القراد الإلكتروني !

شرح مفصل و معلومات للتقديم للوتري 2020
فتحي الضو في أستراليا
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-10-2018, 11:09 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
24-10-2017, 06:56 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


القراد الإلكتروني !
                   |Articles |News |مقالات |بيانات

24-10-2017, 07:25 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    القرادة كائن جميل صغير من فصيلة العنكبوتيات،
    لها قدرة فائقة على التسلق والشعبطة و الكردنة
    لما تملكه من أدوات فنية ماهرة وماكرة،
    من فوائدها للسودانيين أنها تحمل لهم العيش
    من القضارف، مع الجمل طبعا .
    والقراد الالكتروني كائن افتراضي من مخلوقات الانترنت،
    يتصف بكل الصفات المذكورة أعلاه بالإضافة للظهور الخفي.
    (من كتاب تيسير العسير لحرية التعبير)
    .
    .
    .
    هذا البوست بمثابة اعتذار لكل من جرحت كلماتي شعوره خلال الفترة الفائتة
    قصدت أن أطلقه قبل دخولي في برنامج مزدحم يبدأ من نهاية الأسبوع
    ويحول بيني وبين متابعة المنبر
    فربما يفرقنا هادم البوستات من حيث لا ندري،
    لذا أجد الشجاعة الآن لأقول (معليش) للجميع
    وأقر وأعترف بأن المصطلح الذي سمي به البوست
    قد يكون من سيئات أفكاري،
    وإن جاء في صيغة تشبيه مباح لمفهوم الجداد الالكتروني واسع الانتشار في المنابر .
    نسيت أن أقول في موضوع التعريف أن القراد لا يلد ولا يبيض
    رغم أن القراده دائما بتكون حاضنة أو مبارية السواسيو
                   |Articles |News |مقالات |بيانات

24-10-2017, 08:07 PM

فرح الطاهر ابو روضة
<aفرح الطاهر ابو روضة
تاريخ التسجيل: 22-10-2012
مجموع المشاركات: 11012

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)



    ترجع بالسلامة
                   |Articles |News |مقالات |بيانات

24-10-2017, 08:53 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4361

للتواصل معنا

FaceBook
تويتر Twitter
YouTube


Re: القراد الإلكتروني ! (Re: فرح الطاهر ابو روضة)

    قراد تاااااني ..
    يا ود التاج .. موضوعك ده تعبان ..
    أديتو شمار أشكال وألوان ..
    يأخ ما تغيرو ..

                   |Articles |News |مقالات |بيانات

24-10-2017, 09:13 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: جمال ود القوز)

    شكرا لك أبو روضة يا أصيل.
    .
    .
    أظنني يا ود القوز -بعد التحية- قد أخطأت
    في الفقرة التي نسيتها فوق، حينما قلت أن القراد لا يلد ولا يبيض
    والصحيح أن المقصود هو القراد الالكتروني لأنه يتكاثر بالنسخ واللصق
    ولك أن تتخيل أن حدديثي عن القراد الالكتروني في البوست هذه المرة،
    هي المرة التانية فقط التي أتناوله فيها في المنبر،
    وحتى موضوع اللصقة المنقولة من موضوع خط 100 غرب
    فقد كانت كلها حقائق، ولدت فعلا في المنطقة الغربية
    من البقعة المباركة المسماة الختمية في كسلا
    والتي لها ارتباط تكوين بمركز ثقل الأرض
    أقول هذا وأرحب ينقل أي حديث عن هذا الموضوع
    أو أي مواضيع مشابهه، لقتله بالنقاش داخل هذا البوست
    بعد عودتي الميمونة بإذن الله ، دون تناوله في أي مكان آخر..
    .
    .
    آخر معلومة ننقلها عن القراد العادي بالصورة والصوت،

    وموضوعنا القادم - لو حيينا و ما متنا- حا يكون باذن الله عن الجراد الالكتروني،
    أصلي بموت في الجراد، وبمناسبة الموت في الحاجات، عندي صاحبي
    كان بموت في اشواريا راي وبشاهد كل أفلامها، لكن حتى الآن مو عارفها متزوجة ولا لا
    لأنه زي مابقول ما مهتم بخصوصياتها ؟
    انتهى.

    (عدل بواسطة عمر التاج on 24-10-2017, 09:33 PM)

                   |Articles |News |مقالات |بيانات

24-10-2017, 10:31 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4361

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    وحاتك شفتها الحتة بتاعة لا بيلد ولا ببيض دي ..
    وضحكت وعلّقت مخصوص عشانها ..
    حبيت أشاغلك يا ود التاج ليس الا ..
    وهاك ولدكم الغنّاي ده عربون محبة ..
    بس ما تطول الغياب لامن تبقيهو سنة وزيادة ..

    (عدل بواسطة جمال ود القوز on 24-10-2017, 10:35 PM)

                   |Articles |News |مقالات |بيانات

25-10-2017, 02:02 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1206

للتواصل معنا

FaceBook
تويتر Twitter
YouTube


Re: القراد الإلكتروني ! (Re: جمال ود القوز)

    ح توحشنا
    المنتدى ح يكون ممل في غيابك
                   |Articles |News |مقالات |بيانات

25-10-2017, 10:13 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: أبوبكر عباس)

    شكرا يا ودعباس
    وزي ماعارف -وانت المستنير - انو البوستات فيها السر والجهر
    والملل قرينة طبيعة للتعلم يتطلب الصبر،
    كما ان تحمل بعض بوستاتي يكسب الناس اجرا ومنفعة
    ورغم ذلك فهي نقية الدواخل غير ذات غرض شخصي
    كما ترجو زميلتنا بسمات المنبر.. وحتى هذا البوست
    وان قال علق عليه احدهم -في البريد الداخلي- بقوله
    ( بوست اعتذارك زاتو عايز اعتذار) .. الا اني املك الشجاعة
    للاعتذار عنه وعن ملله.
                   |Articles |News |مقالات |بيانات

28-11-2017, 07:37 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    تاج (الفهم) إزيك
                   |Articles |News |مقالات |بيانات

29-11-2017, 11:22 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    Quote: وحتى موضوع اللصقة المنقولة من موضوع خط 100 غرب
    فقد كانت كلها حقائق، ولدت فعلا في المنطقة الغربية
    من البقعة المباركة المسماة الختمية في كسلا
    والتي لها ارتباط تكوين بمركز ثقل الأرض

    هههههه
    خير يا تاج (الفهم)
    يا ريتك ترجع عشان نعرف باقي (مخرجاتك) هنا
    باقي أنا متشوق أشوف فهمك (الميتين موت) في الجغرافيا


    يقيني إنك مفروض ما تفتح خشمك بأي موضوع يتعلق بالجغرافيا
    لكن من العدل إنو نديك فرصة تعبر عن دواخلك.

    تعال واصل وزيدنا من علمك شوية
    أو حتى كلمنا شوية عن تخصصك أبو ورقات ومؤتمرات.

    جاييك!
                   |Articles |News |مقالات |بيانات

06-12-2017, 01:09 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    طيب،
    نجي لتاج (الفهم)

    أول حاجة بوجه اعتذار للأخ ياسر محجوب
    وبعترف بخطأ كلامي (نظريا) وبصحة كلامه (نظريا)
    Quote: يا حاتم انت في اول مداخلة قلت لو نقلنا خط الزيرو للهند معناها حننقل خط التاريخ سته ساعات و يقع في نص امريكا و يخلق مشاكل

    يعني بتفترض انه خط التاريخ لازم يكون في 180 درجه و ده غير صحيح

    الخط البرايم للساعه ممكن يكون في اي حته و خط التاريخ ممكن يكون في اي حته و الإختيار بتاعهم تم لأسباب عملية و ليست علمية

    ممكن البرايم يكون في غرينتش باريس دلهي مكه

    و ممكن خط التاريخ يكون قاعد في حتتو سواء 180 ولا 147 ولا 175 ولا أي حاجه
    http://www.sudaneseonline.com/msg/board/490/msg/1507493750/rn/212.html

    كلامه صحيح نظرياً، بس في رأيي خطأ عملياً، فقياس الوقت يتم بمرجعية دوران كوكب الأرض
    وبناء على الحقائق الفلكية فنصف الكوكب مظلم في أي لحظة زمنية
    ومسألة التقسيم لبداية اليوم ونهايته تؤسس على هذه الحقيقة الفلكية وليس غيرها
    وعليه،
    - اختيار خط الصفر ممكن أن يكون في أي موقع جغرافي مطلقاً حتى لو جاور خط التاريخ في نفس المنطقة الزمنية
    - في الواقع لكل منطقة زمنية (أو دولة) خطها أو خطوطها الصفري التقديرية، 30 في السودان
    - واختيار غرينتش اختير لانتصاف اليوم عنده، أو بدايته تقديراً
    - الخلاف في موضعه لم يكن ليزيح خط التاريخ إلى خارج المحيط الهادي بداً
    - إذا فالمبدأ العملي في إبعاد خط التاريخ قائم عمليا
    - وليس من العملي بالطبع أن يقع خط الصفر في منطقة قريبة من خط التاريخ

    هذا ما لزم توضيحه، لم اتمكن من الرد في وقته نسبة للانشغال وللأرشفة.

    ===========

    طيب يا التاج،
    انت هنا في بوست (القراد الإلكتروني) بتطلب مناقشة العضو حاتم إبراهيم
    هذا واضح

    أنا عايز أنشط ذاكرتك شوية ببعض من مقولاتك ومصطلحاتك العلمية الجغرافية:
    1. خط غرينتش رمز منتصف الأرض!
    2. خط غرينتش تم وضعه اعتباطا
    3. خطوط الطول متفاوتة!
    4. خط غرينتش أطول واحد رأسيا!
    5. نقطة الأصل!


    فهل يمكن أن نحظى ببعض النقاش حولها
    (توطئة) لبحث مسألة (مركز الأرض وأي (أفكار) أخرى؟

    _____
    We've just started.
                   |Articles |News |مقالات |بيانات

06-12-2017, 07:09 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: حاتم إبراهيم)

    أووو حببنا حتومي ،
    المحتفى به سابقا والشبح الأسبق
    إزيك يا اخي و لعلك بخير وطاقة الكترونية
    البوست ده نكتو من وين يا شقي،
    شكلك مصر تثبت عنوانه رغم أنه كان بوست اعتذار وليس جدال
    حتى خط صفر شايفك حولت بوستك الأسبق عليهو (الأسبق دي على وزن القذافي)
    وما عارفك (كتلته) بحثا ولا راقد لك فوق تكتيك هههههه
    طبعا تحول وجهة البوست نحو (خطوط وهمية)
    حال دون متابعتي له لأدراكي بأن مناقشة وضع خطوط الطول (قطبيا)
    وتسميتها ووترقيمها قتلت بحثا ونقاشا وجدالا
    وأي حديث عنها خارج اطار التعريف والتوقيت والاحداثيات يعتبر هدرا للزمن وللباندويث
    وإلا فماذا نستفيد إذا غيرنا أسماءها أو أعدنا ترقيمها على تفس الخطوط
    ومن يقبل بإضافة يوم كامل أو نقصانه إذا تغيرت مواقعها وفقا لدراسة نظرية حديثة ؟
    الإجابة باختصار: لا أحد ، ولا شيء..
    طيب هل من الممكن أن نجد فائدة من دراسات عن خطوط طولية عمودية غير مرتبطة بمحور دوران الأرض
    وهل يمكن تحديد مراكز ثقل بناءً على إحداثيات خطوط طولية خلاف الدوائر القشرية هذه،
    تتحرك فيها نقطة الأصل نحو المركز فيتغير الميل المحوري ويعاد تقسيم ظاهر الكرة الأرضية وباطنها على أساس جديد
    وهل سيكون لهذا التقسيم علاقة رياضية بمراكز الثقل وقوة الطرد أو الجاذبية أو توازن الأرض و دوران المجرات؟
    أسئلة مثل هذه يمكن أن تكون مفيدة إذا طرحت بأسلوب علمي،
    وقد تفسر توجهات كثيرة (بعضها من عندي) عن ضرورة أن تمر دائرة طول معينة بمنطقة بعينها (مكة مثلا)
    نقاشا كهذا قد يكون مفيدا ولكن مكانه ليس هذا البوست
    فهذا البوست كان القراد الالكتروني، وهو مخصص لمناقشة أي موضوع الكتروني انت متخصص فيهو
    حتى ولو كان (التكويد) أو المنكر (والمعروف) الالكتروني
    وبمناسبة التكويد شايفك زغت من أسئلتي (غير العميغة) في بوستك التعريفي دااك
    سألتك أسئلة (هواة) عادية عن كيفية تخزين البيانات في الذاكرة بالنظام الست عشري،
    وسألتك عن كيفية تكويد الرسم ومعالجته بناءً على فكرة التكويد (الاتبنيت) إنت مقاله مؤخرا
    لكن شايفك بقيت تجلط وتتحدث عن معاملة الرسم كالحرف (معقولة ياراجل يا عميغ)،
    وكمان قلت ان النظام الست عشري هو أو نظام تم وضعه لتخزين البيانات وتمثيلها في الذاكرة،
    وقلت فيما معناه أن المتعاملين مع أول أجيال الحواسيب كانوا بتعاملو معاهو بلغة الآلة ،
    ( معقولة دي ياراجل، انت عايش من الزمن داك ونحن ماعارفين يامصدر ياختير هههه)
    وكمان حدثتنا عن أن الحاسب لايحتاج لوسائل بصرية ولا يرغب في رؤية الأشياء ومعرفتها،
    وبالتالي (لغيت) كل علوم الرؤية بالحاسب والذكاء الاصطناعي وتقنيات تتبع الأهداف ومعالجة الصور وتحليلها.
    وإلا .. فتعال إلينا هنا لتفسر توجهاتكم التقنية بهذا الخصوص عشان نقتنع بأن المقال فعلا باسم حاتم إبراهيم ..
    والله أقولك ، رايك شنو نقلب البوست ده اقتصادي، لأنه شايفك فتحت بوست عن المال ما قدرت أتابعه
    ولكن رأيت أن أساهم بسني ممارستي التي تجاوزت عشرة سنوات في هذا المجال
    وقررت أن أتبرع بخبرتي لكتابك المرسوم.
    فرأيك شنو ياعزيزي نفيد الجمهور هنا بنقاش كتابك بتاع المال
    ونحاول ننزله كحزم تطبيقية لمعالجة اقتصاد السودان
    عوضا عن كونه (هو والتكويد) مجرد صفحات صفراء لا لامة في الكتابة العلمية ولا التطبيق العملي
    والله بالعدم زورني في أي بوست اقتصادي مثل هذا قرارات جديدة لضبط سعر الصرف
    وفسر لي كيف تتنزل مواضيع بوستك حلولا وبلاسما على مشكلات اقتصادنا المائل

    وبعد ننتهي من هذا ، يمكنني العودة لموضوعك بتاع الخطوط الوهمية
    وأعدك بالنقاش الموضوعي في بوست منفصل ومتخصص
    ولكن بعد أن أطرح عليك ثلاثة أسئلة في المجال ( ليس لها أي علاقة بمن هو حاتم إبراهيم) عذرا للاخطاء والتسرع

    (عدل بواسطة عمر التاج on 06-12-2017, 09:06 PM)

                   |Articles |News |مقالات |بيانات

08-01-2018, 08:24 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    الصااااقعل!
    الضب بيقطع ضنبو ويقوم جاري هههه

    دا كله عشان جينا نقول السلام؟
    Quote: حتى خط صفر شايفك حولت بوستك الأسبق عليهو (الأسبق دي على وزن القذافي)
    وماعارفك (كتلته) بحثا ولا راقد لك فوق تكتيك هههههه

    دا في وداك في، بس أظهر لينا، عشان نغرف ليك من الماعون البيناسبك.


    Quote: طبعا تحول وجهة البوست نحو (خطوط وهمية) حال دون متابعتي له
    لأدراكي بأن مناقشة وضع خطوط الطول (قطبيا) وتسميتها ووترقيمها قتلت بحثا ونقاشا
    وأي حديث عنها خارج اطار التعريف والتوقيت والاحداثيات يعتبر هدرا للزمن وللباندويث
    وإلا فماذا نستفيد إذا غيرنا أسماءها أو أعدنا ترقيمها على تفس الخطوط
    ومن يقبل بإضافة يوم أو نقصانه إذا تغيرت مواقعها (خاصة خط التاريخ الدولي) وفقا لدراسة نظرية حديثة ؟
    الإجابة باختصار: لا أحد ، ولا شيء..

    طيب هل من الممكن أن نجد فائدة من دراسات عن خطوط طولية مرتبطة بمحور دوران الأرض

    بس هي ما (مرتبطة بمحور دوران الأرض) ههههه
    والله الغباء دا عندو آكولة كان قامت ما بتسكت كلو كلو
    مجرد تخطيط لقطعة أرض كبيرة مكورة، دارت ولا ما دارت فالخطوط موجودة
    ما بتتعلموا كلو كلو


    Quote: وهل يمكن تحديد مراكز ثقل بناءً على إحداثيات خطوط طولية خلاف الدوائر القشرية هذه،
    وتقسيم ظاهر الكرة الأرضية وباطنها على أساسها
    وهل سيكون لهذا التقسيم علاقة بمركز الثقل أو الجاذبية أو توازن الأرض و دوران المجرات؟
    أسئلة مثل هذه يمكن أن تكون مفيدة إذا طرحت بأسلوب علمي،

    ولأي غرض عايز تحدد (مركز ثقل) يا تاج (الفهم)؟
    نفهم تقسيم ظاهر الكرة، ليه عايز تقسم باطنها، حج وعمرة باطنية؟
    بتحب (الثقل) باين عليك،
    ونحنا دايرين شنو غير (العلمية) أم ورقات دي، بس انت تعال
    وبنجاملك، صدقني.


    Quote: وقد تفسر توجهات كثيرة (بعضها من عندي) عن ضرورة أن تمر دائرة طول معينة بمنطقة بعينها (مكة مثلا)
    نقاشا كهذا قد يكون مفيدا ولكن مكانه ليس هذا البوست
    هذا البوست كان القراد الالكتروني، وهو مخصص لمناقشة أي موضوع الكتروني انت متخصص فيهو

    يخربنا، ما شفنا (موضوع)
    وراجين فهمك لخطوط الطول دي ابتداءاً
    صعبة دي؟


    Quote: حتى ولو كان (التكويد) أو المنكر (والمعروف) الالكتروني
    وبمناسبة التكويد شايفك زغت من أسئلتي (غير العميغة) في بوستك التعريفي دااك
    سألتك أسئلة (هواة) عادية عن كيفية تخزين البيانات في الذاكرة بالنظام الست عشري،
    وسألتك عن كيفية تكويد الرسم ومعالجته بناءً على فكرة التكويد (الاتبنيت) إنت مقالها
    لكن شايفك بقيت تجلط وتتحدث عن معاملة الرسم معاملة الحرف (معقولة ياراجل يا عميغ)،
    وكمان قلت انه النظام الست عشري هو أو نظام تم وضعه لتخزين البيانات وتمثيلها في الذاكرة،

    أبداً، ما زوغة ولا حاجة، هن خمسة مداخلات الكوتة اليومية، فضلت أن أخصصها لمن أراهم يفهمون مقالي
    أبداً، اسئلتك السطحية أضاعت زمننا سيما وأن إجاباتها منشورة قبل سنوات، البعض لا يقرأ، وإن قرأ لا يفهم، إلخ مقال ديان الحيران
    بالمناسبة ردينا عليك
    Re: موضوع تعريفي: كيف يرسم الكمبيوتر الحروف ع�Re: موضوع تعريفي: كيف يرسم الكمبيوتر الحروف ع�

    مافي حاجة اسمها (تكويد الرسم) يا شيخنا ههههه
    تبنيت موضوع (إظهار الحرف على الشاشة) عبر مراحل، ولعلك لم تفهم الفرق بين الترميز والتكويد
    نآمل أن يفارقك سوء الحظ في (فهم) المعروض والمكتوب والمطلوب
    مبروك، أن قلت (ست عشري) فقد كدنا نظنك تروم ميراث لويس، صاحب فرنسا


    Quote: وقلت أنه المتعاملين مع أول أجيال الحواسيب كانوا بتعاملو معاهو بلغة الآلة ، ( معقولة دي ياراجل، انت عايش من الزمن داك ونحن ماعارفيين)
    وكمان حدثتنا عن أن الحاسب لايحتاج لوسائل بصرية ولا يرغب في رؤية الأشياء ومعرفتها،
    وبالتالي (لغيت) كل علوم الرؤية بالحاسب والذكاء الاصطناعي وتقنيات تتبع الأهداف ومعالجة الصور وتحليلها.

    فهل لديك شك؟
    ومادون ذلك لو تفهم يا تاج (الفهم) ربما لم تسمع بالأجيال ابتداءاً
    فعلاً، فهلا أعدت (بصرك) لترى ماهية الأشياء؟
    هههههه
    دي عباطة دي، أن يفهم (دكتور) طرق الإدخال على أنها (رؤية)
    إذن ماكينات التصوير (بتعاين) بعيونها الكبار ديلك، حبة الرمان
    يا راجل انت طلعت أبسط مما اتصور
    الغريبة بتفترض (الرؤية) في مدي الضوء المنظور، يعني تتبع الأهداف بالليل ماكو؟
    طفيان الأنوار بيعمش الكمبيوتر يا لمبي (الفهم)؟
    معالجة صور قلت لي هههههه ياخي عليك جنس شلهته!
    عليك دينك كان ما شرحت لينا المصطلح دا، ما عارفينو يا (أستاذ)
    هيييييييه، ورانا شغل صنفرة تقيل!



    Quote: وإلا .. فتعال إلينا هنا لتفسر توجهاتكم التقنية بهذا الخصوص عشان نقتنع بأن المقال فعلا باسم حاتم إبراهيم ..
    والله أقولك ، رايك شنو نقلب البوست ده اقتصادي، شايفك فتحت بوست عن المال ما قدرت أتابعه ولكن رأيت أن أساهم بسني ممارستي التي تجاوزت عشرة سنوات في هذا المجال
    وقررت أن أتبرع بخبرتي لكتابك المرسوم.

    جنس الكلام بتاع (خبرتي) دا دعفسنا بيهو موسيقار طويل هنا موسمين متتاليين!
    فإذا البوست الأصلي ما قدرت تتابعه كيف حتتابع بوستك الانت ناسيهو؟
    والأصلاً فتحته لغرض فارغ، آمل أن لا تضطر للإنكار مرة ثانية.
    عموماً بوست المال مفتوح ويمكنك أن (تثري) النقاش ببعض من أسئلتك السطحية هناك أيضاً
    يا (الفهم) أقعد لينا في حفرة واحدة عشان ندفنك
    ومافي مانع نكرر الدفن، بغرض (التجويد) وكدة.


    Quote: ولكن قررت ألا أضيع ممارسة عشرة سنوات في هذا المجال ورأيت أن أتبرع بخبرتي لكتابك المرسوم
    فرأيك شنو نفيد الجمهور هنا بنقاش كتابك بتاع المال ونحاول ننزله كحزم تطبيقية لمعالجة اقتصاد السودان
    عوضا عن كونه (هو والتكويد) مجرد صفحات صفراء لا لامة في الكتابة العلمية ولا التطبيق العملي.
    والله بالعدم زورني في أي بوست اقتصادي مثل هذا قرارات جديدة لضبط سعر الصرف
    وفسر لي كيف تتنزل مواضيع بوستك حلولا وبلاسما على مشكلات اقتصادنا المائل

    ما شفناك في البوست، أو بالأحرى ما عرفنا ليك (فهم) في غير ميتة الجغرافيا
    أم رماداً شح.


    Quote: بعد ننتهي من هذا ، يمكنني العودة لموضوعك بتاع الخطوط الوهمية
    وسأعدك بالنقاش الموضوعي في بوست منفصل ومتخصص
    وكن بعد أن أطرح عليك ثلاثة أسئلة في المجال ( ليس لها أي علاقة بمن هو حاتم إبراهيم)

    My pleasure!
    You are most welcome
    مجالي ومجالك سواء.
    وبعدها بسأل أنا، كيف معاك؟


    Quote: عذرا للاخطاء والتسرع

    ولا يهمك يا (دكتور)، اعتدناها منهم، هذه البرجلة والارتباك، ومناصرة الوهم الأكاديمي.


    أها، دي الخارطة:
    1- جغرافيا
    2- كمبيوتر
    3- اقتصاد

    فأبقى مارق وما تفارق، عندنا وفر في الوقت خصصناهو للفلول.

    بالمناسبة، انت أول مرشح للفوج التاني في
    أكاديمية بنانا لتأهيل الكبار
    آخر طالب في الفوج الأول كان زولك الصعيليك داك


    _____
    طايوق مافي يا أبو كرتونة؟
                   |Articles |News |مقالات |بيانات

13-01-2018, 09:37 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: حاتم إبراهيم)

    نستأنف العودة للقراد بدأً بالاستعاذة من الجن والأشباح
    ثم نوجه البوست في المداخلات القادمة لمناقشة موضوع الشبح ، وهي التكويد أو الترميز أو الرسم
    ( وبالمناسبة هي مصطلحات لمعاني متشابهه عشان ماتجي تخمنا ساكت
    يعني لمن أقول كود بقصد أي شفرة تماثلية بالحروف أو الأرقام أوالرموز، وممكن الكلام ده يشمل ترميز الحروف وعمليات التشفير وكتابة البرمجيات بلغات البرمجة وإدخال الحروف والرسم المنتظم والحر
    كلها بتتم بأكواد ،عشان ماتقول لي ما في حاجة اسمها تكويد الرسم، الرسم زيو وزي الحروف بيتم تخزينه داخل الذاكرة بالنظام الثنائي وليس بالست عشري زي ما أنت زعمت وغلبك تشرحها ،
    النظام الست عشري في الأساس اتعمل لخدمة النظام الثنائي في تسهيل العمليات الرياضية والمنقطقية زي المستخدمة في تسمية كروت الشبكة وبروتوكولاتها وعمليات العنونة
    (وبالمناسبة ماتجي تغالط هنا لأنو تخصصي الأساسي هندسة شبكات)
    وحا تكون على موعد مني للتعليق على مداخلاتك المهببة مع المهندس صلاح

    أما حديثك عن :
    Quote:
    بس هي ما (مرتبطة بمحور دوران الأرض) ههههه
    ---
    مجرد تخطيط لقطعة أرض كبيرة مكورة، دارت ولا ما دارت فالخطوط موجودة


    فهو غريب ويعبر عن شخصيتك تماما ..
    وإلا فكيف خطوط الطول ما مرتبطة بمحور دوران الأرض يا حاجة فهيمة ،
    وإذا عايز تثبت كلامك ده احسب لي أي زاوية بين أي خط طول ومحور الدوران ..
    وأثبت لي رياضيا أنه مافي علاقة .. يلا انكرب..

    وبعدين كلامك عن أنه تخطيط الكره الأرضية زي تقطيع الأرض السكنية البطيخ والشمام فيهو سذاجة مبالغة
    لأن الأرض إذا ما دارت بتبقى خطوطك بتاعة الطول زي خطك السياسي والمعرفي الما مفهوم ده ،
    ما في أي معنى لتخطيطها طوليا وممكن نمترها بالشبحه ههههه.
    أما سؤالك عن تخطيط باطن الأرض فهو في غاية الغرابة يا شبحي ( دي على وزن يا أخي أو شيخي)
    Quote:
    نفهم تقسيم ظاهر الكرة، ليه عايز تقسم باطنها، حج وعمرة باطنية؟

    وكأنك مادرست عن أهمية مراكز الثقل، وكأنك ما عرفت عن طبقات الأرض والجاذبية ،
    وكأنك ماسمعت بتعيين احداثيات خطوط الطول والعرض (ونقطة الأصل الما سمعت بيها انت دي)
    من خلال الزوايا البتصنعها مع المستقيم الواصل من سطح الأرض لمركزها ،

    قلت لي يا عبيط
    Quote:
    دي عباطة دي، أن يفهم (دكتور) طرق الإدخال على أنها (رؤية)

    الرؤية بالحاسب دي ياقرادة فرع كامل من فروع علوم الحاسب ، وهو مرتبط مباشرة بفرع اخر اسمه الرسم بالحاسب،
    والمنظور ده جزء أساسي من الرؤية للإنسان والحاسب عشان ماتستهتر بيهو تاني،
    وعشان اقصر عليك الغلاط، الفرعين ديل أنا درستهم أربعة سنوات كمناهج لطلاب علوم الحاسب. عشان كده من الصعب تفهم أي مادة كاملة من دول في مداخلة أو بوست هنا،
    لا وكمان عايز شرح لمصلح معالجة الصور هههه ، وأنا أقول كلما أفتح ليك مجال لادخال الرسم في موضوعك انت تزوغ تاني لرسم الحروف ليه،
    يا شبحي انت الرؤية ما فهمتها هاتفهم معالجة الصور كيف؟ ولكن عشان أسهل عليك الطريق أي كتاب أو مرجع ( مع انك ما بتحب المراجع والمصادر هههه)
    بتحدث عن الرؤية بالحاسب من باب أولى حاتجد فيه فصل عن معالجة الصور ..
    و يلا أنكرب عشان تفهمنا طريقة ادخال الرسم في الحاسب، أو حتى عرضه على الشاشة ياخ ان شاء الله بالنظام الحاتمي لو قدرت

    نرجع بقى لموضوعنا الأساسي ، بتاعة موضوع معروف التعريفي ههههه
    طبعا الأسئلة الأنا سألتك ليها كلها زغت منها ، وما جاوبت أي سؤال باجابات واضحة وصحيحة،
    مسألة انك شرحتها لابو الريش والصادق ومحمد عبد الرحمن دي حنك منك ساكت، تابعت أغلب ردودك ولقيت فيها نفس أسلوب الزوغان والتوهان،
    واسه مافات شيء، تعال وحاول هنا عشان نناقشك في موضوعك الأساسي الافتتحت بيهو تواجدك في المنبر ،
    ودي الأسئلة من جديد قبل ما نضيف عليه:
    Quote:
    1/ أنت تقول في البداية (الكمبيوتر لا يحتاج لحروف اللغة (letters) بأشكالها المعتادة والمألوفة للانسان، لأنه لا يراها، ولا يحتاج لعرضها على أي وسيلة بصرية،)
    الكاميرا دي مش وسيلة بصرية يرى بها الحاسب الاشياء؟ والاسكانر وغيرها مش وسائل لادخال الحروف بطريقة يفهمها ويعالجها (مش مجرد ادخال شكلي) ؟
    طيب أشرح لينا كيف يتم التكويد من خلال هذه الوسائل بنفس طريقتك التي شرحت بها طريقة الادخال بالكيبورد بقولك:
    (فإذا ضغطت على المفتاحين (B6) يقوم الكمبيوتر بإدخال القيمة (B6) "تعادل الرقم 182" وتخزينها في الذاكرة وتحصل بذلك على صورة (image) للبيانات في الذاكرة مطابقة للارقام التي ضغطت مفاتيحها باصابعك، )
    2- الحروف نفسها تعامل معاملة الرسم كيف يا شاطر ؟ طيب أشرح لينا كيف (يرى) الحاسب شخبطة بخط اليد عن طريق التكويد؟ يعني هل كيف يعطي الكمبيوتر قيمة لكل حركة حرة وهي تحتوي على عدد لانهائي من الاشكال المتغيرة؟
    وبعدين اصرارك على أن الكمبيوتر لا يرى الأشياء كأنه نابع من القرن ال16 ، وإلا فكيف يقوم بمعالجات هذا العصر الذكي من غير رؤية وفهم المدخلات ؟
    3- لم أجد ردا على طريقة التخزين بالنظام (السطاشر) في هذا البوست، أنت تقول أن التكويد (مجرد طريقة مناسبة لتخزين هذه الحروف في صورة أرقام في ذاكرة الكمبيوتر) ،
    و الجميع هنا يعرف كيف تخزن البيانات في الذاكرة بالنظام الثنائي في شكل فولتات (صفر وواحد)، ونريد توضيحا لطريقة تخزينها أو تسجيلها بالنظام الست عشري؟
    4- جهلك/أو تعاليك على مناهج الكتابة الملتزمة لا يعطيك حق هضم حقوق السابقين ، أي مشروع كتابة علمية لابد أن تتوفر فيه مصادر خاصة للمعلومات التاريخية والتعامل مع المصطلحات.

                   |Articles |News |مقالات |بيانات

10-05-2018, 06:42 AM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    نرفع البوست لداعي الافرغ له اليوم
                   |Articles |News |مقالات |بيانات

10-05-2018, 08:49 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    محمد البشرى للأسف ردودك ما منطقية ، لأن زاوية شوفك للأسف كانت ومازالت من جانب الشبح نفسه، وان حاولت تغليفها بالرمادية والبتاع، نحن بنقول في شواهد وقرائن ذكرت لك منها ستة فوق وأنت ما عايز تشوف فيها حتى مجرد شواهد منطقية يراى أكثر من 10 من أعضاء المنبر على الأقل أنها أشياء قابلة للتحري، وعايز تقفل ملف القضية إذا ما جاك دليل مادي، وطبعا ياقول عادل امام نحن ما البنقدم الدليل المادي لأن الشبح حاتم باختصار هو البقدر ينفي أولا ، و يقدم ما ينفي عنه الشبهات وما يصاحبها من اتهامات بالسرقة والتعدي ظلت تلاحقه طويلا ، يعني مثلا أنا في - الوقت الحالي- لا أحتفظ بصورة بطاقة شخصية لمن ينتحل صفة حاتم ، ولكن حاتم يملكها ولن يجرؤ على اقناع الناس بانه حاتم لأسباب سأذكرها لاحقا ..
    أوافقك في قولك أن (جهلك بالشيئ لا يعني عدم وجوده أو جهل الآخرين به انت لست المعيار ) ولكن أرد عليك بأني لا أبني اتهاماتي على جهلي بشخصية من يدعو نفسه حاتم، أنا بفترض وجود قطاع كبير من العضوية يجهل شخصية بارزة مثل حاتم ومالاقي ما يلغي هذا الافتراض ، خذ مثلا أنت يا ود البشرى ، بتعرف شنو عن حاتم ، أذا بتعرف أنو شخص حقيقي له اسم وموقع، ما تكشفها لينا، قول لينا بس انو فعلا شخصية حقيقية، أو حتى الذكرتهم ديك وسألتني هل تعرفهم، أقولك أنا فعلا مابعرفهم معرفة شخصية ، لكن مابقول أشباح لأنه في غيري أعضاء عدول المنبر ده ممن بعرفهم معرفة شخصية ولذلك بفترض انهم أشخاص حقيقيون وليسوا افتراضيون، ولكن قول للجماعة ديلاك وكل الفلول المعاهو : بتعرفوا شنو عن حاتم ؟ وبدل ما يجو يطبلوا كتير دايرين واحد بس (ذو عدل) يدق صدروا ويتبرع ويقول أنا بعرف حاتم معرفة شخصية .. وبس . (معرفة غير معرفتك حقت الخدمات الالكترونية يا أحمد ههههه)
    أها بعد ده باقي ليك حاتم ده مجهول ولا ما مجهول ، والفرق بينو وبين المجهولي الهوية شنو؟ ( ما الأطفال عشان ما يجي واحد يلبسنا قضية أخلاقية)
    نجي لأضرار المجهولية، وبقول بكل صدق للمرة الأخيرة في البوست ده ، أنا ما بغيظني غير أناقش مجهولين ، طبيعتي المهنية بتتطلب أتعامل مع أشخاص حقيقين لأنه معرفة الهوية هي أول خطوة للتفاهم والنقاش والتعامل التجاري والمهني ، مافي حاجة اسمها تعامل باسم تجاري لو ما متأكد أنه وراه أشخاص حقيقيين لأنه مع كثرة الاحتيال ده لو لقيت ملاك الشركة البتتعامل معها ناس آليين بتكون انت الدقست حتى ولو حملت منتجاتهم تراخيص و سياسات ونسخ تجريبية وخدمات ما بعد البيع ، وأهلنا بقولو المابعرفك بجهلك ، لذا فطبيعتي الاكاديمية بتتطلب أنه أي معلومة القاها لازم استوثق من مصدرها ، إذا مقولة من هو قائلها؟ ومتى وأين، وإذا كتابة من هو كاتبها وفي أي منشور ومتى .. وهكذا ، ومال أيه ، انت قايل الناس عملت شهادات عليا بالخم من النت ساكت؟ وطبعا لأن وجودي في المنبر ده ما كتير ، ولأني بعتبروا أهم موقع سوداني بيكتب فيه الناس بصفتهم الشخصية ، لذا فهو موقع محترم احترافي يتحمل فيه كل عضو مسئولية كتابته بحاول أحاضر فيه عن الاخلاقيات مازي ما بتوهموا فلول حاتم، أها لمن يجي واحد يمسك زمن الأعضاء والقراء بالصح والغلت ويمعن في إخفاء نفسه دون أسباب منطقية كدة المنبر بكون فعلا خرب، الخراب ده يا ود البشرى ما مجرد حديث عن الأخلاقيات في بوست الزميل دكتور محمد صديق ،التخريب الحاصل هو تخريب سمعة منبر بقامة سودانيزاونلاين بأن الأشباح تتخفى وسط أعضائه ..
    أخونا الدكتور قال عايز يقاضي حاتم ، وحاتم لأنه ما حاتم ضامن أنو مافي زول بقاضية ، لأنه مجرد اسم افتراضي مجهول كل مداخلة بقتبس المداخلات بتصرف ويجي يكب على أهلها الفارغة ، يعني عايز يعلمنا على كبرنا وفي كل بوست يصرف لي جهلنا من علمه ، وهو الجاهل حقيقية لانه ماعارف أنه كلاموا ده نحن بندرسه للناس المحترمين ولكن بمنهج علمي شوية وبنمنحهم شهادات كرتونية ، وبعد كده نجي في المنبر الكان محترم ده ونضيع زمنا مع الكرتونة زاتا ، مجرد أسماء وألواح مكتوب فيها معلومات مجهولة المصدر .
    نجي للأخلاقيات البصح بصح ..
    طبعا أنا تداخلي مع الشبح ماكتير ، ولا حصل قريت ليه كتير لأنه كلامو دايما كتير ، لذا فأغلب الكلام التحت ما موجه لي ، ولكن للذكرى هذه كل البوستات الاتداخلت فيها مع حاتم:
    القراد الاكتروني
    اخلاقيات المنبر
    موضوع تعريفي
    اليوم فقط قررت أجازف وأقرا مداخلة كاملة ، بحمد الله قريت في البوست ده لوحده 4 مداخلات كاملة لحاتم ، اربع مداخلات فقط عندما أفرغتها من الاقتباسات والنقنقة ما طلع لي منها غير الشتائم والنبذ، قد يقول قائل هو كان برد على شتائم الغير لكن بالله تفتكروا في رسول كتابة ومالك موقع محترم بقدر يصرف قدر الاساءات التحت دي في بوست واحد وفي أربع مدخلات فقط؟ هاكم العينة من بوست الدكتور محمد صديق نفسه وما حانمشي نبحث عن بقية البوستات كما هي عادة الشبح:

    Quote: (الدكتور)

    Quote: هياااا أبا كرتونة،

    Quote: قليل الأدب أنت

    Quote: هوي المتخلف دا،

    Quote: التأسي بالكلاب

    Quote: دي قلة أدب منك،

    Quote: الجثة دا

    Quote: لسوداني "جاهل"

    Quote: دي وقاحة منك

    Quote: مخك تخين

    Quote: وقاحتك دي

    Quote: واحد "منفوخ"

    Quote: أهبل؟

    Quote: أبوكرتونة ما نافعة!

    Quote: يا وقح جداً

    Quote: انت مخلوق متخلف

    Quote: بنلبسك الغويشات

    Quote: بسلوكك الغبي والبليد دا،

    Quote: يستحيل يكون عندك مخ بيفكر

    Quote: يا عجل

    Quote: هايف؟

    Quote: الخيابة طبعاً،

    Quote: الصفاقة

    Quote: ما تتلكع، أنت قليت أدبك شديد،

    Quote: أها يا الوقح،

    Quote: يا تافه اللسان

    Quote: النخلص من المجرم

    Quote: بجيك بالبوت

    Quote: بقيت مغفل

    Quote: (دكتور) ثقافته واطية

    Quote: بتاع القمل والضراط

    Quote: خسيس وحاقد جداً، منتن

    Quote: بالبوت التقيل وفي نخرينك

    Quote: لا إسبلنغ ولا تفاهات،

    Quote: غبي جدا وممعن في الجهل

    Quote: المعولق

    Quote: يا الخمجان


    ختامه ، وحتى نخوض في حديث غيره ، نقول للشبح لو عايز تلاقينا في المنبر ده نحن موجودين ، وبنقدم ليك العناويين الفيزيائية الأنت عايزها عشان تلاقينا حقيقة، و تتأكد من علمنا وشهاداتنا لكن ابقى أنت راجل وتعال مارق ، تعال ولو للحظة واحدة وقول أنا راجل انا موجود واسمي بالكامل (كذا ابن كذا)
    وأصلي وفصلي كذا، ولا كمان قول ياأخونا أنا خايف وماعايز أظهر للناس ، خايف من شكلي، خايف من معرفة الناس ، خايف يلقوني ماعندي شهادة ، خايف يكشفوا حقيقتي أو أي خوف مبرر، ما تخاف يا اخي ما عايزين ندقكك ولا نقاضيك ولا نعرف شهاداتك ومصادرها ، يكفي نعرف أنك شخص حقيقي وشجاع حقيقة مش شجاعة كيبورد وبس عشان نحترمك ونقدرك ، ونصدق كلام صاحبك فيك بأنه شركتك مثل شركة أدوبي وما محتاجها حتى مقر، وإلا فوالله نحن مافاضيين لدجلك ، و ما عندنا ليك تاني غير بضاعتك المعروضة فوق ديك.
    أكتب لك هذه المرافعة الختامية هنا، وافتح بها بوست لمن أراد النقاش حتى لانفرغ كتاب د.محمد صديق من مراميه .
    أنتهى
                   |Articles |News |مقالات |بيانات

