|
|
|
 Re: ود الصادق دا مافاهم andquot;طظ من سبحان اللهandquo (Re: عبدالعظيم عثمان)
|
التوريث السياسي
معقولة الحسن الميرغني بهناك
والصديق الصاق في حزب الأمة
يتم توريثهم الزعامة علي مرأي ومسمع من الجميع
والله عيب كبير وعار علي المثقين الذين لا يزالوا يلتفون حول هذه الزعامات الكرتوينه
يعني باالله خالد عويس ومحمد فول ومحمد سن التعايشي ( يقرشوهم ) عشان الصادق
يورث أولاده وبناته
البقعد المثقفين في الحزب دا شنو ؟
غايتو اذا سلموا لهذا الوضع خسارة كبيره
| |
 
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: Asim Ali)
|
سلامات عاصم
ما يحزن حقا أن تبتعد القيادات الشابة في حزب الأمة
صاحبة النضل العريض في الحركة الطلابية والشبابية
ويفسح المجال لأبناء وبنات رئيس الحزب "الصادق الصديق"
والأجهزة الأمنية والإعلامية تتبني هذا التوريث وتدعم أبناء
الزعماء لتقتل القيادات الشبابية الحقيقية في هذه الأحزاب
بالجد الواحد يحزن لإختفاء شباب من حزب الأمة ثاقب الفكر
ويمتلك رؤية كانت ستسهم مع باقي شباب الأحزاب في صناعة المستقبل
السياسي لهذه الأحزاب بعيدا عن التوريث وهذا الإقطاع السياسي والطائفي
| |
|
|
|
|
|
|
|
|
 Re: ود الصادق دا مافاهم andquot;طظ من سبحان اللهan (Re: عبدالعظيم عثمان)
|
حباب عبدالعظيم يا اخوى دا حسد ساكت انت لا انصارى لا ختمى .
اها اسمع انا قولت فى المثقفاتية شنو فى القاهرة فى منتصف
التسعينات نمن قالوا زى كلامك دا فى مبارك المهدى
للمثقفاتية
اسمعوا يا طقش
يا بجم فى المكاتب
جالسين يا حثالة
البشر يا أيدزا
ليهو سنين
شن قولكم فى
المبارك حفيد
أمام الدين
من قام صغير
عارف الأدب
والدين
وتعلم مسك القلم
لكتابة الألف والسين
عشان عارف الزمن
بجيب القبيح الشين
امثال قراى زى عكازة
المسكين
وطه أب شيبا خلخل
عصا السكين
مسكين القراى
الدافن الحقد
فى الطين
كل ما جف حلقو
فحت بالهين
سف وادى الجنبو
عشان يسمم الباقين
باقين السجم والرماد
اهلهم من الحروب
شاردين
ديل عقاب حقدا قديم
هربوا سلاطين
وجابوا كتشنر
لمقارعة ود تور شين
ود تورشين البطل
الحير العارفين
هذه القصيدة هدية للمثقفاتى الحاقد
عبدالعظيم عثمان
اها اولاد الميرغنى واولاد المهدى واولاد الصوفية
قاعدين وفوق الارث تعلموا اها انت الا ترجع بطن امك ههها
صديق مهدى على
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: صديق مهدى على)
|
Quote: قولت يا شيخ عبدالعظيم غشاوة وانت عيون زرقاء اليمامة راجل فيق
وتعامل بوعى خليك من الحقد طور ثقافتك شوية تعالى الكيزان دا
والله ود المهدى الشهادات العندو تغطيك من البرد دحين ارعى بعيد ههها |
يا صديق بالله أفتح مخك خلينا ندخل ليك فيه كلمتين ينفعوك للدنيا والزمن
شوف الموضوع دا ما عنده علاقة بالحقد لا من قريب أو من بعيد
