|
Re: العنصرية في السودان وأزمة اللون الأسود.. ح (Re: محمد جمال الدين)
|
وقلنا أن البداية الرمزية كانت في النزاع اليهودي الفرعوني (الفراعنة السود)
ياساتر من الدعاتر!
اخونا محمد جمال، من اين لك هذا؟
فراعنة سود؟
فراعنة يهود؟
اليهود الماسود ديل ظهرو في التاريخ متين؟
اذا قصدك فترات الاضمحلال وانهيار السلطة المركزية في اسوان اللي فيها الاجانب كالهكسوس والوافدين في الدلتا حكمو مناطقم بي صورة مستقلة فهذا مفهوم، ولكن ماحصل واحد ماسوداني حكم من اسوان كمت كلها.
سوداني تشمل اهلنا نوبة اسوان عشان ما تطش في حتة صغيرة.
معليش البتردد فيهو ده للاسف تراش مركزية اوربية ادعت اصل اري ابيض للحضارة، او لما حوصرو وانهمزو ابتدو يتكلمو الان اي بعضا منهم عن فراعنة سود واخرين بيض وماشابه!
واضح انك مامنتبه لي تكتيكات الحرب الكونية علي ارثنا الكوشي!
هؤلاء اجانب تحولو الي محتلين تم اجلاؤم من كمت اكثر من مرة انطلاقا من السودان الحالي وبمشاركة افراد سودانيين من السودان الحالي تطوعو للدفاع عن اهلهم هناك ولا علاقة لايا من البتسميهم يهود ديل بي حضارة كوش اي كمت، من قريب او من بعيد، اكرر اللهم الا كغزاة اجانب!
خليك من الزمن داك، اذا الي هذا التاريخ السوداني بتزوج بت خالتو اي قريبتو بالدم، كقاعدة، فكيف واحد يهودي علي قولك ابيض او ماسوداني حيجي خاشي في الاسرة الحاكمة ليكون "فرعون"؟
بالذات الواحد في الزمن داك كان بتزوج اختو!
اها اليهودي حيخش بي وين في الاسرة الحاكمة؟
خليك من يهودي ولاغيرو، الي هذا التاريخ لو اتزوجتا سودانية من ذات الحي ولكن من خارج الاسرة فهذه كان مشكلة لحدي 89م!
ماعارف الحال الان ولكن تاريخيا حتي زمنا كان ده هو الحال.
| |
|
|
|
|
|
|
Re: العنصرية في السودان وأزمة اللون الأسود.. ح (Re: Bashasha)
|
واضطهادهم وإستعبادهم لليهود ياساتر!
ياعزيزي
اذا غرضك الهكسوس وهم ساميين نعم، فهؤلاء اتو ديارنا كغزاة، وهم من بداو اساءة معاملة اهل الارض بما فيه استرقاق اهلنا في كمت الدنيا.
اما ترهات استعبادم بواسطة اهلنا فهذه ترهات امثال مناحيم بيغن القال الكلام ده للسادات، وهذا جزء من مسرحية تقديم اليهود كجنس خارق، اي شعب الله المختار.
اذن بنتكلم عن اجواء معارك تحرير خاضها اجدادنا لتحرير ديارم واهلهم من الهكسوس، ولم يكن هناك استعباد لليهود لانهم فقط يهود وهذا اسقاط ليس الا!
كلامك غريب عن فراعنة سود وكانو كانو هناك فراعنة ماسود!
معليش انتا بتشيل او تغرف من خطاب دعاوي المعسكر الهكسوسي، وليس الا!
| |
|
|
|
|
|
|
Re: العنصرية في السودان وأزمة اللون الأسود.. ح (Re: Bashasha)
|
كان الأحباش "النصارى السود" يسيطرون على جنوب الجزيرة العربية وينشرون النصرانية في الجزيرة العربية ويبنون دور العبادة الكنسية
حولا ولاقوة!
ياعزيزي
برضك بتسمع في ترهات خطاب الطرف العروبي الاخر في الصراع المرير الطويل السابق للمسيحية مابينا ككوشين واللاجئين العرب الي يمن اليوم وسعودية اليوم!
نعم بذات الطريقة العرب جونا كلاجئيين ومهاجرين في يمن اليوم اي "جنات عدن" اللي بنوها امثلل لقمان صالح شداد من الكوشيين والكلام ده قبل ما اول عربي يتولد كبشر ويمشي علي قدمين!!
اها لما كترو كنوع من العرفان لي كرمنا الكوشي العرب تمردو او قلبو علينا لينتهي الصراع بطردنا من هناك!
اذن البتتكلم عنو ده عن صراع مسيحة واسلام وماشابه تم في عصر لاحق حديث نسبيا!
ما تنسي سكان اسيا كلها تقريبا من البحر الاحمر وحتي الهند غالبيتم الساحقة كانو اجدادنا والكلام ده قريب نسبيا في عصر قدما الاغريق شهود العيان مما يؤكد كيف ده كان صراع بين اهلنا ووافدين اجانب اي عرب اليوم!
للاسف بتشيل او تغرف من ترهات خطاب الطرف الاخر في كل كلامك!
| |
|
|
|
|
|
|
Re: العنصرية في السودان وأزمة اللون الأسود.. ح (Re: Bashasha)
|
تم تحريم الرق في السودان بواسطة الإنجليز في النصف الأول
عيييييييييييييييييييييك!
انتا بتخمش او تجيب خطاب الطرف الاخر بي ضبانتو!
يعني البيض هم الحررو اهلنا من العبودية؟
اها من دون خلق الله في البيض الانجليز كانو هم رسل تحررنا؟
اذا الانتاج الزراعي اضحي صناعي باستخدام الالة وبالتالي بالحساب الراسمالي اضحي لامعني لاستخدام امثالنا كالات انتاج، فهل هذا يعني تحريم للرق بواسطة الانجليز ام ماعاد الرق كوسيلة انتاج نافع مقارنة بالالة؟
| |
|
|
|
|
|
|
Re: العنصرية في السودان وأزمة اللون الأسود.. ح (Re: Bashasha)
|
سلامات بشاشا وسعادة بطلتك واعرف أننا دخلنا المرة دي في الدومين بتاعك :).. بس هنا وجهة نظر عملية وليست تاريخية او نظرية محضة او ذلك الجدل الهويوي الذي لا ينقضي ولا نتيجة عملية ترجى منه.. نحن هنا نتحدث عن مشكلة وفي سبيل بحث عن حلول ممكنة.. من قبيل الإجابة على الأسئلة التالية: ماذا الآن؟.
في الحلقة القادمة سنتحدث عن الهنا والآن ونحاول أن نقف على أسئلة عملية وأكثر تفصيلية من قبيل: من يمارس العنصرية، وضد من؟ لماذا وكيف؟ ما هي الميكانيزمات والآليات التصنيفية وكيف تشتغل؟ من هم الضحايا على وجه الدقة ولماذا هم صامتون "هل!"؟.. طبيعة القوانين المضادة للعنصرية ومدى فاعليتها والإتفاقات الدولية والأقليمية ومدى الإلتزام بها؟. وآخيراً هل تكون العنصرية سبباً في الشقاق والحرب وتقسيم وترسيم الحدود أم أن للصراع في السودان أسباب أخرى مختلفة وتستغل الهويات العرقية والتاريخية في التعبئة الميدانية من أجل المكاسب السياسية المحضة والآنية من جميع الأطراف الممكنة ومن الدولة ذاتها كون القبيلة في السودان "وشائج الدم" أقوى واقدم من الدولة؟.. هل العنصرية والتمييز العنصري واللوني حالة واحدة وجامدة بين عرب وأفارقة أم توجد النزعات العنصرية داخل العرق الواحد ولا يهم من يكون (حرب الدينكا والنوير مثال وحروب دافور بين القبائل ذات الأصول العربية مثال آخر مضاد)؟. كيف نخلق عقول معافاة من الميول العنصرية ونصنع مجتمع ودولة بلا هوية لونية ولا عرقية؟.
| |
|
|
|
|
|
|
Re: العنصرية في السودان وأزمة اللون الأسود.. ح (Re: محمد جمال الدين)
|
هل في فترة المهدية كحكم وطني أدان أحد السودانيين من كان، تجارة الرق ونادى بتحرير الرقيق؟.
هل في العهد الإنجليزي بدءا من العام 1900 وإلى العام 1924 أدان أحد من السودانيين من كان تجارة الرق ونادى بتحرير الرقيق؟.
في العام 1924 أصدر الإنجليز مرسوما يقضي بتحريم وتجريم تجارة الرق في السودان وهي قد منعت في بريطانيا منذ العام 1807 والتجارة في الرق عقوبتها الاعدام في بريطانيا .. هل كتب أحد مثقفينا آنذاك وهم كثر يقف مع القانون ويدين تجارة وتجار الرق ونادى بتحرير الرقيق (استمرت تجارة الرق في السودان برغم منعها قانونيا حتى العام 1950 وربما بعده). أقول هل كتب اعترض أدان أي سوداني طليعي الرق وتجارته في السودان او اي حتة في العالم ونادى بتحرير الرقيق من منطلق اخلاقي وانساني سواءا كان ذلك الشخص شاعرا او مغنيا او مدرسا أو صحفيا أو برلمانيا أو رجل دين أو شيخ قبيلة أو رجل شارع ساي؟.
فقط أن تكون المادة مكتوبة/موثقة.. أرجو البحث والتحري معي عن الامر إن أمكن يا اصدقاء.. وللأمر علاقة بالأبحاث التي اعمل عليها عن سكان السودان عبر القرون.. أي هدف عملي!
| |
|
|
|
|
|
|
Re: العنصرية في السودان وأزمة اللون الأسود.. ح (Re: محمد جمال الدين)
|
هل في فترة المهدية كحكم وطني أدان أحد السودانيين من كان، تجارة الرق ونادى بتحرير الرقيق؟.
هل في العهد الإنجليزي بدءا من العام 1900 وإلى العام 1924 أدان أحد من السودانيين من كان تجارة الرق ونادى بتحرير الرقيق؟.
في العام 1924 أصدر الإنجليز مرسوما يقضي بتحريم وتجريم تجارة الرق في السودان وهي قد منعت في بريطانيا منذ العام 1807 والتجارة في الرق عقوبتها الاعدام في بريطانيا .. هل كتب أحد مثقفينا آنذاك وهم كثر يقف مع القانون ويدين تجارة وتجار الرق ونادى بتحرير الرقيق (استمرت تجارة الرق في السودان برغم منعها قانونيا حتى العام 1950 وربما بعده). أقول هل كتب اعترض أدان أي سوداني طليعي الرق وتجارته في السودان او اي حتة في العالم ونادى بتحرير الرقيق من منطلق اخلاقي وانساني سواءا كان ذلك الشخص شاعرا او مغنيا او مدرسا أو صحفيا أو برلمانيا أو رجل دين أو شيخ قبيلة أو رجل شارع ساي؟.
فقط أن تكون المادة مكتوبة/موثقة.. أرجو البحث والتحري معي عن الامر إن أمكن يا اصدقاء.. وللأمر علاقة بالأبحاث التي اعمل عليها عن سكان السودان عبر القرون.. أي هدف عملي!
| |
|
|
|
|
|
|
|