|
|
|
 Re: كمال شداد... خطوة صحيحة نحو الوراء!! (Re: محمد حيدر المشرف)
|
لا نناقش هنا احقية د, كمال شداد بالمنصب وهو حقيق به .. ولا كونه الشخصية الانسب وهو كذلك .. وانما اشياء متعلقة بمناحي الانحطاط الكبير في السودان في كل المجالات ومنها كرة القدم بكل تأكيد... انعدام التواتر في تفريخ قيادات جديدة قادرة ومؤهلة .. يغادر الرجل المؤهل لشغل المنصب منصبه, ليأتي من يخلفه بتواتر يضيف ولا يلغي .. هذه الاضافة بالتحديد, تمثل جوهر التطور.
| |
  
|
|
|
|
|
|
|
|
Re: كمال شداد... خطوة صحيحة نحو الوراء!! (Re: الحاج حمد الحاج)
|
الحاج حمد ..
تحية طيبة يا عزيزي ..
والأمر كما وصفته بالضبط .. ندور في دائرة معالجة الازمات ولا نمضي قدما في مخططات التطور للامام.
بالفعل عاد وجود زول (غير فاسد) مسالة يتطلع نحوها الناس. عادت هي الاستثناء النادر في هذا الزمن الكعب يا عزيزي
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد حيدر المشرف)
|
Quote: ي العقليات السودانية المعروفة التي لا تعرف
شيء اسمو التقاعد. |
بعد اذنك يا دوك
يا ود الشيخ الصياغة دي توحي أن شدّاد سعى للترشح للمنصب وهذا ليس الأمر, الراجل بعد من الوسط الرياضي لكن جوهو ناس الاتحادات المحلية وقبلهم وفود ووفود وكان يرفض مجرد حتى الحديث في الموضوع إلى ان جاءته كتلة الممتاز و شكوا وبكوا حالهم وما آل اليه في ظل قيادة الاتحاد الضعيف فاستجاب لنداءاتهم و قال لهم انتم اصحاب الحق و اسياد الوجعة الحقيقية وليس لي إلّا أن استجيب لكم.
أول خطاب له بعد فوزه امس قال ان المثله يجب ان يكون مستريحا على كرسي القماش لكن المصيبة ان يستعان به وهو على حافة القبر لإصلاح الوضع, الرجل ليس طالب سلطة لكن الحال يتطلب ذلك
يا ود المشرف العمر ليس منقصة في أمر القيادة, على الأقل الخبرة تدعمه, اذا كان رئيس فرنسا عمره 39 سنة فرئيس اقوى دولة في العالم في السبعينات و المرشحة المنافسة له ايضا كانت في نفس الحدود
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد حيدر المشرف)
|
كتب الأخ الصديق عزام حسن فرح في صفحته في الفيسبوك عن فوز شداد:
Quote:
فَوز د. كمال شداد رئيسًا لإتحاد كرة القدم للمره العُشْرُمِية بعد الألف (د. كمال أستاذ فلسفة)
.
بالله د. كمال شداد ده حيعتق سمانا متين، معقول واحد إتولد سنة 1933م (83 سنة)، وبدأ نشاطو الرياضي سنة 1964م (قبل 53 سنة)، وإختارو سكرتير باتحاد كرة القدم السوداني سنة 1962م وبعدين رئيس لجنة التدريب المركزية باتحاد كرة القدم السوداني سنة 1967م. وكان سكرتير الاتحاد السوداني لكرة القدم، لغاية سنة 1982م. وفااااات وتااااني رجع رئيس للمرة التانية سنة 1992م وللمره التالتة سنة 1995م، وللمره الرابعة سنة 2001م، ياخ معقول بس.. معقول الكنكشة دي، سودان السجم ده متين حيقودوهو شباب.. شباب شنو، بس يقودوهو ناس عصرو.. ناس جيلو (الجيل 33:3 سنة)؟!
.
العواطِف والعلاقات العامة ما عندها علاقة بكلامي الفوق ده.. طيب.. يعني د. كمال زول مؤهل.. طيب.. ظريف.. عندو علاقات.. ده كلو ما موضوعي، أنا موضوعي الكنكشه دي الطلعت دين البلد!
|
...
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: الحاج حمد الحاج)
|
مع تأييدي المطلق لكمال شداد كرجل مؤهل جداً لرئاسة الإتحاد العام لكرة القدم السوداني، إلا أنني أقف تماماً مع وجهة نظرك يا ود المشرف
في أن العقلية السودانية لا تزال تحب الكنكشة... وأن الشباب ذات نفسه لا يرغب في ولوج المجال لأسباب معروفة هي المنافسة غير النزيهة
والكيد والحقد .. والدفن
ما يجعلني مؤيداً لشداد هو أنه الوحيد الذي يقف وسط هلال مريخ دون ضغوطات
من ضمن خطاب فوزه أن قال:
لا مساومات
الصاح صاح والغلط غلط.
لا أتفاقات سرية
تحياتي
الشغيل
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: يحي قباني)
|
السلام عليكم شباب
شكرا للطرح الجميل للموضوع اخي واخوتي
نحن في سودان عازه نعاني كل الامور السيئة .... ونحسب لدكنور كمال شداد تفهمه وتواضعه الجم للعودة وقد عاد ولكن لابد من العلاج .... فمجرد العودة تعني الكثير وعلي الاقل تغير دولاب العمل الرياضي من نقطة الفساد الي نقطة اللا فساد
عادت الخبرة والفهم وعادت الروح
شداد جدير بقيادة ورئاسة الاحاد الرياضي الدولي وهو جدير بادارة قارة ودنيا ودمتم .... مبروك للسودان والرياضة والرياضيين .
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد حيدر المشرف)
|
اخ محمد حيدر المشرف
سلام
والله ما قلت إلا صدقا
وقولك هذا يحتاج لمقالات تحليلات
شداد قدم للوطن الكثير في مواقع العلم والرياضة واعطى عطاء لا مطلب من ورائه إلا رفعة الوطن
واعظم منجزاته هي فكرة الدوري الممتاز الذي خلقت حراكاً بين اقاليم السودان وهي خطوة كان يحب ان تلحق بها
مبادارت اخرى
ولكن هناك جيلان اتيا بعد شداد وما زال هو في مركب القيادة
في بلادي لا يدعون الازهار تتفتح لذا يشيخ المنتج ويصبح لا لون ولا طعم له
وها هو المهدي زعيما للانصار ورئيسا لحزب الامة منذ الخليقة الاولى
وهذا المرغني حاله حال المهدي ولا فكاك منه
أما البشير
فاعوذ بالله منه ومما اتي به رئيس لا يفكه عن الرئاسة إلا الموت وكأن حواء السودان عقرت بعد هؤلاء
خارج النص
تعليقى الاخير هذا اهديه لقارئة وربما قراء يتهمونني دائما بأنني مؤتمر وطني ومن جماعة الاخون
ومع هذا نحن حضور ومنا قبول لما يجري امامنا حتى سمعت امس التكبير والتهليل كأنه يوم بدر او فتح مكة
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: Ali Alkanzi)
|
.
أخونا ود المشرف
ياخي تعبنا من الحديث ..
لكن الدكتور شداد رغما عن قدراته ومساهماته في هذا المجال، إلا أنه أصبح جزء من الأزمة الرياضية، والأزمة العامة التي تضرب البلاد لسنوات طوال
ولا ننسى ان الرجل يعتبر عضوا فاخرا في المؤتمر الوطني، وبلا شك اصبحت له مصالح ولسنوات طويلة ترتبط بدائرة من الدوائر الكثيرة المتعددة والمتباينة المنتفعة من الوضع الراهن،
وعندما نقول ان الرياضة في السودان تحتاج الى "إصلاح" فإننا نكون قد خففنا من الوطأة وبالتالي نذهب لقبول أمثال كمال شداد، وشمس الدين الى نهاية القائمة!!
لكن واقع الأمر ان رياضتنا مثلها مثل غيرها فاشلة ومنهارة وفاسدة، وبالتالي لاينفع معها إصلاح ولا ترتيق!
ياخي عندما تستمع لأحاديث الإداريين في البرامج الرياضية، تتكشف امامك الحقيقة المؤسفة، اننا في مصيبة كبيرة، حتى اللغة عندنا أصبحت في إنحدار مخيف
الألقاب العلمية والمناصب الرفيعة أصبحت ملطشة في أيدي العاطلين عن المواهب، يارجل السفهاء وقليلو العلم هم من يديرون أمور الناس عندنا.
شداد لا يستطيع إصلاح ما أفسده دهر الإنقاذ في الرياضة!
.
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد حيدر المشرف)
|
ود البشرى سلامات وكيف الحال يا صاحب
اتفق معاك جزئيا انو العمر ليس مانعا لتولي المناصب.. شخصيا أعتبر ذلك تمييزا سالبا في حق شريحة من المجتمع.
الجزء الذي لا اتفق معه في تعليقك وساحاول أن أكون دقيقا جدا.
1- العمر يبقى مؤشر مهم Indicator للقدرات الوظيفية فسيولوجيا وسلوكيا وفيزيائيا ومعرفيا ...
2- البقاء في الوظيفة القيادية لفترات طويلة جدا ومتكررة برضو indicator مهم لحالة من (العقم) الاداري وقدرة اي مؤسسة او قطاع او جهة على تأهيل الكوادر القيادية.
أما مسألة الاستشهاد برئيس الولايات المتحدة فهو خارج السياق من باب أن الاشارة نحو رئيس فرنسا جاءت في معرض الاشادة بتجربة حضارية انتجت قيادات شابه.. مثل هذه الاشادة لا يرد عليها بان رئيس الدولة الفلانية كبير في السن لاسيما وان السائد هو أن يكون الرؤساء كبارا في العمر.
او هكذا أظن على اية حال
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد حيدر المشرف)
|
قباني يا حبيب ..
الكنكشه ما كويسه يا صديقي ..
لا اقول بانتهاء الحياة الوظيفية لكبار السن (تحديدا من كان منهم في العقد التاسع) في المجتمعات ولكن .. لهم أدوارهم المختلفة كالعمل الاستشاري والمرجعي والتأليفي الخ.. وقيمة هذا العمل لربما تفوق الاعمال التنفيذية ومباشرتها
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد حيدر المشرف)
|
الاخ العزيز محمد رحمه النور
حبابك عشرة يا عزيزي
كفاءة د. شداد لا شك فيها, لا طق فيها ولا شق ... وربنا يديهو الصحة والعافية ونتمنى له التوفيق.
ولكن ماذا لو رفض شداد .
ماذا كان ليحدث؟!
هل من شخص آخر يتمتع بما يتمتع به شداد من كفاءة ونزاهة والخ؟!
كان من المنطقي, ويبدو من البديهي كذلك, أن يكون د. شداد الآن, وقد ادار يصورة ناجحة مؤسسة كرة القدم السودانية لفترات طويلة, بمثابة مدرسة ادارية اخرجت للسودان عدد كبير من الكفاءات الرياضية لتولي وتطوير ذات المدرسة الرائدة.. ويبدو ان د. شداد فشل, على الاقل, في ذلك!!
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد حيدر المشرف)
|
حبيبنا محمد .. مع التحية ..
جميل كلامك وبتجرد ومن غير عواطف .. أحياناً الواحد يتعمد أن يبعد حتى والده عن مواضيع معينة إذا بلغ به العمر .
رغم أن العمر لم يبلغ بنا الكثير ولله الحمد ..ولكن الواحد يشعر بأن هناك إنحسار في مستويات معينة
وخاصة في موقع العمل .. النسيان وعدم التركيز أحياناً حتى بعض المفردات اللغوية وخاصة بالانجليزية
يأخذ المرء بعض الثواني لإستحضارها .. وكذلك الاسماء .. وأماكن المستندات وملفات .. والسمع ..
هكذا سنة الحياة ..
كما ذكرت يمكن الاستشارة وإعطاء الدروس والتجارب .. إلخ
لا أظن أن مسألة تقاعد شيء عبثي ..
الرئاسة بكل مستوياتها ممكنة ولكن في الدول التي بها أنظمة وقوانين ومسارات واضحة للعمل
حيث يتم التجهيز من قبل المستشارين وما على الرئيس إلا إضفاء الهيبة والكاريزما على القرار
ولكن عندنا في السودان .. ما أظن .. لأننا نعمل بدون سيستم ( وفي كل الوطن العربي وكما أفريقيا أو كل دول العالم الثالث )
يا جماعة هذا البوست عميق ومفيد ويحتاج مننا إلى عدم الركون إلى العاطفة .. وأنا وغيري على أعتاب التقاعد ممكن أن نستفيد
من الاراء .. بدون شخصنه ولا هلال ولا مريخ ..
شكراً محمد حيدر .. واصلوا
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد حيدر المشرف)
|
من بوست الاخ (بلدي يا حبوب) ..
وأعتقد أن د. كمال شداد يقول ذات الذي اقوله هنا بالضبط.
أطلق الدكتور كمال شداد الرئيس المنتخب لاتحاد كرة القدم السوداني تصريحات غير مألوفة في أول حديث له بعد فوزه برئاسة الاتحاد، جاء ذلك في ختام أعمال الجمعية العمومية عندما إعتلى المنصة بعد الساعة العاشرة مساء الأحد. وبحسب تصريحات دكتور شداد المتداولة على عدد من مواقع التواصل الاجتماعي التي خاطب فيها ممثل الفيفا باللغة الانجليزية. فقد تحسر الدكتور في بداية حديثه أن يكون هو البديل لقيادة اتحاد الكرة، معترفاً بأنه بلغ أرزل العمر ومن في عمره الآن يجلسون في (كرسي قماش)، وذهب أبعد من ذلك بقوله ان الجمعية العمومية أتت به وهو قريب من المقابر ليقود الاتحاد، والسبب في ذلك درجة السوء وتدهور الاتحاد والكرة عموماً،
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد حيدر المشرف)
|
قدر ما قلنا شداد كعب وديكتاتوري ..
لكن ناس معتصم جعفر ومن لف لفهم ..
من الناس الجوا بعده ..
لا يساوا بصلة قدام فكر وفهم شداد ..
كنت اتمنى ما يخش في المعمعة دي ..
لان السن برضو ليهو أحكام ..
لكن صدقني مافي بديل ..
والموجود على الساحة الرياضية ..
جلهم عبارة عن سماسرة كورة ..
وناس عايزة تلهط وتعمل قروش ..
السرقات والنهب هو غاية مايتمنون ..
عشان كده أخير لينا شداد بي كبره ولداحته وعنطجته .. ههه ..
زمان كرهنا طلحة ده في شداد كل مايفتح بوست ننط ليهو ..
هسه والله الحاصل ده ورانا بيان بالعمل ..
انه طلحة كلامه الزمان داك كان صاح ..
يأخ القاعدين هسه ديل عبارة عن مواسير قلفنايز .. هههههه ..
وسماسرة وشلة حرامية ..
عموما مبروك لشداد وتهانينا ..
وفعلا يامشرف هي خطوة صحيحة للوراء ..
من الاول كان يخلوهو قاعد على الاقل ..
كان الحال حيكون احسن من الجبانة الهايصة دي ..
العملتوا الاتحادات الجات بعد شداد شيء يندى له الجبين ..
سيبك من سرقاتهم ولهطهم ..
تحس كانك في ملجة مش في اتحاد كورة ..
من فرط عوارة وشتارة وشكل الناس العورا ديل ..
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: جمال ود القوز)
|
يا مشرف يا حبيبنا
ممكن اعترض على د. شداد لأي سبب ... ما عدا عمره ...
اذا كان قادر على العطاء مالو ...
و اذا جا بالانتخاب ... حبابو
دي ما اسمها كنكشة ...
طيب تفتكر الناس القاعدة في وظائف في الخليج ليها ٤٠ سنة دي كنكشة في الوظائف
و لا ناس قادرة على العطاء...؟
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: يحي قباني)
|
انا اتفق فى جزئية استاذ / قبانى الاخيرة .
مثلاً , نيلسون مانديلا استلم قيادة بلاده كرئيس وعمره 75 عاماً .
ذلك الاسطورى الذى اعشقه ببعض التحفظات السياسية والدينية , الخمينى , مواليد 1902 , واصبح الرقم الاول فى بلده 1979 بعد الثورة الايرانية الشعبية " واحدة من اهم الثورات الشعبية التى حدثت فى القرن العشرين " , وعمره 77 عاماً .
اعتقد ان الخبرة والكاريزما فى احيان كثيرة تتفوق على العمر .
واعتقد ان واحدة من مبادىء حقوق الانسان , ان العمر يجب ان لا يكون عائق فى الترشح لاى وظيفة , طالما توافرت الشروط المطلوبة , ولا يتحدد الاقصاء فقط لبلوغ سن مُعينة .
وطالما كانت الادارة وفقاً لطرق الادارة الجماعية الصحيحة , فان الراس هنا يكون مُجرد رمز ومُجرد فرد فى مجموعة .
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: shaheen shaheen)
|
موضوع السن
شخصيا لا ستطيع أن أقطع برأي في هذا المنحي
* صحيحا أن تقدم العمر والشيخوخة المتقدمة تصحبها عدة" أشياء- " ولكن ليس كل الأشخاص
يتعرضون لنفس الشئ في شيخوختهم ! هناك من يحتفظ بوضع صحي جيد نسبيا وبقدرة
برضو نسبية علي الحركة والنشاط ! ومن يحظي بذاكرة متوقدة وتركيز ذهني عالي
وقدرة علي إعمال العقل ! ومن الناس تأثرمن سلبا بتقدم السن وهكذا !
** القوانيين الإنسانية تمنع التميز السلبي بسبب العمر
Download Discrimination and Anti-Discrimination Board of NSW Factsheet 138KB
Types of discrimination
In NSW there are ten main types of discrimination that are against the law (in certain areas of public life).
Age discrimination
Breastfeeding and pregnancy discrimination
Carer's responsibilities discrimination
Disability discrimination
Homosexual discrimination
Infectious diseases discrimination
Marital or domestic status discrimination
Race discrimination
Sex discrimination
Transgender discrimination
Direct and indirect discrimination
There are two kinds of discrimination that are against the law, direct and indirect discrimination.
http://www.antidiscrimination.justice.nsw.gov.au/Pages/adb1_antidiscriminationlaw/adb1_types/adb1_types.aspx
))
* بالنسبة لنا الشيوخ وكبار السن - في مضامير السياسة والعمل العام يحتكرون المنصب
والوظيفة ويمنعون عملية تواصل الأجيال وإكتساب الخبرة - مما يحرم الشباب من الفرص ويجعل التميز
السلبي عندنا معكوسا - الضحية هنا الشباب ومتوسطي العمر وأصحاب الحظوة هم بعض الشيوخ !
** في مجتمعات أخري يستفاد من خبرة الشيوخ وعصارة تجاربهم بوضعهم في مواقع
إستشارية - الخ
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: كمال عباس)
|
Quote: انا اتفق فى جزئية استاذ / قبانى الاخيرة .
مثلاً , نيلسون مانديلا استلم قيادة بلاده كرئيس وعمره 75 عاماً |
تحياتي استاذنا شاهين ...
المشكلة ود المشرف لسة شباب تلاتينات و كده ... ما قادر يحس بينا ... :)
ما قادر يعرف انو الرجل السوداني من يوم يصل الخمسين ... بفتكر انو باقي ليهو في الدنيا حوالي عشرين سنة تاني ...
اها العشرين سنة دي بتمشي معاهو طوااالي ... اصلها ما بتنقص ...
خلو الرجل يشتغل ... :)
________________________________________________
أتذكر صديقي ( زحمة ) العالمي ...
كان وقتها عمره خمسين و انا لسة في الاربعينات ...
مشينا زيارة المستشفى في الرياض نزور زول كاسر كراعو ...
تفاجأنا انو في واحد تاني صاحبو و قدرو جاتو زبحة و راقد في نفس المستشفى ...
صاحبي انهجم ...
لما راجعين قلت ليهو مالك مهجوم انشاء الله بسيطة ...
قال لي تتذكر و احنا سغار ... يموت زول من الاهل عمرو خمسين سنة ... ابهاتنا يجعروا ...
و انحنا نقول ... عمره خمسيييين ... زول كبير يعني شنو لو مات ؟
قلت ليو ... أي و الله ...
قال لي حسي تسمع زول عمره في الخمسينات و الستينات جاتو زبحة ... تترقط كلك ...
فـــ خلو الناس تشتغل ... Age is just a NUMBER
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد البشرى الخضر)
|
من جهتي اعتراضي على شداد ما عشان كبير في السن
و ما يتصل من موانع منطقية .. أبدا ...
كنت أتمنى ما يرجع شداد عشان العالم دي تعيش
مخلدة في الخبوب والتخلف العملوا الأرزقية والمستفيدين
من الوضع دا بتشجيع من مشجعي الهلال والمريخ
أصحاب العواطف اللزجة والحلاقيم الكبيرة اللي كل
همهم الهلال يغلب المريخ أو العكس بعيدا عن أية مصلحة تانية
تهم الكورة السودانية .
في ناس هنا على ما أعتقد جابوا سيرة انجازات شداد
ولى ديل بقول تقريبا كل الانجازات اللي حققتها الكورة
السودانية كان لشداد يد فيها بطريقة أو بأخرى ..
بداية من كأس الأمم سنة سبعين ومرورا ببطولتي
سيكافا وبطولة مانديلا ( المريخ) ووصول الناشئين لكأس العالم
ووصول الهلال لنهائي دوري أبطال أفريقيا .. وحتي
حصول المنتخب على كأس سيكافا .. كلها كان لشداد حضور فيها .
يا جيمي .. شعارات شداد المرفوعة واللي خلتنا نقيف معاهو دائما
ونراهن على انو الوحيد القادر على تحقيق الطموحات والتطلعات هي
نكران الذات وتغليب المصلحة العامة على الخاصة والتجرد والاخلاص
والنزاهة والمبادىء والأخلاق وقول كلمة الحق ولو عليهو عشان الضمير يرتاح ..
شداد بالصفات دي المفروض يكون رئيس جمهورية وليس رئيس
اتحاد بتاع كورة منفسة يتجارى خلفها هواة بتاعين روابط ويدير أنديتها الكبيرة
تجار سوق يعشقون الفشخرة والبوبار وأضواء اعلام العلاقات العامة
والدعايات مدفوعة الثمن، ويكتب في صحافتها مشجعين متعصبين جاءوا رأسا من مدرجات
التعصب والكواريك .
تحياتي لراعى البوست محمد المشرف والشباب .
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: طلحة عبدالله)
|
الناس القارنت عمر شداد مع ترامب ونيلسون ما نديلا والخميني وغيرهم ما قارنو المؤسسيه البتدار بيها الانظمه الهم اترأسوها والمؤسسيه الجو والفوضي الحا يعمل فيهم شداد
فرق كبير بين انك تكون علي راس دول تدير شؤنها بي مؤسسيه ونظام واسس ومستشارين وبين انك تدير نشاط مطالب انت تضع ليهو المؤسسيه والنظام وتحد من الفوضي والرشوه والفساد وتكون انت الناهي والامر
شداد ممكن يصارع ويعمل حاجه لو الجو العام كلو ماشي او بادي او فيهو امل لي تخطيط او تنطيم لكن كدا حا يرقد مستشفي بي جلطة في اقرب غلات
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد البشرى الخضر)
|
.
خلافنا حول شداد ليس من باب كبر السن، الخوف من تكريس القيادة الفردية لمجال يعتمد القوانين واللوائح والتنظيم، وقبل ذلك المنهج والرؤية والتخطيط
هذه آفة السودان على كافة الصعد، حال السودان لايحتمل العقلية الواحدة ولا يحتمل الإجتهادات الفردية، فقد تدهورت الأوضاع وبلغت درجة شبه الإنهيار التام
ذلك يستلزم التأسيس من جديد، فبعد هذه السنوات العجاف الكالحة لم يتبقى لنا من جدار نستند عليه.
.
| |
|
|
|
|
|
|
|
|
|
Re: كمال شداد... خطوة صحيحة نحو الوراء!! (Re: محمد البشرى الخضر)
|
.
خلافنا حول شداد ليس من باب كبر السن، الخوف من تكريس القيادة الفردية لمجال يعتمد القوانين واللوائح والتنظيم، وقبل ذلك المنهج والرؤية والتخطيط
هذه آفة السودان على كافة الصعد، حال السودان لايحتمل العقلية الواحدة ولا يحتمل الإجتهادات الفردية، فقد تدهورت الأوضاع وبلغت درجة شبه الإنهيار التام
ذلك يستلزم التأسيس من جديد، فبعد هذه السنوات العجاف الكالحة لم يتبقى لنا من جدار نستند عليه.
.
| |
|
|
|
|
|
|
| |
محمد حيدر المشرف
عبدالحفيظ ابوسن
MOHAMMED ELSHEIKH
الحاج حمد الحاج
محمد البشرى الخضر
يحي قباني
Ali Alkanzi
عاطف عمر
ANWAR SAYED IBRAHIM
كمال عباس
جمال الباقر
علي عبدالوهاب عثمان
جمال ود القوز
shaheen shaheen
علاء سيداحمد
طلحة عبدالله
Maawya Hussein
محمد مجيدو
فيس بوك
تويتر
انستقرام
يوتيوب
بنتيريست