قلبنا علي بلدنا وعلي أحزابنا , وناسك ديل لا قلبهم علي البلد ولا علي الأحزاب
همهم إستمرار وضع الزعامة وتوريثها , والكلام دا فيه إعاقة لعملية التغيير وتأخير عودة
الديمقراطية للبلد , يعني بالله ديمقراطية شن طعمها إذا الصادق عاوز يركب أولاده وبناته
والميرغني عاوز يركبه أولاده .. ما معقول كله كله أن يقبل زول بيفكر أن يستمر تابعا
لزعيم وأولاد الزعيم أحفاد الزعيم ( دي أحزاب شنو دي يا أخوي) و إنت قايل الشعب السوداني
حيقبل بالعبث دا , النظام وأجهزته الإعلامية والأمنية تعلم جيدا خطورة التوريث وتعلم كيف أن عملية
التوريث ستقود الي تصفية هذه الأحزاب وتحويلها الي أحزاب أسرية
فهمت ولا لسه
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: عبدالعظيم عثمان)
|
بعدين يا صديق ود الصادق دا الجيل الرابع 4G
1- محمد أحمد 2- الصديق 3- الصادق 4- الجني دا "الصديق"
شفت من الصديق الثاني وإنت نازل ديل كلهم مستهبلين
وورثوا الزعامة سلفقة ساي ولقوا الناس ما واعية وعي كافي يجعلهم
يرفضوا هذا التوريث للزعامة وإستمرار النفوذ
الغريب أن ياتي شخص مثلك الآن يدافع عن هذا الخبل والعبث
ويرفض المساس بهذ "العجول المقدسة" من غير وعي
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: صديق مهدى على)
|
يعني يا صديق عشان قلت البيعمل فيه الصادق
وبناته وأولاده في حزب الأمة دا غلط
أبقي ما فاهم حاجة؟
يعني عشان اكون فاهم في نظرك مفروض أعمل نايم
من العبث وعملية التوريث البتتم في حزب الأمة علي حساب
تطور العملية الحزبية وعلي حساب الكفاءة والتاريخ النضالي
في الحزب ... يعني مفروض أعمل زي ما بتعمل أجهزة إعلام الحكومة
وأبارك التوريث ولا الفهم شنو ؟
يا زول فوق وألحق نفسك وحرر عقلك من التبعية والإنقياد الأعمي
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: عبدالعظيم عثمان)
|
حزب الأمة بيحرق وينسف في قيادات شبابية مصادمة وواعية
مقابل أن يمهد الطريق لأبناء الصادق وبناته
وتحول حزب الأمة الي حزب أسري الترقي القيادة لأبناء
وبنات الصادق ومن يرضي عنهم الزعيم
الكلام دا بالكربون بيعمل فيه محمد عثمان علي بهناك في الحزب الإتحادي الأصل
يبدو أن العلة واحدة , وبذلك تتبدد آمال التغغير في الحزبين الكبيرين
إذا صمت المثقفون أو إذا تواطؤوا مع أبناء القيادة ستستمر هذه الأزمة
سيتحولوا الي رجال حول إبن الزعيم كمبارس بلا فائدة
| |
|
|
|
|
|
|
|
|
 Re: ود الصادق دا مافاهم andquot;طظ من سبحان اللهan (Re: صديق مهدى على)
|
ياصديق
*العلم والمعرفه
*التاريخ السياسى
ديل امن يتكىء عليهم السياسى القيادى حتى يكون ناجح وفاعل فى هذا العصر .على الاقل لو كان التاريخ السياسى ضعيف
يكون الفرد اضافه نوعيه لمؤسسات للحزب من خلال معرفته وعلمو دون الحاجه الى سند اسم العائله للصعودفى هياكل الحزب.
