|
Re: استفزاز شديد يا ناس الجوهرة الزرقاء (Re: Amira Hussien)
|
منقووووووووووووووووول *******************
جبجبة فى زمن الجوع ........................................................... غايتو يا خوانا اخوكم البروف دا مر بمواقف محرجة كثيرة خلاص فى حياتو الكلها نكد دى لكن والله مافى موقف كسر عضامو وهرس فشافيشو خجلا ذى جبجبة الجوهرة الزرقاء الافتتحوها امبارح دى، غايتو انا امبارح دا اتأكدت تماما انو نحن وصلنا مرحلة اللا عودة واللا امل واللا اصلاح فى حاجة اسمها السودان، الكاردينال رئيس أكبر نادى فى البلد قراية من الورق ماقادر يقرا، الذ حاجة خلى ليك الرئيس واللمبى والبرتوكول وكل الدنيا دى وجرى يحيى الجمهور، اها يا زول مقدم البرنامج قدم ليك مدير مكتب الرئيس (حاتم) عشان يقرا القرارات الرئاسية والكاردينال عايش ليك مع الجمهور مقصورة ومصاطب جانبية وشعبية رقيص وهز وعشرة بلدى ، المحيرنى عشرات الكاميرات الجارية وراهو وفى ناس ساكت جاريين وراهو، انت يا اخونا مدير مكتب الرئيس لمن الوقفة طالت عليهو قال لمقدم البرنامج، يا زول كدا نادى الزول البفيط ذى الدحيش دا عشان نتخارج من الهباب دا، انت يا مقدم البرنامج المسكين(عبد الله الحسن) بدا ينادى ليك فى الكاردينال بالمكرفون الداخلى، نرجو من الأخ اشرف الكاردينال التوجه إلى المنصة، واخونا اشرف الكاردينال شغال ليك عشرة بلدى وابيرة ودرت وجبجبة على الطريقة الصاح، المهم يا زول لمن الوقفة طالت وابو كسكتة ما استجاب للنداءات رسلوا ليهو جماعة حنسوا ليك حتى بعداك جا راجع عرقو حلول حلول ونفسو قايم، اها يا زول مقدم البرنامج اعلن عبر المايكرفون انو فى قرارات رئاسية جاية، يا زول صلحنا قعدتنا وقلنا كدا النشوف القرارات الرئاسية البعلنوها من الاستاد دى، الاستاد كلو صن ونحن البرا الاستاد صنينا والعالم كلو صن، وقف مدير مكتب الرئيس، قرا قرار جمهورى رقم كم كدا ما عارف، منح اشرف الكاردينال وسام الانجاز من الطبقة الكم كدا ما عارف، بدا اشرف الكاردينال الفييط والموسيقى دورت، بدون مناسبة شفنا ليك والى الخرطوم فى المنصة، مسك المايق، صلى على الحبيب المصطفى وطالب الجمهور يصلى وراهو ووقع ليك فى الكاردينال شكير وقدم الرئيس، بالمناسبة وزير الشباب والرياضة قاعد لكن زول ذكر اسمو ساكت ما فى، صعد الرئيس المنصة، سكت الجميع وتكلم الرئيس، مافى زول فهم من كلام الرئيس حاجة، جات لحظة تكريم الرئيس للكاردينال، الموسيقى شغالة والكاردينال بنطط وعبد الرحيم بفيط فى منظر عبيط، الرئيس لبس الكاردينال الوسام، الرئيس قبال ينزل يدو الكاردينال مسك الوسام وبقى يقرا فيهو، دورت الموسيقى وتعال شوف ليك جبجبة، الرئيس لورا والكاردينال لقدام وعبد الرحيم محمد حسين واقف فى محلو وبنطط ذى لعبة الاطفال والجمهور بعاين فى مسرحية المهرج باندهاش واستغراب وسخف والكاردينال صقرية والرئيس ديكية وعبد الرحيم كديسيةوالعالم كلو متابع والدولار مادى بوزو صعوداخمسة وتلاتين جنيها والعيشة الواحدة رافعة القزاز واحد جنيها وكل قيادات المعارضة معتقلين ومعظم الصحفيين والاحرار معتقلين وعقولنا معتقلة وتفكيرنا معتقل ودينا معتقل وحريتنا معتقلة ومستقبلنا معتقل فى منصة تجمع الرئيس وعبد الرحيم والكاردبنال والمصالح الشخصية والعلاقات الشخصية والتاريخ البروس والحبشة ومصانع البيرة والجهل والتخبط والعشوائية وضياع هيبة الدولة وضياع البروتوكول والكاريزما وضياع غندور تهميشا وصراعاتا داخل القصر وعودة على عثمان المتوقعة الى القصر اعادة للازمات وعودة الى المستطيل الاول وضياع مخرجات الحوار الوطنى اللينة والناشفة وضياع أحزاب الفكة وضياع المدمس والبلح والأموال اجتماعاتا ونقاشاتا فى الفاضى وضياع السودان رقيصا وفسادا وجبجبة و صاحبى وصاحبك وزولى وزولك وقبيلتى وقبيلتك ، سبحان الله الجمهور الداخل الاستاد كان فى وادى والثلاثى المرح كان فى وادى غير ذى صلة وجدانا وتفاعلا. سيدى الرئيس الزول القال ليك تعال افتتاح الجوهرة الزرقاء عشان تكسب تعاطف الهلالاب دا كذب عليك، الحاجة الداير اقولها ليك بالمكشوف يا سعادة الرئيس، لم يعد الهلال يجمعنا ولم يعد المريخ يجمعنا ولم يعد توهم عدو خارجى يجمعنا ولم تعد الشعارات الكذب تجمعنا ولم يعد الوطن يجمعنا ولم يعد الدين يجمعنا ولم تعد الصلاة تجمعنا ولم يعد الكاردينال يجمعنا. انتو بيجمعكم المال والاستثمار والسلطة والبمبان والجبجبة والعمارات والفارهات والفارعات وانتخابات 2020 ونحن بجمعنا النضال والشارع والعيشة والمعاناة والعلاج والتعليم والاغتراب والهجرة والزنازين والسيطان والمحيطات وسمك القرش واللوترى نحن ملينا وذهجنا وقهرنا وبطونا ذاتها طمت، عليكم الله ممكن تخلونا فى حالنا باقى عمرنا دا؟
| |
|
|
|
|
|
|
Re: استفزاز شديد يا ناس الجوهرة الزرقاء (Re: عمر التاج)
|
الداخل الاستاد كان فى وادى والثلاثى المرح كان فى وادى غير ذى صلة وجدانا وتفاعلا. سيدى الرئيس الزول القال ليك تعال افتتاح الجوهرة الزرقاء عشان تكسب تعاطف الهلالاب دا كذب عليك، الحاجة الداير اقولها ليك بالمكشوف يا سعادة الرئيس، لم يعد الهلال يجمعنا ولم يعد المريخ يجمعنا ولم يعد توهم عدو خارجى يجمعنا ولم تعد الشعارات الكذب تجمعنا ولم يعد الوطن يجمعنا ولم يعد الدين يجمعنا ولم تعد الصلاة تجمعنا ولم يعد الكاردينال يجمعنا. انتو بيجمعكم المال والاستثمار والسلطة والبمبان والجبجبة والعمارات والفارهات والفارعات وانتخابات 2020 ونحن بجمعنا النضال والشارع والعيشة والمعاناة والعلاج والتعليم والاغتراب والهجرة والزنازين والسيطان والمحيطات وسمك القرش واللوترى نحن ملينا وذهجنا وقهرنا وبطونا ذاتها طمت، عليكم الله ممكن تخلونا فى حالنا باقى عمرنا دا؟ ...
ابداع
| |
|
|
|
|
|
|
|