|
Re: هولندا ترحب بالشاعر الهمام \ ازهري محمد عل (Re: Khalid Abbas)
|
لك التحايا والتقدير استاذي \ مولانا الملك . ولك وافر الشكر علي المرور الكريم والدعم .
التحية لك وللشاعر الضليع أزهري محمد علي .. مرحبا به بين ابناء وطنة يشرفهم ويتشرفون بلقائه ..
اهداء خاص ليك يا مولانا .. وضاحة . شاعرنا \ازهري محمد علي .
الصباح الباهي لونك وضاحة يا فجر المشارق غابة الابنوس عيونك يا بنية من خبز الفنادق شيدتي في جواي صوامع...للفرح وفتحت في دنياي مسارح...للمرح وبقيتي لي ....سكة وعيون لا قدرت اطولك شان اجيك لا قدرت من غيرك اكون وانا بيك ماليني الكلام حركت بيك عصب السكون جلبت ليك الغيم رحط طرزت ليك النيل زفاف حرقت ليك الشوق بخور فرشت ليك الريد لحاف لا السكة بيك بتنتهي ولا معاك مليت طواف ياريتني لو اقدر اكونك وضاحة يا فجر المشارق الصباح الباهي لونك يا بنية من خبز الفنادق غابة الابنوس عيونك.. غابة الابنوس عيونك
| |
|
|
|
|
|
|
Re: هولندا ترحب بالشاعر الهمام \ ازهري محمد عل (Re: مني عمسيب)
|
عاطر التحايا والتقدير حبيبنا \ يسور الدكتور ..
تشكر يا الحبيب علي الزيارة المسعدة والدعم .
والتحية للأخ الأستاذ أزهري لو ما قدرتوا تعملوها "لايف" من الفيسبوك، نرجو الاهتمام بالتصوير بالفيديو.
تحياتك تصل وطلباتك مجابة .. لايف وتوثيق جاينا الصديق الرائع احمد الملك للتوثيق بالكميرا .
ودمت جميعآ لنا .
| |
|
|
|
|
|
|
Re: هولندا ترحب بالشاعر الهمام \ ازهري محمد عل (Re: ياسر السر)
|
نص القصيدة التي وضعها الأخ علاء سيد أحمد
أزهري محمد علي 5. Oktober 2013 · ياصاحب المشروع في قصرك العالي الصوت هناك مسموع ؟
دم الشهيد بي كم؟ ولا السؤال ممنوع دم الشهيد غالي والانكسر في الروح ما بجبرو الوالي ارواح تزف ارواح وبرضو اللسان مبلوع راح الوطن باباح جربنا لحس الكوع جرب معانا وضوق لومرة واحدة الجوع من قبل ماانسميك الريس المخلوع بالواضح المكشوف فتش معانا وشوف وين اختفي الزراع وين اترمت احزاب مين عسكر الاطفال واستخبر الطلاب مين شرد العمال من فوبية الاضراب نحن اكتفينا خراب نحن استوينا سنين نحن انطفينا عقود سنوات طوت سنوات كانت وعود في وعود قدمنا ليك فلاذت ضحينا بالموجود فوق الصبر صابرين والصبر ليهو حدود نحن بنكورك سير وانت فطريق مسدود لوشفتا عوج الضل كان استقام العود كان استراح الكل والفي المنافي يعود جرب معانا وشوف خيبة رجا العشمان والخاطر المكسوف رعشة اصابع الام في مدة المصروف جرب معانا وشوف ياساهي يالاهي يااالامر الناهي في قصرك الواهي علمنابلاهي قبال حروف النهي الامر بالمعروف
| |
|
|
|
|
|
|
Re: هولندا ترحب بالشاعر الهمام \ ازهري محمد عل (Re: مني عمسيب)
|
الاستاذ الشاعرازهري محمد علي و امثاله القلييلين هم ،فرح السودان و شعبه، يشقون فيبدعون فتخرج اصدق اقوي و اجمل الاشعار يعبر ويعبرامثاله القلة عن حالنا و يبثون الامل بالغد الجميل القادم للقادم من الاجيال و من تببقي مناه ههههههه كواحد من ملاييين يعجبون و يعرفون ازهري من اعماله و اشعاره اتمني له اقامة طيبة بينكم في هولندا الجميلة....ولو في امكانية ما يعمل محاولة لعبور الاطلنتي........اي حاجة ممكن تتعمل المعجبين في امريكا ما بقصروا
بختكم التقدير لجهدكم ونتمني ليكم امسية رايعة كما متوقع
| |
|
|
|
|
|
|
Re: هولندا ترحب بالشاعر الهمام \ ازهري محمد عل (Re: مني عمسيب)
|
الاستاذ الشاعرازهري محمد علي و امثاله القلييلين هم ،فرح السودان و شعبه، يشقون فيبدعون فتخرج اصدق اقوي و اجمل الاشعار يعبر ويعبرامثاله القلة عن حالنا و يبثون الامل بالغد الجميل القادم للقادم من الاجيال و من تببقي مناه ههههههه كواحد من ملاييين يعجبون و يعرفون ازهري من اعماله و اشعاره اتمني له اقامة طيبة بينكم في هولندا الجميلة....ولو في امكانية ما يعمل محاولة لعبور الاطلنتي........اي حاجة ممكن تتعمل المعجبين في امريكا ما بقصروا
بختكم التقدير لجهدكم ونتمني ليكم امسية رايعة كما متوقع
| |
|
|
|
|
|
|
Re: هولندا ترحب بالشاعر الهمام \ ازهري محمد عل (Re: إبراهيم عبد الحليم)
|
تسلمي يا ستنا منى وأرجو أن تبلغي تحياتي للأخ الشاعر أزهري محمد علي، الذي التقيته أول مرة في سوح الجمهوريين والأستاذ محمود في السبعينات. والهدية مقبولة وأنا بدوري أهدي لك هذه الحلقات التي من الضروري مشاهدتها لمن يريد التعرف على أزهري. ولازم تشاهديه وهو يلقي قصيدته في الأستاذ محمود..
| |
|
|
|
|
|
|
|