الوضع خطير جدا جدا، والشارع، المعارضة مجهجهاهو شديد، وهذا يزيد الطين بلة اكتر ويغذي سناريو الفوضي اللي حيسعي ليها نظام القتلة بكل السبل كافضل مخرج لي اذلاما بعد ماهبرو البلد.
05-17-2018, 01:38 PM
Bashasha
Bashasha
تاريخ التسجيل: 10-08-2003
مجموع المشاركات: 25803
نعم النظام اطلاقا لن يسمح ان تكون هناك انتخابات بالمعني البسيط المباشر.
ده مفروغ منو!
ما العمل؟
نقل المعركة للحتة دي تحديدا وفق خطة محكمة متفق عليها او بي كده معركة الانتخابات ممكن ترفد خط المعارضة او بقوة علي مستوي الشارع حتي لو المعارضة خسرت المعركة فهذا سيساعد في كسب الحرب لامحالة!
كل هذا لامعني له من دون وحدة المعارضة المشكلة الاساسية والعقبة الكادا امام مشروع التغيير حقيقة!
نعم كشف ورصد التلاعب المكشوف وعلي الهواء مباشرة وامام اعين الجميع بواسطة نظام القتلة سيدعم خط الشارع تماما كما الازمة الحالية العرت حقيقة الفساد السبب المباشر للازمة الحالية بي صورة قاطعة في اعين الملايين الدفعت او بتدفع الثمن الفادح لهكذا هبر لغف خم باسم الكتاب والسنة ماتنسو!
05-17-2018, 01:39 PM
Bashasha
Bashasha
تاريخ التسجيل: 10-08-2003
مجموع المشاركات: 25803
بي كده عدد اكبر من الجماهير ممكن يستعد للخطوة البعدها اي اسقاط النظام بالعصيان لانو التلاعب المكشوف بصناديق الاقتراع اذا المعارضة احكمت الرقابة والتوثيق باشراك الشارع ده ممكن يكون نقطة تحول جديدة ترجح كفة المعارضة.
05-17-2018, 01:40 PM
Bashasha
Bashasha
تاريخ التسجيل: 10-08-2003
مجموع المشاركات: 25803
بي كده عدد اكبر من الجماهير ممكن يستعد للخطوة البعدها اي اسقاط النظام بالعصيان لانو التلاعب المكشوف بصناديق الاقتراع اذا المعارضة احكمت الرقابة والتوثيق باشراك الشارع ده ممكن يكون نقطة تحول جديدة ترجح كفة المعارضة.
05-17-2018, 01:41 PM
Bashasha
Bashasha
تاريخ التسجيل: 10-08-2003
مجموع المشاركات: 25803
في كل الاحوال لابد من اتفاق حد ادني بين قوي المعارضة قبل اتخاذ هذه الخطوة والا فنظام القتلة ياهو الاتحكر من اول اوجديد. ده كلو او احنا ماعارفين الحيحصل شنو من الان وحتي 2020 بالذات ما اتصل بصراع الاجنحة داخل النظام.
05-17-2018, 01:42 PM
Bashasha
Bashasha
تاريخ التسجيل: 10-08-2003
مجموع المشاركات: 25803
المعارضة لازم تتحد وتتفق علي برنامج حد ادني لوفعلا معارضة ولاعذر اطلاقا ايا كان للمعارضة ان تظل هكذا مشتتة او كل مجموعة تفكر في مصالحا هي الحزبية الضيقة بي منتهي الغباء والانانية!
الشارع قام بي واجبو واكثر!
الكارثة هو المعارضة نقولا كناخبين بالصوت العالي.
حتي لونجحت استرتيجية الفوضي بواسطة نظام القتلة كما متوقع كمخرج فان تطول لانوالشارع سيتولي زمام الامور في الاخر نعم لانو الفرد العادي واعي جدا جدا، او بالغريزة لكل شئ. هذا الوعي البعض للاسف بفسرو خطأ كخنوع وعدم مبالاة وهذا غير صحيح. السبب في الانطباع ده هو الفشل الذريع للمعارضة العامل ربكة في الشارع وليس العكس!
05-17-2018, 01:43 PM
Bashasha
Bashasha
تاريخ التسجيل: 10-08-2003
مجموع المشاركات: 25803
البنظرو للطرح ده كهبوط ناعم مرفوض، مالو هذه وجهة نظر نحترما، ولكن لحظة اتخاذ القرار بواسطة الاغلبية علي الاقلية ان تنصاع وتتبني قرار المؤسسة اي قرار الاغلبية ايا كان، مع تسليمنا من جانبنا انو الشارع بالغريزة بميل للهبوط الناعم لو اصلا هذا ممكن.
اقتلاع النظام من جذورو في ليلة واحدة وهم والسلام!
هذا النظام تكون بطول وعرض نصف قرن اذا ده حاصل لايمكن تقتلعو بين يوم اوليلة من جذورو ولكن ممكن تغيرو من حيث موقعو في السلطة السياسية المباشرة علي مستوي القمة فقط كمدخل لمشوار طويل. بنقول لي ناس جو، ادو اعتبار لي وجهة نظر البنظرو زينا من برة.
البنظر للغابة من برة نظرتو بتكون موضوعية واشمل من اللي حايم بين اشجارا.
نعم فليحدث تكامل هنا، والاهما ان ترتفع المعارضة لمستوي المسؤولية بالوصول لقرار متفق عليه ايا كان ملزم للجميع. بالعدم فالمعارضة هي المسؤولة وليس الشارع لانو حركة التاريخ لايمكن تقيف
05-17-2018, 01:42 PM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
بشاشا شالوم دا الخط البحلم بيه النظام الهبوط الناعم كل المشكلة للناس البنادوا بالخط دا انو البشير ما يترشح ويذهب وهو ومن معهم طلقاء بي قتلهم وفسادهم ويرشحوا علي عصمان نافع قوش او غندور ويزوروا الانتخابات وثق ما في اي شخص بقدر يراقبها وبي كدة يكونوا شرعنوا للفساد والقتل و عدم الحرية وخشمك عندك اي صاح الوضع معقد وممكن يقود البلد لاسواء الاحتمالات لكن الاشتراك في الانتخابات في حد زاتو خياتة للوطن درب الخلاص طويل ومصير المؤمن بيه يوصل
05-17-2018, 02:16 PM
Bashasha
Bashasha
تاريخ التسجيل: 10-08-2003
مجموع المشاركات: 25803
نعم حيخجوها كالعهد بهم، او من يومم اصلا لم تكن هناك انتخابات علي الاطلاق في السودان من ليلة الانقلاب، فهذه حقيقة.
ولكن المانع شنو المعارضة كجسم واحد تتحد وتلتحم باذلام نظام القتلة في معركة الانتخابات؟
ما المانع؟
منطلقي الاساسي هو الشارع.
الشارع واعي جدا او حكيم جدا جدا او معلم شعوب حقيقة، ولكننا كمثقفاتية ماقادرين نفهم الشارع!
الشارع يمقت العنف ويميل للسلام بالغريزة، يمقت الفوضي ويركن للنظام بالغريزة او ماعندو الشغلة بالايديلوجيا اطلاقا، او همو كافراد الحياة البسيطة الكريمة من حيث الضروريات.
نعم الشارع واعي جدا لسناريو الفوضي او عايز يتجنبو باي طريقة، ولو كان هذا تمنو اطالة عمر النظام!
المعارضة للاسف الشديد بعيدة كل البعد عن تطلعات وهموم الفرد العادي، وهذا بعض سر بقاء النظام اللي استراتيجيتو تدور حول ترعيب من رعب من الفوضي الجهوية تحديدا كبديل حتمي واوحد لنظام القتلة!
الشارع واعي تماما للحتة دي، او لما يعاين للمعارضة المسكين دموعو بتجري قصبا عنو، او كده بركن او بسكت، والنظام علي كده بقول السكوت رضا علي ذات طريقة امونة بت الشيخ حمد اللي انتحرت في الاخر!
نعم ابوها الكان مزواج خلاس لما سكتت افتكر سكاتا رضا او قام عقد ليها العندو القروش!
05-17-2018, 02:29 PM
Bashasha
Bashasha
تاريخ التسجيل: 10-08-2003
مجموع المشاركات: 25803
فما فاهم لو اصلا ممكن يكون هناك هبوط ناعم فما المانع؟
ما المشكلة؟
ليه الاصرار علي الاقتلاع العنيف؟
ده اطلاقا ماكويس مهما شفي غليلنا فهو ضار مكلف جداا وبلا مردود!
واضح هناك تصور خاطئ يتمثل في اقتلاع النظام من جذورو في هبة او قومة واحدة وهذا محال وبالتالي خطر جدا جدا، سيادي الي فوضي والسلام!
لايمكن نظام قتلة فسقة فسدة كهذا، نعم نظام جريمة منظمة تكون علي مدي نصف قرن يختفي من الوجود بي ضربة واحدة!
هذا جنون وهذا شطحي يخدم مصالح المنتفعين من هذا النظام.
بناءا عليه الاقتلاع من الجذور حياخد زمن طويل جدا بالسلم وعلي نار هادئة كما نشا هذا النظام اول مرة مش بالعنف اللي ممكن يزلزل اركان القارة كلها مش فقط السودان!
معليش قراتي مختلفة تماما وانا زول دخل عمر في دراسة تاريخ الثقافة السودانية او بي كده عندي المام معقول بي طبيعة شخصية السوداني بالذات ساعة الجد!
05-17-2018, 03:10 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20552
تحياتي الاخ بشاشا وكل الاخوة المتداخلين في البوست ..
Quote: بي كده عدد اكبر من الجماهير ممكن يستعد للخطوة البعدها اي اسقاط النظام بالعصيان لانو التلاعب المكشوف بصناديق الاقتراع اذا المعارضة احكمت الرقابة والتوثيق باشراك الشارع ده ممكن يكون نقطة تحول جديدة ترجح كفة المعارضة.
كان حا اتفق معاك لولا انك تجرب المجرب وتفتقد لأهم شيئ في الفكرة .. تجرب المجرب لأنو قبال كدا حصل الخج بالدليل البين والشارع لم يقل كلمته .. وايضا النظام اعلن فوزه بإنتخابات مقاطعة من الشارع مقاطعة تامة وبرضو الشارع ما قال اي شيئ للنظام الذي يعلن فوزه من العدم ..! واهم شيئ الذي تفتقده فكرتك هو الاعلام .. كل اجهزة الاعلام هي في يد النظام .. كيف ستبين للشارع الخج الذي لامحالة هو حاصل حاصل .. بالعكس سيتم قهر الشارع بعد ان يعلن النظام فوزه المظفر على المعارضة الكسيحة وهذا سيضاعف من عدم الثقة الموجودة اصلا بين الشارع والمعارضة ..
هذا الهبوط الناعم مع خالص احترامي ليك هو اسوأ فكرة حتى الان ..
.
05-17-2018, 04:27 PM
Bashasha
Bashasha
تاريخ التسجيل: 10-08-2003
مجموع المشاركات: 25803
جماهير الداخل نعم هي البتحدد صاح، ولكن جماهير داخل او خارج، فالراي مطلوب وبشدة بالذات جماهير الخارج لانو رؤيتا بحكم الموقع مختلفة وهذا مهم او مفيد.
اذن واجب الكل يساهم بالراي كناخبين والمعارضة لازم ترتفع لمستوي المسؤولية وهذا في غاية البساطة لو عينا فعلا علي الوطن مش المكاسب الحزبية او الشخصية الضيقة.
في غاية البساطة ان تجتمع المعارضة تضع نقاط محددة متفق عليها بالاغلبية اذا لابد او تبدا التنفيذ.
مافي ولامثقال ذرة بتاع سبب يبرر هكذا حال معارضة مشتتة لو المنطلق والمنتهي هو مصلحة الشارع مش الحزب او الطموحات الشخصية!
يبدو أن هنالك وهمًا سائدًا بأن من "يكتبون"، في سودانيزاونلاين" صاروا "نجوماً" في سماء السودان،
ياعزيزي الوهم ده في العدسات اللاصقة البتشوف بيها انتا مش البتشوف فيهو!
ان نقول راينا كناخبين فهذا حقنا اولا، وثانيا واجب!
بس للاسف انتا فاهم خطأ شغل اسقاط لي طريقة تفكيرك انتا!
نجوم بتاع ايه ياعزيزي؟
اطلع من الزنزانة دي ياصديق!
05-17-2018, 05:24 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20552
Quote: جماهير الداخل نعم هي البتحدد صاح، ولكن جماهير داخل او خارج، فالراي مطلوب وبشدة بالذات جماهير الخارج لانو رؤيتا بحكم الموقع مختلفة وهذا مهم او مفيد.
بحكم "الموقع" كجماهير "خارج"، لا تستطيع تحديد تكتيكات جماهير الداخل.
وعليك دعم "تكتيكات الداخل"، بما تستطيع ك"خارج"..
أما "الاقتراحات"، و"الإملاءات"،
فلا تجوز،
اللهم إلا إذا ارتديت "جلباب" النجم، "مشكِّل الرأي العام "في الداخل.
05-17-2018, 05:52 PM
Bashasha
Bashasha
تاريخ التسجيل: 10-08-2003
مجموع المشاركات: 25803
سلام عليكم جميعا انتخابات شنو ؟؟ !!! مش القابضين على مقاليد البلد ديل لما كانو فى الجامعات اول ماسير الانتخابات مايكون فى صالحهم يفتعلو صراع ولنسف العمليه الانتخابيه .... دا كدا وهم طلبه فما بالك وهم فى كرسى السلطه ونعيم الثروات .
05-17-2018, 07:21 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
استاذ بشاشا سلامات كدي النستلف قرقر حقتك ديك . عليك الله انتخابات شنو يا اخوي ؟ ياخ هي البلد ما فضل فيها شلن واحد يجيبوا بيهو صندوق انتخابات . القصة حكت شديد يا عمك . الناس والله يا بشاشا حالتها واقفة كو . ربك يستر .
05-17-2018, 07:22 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
١- أن بشاشة لا يعتقد أنه توجد فوضي الآن وانهيار دولة فى كافة المناحى والتى اصبحت هاجسا للمواطن ومهددا لبقائه. بل الفوضي ستنتج من اسقاط النظام بالقوة.!!
٢- أن بشاشة لايهمه كيفية تبادل السلطة بغض النظر إن كانت إنقلاب او إنتفاضة او إنتخابات..
٣- أن بشاشة مقتنع فى حال فشل دعاة مشاركة الانقاذ إنتخاباتها فى الفوز بالانتخابات فى ٢٠٢٠ يعنى ذلك عليهم الانتظار حتى ٢٠٢٥ وان الانقاذ نجحت فى ارساء قواعد الحكم الديمقراطى فى ما تبقي من السودان..
٤- ان بشاشة مقتنع انه فى حال فوز دعاة مشاركة الانتخابات فى ٢٠٢٠ يمكن لاي مغامر أن يستولي على السلطة بإنقلاب مسلح..ليس هناك ما يمنع.
٥- أن بشاشة مقتنع ان مشاركة الانقاذ إنتخاباتها لا يعطيها اي شرعية من خلال الدعوة لإنتخابات ٢٠٢٠
اكتفي بهذه النقاط
05-18-2018, 00:00 AM
Bashasha
Bashasha
تاريخ التسجيل: 10-08-2003
مجموع المشاركات: 25803
ويبدو لأنك غير منتمٍ ، فلذلك تنعدم مرجعيتك السياسية،
قرقرقرقرقر!
الصديق اسامة،
حقيقة لله فهمك للشغلة دي يفضح طريقة تفكيرنا بعامة كيسار بلاش جلابي مؤقتا!!
يعني شنو غير منتم؟
طبعا قصدك بتعبير اخر غير "منظم"!!!
فهم غاية في العجب للسياسة في السودان وهذا يوضح كيف او ليه لاوجود لمفهوم ناخب اطلاقا في بلدنا، وكنتيجة الشغلة كلها يا طائفية مدودة يا عقائدية متحجرة، غيبت دور الناخب الحر المستقل تماما
او بي كده افرغ مايسمي بالديمقراطية من معناها تماما وهذا موضوع عميق جدا يثبت كيف مفهوم ديمقراطية الي يوم يبعثون سيظل نبات سلعلع علي قول الصادق بلا جذور لاننا من دون خلق الله حقيقة لله مابتاعين ديمقراطيا بتاتا!
ده ماعيب ولا غلط لو كنا عارفين حاجاتنا او قادرين نوظفا بخلق نظام سياسي نابع من ارثنا او اقلاه ديمقراطة مستنبطة من واقعنا ولكن زمن قريب ده، انسي ترهات كهذه تماما او خلونا في عاش ابو هاشم اي نظام السيدين اللي برضو افضل بما لايقارن من نظام الفرد الواحد بالذات الفاسد اوفاسق باسم الله!
طبيعتك مختلفة عن الناخب الموجود في قلب الأحداث.
حولا!
طيب فنفترض كذلك، فما المانع؟
الاشكال وين؟
العكس ده شئ جميل وايجابي ان يكون هناك تنوع في طبيعة الناخبين!
بغض النظر ده حق دستوري بغض النظر عن مكان اقامتي جغرافيا او اختلاف طريقة تفكيري!
ناخبي المهاجر دورم كبير جدا جدا ومحوري بالذات انو نظام القتلة ماعندو سيطرة عليهم كما هو حال ناخبي الداخل وهذا سلاح فقري جدا في عصر الاعلام الاجتماعي اخطر الاسلحة اي الاعلام بعامة في العمل السياسي.
05-18-2018, 00:34 AM
عادل البراري
عادل البراري
تاريخ التسجيل: 01-07-2013
مجموع المشاركات: 4051
أنا ما عايز أسير في نفس منحني إسامة الخواض رغم صحته لكن أحب أن أثبت أن هذا الوطن يحتاج ثورة عارمة أكثر تغيير وهذا سوف يحدث وان لم تتفق كل القوى التي تتطلع للتغيير ما أكثر الشجر الذي ينحني مع الريح
05-18-2018, 01:59 AM
Bashasha
Bashasha
تاريخ التسجيل: 10-08-2003
مجموع المشاركات: 25803
عاصم علي يا مراحب. قنا لو المعارضة اتفقت نعم لو اتفقت فممكن يحولو الانتخابات الي ساحة معركة طبعا وفق شروط وبرنامج محدد متفق عليه لاحداث التحول الديمقراطي المنشود سلميا لانو الوضع في غاية الخطورة او ما بتحمل اي حسابات خطأ اطلاقا. اذن قنا الخطوة دي لازم تتم باتفاق تام بين أقطاب المعارضة.
05-18-2018, 04:12 AM
محمد عبد الله الحسين
محمد عبد الله الحسين
تاريخ التسجيل: 01-02-2013
مجموع المشاركات: 10929
الأخ بشاشا تحياتي أول مرة تخت الكورة واطة عشان كده أجد نفسي اتفق معاك هذه المرة...ههههههه
فعلا المشاركة في الانتخابات تكتيك ذكي ( إذا ما سقطت الحكومة براها).. و الفكرة نفسها تعبير عن إنه المعارضة صاحية و حية و مرنة في تفكيرها...
لأنه حال المعارضة ظاهر.. نعم هناك اتفاق على اسقاط النظام و لكن ردود فعلها بطيئ و التنسيق بينها مفقود و علاقتها مع الجماهير موسمية و ضعيفة.. ضعف المعارضة جزء منه بسبب النظام طبعا و لكن هناك جزء يتعلق بتراث العمل الجماهيري اللي تاريخيا كان نخبوي عند اسقاط النظامين.. و كما ذكر بشاشا الشخصية السودانية بطبعها لا تميل للفوضى أو العنف..و الدلائل عديدة أبسطها أنها لم تحاول أن تقتص ممن قتلوا ي السابق و لا يوجد في تاريخنا السياسي أي حادثة اغتيال لزعيم سياسي أو رئيس..
الآن الآن النظام منتهي و منهار و لكن لا يزال لا يجد الشارع الموحد ليقوده إلى مثواه الأخير.بل و لا يملك حتى الآن تفاصيل البديل الذي يمكن أن يملأ الفراغ.على الأقل ليقنع الناس بفكرة الاقتلاع..لأنه يفهم بداهة أنه إن اقتلع النظام هناك من هو مهيأ لأن يقول له شكرا و يستلم زمام الأمور.. و لأنه لا يفهم تفاصيل البديل القادم أو المطروح لذلك هو لا يستبدل شيطان بشيطان غير محدد المعالم(هذا في عقله الباطن و تفكيره).
بالتالي فإن المشاركة في الانتخابات إن جاءت وفق شروط المعارضة بضمان نزاهة و شفافية العملية الانتخابية و طلب مراقبين دوليين فإن ذلك سيكون تكتيك خطير و ذكي للمعارضة إذا ما أتفقت جميعها على مرشح واحد ., كل ذلك يجب أن يسير يدا بيد مع العمل الجماهيري الرامي لاسقاط النظام أو على الأقل تكون المعارضة مجهزة تفاصيل البديل إن سقطت الحكومة من تلقاء نفسها كثمرة ناضجة..
هذا كله ليس تعبير عن اليأس و لكن قراءة واقعية لنقاط الضعف و القوة و كذلك دليل حياة من حلال تقديم بدائل للحل بدل ان نكتفي برفع شعارات فقط دون تقديم تضحيات التي تحتاج لطول النفس و للتنسيق و للثقة في الأحزاب المعارضة و مكونات المعارضة الأخرى...و هو كله مفقود.
باشا تحياتي كنت اول الداعين للاستعداد جيدا لهزيمة الإنقاذ في ملعبها و ذلك بخوض انتخابات 2010. و طرحت ذلك في بوست في سودانيز اونلاين تحت عنوان (يا المعارضة، مقاطعة الانتخابات أصعب من المشاركة فيها). الغريبة أنني استدعىت هذا البوست و طلب غيري من زملاء ال0منبر من الأخ بكرى استدعاء الموضوع من الأرشيف و حتى الآن الأخ بكرى لم يفعل و لا زلنا في انتظاره، كما يمكنك المساعدة في ذلك. المهم يا بشاشة، كنت أدعو لخوض الانتخابات عام 2010 و ان نهزم الإنقاذ في عقر دارها كما فعلت الثورة البرتقالية في أوكرانيا و كما حصل في كينيا و زيمبابوى لاحقا. و لكنني وقفت كثيرا عند هذا الطرح مرةاخرى و بسبب سؤال بسيط هو (هل بمقدور الشعب السوداني أن يعيش عامين كاملين في هذا الوضع الذي انهار فعلا و تماما اقتصاديا)،. ان كل التقارير تشير إلى أن شبح المجاعة التي تهدد حياة اكثر من سبعة مليون سوداني قادمة لا محالة في الشهور القليلة القادمة. لهذا أرى في المشاركة في انتخابات 2020 تحت ظروف هذه المجاعة و الانهيار التام للاقتصاد السوداني، الا الحكم بإعدام الشعب السوداني. لذا من الملح إزالة الإنقاذ قبل 2020 لسلامة أرواح أهلنا.
05-18-2018, 05:13 PM
Bashasha
Bashasha
تاريخ التسجيل: 10-08-2003
مجموع المشاركات: 25803
كيف الواحد تجرأ او قال كلام مخالف للخط العام طوالي تدوهو الطرادة بتاعتو او تقولو ليهو اتفضل انزل البص ده ما ماشي كرتون حاج يوسف، مكان سكن بشاشا؟
لاحظو ده كلام في العمل السياسي بالمعني التقليدي المباشر للمفردة، او مش موضوع صراع فكري البنستخدم فيهو الصعق الكهربي وبالتالي مهم جدا المرونة او بعد النظر في موضوع ساس يسوس.
بالعدم عليك الله رد علي حججنا بي حجج.
05-18-2018, 07:42 PM
محمد عبد الله الحسين
محمد عبد الله الحسين
تاريخ التسجيل: 01-02-2013
مجموع المشاركات: 10929
برضه نواصل يا بشاشا فيما يخص المشاركة للانتخابات إذا حدث التوافق على المشاركة في الانتخابات فإن ذلك سيكون على الأقل تمرين للتنسيق بين مكونات المعارضة المختلفة و تمرين لمخاطبة
و حشد الجهود و للالتقاء بالقواعد و فتح القنوات المباشرة معها و اختبار للقيادات الوسيطة و الصغرى و إعداد لها.. بدلا من هذا الركود و إن يكن هدوء قد يسبق العاصفة و لكن في المقابل النظام هو من يتمتع بالساحة وحده و هو من يصيغ الخطاب و هو الوحيد الذي يخاطب
الشارع و يترك للمعارضة فضل المعارضة الناعمة المتمثلة في المقاومة السلبية بالسخرية و النكات و في سرد وقائع الفساد و أخبار المفسدين و الذي صار طبخا روتينيا مملا و لا يرقى لأن يكون عملا مُقاوِماً ذا شأن خاصة بالنسبة لنظام أدمن الولوغ في الفساد و الإفساد بكل برودة دم...
هذه مجرد وجهة نظر و اختلاف الآراء دليل عافية و يجب أن لا يفسد للود و المقاومة قضية
05-18-2018, 09:30 PM
Bashasha
Bashasha
تاريخ التسجيل: 10-08-2003
مجموع المشاركات: 25803
أن بشاشة لا يعتقد أنه توجد فوضي الآن وانهيار دولة فى كافة المناحى والتى اصبحت هاجسا للمواطن ومهددا لبقائه. بل الفوضي ستنتج من اسقاط النظام بالقوة.!!
سيف اليزل يامراحب،
ياعزيزي
لوجينا نتكلم عن الفوضي، فالدويلة من يوما، مرقت من فرن الاحتلال الثنائي مصممة خصيصا لاحداث الفوضي.
بدل تفكيكا صامولة صامولة في 1956 احنا احتفلنا بيها لانو وعينا زاتو هو المادة الخام الصاغو من عجينتو هذه الدويلة الخاذوق.
اذن ماموضوع فوضي او بس وانما بنتكلم عن الBig Bang المتوقع في السودان او كيف نتفاداهو.
٢- أن بشاشة لايهمه كيفية تبادل السلطة بغض النظر إن كانت إنقلاب او إنتفاضة او إنتخابات.
احنا عايزين نعبر في الاول لي بر السلام، بعد داك نفكك خاذوق قنبلة دويلة الاقلية دي او نركب بدلا دولة سودانية حقيقية من كل السودان او بي كده ممكن يكون هناك تبادل سلمي للسلطة.
مهما درب السكة دي طول، فهذا افضل وارخص بما لايقارن للمغامرة بدافع الكسب السريع.
٣- أن بشاشة مقتنع فى حال فشل دعاة مشاركة الانقاذ إنتخاباتها فى الفوز بالانتخابات فى ٢٠٢٠ يعنى ذلك عليهم الانتظار حتى ٢٠٢٥ وان الانقاذ نجحت فى ارساء قواعد الحكم الديمقراطى فى ما تبقي من السودان..
مافي زول دعي الي مشاركة الانقاذ تمثيلية مايسمي انتخابات، ولكن في زول دعي الي تحويل مسرح الانتخابات الي ساحة نزال بدل تمرير المسرحية بالصمت زي كل مرة والفرق كبير.
اذا اصلا كانت هناك فعلا انتخابات حقيقية حرة نزيهة او فاز فيها النظام فهنئيا لنظام القتلة،
ولكن الكل يعلم هذا مستحيل ولهذا قنا علي المعارضة ان تحول الساحة دي الي ساحة نزال حقيقي او بي كده تتحول العملية الي اداة مقاومة جديدة.
٤- ان بشاشة مقتنع انه فى حال فوز دعاة مشاركة الانتخابات فى ٢٠٢٠ يمكن لاي مغامر أن يستولي على السلطة بإنقلاب مسلح..ليس هناك ما يمنع.
مافاهم عايز تقول شنو بالضبط!
٥- أن بشاشة مقتنع ان مشاركة الانقاذ إنتخاباتها لا يعطيها اي شرعية من خلال الدعوة لإنتخابات ٢٠٢٠
لو للشريعة، فالسكوت والفرجة علي تمثيلية الانتخابات هو البطفي شرعية باكثر من منازلة النظام في الساحة دي كما نقترح. اذن مافي مشاركة وانما هناك منازلة للنظام.
اذن اختلافنا هنا.
منازلة النظام في الجبهة دي افضل بما لايقارن باسلوب المباركة بالصمت.
الوضع الان مختلف اختلاف كبير جدا لانو الدعوة لتغيير راس النظام بدات داخل المنظومة نفسها وهذا فتح اي خرم او شق كبير ممكن تتسلل من خلالو قوي المقاومة كما ثغرة الدفرسوار في حرب اكتوبر!
نعم بشاشا بيحكي عربي قال لمخاطبة مستمعيه البحكو عربي حصريا!
05-18-2018, 09:35 PM
Bashasha
Bashasha
تاريخ التسجيل: 10-08-2003
مجموع المشاركات: 25803
و كما ذكر بشاشا الشخصية السودانية بطبعها لا تميل للفوضى أو العنف..
محمد عبدالله يا الف مرحب
نعم هذه حقيقة.
رغم انف شلالات الدم في بلدنا لا يمكن البحصل بين السوريين كافراد يحصل في السودان بان تتحول الحرب الاهلية الي مواجهة بين افراد خارج ساحة المعارك.
كتير جدا لما اقول كده في نقاش مع بيض امريكا مايتعجبو او مابصدقو كيف انا مثلا عادي ممكن امشي السودان واجي راجع، او كيف كمان غير السودانيين بمشو او كمان يزورو المواقع الاثرية!
نعم يعض العرب المتابعين بستغربو لما يعرفو ده من دارفور او داك من الشمال او بتعاملو عادي!!
نعم دي مصيبة اللي اجبرو علي حمل السلاح في الهامش مع الشارع الرافض العنف تماما بالفطرة وبغض النظر عن المسببات وهذه حقيقة مشكلة لا ادري كيف يكون حلها.
هناك ميل فطري طبيعي في جوف السوداني للسلم او ده ماصدفة ولاجديد او عابر فوق للخوف الفطري من الفوضي المتوقعة.
اقطاب المعارضة فاهمين ده كلو خطا، يسو الشعب جعان لكنو جبان، او غير مبالي وماشابه من كلام ناس بنقزو برة الحلقة تماما!
حقيقة مصيبتنا كشعب تتجسد في هلامية المعارضة البعيدة كل البعد عن نبض الشارع لانو منطلقات القائمين بامرها حزبية ضيقة!
الشارع واعي جدا او حصيف جدا وعلي نحو غريزي الي ميكانيكي ولكن اقطاب المعارضة مافاهمة التكتح اوعشان كده يقولو ليهم الشئ تور، يقولو لا، احلبو، ادونا القرعة!!
05-19-2018, 06:38 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
سلامات بشاشا موضوع إنتخابات 2020 دا موضوع منتهي السلطة عاوزة تكسب وقت لغاية ما بعد 2020 من المستحيل أن يحدث تغيير عبر الانتخابات في السودان في ظل إستمرار هذا النظام قابضا علي كل شيء.. الإشتراك في انتخاباته مغامرة كبيرة ولا نتيجة ترجي منها.. عشان لا تعقدوا عليها الآمال. دا شيك علي بياض حتكتبه المعارضة والحكومة تكتب فيه 20 سنة إضافية
05-19-2018, 07:25 PM
عادل البراري
عادل البراري
تاريخ التسجيل: 01-07-2013
مجموع المشاركات: 4051
Quote: هذا لا يعني عدم مناقشة الشأن الوطني اليومي، ولكن في حدود "الموقع"...
ما بالشارع قد بلغ الحلقوم وعشرين /عشرين زوبعة مرجفين في قعر فنجان فخياراتهم لا تبيض ما يلحق هذه الحياة فمنحني بشاشا هو مرادف لما أطلقه أصحاب الجته والراس. سؤال ليس خارج هذا التداعي هل نجح الصادق المهدي في أهداف تصالحه في 1976 في ذاك اليخت مع نميري وكل الذين أدعو إسقاط نميري عبر الانتخابات هل انتخابات نميري ماذا افردت غير مجال لترتاح صلبتهم في ملكوت السلطة الطائش وقتها وحينها الان النظام تأكل من كل الجوانب في هذا الوقت يغرد آخرون خارج السرب ليس لنا وليس لهذا الشعب بل لأهداف خاصة بهم في الأصل هي ليس خططهم بل خطط الذي يريد أن يتمدد أكثر سيسقط النظام وهم إلى إي منقلب سوف ينقلبون لك ودي واحترامي
05-19-2018, 08:45 PM
عادل البراري
عادل البراري
تاريخ التسجيل: 01-07-2013
مجموع المشاركات: 4051
بعض الدوائر داخل حركة المعارضة، تشترط لدخولها إنتخابات 2020، عدم السماح لعمر البشير بالترشح لدورة رئاسية جديدة، وعدم تعديل الدستور حتي لا يسمح له بذلك؛ وهو الإتجاه الذي تتبناه قوى سياسية داخل السلطة نفسها.
هذا الشرط المتواضع؛ وللوهلة الأولى يبدو للناظر إليه وكأنه شرط أساسي، كون أنه عمليا بات البشير هو رمز نظامه، ونهايته- بعدم ترشحه في إنتخابات 2020- تعني نهايته ونهاية نظامه، وهذا للأسف تسوقه بعض هذه القوى السياسية لإيهام الناس بهذه الحقيقة الملوى عنقها قسرا، ولكن المتابع الجيد والقارئ الحصيف لمسيرة الصراع السياسي الإجتماعي فيما بعد تكوين تحالف نداء السودان، لا بد أن يجد أنه -الشرط- جاء نتيجة صفقة بين هذه القوى وتيار رفض ترشيح البشير داخل الحزب الحاكم، وما يسمي بالمجتمع الدولي، وهو المعسكر المستعصم حتى الآن، بمشروع التسوية السياسية عبر (الهبوط الناعم) وهذه الفرضية يرشحها بإمتياز لتبقي قرينة قوية؛ الإجتماع الذي إلتأم مؤخرا بين قوى سياسية محسوبة على المعارضة وواحدة من السفارات الغربية ومركز إستخبارات تابع لسفارة الدولة هذه، بحث مشاركة هذه القوى في إنتخابات النظام في 2020، ولربما بذلت السفارة عهدا ووعدا بتنفيذ شرطهم المتواضع هذا، لضمان مشاركتهم في هذه الإنتخابات.
مسيرة النظام في التنكر للدستور وإفراغه من محتواه الديمقراطي الإجتماعي، مسيرة طويلة ومريرة ومليئة بالألآم، بدأت منذ صياغة قوانين تتنافي تماما مع نصوص دستور السودان الإنتقالي لعام 2005، ومرورا بتزوير إنتخابات 2010، و تدبيج إنتخابات 2015 على مقاس ضيق، ضيق أفق النظام والقوى السياسية والإجتماعية المرتبطة به، داخليا وخارجيا، ولعل أقسي وأقوى حلقة من حلقات، مسلسل إنتهاك النظام للدستور، هي إقدامه على تعديل الدستور في فبراير 2015، قبيل إنتخاباته المضروبة بقليل، والتي إحتوت على نصوص وتعديلات، كان أخطرها تركيز كل السلطات في يد رئيس الجمهورية وتحويله لملك، ومنحه صلاحيات بما فيها صلاحية (نزع وتمليك الأراضي) وحصن هذه الصلاحيات بنص دستوري يقضي بعدم دستورية نقض قرارات الرئيس وعدم قابليتها للتقاضي. هذا المعطي يجعل من الحديث عن عدم تعديل الدستور، مجرد طريقة للإستهبال السياسي والضحك على الذقون، حيث لا يمكن الإعتداد أبدا بعهد ووعد من النظام، بعد هذه المسيرة الطويلة، كما لا يمكن الإعتداد أيضا بعهود المجتمع الدولى، فمصالحه هي التي تحركه وليس أي شئ آخر، لهذا فإن هذه القوى- في رأي- طالما هي حزمت أمرها للمشاركة في إنتخابات النظام، فعليها أن تبحث عن مخرج آخر، تحفظ بها ماء وجهها أمام الجماهير، فهذه حجة كانت تنفع إبان إتفاقية نيفاشا، وإنتخابات 2010، ولكنها لا تنفع الآن.
اذا فإن هذا الشرط بتواضعه هذا ، من جانب هذه القوى هو مجرد حركة ل(إزالة ملامة)، حتي تشارك هذه القوى النظام إنتخاباته؛ وهذه القوى التي ترجع من منتصف الطريق الآن، هي؛ فصائل البرجوازية الصغيرة بما فيها من قوى محسوبة على التقدم- فتر حماسها الثوري- وبقايا الطائفية، التي لا تقبل بالعيش بعيدا عن السلطة، ولا تنتظر نصرا تراه بعيد، وتركن دوما للخيار السهل حتي ولو بالتراجع كليا عن ما أعلنته بالأمس ثوابت غير قابلة للإلغاء أو التجاوز. يحركها منهج متذبذب، يعتمد على الحكمة الشعبية الدارجة والتي تقول : (الحاضرة ولو بصلة)!.
بيد أن منطق الأشياء وبعد كل هذا الزمان الملئ بالتجارب مع النظام وأسياده في الخارج، يؤكد أن هذا النظام هو نفسه لن يتغيير، وهو في ذات الوقت قد تغيير كثيرا، بفعل الصراعات داخله، لكن وحين يتعلق الأمر بالتعامل مع الشعب والمعارضة فإن النظام هو ذاته، وهو سيبقي على الدوام-حتي سقوطه- مصدر جذب وقطب لقوى اليمين السياسي والبرجوازية الطفيلية، وكنار تهدي إليها الفراشات الحائرة من كل الفئات الطبقية، التي يعميها تحليلها ومصالحها الطبقية عن معاناة الجماهير وبؤسها، وهي الآن تجري نحوه، في خيانة هي الأسوأ، والمؤسف هو إصرار هذه القوى على تبريرها.
*# أسامة حسن عبدالحي*
05-21-2018, 04:49 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20552
من المستحيل أن يحدث تغيير عبر الانتخابات في السودان
عبدالعظيم يامراحب
اتفق معاك ما من السهل يحصل تغيير عن طريق الانتخابات، ولهذا تحديدا يجب منازلة النظام في هذه الساحة.
الاختلاف بينا بجي في تقدير حجم العائد او المردود من المشاركة قصاد التكلفة.
الاختلاف هنا.
