|
Re: نبارك لـ / حسين ملاسي (Re: محمد البشرى الخضر)
|
Quote: ظروف السودان المعروفة و الوقت الممحوق |
ظروف السودان المعروفة دي مااظن ملاسي خاشي فيها،ووقته برضو ماممحوق ،لأنه بكسب قوته اليومي من عمود صحفي لايتعدى سبعة كلمات (فتامل التامنة)..
| |
|
|
|
|
|
|
Re: نبارك لـ / حسين ملاسي (Re: محمد البشرى الخضر)
|
نبارك لملاسي الشهادة "الكرتونية" ... . . . بعيدا عن الهزل ... 1000 مبروك يا ملاسي ومزيدا من النجاح ... وعندي استفسار هل ممكن زول شهادته ما قانون يمتحن للمعادلة ... لأني اطلعت على مواد امتحانات المعادلة وهي 7 مواد وشكلها مواد شيقة جدا وفيها جرعات تثقيفية عالية ... مواد المعادلة هي القانون الجنائي والاجراءات الجنائية والعقد "القانون المدني" والاحوال الشخصية والاثبات والإجراءات المدنية واصول الفقه ... اكرر التبريكات ...
| |
|
|
|
|
|
|
Re: نبارك لـ / حسين ملاسي (Re: Mohamed E. Seliaman)
|
ماببارك يابشرى،عارف ليه؟ الزول دا دار يشتغل مهندس وصحفي ومحامي..وفي ناس عندهم ماجستير سايقين ركشات..دي ماعدالة ياعمك.. لكن عشانك كدا ،ببارك في حالة واحدة بس،إنو يكون ملاسي مامستهدف النواحي المادية في موسوعيتو الاكاديمية دي..نحن في زمن فوضى الفرص..
*إزيك يامحمد سليمان،ياخ انا بعرفك لكن امبارح اول مرة اعرف إنك إنت المدعو حبشي...تشرفنا ياخ، مالك مقلل الطلة؟
| |
|
|
|
|
|
|
Re: نبارك لـ / حسين ملاسي (Re: عليش الريدة)
|
Quote: ملاسي مهندس كيميائي وجد الوقت و العزيمة ليحصل على القيد الصحفي ثم الماجستير و أخيرا درس القانون و اجتاز المعادلة |
جعل الله اجتيازك لامتحان مهنة القانون مباركاً وسدد خطاك نحو المزيد من النجاح .... وحصولك على اكثر من شهادة مؤشر قوي لنجاحك الباهر في ممارسة مهنة القانون إعمالاً للمبدأ القائل أنه يجب على رجل القانون معرفة كل شئ, بما في ذلك اللاشئ. A lawyer should know everything including nothing تهانينا القلبية أخي ملاسي ....
| |
|
|
|
|
|
|
Re: نبارك لـ / حسين ملاسي (Re: ahmedona)
|
مليون مبروك لزميل الإسفير الاخ حسين ملاسي هذا الإنجاز الأدبي. ونتوقع أن نسمع الكثير الجميل المشابه عن جميع الأخوة الزملاء الأفاضل. -------- وياريت نجد إجابة لسؤال الأخ قسم الفضيل مضوي:
"هل ممكن زول شهادته ما قانون يمتحن للمعادلة" عن نفسي: الأمر يهمني كثيرا ---- مع فائق تقديري واحترامي للجميع
| |
|
|
|
|
|
|
Re: نبارك لـ / حسين ملاسي (Re: بابكر قدور)
|
استاذ/ قسم الفضيل . المعادلة فقط لخريجى قانون .. حاول قدم انتساب النيلين قانون , والانتساب ح يفتح بعد ايام . * للعزيز ملاسى كل الود والتقدير والانحناء لهذا التعليم المستمر , وللنجاح فى كارثة امتحان المعادلة . تشرفت بلقاء ملاسى فى عزاء فى اركويت قبل نحو شهرين .. وكان غاية فى الرقى والمودة فى تعامله معى . مبروك يا استاذ ونتقابل فى ساحات القضاء الواقف لنتعلم منك . الف مبروك .
| |
|
|
|
|
|
|
Re: نبارك لـ / حسين ملاسي (Re: shaheen shaheen)
|
Quote: تشرفت بلقاء ملاسى فى عزاء فى اركويت قبل نحو شهرين .. وكان غاية فى الرقى والمودة فى تعامله معى . |
الكيزان كلهم في فراش البكاء حبوبين.. لكن دار نسأل لو ممكن يعني،إنت عرفتو وللا هو العرفك؟
| |
|
|
|
|
|
|
Re: نبارك لـ / حسين ملاسي (Re: عليش الريدة)
|
. .. ... شكرا حبيبنا واستاذنا شاهين على الرد ... لاني انا سألت واحد قانوني واجابني بنفس الاجابة لكن الخلاني اسأل هو اني عارف ملاسي ما خريج قانون او يخيل لي كدة ... المهم ... تعرفوا يا اخوانا ... الاخ الوراني في موقع اسمو سودانيز في 2005 كان بدأ دراسة القانون ولكن انقطع من الدراسة ومشى السعودية واغترب لمدة 7 سنوات واموره كانت سيئة جدا فيها ... المهم الراجل اتخذ قرار شجاع جدا ورجع السودان ومشى كمل سنة 3 و4 قانون ودخل في المعادلة واجتازها من اول مرة وكمل ماجستير ودكتوراه والان هو مستشار في ديوان النائب العام ... عمل الاشياء دي كلها وهو غير متفرغ ومتزوج وعليه اعباء كتيرة وفي ظرف 10 سنوات وفي السودان البقولوا كعب داك ... التحية لهذا للاخ عبد الرحمن أينما كان لعزيمته واصراره وطموحاته البلا حدود ... . . . من الاشياء المحفزة لقراية القانون هو انه عندي زول ساكن معاي دارس قانون بكالوريوس . يجي أي موضوع سرقة ، ورثة ، قتل ... الخ بيقوم بيفتيك فيه ... انسان موسوعة ما شاء الله ... وانا افتكر بعض مواد القانون لو بقت اجبارية في كتير من التخصصات الجامعية بيكون افضل وافيد ... ... .. .
| |
|
|
|
|
|
|
Re: نبارك لـ / حسين ملاسي (Re: محمد على طه الملك)
|
" الكيزان كلهم في فراش البكاء حبوبين.. لكن دار نسأل لو ممكن يعني،إنت عرفتو وللا هو العرفك؟ " . * جسور التواصل الانسانى الخاص يجب ان تبقى .. فى البكيات والافراح وزيارة المرضى فى المستشفيات . ارجو ان تعود لرواية " شرق المتوسط مرة اخرى " , ففيها اشراقات انسانية باهرة , عند لقاء المعتقل السياسى مع سجانه الذى عذبه . * رغم عدم فهمى لمغزى السؤال .. انا وملاسى بنعرف بعض من سنوات طويلة , كنا بنتقابل فى فعاليات ثقافية وسياسية مختلفة . تحيات استاذ / عليش .
| |
|
|
|
|
|
|
Re: نبارك لـ / حسين ملاسي (Re: shaheen shaheen)
|
ماقلنا شئ ياشاهين،لكن الناس ديل بنعرفم من فترة الصبا...كانوا ناس عاديين زينا،هسّ بقوا مليارديرات،وأريتم لو بشبعوا، طبعهم شين لأبعد حد..ومامدين باقي الناس إلاّ أبسط الفرص... الناس ياشاهين عائشة في ظلم رهيب،والكلام دا اظنك عارفو أكتر مني... لو كان ملاسي مثلا في البوست دا،جابوليهو ولد وللا حصلت ليهو وفاة،ماعندنا مانع وبنشجع كمان كلامك دا... لكن ياشاهين البوست دا بظهر احتكار الفرص ...وربنا قال لكي لايكون دولة بينكم،الخطاب دا لمنو؟ للصحابة والرسول عليه الصلاة والسلام عائش معاهم لسّ مارحل لربه.. طيب فمابالك بناسنا ديل ... *نحن مراهنين عليك ياأستاذنا،مدرستك بتاعت التسامح والإنسانية فوق راسنا،لكن كمان الناس البتعرضوا للظلم المباشر ديل،حاول تصور شعورم.. مشكور على الرد،وتقبل احترامي العميق
| |
|
|
|
|
|
|
Re: نبارك لـ / حسين ملاسي (Re: عادل الباهي عبدالرازق)
|
الف مبروك ملاسي
قبل فترة باركنا له حصوله على ماجستير إدارة الأعمال و باركنا له حصوله على القيد الصحفي و اليوم نبارك له إجتيازه إمتحان المعادلة و قبلها تخرجه في كلية القانون.
أتمنى له مزيد من التقدم و النجاحات.
| |
|
|
|
|
|
|
Re: نبارك لـ / حسين ملاسي (Re: أبوبكر عباس)
|
يامستنير معقول ماشايفني بحارب في شنو هنا؟ رايي إنو مافي أجمل من الشهادات إلاّ العدالة في توزيع الفرص... ولو العدالة بقت صعبة بنقبل بربعا... خليهو حسين ،بعرف ناس كتار في سودان الله أكبر دا جامعين اكتر من وظيفة... السؤال الأساسي في هذا البوست:ماذا يريد حسين ــــ بوضعه الحالي ــــ بشهادة المعادلة؟ لو كان دار يقيف بيها في المحاكم انا غلطان.. لو دايرا للزمن انا غلطان... لو دايرا لأي حاجة خلاف إنو يشتغل بيها مستشار قانوني لأي جهة ـــ حكومية أو خاصة ـــ داخل السودان انا غلطان.. خلاف كدا انا ماغلطان... بعدين إنت عندك خلفية اشتراكية،إيه البوقفك مع الاحتكار؟
| |
|
|
|
|
|
|
Re: نبارك لـ / حسين ملاسي (Re: Hani Arabi Mohamed)
|
هاني انا البوست دا راجعتو مرتين بعد مداخلتك دي،اصلو مالقيت فيهو اسم زميلة، والزول الوحيد الكان بثري معاي في الموضوع هو المستنير.. هل إنت قاصد إنو المستنير دا جكسوية مشّبحة (يعني عاملة شبح)وللا الفهم شنو بالظبط؟
قريت جرايد الليلة؟ شايف ناس الميدان كاتبين مانشيت عريض: الاحتكاري ملاسي يمنع المواطنين من الدردقة في نجيلة الوطن..
| |
|
|
|
|
|
|
|