الاحباب اسامه ومنير عشان ماتتلخبطو هنالك شين بينهما علاقة موسيقية الميزان والضرب الايقاعي ----- الميزان مشترك ٧/٨ زي ما شفتوهو مكتوب في الاول اما الضرب الايقاعي فمختلف الاول بضرب الفريم الاساسي الخارجي في الميزان بينما النعام خصوصا لمن تكون معاهو الايقاعات عندهم تفاصيل داخليه اكتر البلغار وكل الدول الفيها الميزان الايقاعي الموسيقي ده مابيعرفو ا حاجه اسمها الدليب لكن كلهم ميزانهم مشترك في هذا النمط مع الطريقة السودانية طيب هل نحن ابرع منهم في العزف؟ الاجابة لا لانحن ابرع منهم لاهم ابرع مننا الخواجه كان كسرو رقبتو ما بعمل عمايل النعام في الطمبور لكن من الناحية التانيه النعام الله يرحمو في حياتو ان كسرو رقبتو ما بعمل العملو الخواجه في الجيتار تحياتي لكما
""ومعليش يا أسامة عشان نضع مسطرة للدليب السودانى نقيس بيها النماذج الأجنبية أسمح لى أنزل أغنية النعام آدم هذه وهى من نوع الدليب الكلاسيكى السودانى .. "
ياخي الدليب القديم بتاع ناس اليمني وادريس ابراهيم زبالذات النعام ادم ده شيء بديع جدا .. ما عارف اسي الحصل شنو ، لكن الموضوع بقا ما ياهو ، ناس النصري ديل غناهم ماشي عكس تيار النيل باتجاه الجنوب شوية شوية ، كل يوم بقرب من اغنية امدرمان و فقد الاصالة في نظري ..
10-23-2017, 06:59 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3480
عشان ماتتلخبطو هنالك شين بينهما علاقة موسيقية الميزان والضرب الايقاعي ----- الميزان مشترك ٧/٨ زي ما شفتوهو مكتوب في الاول اما الضرب الايقاعي فمختلف الاول بضرب الفريم الاساسي الخارجي في الميزان بينما النعام خصوصا لمن تكون معاهو الايقاعات عندهم تفاصيل داخليه اكتر البلغار وكل الدول الفيها الميزان الايقاعي الموسيقي ده مابيعرفو ا حاجه اسمها الدليب لكن كلهم ميزانهم مشترك في هذا النمط مع الطريقة السودانية طيب هل نحن ابرع منهم في العزف؟
هلا حبيبنا ابوبكر يبدو انك لم تنتبه الى كلامي بالاحمر اعلاه ولكن للمزيد اقول اكاديميا يمكننا ان نقول ن الدليب هو الاسم الشعبي الخاص بالضرب الايقاعي على ميزان ٧/٨ في السودان "منطقة الشايقية' هذا الميزان يستخدم في كثير من دول العالم خصوصا في شرق اوروبا وشرق اسيا وموسيقى القرن العشرين الكلاسيكية "ايجور استرافنسكي مثالا" اذا فانه نفس الضرب الايقاعي على نفس الميزان الا ان السودانيون يمنحونه تفاصيل ايقاعية اكثر وعليه فاقترح الاتي هم لا يسمونه دليب فهذه تسمية سوجانية خاصة لهذا الضرب اذا فان اطلق اسامة عليه دليب فهذا ذكاء "جذبي لا غبار عليه" وان لم ترى ان تسمية دليب تناسبه فليس هنالك من يلومك على قولك فالاهم ان الميزان الايقاعي واحد وان الفريم الخارجي واحد والفكرة الاساسية واحدة لك الود
10-23-2017, 10:11 PM
Munir
Munir
تاريخ التسجيل: 02-11-2002
مجموع المشاركات: 10496
زيما قلت ليكم فى بوست الدليب السابق أنا زول ذائقة ساكت .. لكين عندى حساسية شديدة لأى عثرة فى الإيقاع .. يعنى قلت إنو بتاع الجيتارده فعلاً إيقاعه متوافق مع الدليب لكن فيهو عرجة ــ أو تعريجة ــ بسيطة .. وبما أنى ما دارس موسيقى فإنى مابقدر أوصفها بمصطلحات أو غيرها .. ولذلك سأكتفى بالفرجة 😶🙂 ..
10-23-2017, 10:40 PM
Munir
Munir
تاريخ التسجيل: 02-11-2002
مجموع المشاركات: 10496
حسب رأيى يا Abdullah Idrees أن الإيقاع القديم كان يتسم بالرزانة والبساطة والكلمات المباشرة المبسطة فى الأغنية .. كما أن الكورس كان يمتاز بالإصطفاف فى صف واحد طويل وحركات رتيبة ومتوافقة وألحان ذات ميلودية دائرية ساهلة فترسخ فى الأذهان مع عذوبة صوت الفنان مع التنوع الكبير فى أصوات الفنانين .. والحصل الآن أن أصبح إيقاع الدليب جرى سريع ساكت .. فالإيقاع الرزين اختفى وحل محله ضرب سريع بتاع حفلات وجوطة فارغة .. أما الكورس فقد أصبح فوضوى وغير منتظم ، وبدلاً عن صورته القديمة بالإصطفاف الطويل اصبح يتوزع إثنين إثنين وكل إثنين أوثلاثة شغالين بطريقتهم بدون تنسيق وبذلك إنهدم إتساق الصف الذى يؤثر فى التطريب الجماعى للمشاهدين .. فالكورس تلقاهم الآن كل اتنين جارين بجهة وشغالين حركات على كيفهم ، حركات مملة تفتقد للمهارة والتنسيق الجماعى .. ثم نجى لنوع الكلمة الحديثة فى الأغنية ونعرف أن الكلمة المقفاة المباشرة سهلة الامساك بالذاكرة ، ولكن الغناء الحديث نحا لكلمات الشعر الحداثى الذى تنساه بمجرد إنتهاء الأغنية .. وهذه الملاحظة عن مفردات الأغنية تنطبق برضو على الغناء القومى بالآلات الموسيقية الحديثة .. لاحظ إنو أغانينا القديمة بتاعة ناس وردى وسيد خليفة وصلاح بن البادية وحمدالريح انتشرت فى أفريقيا وخاصة شرقها رغم عدم انتشار الوسائط وحاجز اللغة .. ولكن سهولة الميلودية والكلمات وخماسية النغمة سهلت إنسياب أغانينا للخارج الأفريقى ..لكين كدى قارن ذلك بفنانـى اليوم .. منو اللبعرفهم فى الخارج والجوار الأفريقى رغم وفرة الوسائط ؟؟ ..
غايتو ..
10-24-2017, 02:53 PM
Elmosley
Elmosley
تاريخ التسجيل: 03-14-2002
مجموع المشاركات: 34683
في هذا النموذج لواتبعنا الصثقة فان الضرب 2 3 2 ,لكن لو اتبعنا الطبلة فهي تبدأ 3 22 https://www.youtube.com/watch؟v=qKCQ5DWc08Qhttps://www.youtube.com/watch؟v=qKCQ5DWc08Q
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة