|
Re: زواج آخر رجل مشلخ بعد 60 سنة من الدواحة و ال (Re: احمد حمودى)
|
ياخي ذكرتني حكاية اخونا الأكبر محمد عمر طيب الله ثراه
اتي للخرطوم لزيارة وركبنا عربتي التي تتبع للكهرباء واتجهنااولا للدائرة بتاعت السيد على بحري تناولنا طعام الافطار ومن ثم على طول الجنينة في الخرطوم مع جولة في الأفرنجي ومنها لامدرمان لتناول طعام الغداء مع العم المانجل الياس موسى بالثورة والعودة لبحري مساء. اجمل تعليق لمحمد عمر بعد النزول: " النسوان المشلخات اتفقدن من البلد"
| |
|
|
|
|
|
|
Re: زواج آخر رجل مشلخ بعد 60 سنة من الدواحة و ال (Re: MOHAMMED ELSHEIKH)
|
Quote: " النسوان المشلخات اتفقدن من البلد" |
(:) ):( شاب من مناطقكم يا ود الشيخ من الشريق و دّلم ببي لواشنطون استقبلناه في المطار سيدة أفريكان أمريكان ضخمة تدّخن تمتم بصوت مسموع (بتصرف) الله يكفينا شر البلد الحريما بتنبكن = === ود الشيخ بسأل لي من ود أعما ليك في نواحي بورتسوان أرسل لك في الخاص أسألك عنه
| |
|
|
|
|
|
|
Re: زواج آخر رجل مشلخ بعد 60 سنة من الدواحة و ال (Re: MOHAMMED ELSHEIKH)
|
حياك الله ود الشيخ وابن عمكم حفيد موسى - عثمان موسى - وجه ضاحك الرسالة وصلت حياكم الله التاتو كيف الأمريكان اليومين دي محتفلين بالهالوين وهاك يا تاتو على فكرة في في ايران في تاتو اسلامي Islamic Tatoo
=== الا توافقني انو الناس المشلخين جميلين أمس شفت رئيس جمعية الصداقة السودانية الأمريكية سوداني مشلّخ ما تقدّر تملأ وشك فيهو === من مذكراتي أقتطف: عن عمر بن الخطاب: "يكون رجل من ولدي بوجهه شين، يلي فيملؤها عدلا".. رواه نعيم بن حماد بالرقم 288 – إسناده حسن في شرح كلمة "شين" ذهب ابن منظور صاحب لسان العرب إلى أنها تعني العيب أو الشيء الذي يشوه الشيء الزين. ثم أورد أدلة تذهب لأن المعنى "الخط" أو "الشلخ". أورد ابن منظور بيت الشعر التالي: نَشِينُ صِحاحَ البِيد كلَّ عشيّةٍ بعوجِ السّراء، عند باب محجّب
فقال: يريد أنهم يتفاخرون ويخطون بقسيهم على الأرض فكأنهم شانوها بتلك الخطوط. في حديث للعلامة عبدالله الطيب عن الشلوخ قال: (خبرني أحد الفقهاء الأفاضل أن كافي فيها مائة وإحدى عشرة وهي تساوي الشلوخ الثلاث) === وقد ورد ايضا عن الرقم 111 111 يرمز الى اصل الحروف وهو حرف الالف 1 + ل + ف = 111 (في اللاتينية ألفا Alpha ومعناها في القاموس الأول، الباديء، القاهر، المهيمن الخ) وبعض الناس تبدو خطوط اليد عندهم على هيئة الرقم 111 ولكن الأغلبية تظهر عندهم 18 (بالعربي) و 81 ومجموعهما 99 يقول الأستاذ أن الخلاص في سورة يوسف، سورة يوسف وسورة الإسراء هما السورتان الوحيدتان اللتان عدد أرقامهما 111
وفي ترتيب التنزيل فإن سورة الفتح هي السورة رقم 111 يقول الشيعة عن (كان الله عليا كبيرا) أن علي + ألف = 111
| |
|
|
|
|
|
|
Re: زواج آخر رجل مشلخ بعد 60 سنة من الدواحة و ال (Re: عبدالله عثمان)
|
الأخ دكتور عبدالله عثمان كيفك يا أرباب . في نهاية الستينات انعدمت السجاير أبو كديس و حلت محلها البحاري . وكانت أسعار البحاري شوية صعبة علي عماتنا المتنبكات . في دأك الزمن انطلق المثل المطلوق من من حاجة بت عكرمة . ( هو البرسيم ده بتحش بلا أبو كديس ؟ ) ح ارجع ليك لي قصة الشلوخ و التا تو و الختان وعر س حمد .
| |
|
|
|
|
|
|
Re: زواج آخر رجل مشلخ بعد 60 سنة من الدواحة و ال (Re: MOHAMMED ELSHEIKH)
|
ود الشيخ يا مك سلامات . لسع المشلخات يلصفن في بعض نواحي البلد الذي تشرمل . بالنسبة لي حمد . حمد آخر عريس مشلخ في نواحينا . يعني انقرضوا . ولما عمتو سالتو يا حمد يا يا ود حشاي مالك العرس اخرتو لا من قرب يفوت فيك الفوات . ضحك وقال ليها يا العمة بنات اليونان التريانات العمر كان راح مو خساره فوقهن .
| |
|
|
|
|
|
|
Re: زواج آخر رجل مشلخ بعد 60 سنة من الدواحة و ال (Re: عبدالعزيز الفاضلابى)
|
ود العم العزيز أستاذ الفاضلابي سيد الطين و الوزين و المشرع . سلامات عليك النبي المقعدك في nyc شنو وبي هناك دلاليك حمد ود العون هابكة و السيرة مرقت عصر . ود العون رسل القروش قبال يجي وقال بس يعقدولوا كان مختو نة وكان ساكت . قال ليهم بعد الستين العمر ما باقي فيه بقية . غايتو فاتتك .
| |
|
|
|
|
|
|
Re: زواج آخر رجل مشلخ بعد 60 سنة من الدواحة و ال (Re: Hani Arabi Mohamed)
|
ميروك الف مبروك يا عثمان العريجا لمراحا وان طال البعاد عجبتني طشمة العريس من العصرية (وياريت لو كنت معاكم) ........... عمك مدرب كرة القدم حيث يلعب الأولاد في أمسيات الخميس والجمعة ودعنا مع هذه القرارات وهومغادر نحو السودان وقد سألته لأول مرة منذ عامين رد انه يا دوبك ماشي يعرس هو في نهاية الخمسينات وبالمناسبة مشلخ برضو تصدق،
| |
|
|
|
|
|
|
Re: زواج آخر رجل مشلخ بعد 60 سنة من الدواحة و ال (Re: عبدالمنعم الطيب حسن)
|
الأخ العزيز عبدالمنعم الطيب سلامات . الطشمة كانت كل سنين الغياب . زولك كتح بي تشفي . 40 سنة ا تقطعت فيها كم نخلة بركا و ي . وكم جالون وكم قزازة . قال دوبيت باليوناني و د وبيت بي كلام الطير الذي كان في الباقير . عرض عرضات عديلة . و عرضات مشاترة . التعود يا عبدالمنعم علي الموسيقي في الغرب في الغربة الطويلة بتنسيك اكيد حبكة العرضة مع نقرة الدلوكة . يازول البركة في عرسو . الشتارة هينة .
| |
|
|
|
|
|
|
|