09:46 PM October, 28 2017 سودانيز اون لاين زهير عثمان حمد-السودان الخرطوم مكتبتى رابط مختصر من ساعة أو اكتر من أسبوع أو عشره يوما منذ شهر أو قبل سنه وعلي مدي سنوات ونحن نودع أشخاص حسب مدي القرب الانساني منا والعلاقة لو كانت صداقة ولا دم وعشرة دينا لكين نقعد نقول كلام عجيب زي كبارنا يقولوا الشهادة النص ديك وأنت تم الشهادة عشان ترجع وهاك يا جو حزن ونبكي ونتمخت ونتجرس كدا أنت واللي معك تقول زي المسافر دا ما ح يرجع تاني أبدا ؟! طبعا دا يرجع لطبيعتنا الحنونه وكمان كم االاحاسيس الانسانية اللي فينا والله أهلنا أدونا أرق دواخل وأنبل مشاعر وأتعلمنا منهم أنو العشرة هي الابقي لو كانت نضيفة لوجه الله وكمان الصداقة هي الابقي والدم دا عديل بهز فيك مشاعر عجيبه كان قريب درجة أولي ولا سابعه شعبي نحن كنا الي بداية السبعبنات شعب مقل جدا في الترحال وترك الوطن لأي سبب لو كان وجيه ولا منطقي لكين بعدها أتعقدت ظروف البلد الاقتصادية والناس بقت عايزة تعيش بروح العصر كان في البناء ولا اللبس ولا أقتناء الجديد من عربات و الاثاث وكمان سخف الساسة ولعنة الاقتداء بالوطنية أهداف وسلوك ويجي بعدها مداكرت أهل التخصص دا ما جاب شهادتو من وين ؟ دا مسطح ! قرايتو كلها بلغات ميتة !!! يا أخ أبلد أداري علي ظهر الكرة الارضية كل النعوت المعقولة واللي ما معقولة تقال عليك السبب لانك ما خريج جامعة العباقرة في وطن البؤساء يا خ قوم لفوا كدا أنت حسي بالاربعين جامعة أجهل من ناس عنق أبن عناق ومتخلفين زي ناس السحر الاسود وقعر أفريقيا بقي لا عندكم كرة زي الناس والاغنا يطرب زي باقي الخلق ولا فن جدير بالاهتمام التميل حع أولاد بمبي بقي ما جايب حق اللهم لا أعتراض علي حكمك أنها أيام أنهيار دولة الافندية ذات المفاهيم الرعوية والفوضي خقت سوق الزلعه قالوا عندنا دولة بالله يا ريس ما بتخجل لما تمشي لاصحابك وجيرانك ما فيهو زول سالك الحاصل في عندكم شنو ولا من باب الاطمئنان ولا عشان يغيظ صحي انت ما نايم عديل كدا ولا في عالم تاني زي العجايز اللي بفتشوا علي المنشطات الجديدة في عالم شحيح بالمتعة والله جدا عرفناك # أنت ذاتك زول المهم نرجع لقصة السفر تعرفوا أن من سنة كم حايم في الارض الواسعة زي الزول اللي عايز يعرف العالم دا كم فدان لكين من خلال السفر الطويل مشاعر أثبحت أكثرلبلد ساي أنفعالا بما يدور في البلد مع العلم لا عندي بزنس ولا صاحب أطيان بس زول بحب البلد ساي لله كدا تعرفوا يا ناس السودان بالفعل جنة رضوان شنو اللي ما حلو فيهو من رحمة أهلنا لحدي قعدات الانس والترفية العامرة بالاحباب لكين كان أنت شقي تكون شايل هدومك في قفه وحايم القبل الاربعة لا علم يسند ولاخبرة تجبر الاخرين علي الاعتراف بيك أنك من دولة عصرية ولا كمان مال ممكن تكون مستثمر لكين بشنو يا فردة بطل خيال خليك واقعي لكين منحوس ونحسك ضكر عديل لا مره سمحه عرست ولا منصب كبير لقيت ولا مال يشد الحيل لبقي العمر لكين طوبي للفقراء الكادحين في كل بقاع الارض وأنا منهم تقعد تبكي خيابتك لكين بعد شنو ! ما قصتك بقت زي قصة اللي قال الشيء الانا فيهو دا من علمي لما راح المال أنهار تمام ربنا يبعد الانهيار الكامل لكين بجب خوف الكبر والعوز ولاخطر تقوم تجن عديل ما دي النهايات المزعجة بالجد أنتو ما تسلموا منها الزمن غادر ولا يضمن غدر زمننا دا في ناس كانوا فوق الثريا الليله علي اليمين معي كتف بكتف كنت بشوفهم في التلفزيون ما هي ما دوامه بالجد بعد مرات أقول الواحد يبدا يتكتب جادة جدارية كدا تهز وترز عشان العالم يسمع صوت الكادحين كمان الجدار الصامت داك يسمعنا لكين الكلام مع منو يا انت ما هي الكتابة في بلدنا بقت زي التماهى مع حقيقة الموت عشان تخلق صورة مركبة تقوم على الاستفادة من النص في مشهد يخلط ما بين الواقعي والخيالي، الشخصي والجماعي، الحسي والبصري لو عايز تدلل أنك عند حسّ إنساني عميق يؤول ما يعتري الذات من حرقة وتمزق وألم لفقد عزيز يحاول التشبث بآخر خطوة له تتجسد في عبارة (التفت سلّم علينا)كان ما ت خلاص سلام تاني مافي وكان حي هو أنت بتنادي الوفاء في الاخر المهم ما تخزن يا أبو الزهراء لانك من طنية الفرح جاي ولا تعكر صفاءك عشان الموت يهرب من قدامك وتبقي الذكري الحلوة لمدي العمر ما قصة الاسفار معنا هي فراق قاسي وصعب وأحلام نعمل عشان تتحقق بس لا المسافة أختفت والمعشوق صابر بالوفاء وأظن معاد الرحلة الاخيرة قريب!##
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست