|
Re: عقدة الذنب لدى المغترب (Re: ABUHUSSEIN)
|
النزلات الخفيفة دي يا ابوحسين بتعمل للواحد رجة وبتلخبط الحسابات
تخيل انت هسة بتخطط لحاجة في سعر 6 جنيه للريال فجعة نزل لي خمسة بجهجهك موش؟ خصوصا لو كان المبلغ كبير
| |
|
|
|
|
|
|
Re: عقدة الذنب لدى المغترب (Re: حمد عبد الغفار عمر)
|
سلام ياحمد بسمات شنو !! دا قرقراب عديل
..تخيل قبل عشرة سنين تحويل المليون جنية كان بكلفنا 250 -300 جنية استرليني الايام دي المليون بكلف 30-35 جنية فقط ...
لكن احساس المغترب دا مؤقت . بعد شوية حتدفع الفرق مع زيادة الاسعار يوم يقولوا ليك قروشك دي بقت ما بتعمل اي حاجة
تحياتي
| |
|
|
|
|
|
|
Re: عقدة الذنب لدى المغترب (Re: ABUHUSSEIN)
|
بالنسبة للمصاريف حافظ عليها بالريال او الدرهم زي ماهي نفس المبلغ حوله بغض النظر عن سعر التحويل لكن في الحالات التانية زي دفع اقساط او رسوم او كشوفات البكيات الله أدّاك ولا عقدة ذنب ولا حاجة
| |
|
|
|
|
|
|
Re: عقدة الذنب لدى المغترب (Re: محمد البشرى الخضر)
|
والله يا محمد ناس الأقساط الله أداهم عديل ما فيها عقد ذنب صاح لكن لو المبنى تحت التشطيب والقصة جرت صاحب المبنى بخرخر والتسليم بكون فيهو إنة
المصاريف حسب الكيرف لو انخفاض ثابت لفترة طويلة ما مشكلة بكون في ثبات في الأسعار هناك لكن تخيل مع الأسعار الطائرة هسه دي ويقوم ينزل ليك 30-40 % فجأة ، هنا بتبقى مصارفين
لأنو الأسعار ما بتنزل مباشرة مع الدولار التجار بكونوا عايزين ليهم فترة يطمئنوا
| |
|
|
|
|
|
|
Re: عقدة الذنب لدى المغترب (Re: حمد عبد الغفار عمر)
|
هلا محمد جبرة
قرقراب وقهقة ياخ انا في بالي الريال ب 6500
هسه دقشتا الفيسبوك شايفهم بتكلموا عن 7100 للمبالغ
بس دي مسألة خطيرة ومخيفة جدا اصبحت مافي أسقف عايرة وادوها سوط زي كأنو الجماعة ديل عايزين يهربوا بأكبر عملة صعبة ممكنة
الله يستر على البلد
| |
|
|
|
|
|
|
Re: عقدة الذنب لدى المغترب (Re: حمد عبد الغفار عمر)
|
طيران الولار دا ذكرني الأسهم السعودية في أيامها الأخيرة تسارع في سعر الأسهم بشكل مبالغ فجأة وقفت لعدم وجود مشتري وكان انهيارها وإلى الآن
اتوقع أن يتوقف الطلب على الدولار بداية العام وانهيار سعره لفترة ومن ثم يعود للقفزة الكبيرة والانهيار الأبدي لاقتصاد البلد
| |
|
|
|
|
|
|
Re: عقدة الذنب لدى المغترب (Re: حمد عبد الغفار عمر)
|
الارتفاع بريّح المغترب ماديا لكن بضيع الناس في السودان الإنخفاض الشديد بضيع المغترب وبريّح الناس في السودان
ابدا يا حمد والله لو حسبتها نفس الحال لمن الدولار يرتفع الواحد بيزيد الماهية عشان تغطي مع ناس السودان ارتفاع الاسعار ولمن ينخفض بترجع الماهية لنفس القدر يعني في الحالتين ارتفع او انخفض نحن ضايعين .
| |
|
|
|
|
|
|
Re: عقدة الذنب لدى المغترب (Re: walid taha)
|
والله مبلغ ضخم يا وليد
مهما تكون الاسعار ارتفعت برضو مريح
تخيل رقعتو بـ 300 ريال كان بقى عشرة مليون بالتمام والكمال
ربنا عايز يخفف على المغتربين بعض مما عانوه في سالف الزمان
| |
|
|
|
|
|
|
Re: عقدة الذنب لدى المغترب (Re: حمد عبد الغفار عمر)
|
كيفك يا معاوية
اظن يا وليد وحمد الـ 10 مليون دي، قيمتها السوقية بعد شوية ح تساوي 5 مليون بالقديم
أيوااااا بعد شوية لحدي ما التجار تروح منهم الصدمة ويستوعبوا الحاصل ويراجعوا حساباتهم بتكون خمسة مليون لكن هي حاليا ممكن تساوي 7-8 مليون بالقديم يعني المغترب في المدى القصير دا ربح 50 % .
في ناس العملية الانتاجية عندهم انتهت بسعر الدولار القديم لأنو انتاجهم محلي ما مرتبط كتير بالاستيراد اللحظي ديل اسعارهم بتكون بطيئة الارتفاع (زي المزروعات) والمنتوجات المحلية
بس في ناس ما قاعدين يلعبوا (تجار السيخ والأسمنت) شغالين يوم بيوم مع الدولار
| |
|
|
|
|
|
|
|