طيب اذا مافى تاريخ سياسى دايرين نعرف مدى امكانياتو المعرفيه البتاهلو للتغطيه على ضعف التاريخ السياسى
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: Asim Ali)
|
Quote: والله يا عبدالعظيم انت رجل متحمس شديد وبتنفخ فى قربة مقدودة
يعنى انت قايل نحنا راضين لكن العين بصيرة واليد قصيرة ههها |
إذا إنت صادق في كلامك دا يا صديق وجادي
البمنعك شنو من تسجيل موقف للتاريخ وترفض الكلام
الفارغ البيعمل فيه الصادق جوة حزب الأمه؟
حركة الإحتجاج والتغيير يبدأن بالرفض والتعبر عن ذلك بصدق وشجاعه
وستسهم في عملية التغيير ... لكن الكلام من شاكلة "العين بصيرة واليد قصيرة"
دا كلام ميت ساي يا صديق
ثبت موقف وحرر عقلك وأرفع عنهم هالة القداسة حتقدر تشوف كويس
وحتشوف الجماعة ديل إنفكوا ساي من غير ألقاب أو هالات مقدسة
وحينها تستطيع أن تقول لا بقوة
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: عرفات حسين)
|
| Quote: صديق دا ياعظمة ماتشيل منو للدرجة دي ، لانو البتهف ليه بقولها وبتخارج |
تعرف يا عبداللطيف صديق ذكرني
قصة سمعتها زمان قالوا في أنصاري طالع
من صلاة الجمعة في ودنوباوي , قال سيدي الليلة في الخطبة قال كلام سمح خلاص
قام الزول الجمبه سأله : اها قال شنو ؟ الأنصاري قال : (هو كلام سيدي دا بتفهم ! هو سمح بس انا مافاهم حاجة)
أها صديق دا زي الأنصاري الطلع من جامع ونوباوي بعد صلاة الجمعة وما فاهم حاجة
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: عبدالعظيم عثمان)
|
Quote: عبدالعظيم عثمان
التحيه
والف شكر علي الفديو الذي كشف المستور |
سلامات يا عرفات
الفيديو فضيحة
وناس الحكومة قاصدين يستضيفوا زول مهزوز ومشوش وما عارف حاجة
عشان يقولوا للناس دي رؤية المعارضة
والتسجيل مخصوص رافعينه بإسم ( رؤية المعارضه الإقتصاديه)
ومن الناحية التانية عاوزين يلمعوا واحد من أولاد الزعماء المخهم فاضي
وعاوزين يعملوا منه زعيم ويقطعوا الطريق علي أي قيادة شابة خارج بين الزعيم
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: عبدالعظيم عثمان)
|
ود الصادق دا تعبان تعب الموت
في الدقيقة 17 يعترف بأن البرنامج الثلاثي للحكومة برنامج رصين
الزول دا جابه من وين ؟
الطاهر التوم لقي ليه زول فطيسة وتعبان وكل شوي ينتزع منه موقف يدعم الحكومة
في الدقيقه 18 يقول أن توجه الحكومة الإقتصادي صحيح !!
يا ناس حزب الأمة أعملوا خير في الولد دا ودخلوه مدرسة كادر
الزول تعبان تعب شديد
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: Asim Ali)
|
حباب عاصم اليوم الصادق المهدى يختلف من ذى قبل حيث فى بيته المهندس والطبيب والمهندس الزراعى وضابط الجيش وضابط الأمن والسياسى يعنى الصادق المهدى أصبح ما محتاج لحماية
سياسية أو امنية يعنى الصادق المهدى ما محتاج لواحد يدافع عنه اولاده وبناته واحفاده وحفيداته كلهم حوله يعنى ممكن نقول ابناء وبنات واحفاد وحفيدات حول الصادق المهدى وهذا سياج
علم وأمن حول الصادق المهدى اها شفت كيف يا عاصم اوعى تلعب بالنار ههههه
| |
|
|
|
|
|
|
|
|
|
Re: ود الصادق دا مافاهم andquot;طظ من سبحان اللهan (Re: صديق مهدى على)
|
النصح الولد دا يمشي التلفزيون حرقه حريق
وحفر ليه حفرة ما أظنه بيطلع تاني في التلفزيون
اذا رجع شاف الحلقة الفضيحة دي ما أظنه يفكر تاني
مفروض ناس نداء السودان تمنعه الزول دا من الظهور الإعلامي
الزول بيخصم منكم كثير
مهزوز وغير مرتب وما عنده أي رؤية منطلق منها
مفروض يتم حظر ظهوره في الإعلام
| |
|
|
|
|
|
|
| |
عبدالعظيم عثمان
Asim Ali
صديق مهدى على
عبداللطيف حسن علي
عرفات حسين
Mohamed Doudi
Hatim Alhwary
فيس بوك
تويتر
انستقرام
يوتيوب
بنتيريست