك المُـو مِخَجِلا السِليـــبْ
بِتْ خِيولْ دُنقلا وُحقَـةْ بُكَـارْ دُرْدَيـــبْ
مِنِكْ واشَقـا الصَبوَه وخَيابـةَ الشَيـبْ
| |
  
|
|
|
|
|
|
|
|
Re: الحاردلو و أدونيس و بيناتن جعفر المطموس (Re: أبوذر بابكر)
|
يقول ادونيس فى متن سحره
سيكونُ الصِّدقُ موتًاً
ويكون الموتُ خُبْزَ الشّعراءْ
والذي سُمّي أو صارَ الوطَنْ
ليس إلاّ زمنًا يطفو على وجهِ الزَّمَن
كشف البهلول عن أسراره
أين مفتاحك يا أُبْهَة الطوفان
لطفاً أغرقيني وخذي آخِر شطأني
خذيني سحرتني لجةٌ لاهبةٌ
سحرتني قشةٌ تحترق
سحرتني طرقٌ تجفلُ منها الطرق
وستأخذك دروب تحتضن الدروب
ويولد من عجينها شعر يمنح البلاد اسماء حقولها
ويبشر الشعراء بنهاية الطوفان
أين الهدهد ؟
| |
|
|
|
|
|
|
|
|
|
Re: الحاردلو و أدونيس و بيناتن جعفر المطموس (Re: أبوذر بابكر)
|
والحاردلو
فى سوق القضارف واسواق عكاظه المليانه عيوش وناس ومسادير
زُمُـلْ القُـدرَه جَـنْ وفي الوطــا مَـــا خَتَّـــنْ
طـارَن لــي السَمـــا ومِتلَ القمـــارِي إِسَتَّنْ
الجُــود والحَــــيا مِـن العُـقـــــول إِتْحَـتَّـــنْ
طَالَ الشوقْ عليْ الوَادي أَبْ عُيوشَنْ شَتَّنْ
| |
|
|
|
|
|
|
| |
أبوذر بابكر
فيس بوك
تويتر
انستقرام
يوتيوب
بنتيريست