في تقديري لو المعارضة اتفقت، او وضعت برنامج محكم وفق شروط محددة فالمردود حيكون ضخم جدا في تقديرنا.
لانو دي فرصة بدل الاكتفاء بالفرجة ومن ثم اطفاء الشرعية بالصمت، انهم يدخلو جو صناديق الاقتراع زاتا للمرة الاولي وبالتالي يوثقو ويكشفو كل شئ لرجل وامراة الشارع او بي كده بدل الفرجة ممكن يحشرو النظام في ركن ضيق بالنسبة للشارع، وهذا حيخدم الخطوة البعدها لوما حصل تغيير.
انا بقول في ده كلو انطلاقا من قراءة محددة للشارع الغير متطرف او شاطح في رفضو للنظام بالصورة البجسدوها الشاطحين في منظومات المعارضة البعيدة كل البعد عن نبض الشارع!
ماعاد زي زمان شعارات الايديلوجيا تعني اي شئ علي الاطلاق لافراد الشارع بحكم واقع جحيم الحياة اليومية، بل الاهتمام بالسياسة عامة ما عاد زي زي زمان، والناس بقو عمليين جدا جدا، همهم جحيم حياتم اليومية وليس اي شعارات فضفاضة، بتاعة كفاح الطلبة، او الطبقة العاملة وماشابه من شعارات رنانة مثالية!
05-21-2018, 11:45 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
الوضع في السودان غالبا سيعجل بانهيار الأوضاع قريبا على رؤوس زبانية النظام. فلا أظن الشعب بوسعه الصبر أكثر ..وغالبا ستكون ثورة جياع هذه المرة.
Quote: المعارضة لازم تتحد وتتفق علي برنامج حد ادني لوفعلا معارضة ولاعذر اطلاقا ايا كان للمعارضة ان تظل هكذا مشتتة او كل مجموعة تفكر في مصالحا هي الحزبية الضيقة بي منتهي الغباء والانانية!
الشارع قام بي واجبو واكثر!
الكارثة هو المعارضة نقولا كناخبين بالصوت العالي.
حتي لونجحت استرتيجية الفوضي بواسطة نظام القتلة كما متوقع كمخرج فان تطول لانوالشارع سيتولي زمام الامور في الاخر نعم لانو الفرد العادي واعي جدا جدا، او بالغريزة لكل شئ. هذا الوعي البعض للاسف بفسرو خطأ كخنوع وعدم مبالاة وهذا غير صحيح. السبب في الانطباع ده هو الفشل الذريع للمعارضة العامل ربكة في الشارع وليس العكس!
أتفق معك كثيرا في هذا المقتبس وفي جوانب عديدة من طرحك أعلاه الذي طرحته بهدوء وحكمة. درست الأوضاع في السودان عن قرب. وحقيقة الشعب كفر بشتى كيانات المعارضة كما لم يحدث من قبل .. وله كل العذر في ذلك كما نعلم. فانعدام الرؤية الواضحة والتخطيط قريب وبعيد المدى.. والاكتفاء بأن تكون هذه المنظومات مجرد صدى للأحداث.. والإكتفاء بإصدار البينات ذات المناسبات ..والاختلافات والسعي للمكسب الحزبي حتي لو في مجرد تنظيم مسيرة .. وثم إدمان تكوين الأجسام المعارضة في الخارج ( نداء السودان.. وشنو داك السودان و و و... ).. ومن ثم تفكك هذه الأجسام في صراعات وركل وتخوين وتشويه سمعة متبادل .
كل هذه وأكثر تصرفات زهدت الشعب السوداني فينا كمعارضة رشيدة وطفأت ناره.. ولو سألت أفراد الشعب في الداخل كثير منهم سيقول لك : ليس عندي إستعداد للموت من أجل أن يأتي ويستلمها فلان أو علان من قيادات تنظيمات المعارضة.
لذلك أؤيد خيار الإنتخابات ، وأعمل حاليا ضمن حملة سودان المستقبل لترشيح الأخ عادل عبد العاطي.. رغم أنني كنت من أشد المعارضين لإعطاء هذا النظام شرعية عبر المشاركة . ولكن مع تأمل تجارب دول أخرى حولنا.. نجحت في فرض ارادة شعبها عبر فرض رقابة شعبية على العملية الانتخابية وبرعاية منظمات دولية. قلنا نجرب الاستماع لحكمة الشعب هذه المرة.. مع المحافظة على دورنا المعهود في دعم أي حراك شعبي حتى يتحول لانتفاضة ناجحة تكنس هذا الوسخ عن أرضنا . فالسيف بيدنا جاهز للنضال اليومي.. وفي حال لم يحدث تغيير ختي موعد الانتخابات ..نأمل أن نكون قد عملنا مع العاملون في تجهيز شريحة معتبرة من الجماهير في كل الولايات للتصدي للتزوير والخج وفضح النظام بصورة غير مسبوقة.
فطرق النضال ودروبه متعددة. ومن الحكمة أن نكون جاهزين لكل الاحتمالات.
تحياتي.
05-22-2018, 00:26 AM
Bashasha
Bashasha
تاريخ التسجيل: 10-08-2003
مجموع المشاركات: 25803
تحياتي بشاشا كتب صديقي الضواها ما يهمنا هو الموقف الأخلاقى الناشئ عن محاولات إعتماد الانتخابات وسيلة للتغيير . وما يترتب علي ذلك . بدون. طرح أسئلة يكون تنظير الذين يدعون لخوض الانتخابات يدور حول الاغراءات لكنهم يغفلون الخسائر . هل يتضمن البرنامج الانتخابى *تفكيك سلطة الإنقاذ * محاسبة قيادات الجبهة الاسلامية على ممارسة العنف والقتل داخل الزنازين وخارجها . * شهداء سبتمبر كيف سيخبرنا عنهم برنامجكم الانتخابى ..هل تكتفون بنصب تزكاري . *استرداد الأموال المنهوبة عن طريق الفساد والغطغطه . محاسبة أعضاء جهاز الأمن الذين مارسوا التعذيب النفسى والبدنى على المواطنين. * إجراء تحقيقات حول بيع مؤسسات القطاع العام وهدم وتخريب المشاريع المعيشية مثل مشروع الجزيرة. *تحقيقات و محاسبة قتلة طلاب العيلفون والبحر الأحمر و المدنيين فى قرى دارفور و تشريدهم.. *محاسبة قادة الإنقاذ على تكوين المليشيات على رأسها امى جاهل برتبة فريق و محاسبتهم على جرائمهم . *تشوية سمعة الشعب السودانى قاطبة بتهم الارهاب وتعطيل فرصهم فى السفر والعودة دون ازلال فى المطارات. الخ ام سيكون برنامج انتخابى كاننا فعلا فى نظام ديمقراطى يحدثنا عن التنمية و البحبوحة ويقفل محاسبة المجرمين .
05-24-2018, 01:31 PM
Bashasha
Bashasha
تاريخ التسجيل: 10-08-2003
مجموع المشاركات: 25803
والله يا بشاشا بنقول ليك عرضك لحجتك منطقي ومتماسك، امتر من السياسين الاتداخلوا هنا.
تمام يا بشاشا دا تفكير ما بطال وعملي وبراغماتي.
المشكلة إنه فعلاً الكتير من تنظيمات المعارضة اسكانت للكسل وللحلول المريحة
طبعاً كل احزاب المعارضة دي شاركت في الانتخابات بموجب الدستور الحالي في نسخته الأولى
ودا تثبيت لشرعية النظام لدرجة انفصال الجنوب واجراءاته
عشان كدا حجة إنه الاشتراك في الانتخابات الجاية بيدي شرعية دا كلام زول كسلان ساكت وما قادر يشتغل وما عايز يشتغل.
الحاجة التانية الناس الدعو للمقاطعة، وينو حراكهم الجماهيري وحشدهم للناخب عشان يقاطع وخططهم البديلة للمقاطعة
شغل المقاطعة أو المشاركة هو واحد : فرصة كبيرة لمنازلة النظام وعندها استحقاقاتها الانتخابات الفاتت الناس افتكرت المقاطعة عدم التصويت، أها عملت شنو؟ الحكومة هي الحكومة الشرعية والممثلة للسودان وبتمضي وبتستلف قروش باسم السودان لو سقطت بكرة دي ما حتقدر تقول ما حأدفع لأنها حكومة غير شرعية دليلك شنو؟ يا هو الفديو الصورو زول في ادخال الاصوات وينو توثيقك كمعارضة للانتخابات الفاتت وتحليللك ليهم.
الحزب الوحيد الامتلك الشجاعة الكافية وأثبت أنه أقرب لنبض الجماهير هو حزب المؤتمر السوداني فتح نقاشاته ووضع خطة لخوض الانتخابات أو مقاطعتها في حوار مفتوح..
المقاطعون الاحرار
تعالوا ورونا مقاطعتكم خطتها شنو؟ وكذلك المشاركون؟
خطة العمل شنو في الحالتين؟ دا المطلوب أما ونسة إنه المقاطعة وبعدها السكات دا ما بنفع.
راجين شنو، النظام يسقط براه؟ في ناس شايلين سلاح امشوا انضموا ليهم واسقطوا النظام بالسلاح.
دايرين انتفاضة أهو الناس موجودة امشوا واحشدوا وطلعوا مظاهرات حتى لو بإذن من السلطات (دا مش برضه بديها شرعية).
على العموم نسمع النقاش ونشوف سيناريوهات اسقاط النظام
05-24-2018, 11:51 PM
السنجك عثمان
السنجك عثمان
تاريخ التسجيل: 11-28-2015
مجموع المشاركات: 837
كل المشكلة للناس البنادوا بالخط دا انو البشير ما يترشح ويذهب وهو ومن معهم طلقاء بي قتلهم وفسادهم ويرشحوا علي عصمان نافع قوش او غندور ويزوروا الانتخابات وثق ما في اي شخص بقدر يراقبها وبي كدة يكونوا شرعنوا للفساد والقتل و عدم الحرية وخشمك عندك اي صاح الوضع معقد وممكن يقود البلد لاسواء الاحتمالات لكن الاشتراك في الانتخابات في حد زاتو خياتة للوطن درب الخلاص طويل ومصير المؤمن بيه يوصل
ده كلام سليم والنظام يبحث عن شرعيه فاقده منذ وصوله للسلطه عبر الانقلاب واى جلوس معه حتى لو كان للونسه يكسبه شرعية وحدة العمل المعارض هى الخلاص الوحيد من النظام
05-25-2018, 07:33 AM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
يا الصادق اسماعيل رمضان كريم لو الموضوع موضوع كسل ذهني يتلخص في اعادة اجترار المجرب اثبتت التجارب بان لا فائدة من حوار الانقاذ لا فائدة من انتخابات في ظل قوانيبن الانقاذ وبقاء الانقاذ لا فائدة من الايقاد واصدقاء الايقاد.وحلول تاتي من سفارات الدول الاخري فهي التي قادت للانفصال وقادت لاطالة عمر الانقاذ ولكن في راي الموضوع لا يتعلق بالكسل الذهني وبس بل الانتخابات والسقوط الناعم هي حدود تطلعات الذهنية الداعية لهذه الشعارات في عملية التغيير وهذا امر مشروع لهذه القوي نحترمها دون اي مساس او استخدام مصطلحات تقلل من شان مواقفها وعلي جماعة السقوط الناعم الالتزام بهذه المعايير حفاظا علي ردم هوة كم تقاطعات علي جسد المعارضة السودانية السنجك عثمان دعوة لمراجعة المشاركة المقتسبة من تعليق للاخ الضواها فقد مرت مرور الكرام وفي رايي جديرة بالمتابعة والتعقيب
نعم الوضع في غاية الخطورة، والاهما او كمان اخطر هو استراتيجة النظام ساعة الصفر!
نعم النظام هو اللي حيتولي عملية التفجير من الداخل اذا حوصر باشعال الفتنة الجهوية عصاة موسي السحرية الحاكم بيها الان، نعم بتخويف الشارع ارهابو، ارعابو من الهامش!
نعم استراتيجة النظام او من اول يوم قايمة علي انو البديل لنظام القتلة هو الفوضي وعلي اساس جهوي وهذا الهاجس متجذر في الشارع سلفا، ومتحكم في سلوك وتصورات الفرد العادي، ولكن المعارضة لاتكترث لايا من هذا، لانو منطلقا مزايدة، شو، والسبب في هذا هو ضعف قيادات المعارضة داخل منظوماتا هي!
نعم بدافع كسب الشرعية سكرتير الشيوعي كمثال يلجا للشطحي لانو محاصر داخل منظومتو وبالتالي هو يبحث عن شرعية فيما بين قواعدو هو، دعك من الشارع لما يتمترس عشان يكون مناضل، مبدأئي وماشابه من ترهات،
نعم زي حال السوداني في مواجهة العربي، اللي بحاول يكسر رقبتو للحصول علي اطراء العربي البخليهو يطشم بحكم مركب النقص الجواهو!!
اذن شطحي امثال فاروق ابوعيسي هو مركب نقص واحساس مفرط باللاشرعية، لانو فاقد للمصداقية في نظر امراة ورجل الشارع!
هذا يوضح بجلاء شطط هؤلاء!
اما الصادق فمصيبتنا معاهو كمان مصائب!!
هذا النظام نظام الصادق المهدي باكثر من الترابي والشير مجتمعين، لانو الصادق عروبي وجهوي للنخاع!
وبالتالي هو عايز يبقي علي النظام وقبلو الدويلة "العربية" باي ثمن، وباي طريقة كانت، ولاعلاقة له بصوت الشارع من قريب، او بعيد!
اما الميرغني فزول فكة ساكت من يومو الجا مردوف في حمار كتشنر!
لهذا جماعتو في النظام مدورنها يومي بي سبب توزيع الكراسي اي الفكة، ولاعلاقة لهم بي هموم الشارع اطلاقا!!
اذن مصيبتنا كشعب، كشارع حقيقة في المعارضة!!
05-25-2018, 04:31 PM
الصادق اسماعيل
الصادق اسماعيل
تاريخ التسجيل: 01-14-2005
مجموع المشاركات: 8620
معليش أنا ما بتكلم من موقع ناقد، أنا بتكلم من موقع مشارك في الأحداث وشاهد عليها في أعلى مستوياتها. عشان كدا لمن أقول ليك كسل ما قلتها من فراغ، وهبوط ناعم وسفارات وكلام زي دا أخير عدمو.
السفارة الأمريكية البتتكلم عنها وبرنامج هبوطها الناعم دا لا من الليلة لا من أمس. عشان كدا بقول ليك شهود عيان.
أنا حاضر إجتماع هيئة القيادة للتجمع الوطني الديمقراطي، تجمع الداخل جاب خطة متكاملة للعمل وسط الجماهير والتحضير للإنتفاضة وحاتك ووحات نهار رمضان اترمت في الزبالة زي الماحصل شيء الخلاف كله والنقاش كان حول المبلغ المطلوب. ما حول البرنامج نفسه ههههههه أها بعدها بسنوات جاءت أمريكا وصرفت ليهم كل عضو هيئة قيادة تلاتة الف دولار ومكتب تنفيذي ١٥٠٠ دولار دي شهادتنا على التجمع الوطني ودا حديث مبذول في الأسافير.
العمل العسكري وحاتك كوادر الأحزاب آخر من جاء للميدان، الحزب الشيوعي كل الرفاق الوصلوا الميدان ما فايتين المية حزب الأمة والاتحادي وقوات التحالف كانوا بيجندوا في الجنقجورو عشان يحاربوا نيابة عن النخب الفضلت البقاء في القاهرة في انتظار اعادة التوطين دا خيارك الأفضل مقارعة النظام بالسلاح. من مئات وعشرات الأطباء واساتذة الجامعة والمهندسين الفصلهم النظام للصالح العام ما فيهم واحد جا الميدان وقعد مع المقاتلين وللحقيقة استثني دكتورة مريم الصادق ودكتورة اميرة زاهر ودكتور نجم الدين وخصوصاً دكتور نجم الدين دا وسأحكي قصته يوماً ما.
المهم ما أطول عليك، وممكن اخليك عايش في عالم الأوهام بتاعة انه ممكن تحصل انتفاضة وعصيان مدني وتشيل الانقاذ. السيناريو دا ذاته ما حصل وجاب انقاذ الجن دي نفسها.
شوف شغل انتخابات أو مقاطعتها لو بقى حدو سودانيزاونلاين دي يبقى أهو كلامات مخدرات وسطلي ساكت
يومين تلالتة والهيجة والبوستات وما بتحصل حاجة ونجي راجعين نسك في قريمان اكل قروش الزول، ولا هل معروف ابو الحسن هو المعادل الموضوع لحاتم ابراهيم.
كسل وكسل والكسل نفسه ما تفعل فيه المعارضة.
آخر تحرك للمعارضة دي مشت المسيرة الدعا ليها الحزب الشيوعي، مش مشى طلع تصديق ليها من سلطة الإنقاذ دي؟ طيب ما دام هي سلطة شرعية لدرجة المعارضة بتطلع تصاديق منها؟ خايفة ليه من استحقاق انتخابي بتيح ليها فرصة تصل للجماهير دي وتقنعها بإنها تنتخبها كبديل لحكومة الإنقاذ (دا في حالة المشاركة) أو تقنعها بالمقاطعة وتقود حملتها من هسع وتوثق ليها لحدي ناس الحكومة ما يلقوا زول يصوت من أساسه.
أها دا الكسل البقول عليه؟ الشيء التاني استحقاقات انتفاضة شعبية او ثورة جياع؟ اوعى حتكون بتقوم من سودانيزاونلاين دي وحتقوم كيف، وسبتمبر قدامك وين كان دعمها وشبابها الراحوا هدر. ومنو الحيخت الجرس في رقبة الكديس (جيشنا جيش الهنا يا رب)
خيار السلاح يا هونداك قاعد وما كضب بيان بالعمل، التنسيق مع عبد العزيز الحلو وكل القوة الخرطوم جوة أها كيف كدا، هسع بقى منكور.
تنظيمات معارضة قاعدة جوة الخرطوم وفاتحة دورها بإذن من الحكومة الحالية، وما رافضة الإنتخابات زي ما ماكانت رافضة ( الحوار الوطني)
مؤتمر الحوار الشالوا بيهو حال تراجي وقريمان كل الأحزاب المعارضة القاعدة جوة دي وافقت مبدئياً عليه
قالوا بنشارك لو الحكومة عملت اجراءات تهيئة المناخ؟ يعني لو البشير شال لستتم دي واعلن بمنشور جمهوري إنه تنفذ فوراً ودخلوا الحوار تفتكر بالكسل دا كانوا حيغيروا؟
يا خي لحدي هسع الغالبية من شعب السودان ما عارفة الاحزاب دي رفضت الحوار ليه وما في زول مش وصّل ليها الرفض دا.
هسع في حالة اصعب من الحالة الفاتت دي؟ صفوف بنزين غلاء وقود ما في بضائع مافي السلطة بتتصارع مع بعضها، معظم الناس قاعدين في الواتساب وتويتر والفيس وينا الحملة القامت عشان تعمل ليها مظاهرة، الناس في مدني ظاهروا ما لقى البيدعهم.
وزمان ناس لقاوة قادوا واحد من أنجح الاعتصامات وأرقاها ما لقى أي دعم أنا رسلت عشرات الايميلات لي ناس عشان يدعموا بالتضامن الصوتي خليك من القروش؟
هنا في سودانيزاونلاين دي البوست ما مشى كتير
كتر خيرها آمونة بت مختار وقفت وساندت ويمكن كبر ما متذكر لكن لو استدعى الموضوع بننكت البوست.
الكسسسسسسسسسسسسسسسسسسسل، وعدم المبادرة والاستكانة للساهل.
الانتخابات حتكون مزورة ما حنشارك؟ يا خي ما تشارك لكن لمن تقاطع امشي للناخبين ديل قدم ليهم البديل
ناس بشاشا ديل لو في امريكا او في أمقرناً جاك اصلهم شوف مطالبهم شنو؟ مش ممكن الشعب لا يريد اسقاط النظام ذاتو؟ وممكن تكون كل طلباتهم (بوسطة ومدرسة وسطى) وبس
يا زول الكلام بيطول لكن بالصراحة عجبوني اولاد المؤتمر السوداني ناقشوا الموضوع علني بغض النظر لو كانوا دافعين ليهم أو كانوا عملاء وخونة في النهاية احترموا الناخب وناقشوا الموضوع قداموا وبالواضح
أنا حأنزل المناظرة وحتلاحظ أنو كلام الأمين العام بتاع الحزب خالد يوسف أنا بتفق مع جزء كبير منه ممكن تشوفو من الدقيقة ١٤ لو ما داير تشوف المناظرة كلها.
نعم للمشاركة في انتخابات ٢٠٢٠، تعني نعم لبقاء الانقاذ عامين اضافيين. ان تم ذلك فهو موت الضان بالجوع للسودانيين. من الضروري ان تذهب الانقاذ اليوم قبل الغد لسلامة و صحة اهلنا. المؤتمر الوطني لا يحلم ببلوغ ٢٠٢٠، فكيف نوفرها له نحن.؟
05-26-2018, 02:25 AM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
.يا الصادق اسماعيل احد اهم عوامل تعطيل الانتفاضة الشعبية خلط الكيمان عشان كده أنا قلت في بوست مجاور .تمايز الصفوف مهم القوي التي تؤمن بالانتخابات والسقوط الناعم تعد نفسها وتبدا من مصارعة قوانين الانقاذ لحد ما تصل لمرحلة الاستفتاء والقوئ المومنة بالشارع والانتفاضة الشعبية تعمل وسط الجماهير ويكافة الادوات السلمية من اجل اسقاط النظام ودي بداية المعالجة الصحيحة لالغاء اذدواجية العمل المعارض وتكون في خطوط واضحة للالتقاء بين الخطين ديل اما حكاية انا بدخل الانتخابات وبعمل معاك من اجل اسقاط النظام دي حجة ميتة حكاية التدخل الخارجي والمعبوثيبن الاروبين والطبخة مع النظام دي ما عايزه ليها اثبات بيانات نداء السودان والاجماع الوطني بتثبت هذا التدخل في الشان السوداني
05-27-2018, 07:04 AM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
بشاشة انت ماك نصيح ادير تتخلص من مؤتمر القتلة بالانتخابات دا مابقبل الانتخابات داخل منظومته ديل مابقبلو حتى بانتخابات جالية خدمية وعندك جاليتنا في قطر وجاى يابشاشة بعد كل تلك المرارات والخج والقتل والتصفيات التى بدات في مابينهم ومش حاتنتهى بغير زوالهم وتقول نعم للمشاركة معهم في الانتخابات ياللحسرة عليك تنهدات: ( خوفى منك جاى من لهفت خطاك على الانتخابات الوهم )
لو لا يقيني ان اتفاقي معاك لن يغير مجري الفكر عندك لما اعلنته الفكرهـ عميقه لكن عايزا شغل ... ما اظن في زول في المعارضه جاهز ليهو : : : : : : : مع التحيات لله الزاكيات
05-28-2018, 04:11 AM
Bashasha
Bashasha
تاريخ التسجيل: 10-08-2003
مجموع المشاركات: 25803
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة