تعال نرقص صقرية -ولا انت بتحب التانجو !#! كنت مع مجموعة من الشباب في حفلة زوح الباهي لصديقة الكبروالعمر البت المجنونة ومضه تعرفوا أنا لا أملك جلابيه سودانية ولا عندي سروال طويل للنوم ولا عمه ولا حتي عكاز زي رجال بلدنا المهم قلت أمشي العرس اغير مزاجي وكمان أجامل البت ومضه مع أنها ما زولة عرس بتحب الحرية جدا ما عندها أي قيود في الحياة أبدا في قضية أجتماعية عندها راي وبيكون غريب ومتطرف جدا وانا خايف من تجربتها دي بتقول عن الباهي أنو شخص متفهم وعصري وممكن التجربة تكون نموذج لي وكل الرفاق أنت يا ومضه كان ما عارفة أعرفي أنا محطم ليه ما قادر أكون زول منطقي في قصة الارتباط وكمان جاري عديل من الهيمنه الفكرية وأنكسر الاخر لفكرة السلام العاطفي وهزايم النضال في دولة الكيزان وتسكن البيوت الامنه وتسكر بالابيض ضميرك ممارسة الحب عبر الاسافير والتخيل من بعد بالجد قصة أنك تحب زميلة والله دا الموت الحقيقي لحاجات كتيرة فيك تبدا من أدب الاستماع للاخر والحوار الواعي وتتضاؤل ؟ أ نا أتعرضت لأختبارات حقيقة منهن أيام ألله لا عادا انت تكون بتحب من صميم قلبك وأعمق أعمق قلبك لكين هي عايزة ليك الوزارة والسفارة والعمارة واللي بتحبو يكون بفكر في نهاية النضال ومكاسب المرحلة ما دا حب الرفيقات والجندريات يا ومضه الواحدة تبحث عن الخلاف من زاوية أنها بتعرف في الفكر الحر وكانت أخر أطروحة قدمتها البت الجادة دي عن دور المراة السودانية النضالي في نصف قرن من الزمان تعرف حقيقة ديل ما بعرفوا يبحبوا ولا حاجة تكون لحظة مفعمة بالمشاعر تقوليك المشاعر دي ضعف أنا عانيت كدا لحدي ما قلت أمكن ناس ماركس ولينين ديل ما كانوا بعرفوا نسوان ذاتو ألله يقتلك يا عماد ستالين كنت ماركسي عظيم لكين أبدا ما قلت لينا أن حب الرفيقات يورث الضرر النفسي والحرمان من متعة أنك بتحب حب طبيعي أاااي حيواني # المهم ومضه كانت مشرقة زي القمرة في تماما في الليله ديك انا بالجد البت كنت الابو الروحي حقها كانت تلميذة ذكية جدا بالجد عرفت دنيا الادب من العصر الجاهلي الي أيام الرواية الحالية وهضمت أداب الفرنجة من ايام العصورالمظلمة الي القصة القصيرة في الانترنت أو قول الاقصوصة يا اخي دي بت عسل تحفظ كلمات اغنية رباعيات الخيام"وتغني أغاني لطفي بوشناق في الوطنية كتبت أجمل أناشيد الكورال للحزب العجوز يا جماعة أخطر حاجة يكون قلبك أخدر وأنت عمر تصوف والركون للمساجد وقرايت القران في الصباحات الندية لكين أسوي شنو ما الانحراف منهجي المنحي وجزء أصيل من نفسك الخرابة ما دا ما بتسلم من خرمجة كدا تحير أي عاقل في المدنية كنت بتكلم عن الجلابيه والسروال وعكاز الرجال المهم أنت لو عايش في مناطق نفوذ الجعليين أن لازم تكون عندك أدوات الانتماء الاصيل لرجولة بني العبس المهم أنا كنت عايز أمشي الحفلة وأرقص الصقرية تاكيدا لرجولة الاحتفال وكمان عشان الباهي يعرف أنو نحن ما حناكيش ساي لكين ما خلاص ما أنا بملك الاشياء دي أمشي كارب صلبي بالحزام المهم قلت يا ولد الفنان حسين شندي حسي ينغي دخلوها وصقير حام أن كرهت الاغاني لانها من أغاني الحشد الشعبي للكيزان بالله شفت القصه ما ظابطه كيف قاعدين في الحفلة وجات ومضه من الكوافير والصور التذكارية وبدا العشا وما جا الفنان حسين شندي لانو العداد ما محرز وكمان الحفلة في منطقة شوية راقية ما زول ذاتو بعرف جسين شندي غير سواق الركشه البحيري دا مهوس صقرية وغنا الحماسةالمهم قام الباهي وومضة بأفتتاح الرقص برقصة كدا منتهي العاطفية أحي الليله وومضه بقت في عصمة راجل تاني الحمدلله وشوفا وانها ما ح تتعترب ولا تغادر ديارنا يا سجم هي ما كانت قريبه منك بس ترددك وتنظيرك خلها تجري للباهي العادي تعرفوا نحن أكتر ناس ندعي الثقافة والواعي ونبخاف من التجارب العاطفية لانها ممكن تنسف كل الباقي من العمر الحمد لله اني ما بقيت زي الجنيد علي عمر ولا زي طحنون الماركسي الذي أنعزل عن الحياة بحجة التقية الفكرية ولا يريد أن يكون جريح ممارسات الجهلاء والله بكيت كدي لحدي ما قلت أمكن ببكي علي روحي اللي هي فعلا يوم ح تمشي في المجهول وعملي طالح لكين رحمة ربنا كبيرة كانت كلها مواقف أنسانية وبسوقني عاطفة كدي أظنها قوة الاعجاب وبتكسر شديد أمام الجكس الرهيب الليله مبروك عليك يا وومضه لكين ما قتلتي فينا الصبر والتماسك أخ أنا كا ن فيكم زول صالح عليكم أ دعو لي ألزم الصبر وما أتبهدل يا ربي أنت عارف حالي بس ما أفقد رمانه ست الاسم هي حسي الامل قاعدة تتعلم التانجو عشان الليله الكبيرة ياربي خليها من نصيبي تعرفوا الفقر كعب بالجد كعب الليله وب وكمان وب ومعها جعرا # ما أجمل الفراق ستبقى وسيماً وشاباً إلى الأبد في خاطري، ستظلّ تحبّني وتكتب لي أعذب قصائد الحبّ، وسأظلّ حين أسمع اسمك أو أرى صورتك أرى النّجوم تركض قرب وجهي نهراً متدفّقاً من الضّوء إلى اللاّنهايات سأظل أحبّك، سعيدة بالتّواطؤ مع خديعتك لي، أحبّك دون أن أسألك من أنت وما أنت، حبّاً بلا شروط، حبّاً له بهاء خراب الفصول حبّاً أعلن استقلاله عنك سيصير حبّك لقاء في المسافة بين الكبرياء والكتمان والمستحيل كوكباً مُضيئاً راكضاً في مداراته النّائية المعتمة قمرأ جديداً غامضاً يُضاف إلى مجرّتنا يرصده الفلكيّون بدهشة متسائلين: من أين جاء؟ (غاده السمان )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست