عقد الجلاد تغني للمؤتمــر الوطني وتوابعه

Quote: ليه يا ودو اخترت كورال الحزب الشيوعي ؟

Quote: فجعت فيك يا استاذنا انور عبد الرحمن ، لأن البتسوي فيهو هنا نفاق بالباب العديل..صحيح انت عضو مؤسس في عقد الجلاد ، وتملك اسهم في شركتها العامة..وانك ايقونة بحسابنا ان كنت تجهل..ولكن الحساب ولد يا انور..يعني داير تقنعنا انو ما كانت ليك علاقة بفرقة نمارق وما غنيت فيها؟..نمارق يا انور كانت فرقة جبهة اسلامية بالباب العديل

Quote: عقد الجلاد شن فايدة مديدة الحلبه والويقود يشيلو اليانكى --------'----------'----- راشد عبدالقادر تسمرت عيناى وانا اطالع هذا الاعلان موقفى واضح منذ مجيئ الانقاذ ودخلت معتقلاتها مرات عديدة بسبب موقف عقد الجلاد المبدئي وانحيازها للشعب السودانى ولخريطته الثقافية بكل الوانها ولا اساهم فى اى انشطة ديكورية لنجمل هذا النظام بهذه الكلمات الواضحة سطر انور عبدالرحمن المغنى الكبير واحد الاباء المؤسسين لفرقة عقد الحلاد مستنكرا ذلك الاعلان عن مشاركتهم الغنائية فى المؤتمر السابع للاتحاد الوطنى للشباب واجهة (شباب المؤتمر الوطنى) الصدفه وحدها جعلتنى اجلس فى تلك الحافله (المهكعة) المتحركة من بحرى الى الثوره قبل اكثر من ست سنوات كان جوارى عثمان النو الرجل الذى كان يمسك بدفة عقد الجلاد يعزف جيتاره بقامته القصيره ومقامه الطويل وصرامة وجهه الظاهره فى مشروعه الجاد كان كمن تناوشته السهام والنصال فقتلت شيئا من روحه ولكنه ظل واقفا سألته عن الطمبارة والغناى ولحنها الغريب الذي يشبه كلماتها ويمضى بك الى الصحراء تطارد القوافل وتغنى حدائها اخبرنى عن ميلاد اللحن وعن الرؤية وزاوية الشوف ودلفنا الى مشروعه الجديد فرقة (راى) ولماذا ترك العقد. وقال بوضوح ان اغنية (سودانى جد) قصد بها هؤلاء الشباب عمر البشير وكيف ان الفرقة اصبحت لا تتسق ومشروعها الابتدائى واصبحت لمن (يدفع) هل تصبح قردا فى السيرك؟؟ هل تصبح مهرجا هل تهتز مع الشريف اذا انبسط منها؟؟ كنت احمل ابنى اواب على كتفى وهو طفل صغير وارقص به داخل الغرفه وتلفونى تصدح منه اغنية (تبتبا) والفرح يكسو ملامحنا ونضحك كطفلين لا يحفلان الا بهذا الخيط الواصل بين قلبينا على ضوء نور الاغنيات اكاد اختنق واصحاب الايجار يطرقون الباب وجيبي خال تماما كقفص حجه امنه .. انا وهى صنوان فى الوجع لا العدس يكفى ولا الدقيق موجود والمستشفيات تركلنا باحذيتها الثقيلة والمدارس وصاحب الكنتين فى غربتى البعيده والسماعات على اذنى جالس على مكتبى والدمع منهمر حتى يسألنى العامل الهندى (مدير انت فى مشكله) كانت القرقريبه قريبه اغنية لامى واختى وزوجتى وصديقاتى ولخالاتى الفراشات تاتى ملامحهن وابتساماتهن واوجاعهن وحنوهن الدافئ كانت باب السنط والمعالق فى حوارها مع الكبابى والشاهى (احمر باهى).. كانت صورة ذلك الشاب الواقف ينتحب والحزن فيه موج وليل واسى (ابوي يابا ابووووى) كانت امونه وطواقى الخوف والمدينه ومسدار ابو السره لليانكى وعشرات الاغانى التى ليست اغانى كانت حالة الضيق المعلنه (تعب اللسان من الشكيه) كانت النزوح والهجره والصغار المسافرين فى القطارات المكتظه (ولدا متين بقى للسفر والاغتراب والدردره) كانت قضايا ورسائل وهموم الناس وضميرهم وصوتهم ونداء الصمود والقدرة على النهوض فى زمن الانكسار كانت عقد الجلاد اكبر من فرقه واوسع من حلم واقوى من مواجهة كنا نحن فى الخط الاخر نسمعهم بزهو واكبار .. والاصوات التى تطاردهم بوصفهم (المطاليق) تعجبنا البسالة والتحدى واغنياتهم محظورة فى كل مكان تنتشر سرا كالافيون والبنقو... اى مشروع فكرى يجعل من الكلمات عدوا يوزع فى اقبية الليل؟؟ ما انكسروا وما استسلموا وهم يخرجون من سجن لاخر ومن معتقل لاخر ومن تحقيق لاخر وتفتيش يتحسس ما تحت ملابس الكلمات وازياء الحروف.. ظل مشروعهم يمضى ويتسع ويضيف فى كل يوم جمهورا ووعي هل هذا السودان هو وطن الخيانات والحوائط التى تتمطى وتفلق (قفا الناس البنوها) هل كان لزاما ان يشنق الرفاق عبدالخالق والشفيع وجوزيف قرنق. ويشرب معاوية سورج واحمد سليمان المحامى نخب الانتصار؟؟ هل كان لازما ان يعتقل الاسلاميون شيخهم ويقتلوا رفاقهم ويضحك غازى وسيد الخطيب وعلى كرتى هل كان حتما ان يذهب عثمان النو وعوض الله وانور ليدخل شمت وشريف شرحبيل الى مظلة الذين قاتلوهم طويلا ..طويلا.. طويلا ليست ازمة كبرى ان يصبح حسن طرحه وزيرا او مصطفى البطل ملحقا اعلاميا او حميدتى فريقا او احمد بلال قائدا لتعديل الدستور (المافى) كلها مشاريع فردية خائبه لاقيمة ولا معنى لها ولا اثر لا اعتبر نفسي من (العقاده) ولم ادخل لهم حفلا واحدا حتى الان ولكن اعلم ان عقد الجلاد ارث وحقيقة وتاريخ ومعانى ليست كالبيتلز ولا ابا ولا (ديستنى شايلد).. اولئك مجرد مغنين اما عقد الجلاد كانوا شيئا من هوية الناس ودليل وعيهم الان وهم يقتربون من الدخول نحت سلطة الحكومة واطفاء شعلتهم واطلاق الرصاص على اغنياتهم.. ويلتحقون بالعربات الاخيرة للقطار الذى شاخ فى طريقه الذى لا يصل الا للبؤس المقيم ينطلق السؤال ما الذى تبقى فى هذا الوطن ومن الذى سيقف صامدا ويرفض ان يبيع نفسه؟؟

Quote: المشكلة انو انور عبد الرحمن ذات يوم كان في فرقة غنائية اسمها (نمارق) وقد يكون استاذنا انور عبد الرحمن نسى تلك الفرقة والأيدولوجيا القايمة عليها..والأنكي ، انور بسيتحقر ذاكرة الشعب السوداني ويتخم ببروقاندا الشيوعيين بتاعة النياصة اياها..!

Quote: لكن عندي مشكلة مع الزول البجي يعمل فيها مناضل بعد تقلباته دي

Quote: قبل اكثر من ست سنوات كان جوارى عثمان النو الرجل الذى كان يمسك بدفة عقد الجلاد يعزف جيتاره بقامته القصيره ومقامه الطويل وصرامة وجهه الظاهره فى مشروعه الجاد كان كمن تناوشته السهام والنصال فقتلت شيئا من روحه ولكنه ظل واقفا سألته عن الطمبارة والغناى ولحنها الغريب الذي يشبه كلماتها ويمضى بك الى الصحراء تطارد القوافل وتغنى حدائها اخبرنى عن ميلاد اللحن وعن الرؤية وزاوية الشوف ودلفنا الى مشروعه الجديد فرقة (راى) ولماذا ترك العقد. وقال بوضوح ان اغنية (سودانى جد) قصد بها هؤلاء الشباب عمر البشير وكيف ان الفرقة اصبحت لا تتسق ومشروعها الابتدائى واصبحت لمن (يدفع)

Quote: هسي ذنبهم شنو يعانو من ابتعاد الكثيرين بسبب هذا التصنيف .... قالو ليكم دي شركة مساهمة تبحث عن الرزق والربح

Quote: الانقاذ دائما تسعى لاستغلال الرموز(افراد وجماعات) ذات البعد الجماهيرى لترسيخ مشهد كاذب يوحى ان لهذه السلطه بعد جماهيرى

Quote: و إنت ذاتك بعدها تجي تصنفهم و تصفهم بإنهم باحثين عن الرزق؟ إنت قايل الناس الإستنكرت كلامهم ديل قالوا شنو غير كلامك دا؟

Quote: ثم أنور العامل فيها هسه معارض ده هل نسى إنه كان في فرقة الكيزان نمارق هسه يعني عايز يلبس جلابية معارض ! طالما عايز يبتز عقد الجلاد لازم يوروهو الابتزاز ده طعمه كيفن أكيد هو من حقه يعارض وقت ماشاء ويغير مواقفه متى شاء لكن ما من حقه يتاجر بي عقد الجلاد بعد خلاها ويلبس جناح جبريل ويحاول يبتز الفرقة بي جنس خطابات وابتزاز وكلام فارغ زي ده لانه هو لي نفسه زول متناقض والمباديء لا تتجزأ والماضي بتاعه ياهو داك قاعد يعاين ليهو .

Quote: شركة معناها تعاقدات مربحه

Quote: الشركات المحترمة لها إلتزامات أخلاقية تجاه المجتمع توليها أهمية قبل جني الأرباح.

Quote: وقال ليهم الواحد دافع ليه 30 جنيه وداير يجي يتحكم في الفرقة !