10-05-2018, 08:51 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)
                   |Articles |News |مقالات |بيانات

10-05-2018, 09:04 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30727

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    طيب يا عمر الحاجات البتحتمل اكثر من زاوية رؤية خليها، النقطة الاخيرة التي قلت فيها انه ضلل وادعى ...الخ الخ دي معلومة انت اتبرعت بيها مفروض بناء على حاجة قريتها بعينك ما سمعتها من آخرين او تأثرت بانطباعاتهم و تجاربهم، وبالطبع طالما هي حقيقة فلا تحتمل قصة اختلاف الرؤية لذا طالبتك - واطالبك مرة اخرى- بايراد او الاشارة لموضع هذا التضليل القلت عليه.
    حتى ذلك الحين لا مانع من تعليق سريع كدا على حتة انه اكثر من عشرة اشخاص قالوا انه شبح، اوعى تقول لي بس دا المنطق و الحجة المعتمد عليها في قناعتك !
    بزعل !!
                   |Articles |News |مقالات |بيانات

12-05-2018, 03:05 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30727

للتواصل معنا

FaceBook
تويتر Twitter
YouTube


Re: القراد الإلكتروني ! (Re: محمد البشرى الخضر)

    معقولة بس يا ود التاج! من الصفحة التانية!!
    يعني رفعت وكررت كلامك دا في خرتمية بوست و جيت رفعتهن وما شفت دا ولا شفت الحتة دي:
    Quote: النقطة الاخيرة التي قلت فيها انه ضلل وادعى ...الخ الخ دي معلومة انت اتبرعت بيها مفروض بناء على حاجة قريتها بعينك ما سمعتها من آخرين او تأثرت بانطباعاتهم و تجاربهم، وبالطبع طالما هي حقيقة فلا تحتمل قصة اختلاف الرؤية لذا طالبتك - واطالبك مرة اخرى- بايراد او الاشارة لموضع هذا التضليل القلت عليه.
                   |Articles |News |مقالات |بيانات

12-05-2018, 05:11 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: محمد البشرى الخضر)

    تحياتي ياو دالبشرى ومعذره للتاخير
    البوست ده طبعا بالنسبة لي زي علوق الشدة
    بلجأ ليهو غالبا لمن تداهمنا الطبلة والحذف
    وتكون في باقي ردود اتفرغت في الهواء
    لكن ده ما بمنع أعلق على كل نقاطك ، وأبدأ بالفقرة الأخيرة ..
    الشبح لم ينكر أنه صابر أبو الحسن ، طالب دراسات عليا جامعة الخرطوم ، بدليل تبنيه لنفس مقال صابر.
    ومن خلال بحث متاح لي في سجلات الدراسات العليا خلال 5 سنوات قبل وبعد تسجيله في ذلك الموقع لم أجد اسمه من المسجلين ولا الخريجين.
    الشبح قال لأحد الزملاء أنه يعمل في شركة برمجة في طريق السجانة ، وانا أعرف السجانة بيت بيت زقاق زقاق مافيها شركة برمجة واحدة
    الشبح أعلن من قبل أنه أحد ملاك شركة كلماسوفت ، وكتب مقر تواجده في الموقع ، وأنا ذهبت للموقع المذكور ولم أجد أي بوادر تشير لوجود شركة في هذا المبنى خلال خمسة أعوام.
    هذه بعض الشواهد وربما ساعود لأخريات ولكن من غير اقتباسات فأنا غير مهتم باقتباسات الكلام الساي ، ولكنك ستجده حتما في صفحات هذا البورد.
                   |Articles |News |مقالات |بيانات

12-05-2018, 06:42 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 573

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    ترجع بالسلامة
                   |Articles |News |مقالات |بيانات

12-05-2018, 07:18 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: تماضر الطاهر)

    يسلمك الله يا تماضر يا خيتي
    ومرحب بيك في المنبر
                   |Articles |News |مقالات |بيانات

12-05-2018, 07:24 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 573

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)


    تسلم اخي
    وشكراً على الترحيب
                   |Articles |News |مقالات |بيانات

12-05-2018, 07:25 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 573

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)


    تسلم اخي
    وشكراً على الترحيب
                   |Articles |News |مقالات |بيانات

12-05-2018, 09:05 PM

Salah Zubeir
<aSalah Zubeir
تاريخ التسجيل: 17-08-2015
مجموع المشاركات: 2192

للتواصل معنا

FaceBook
تويتر Twitter
YouTube


Re: القراد الإلكتروني ! (Re: تماضر الطاهر)

    مرحب حبابك بنتنا تماضر الطاهر
    ما شاء الله عليك من مداخلتك
    الخامسه في المنبر بقيتي تعرفي
    كيف تركني الوش الاصفر وكيف
    تختي الوردة الحمرا البتفتح وتقفل
    براها دي في مداخلاتك ...
    انا لي 3 سنه ولي هسي ما بعرف
    وفي ناس ليها 5 سنه وما بتعرف ...
    دربك اخدر في عالم سودانيز ...
    ود التاج حبابك ... عندي قاموس
    شتايم فيهو 83 شتيمه زي حقاتك
    ديل واظرط من 6 مداخلات في
    بوست واحد برضك ... دي ما المشكلة ...
    المشكلة في السيرة المبارياهو دي ..
    مافي واحد فيهم عندو استعداد يقول
    ليهو يا استاذ دي اسمها شتايم ونبذ ..
    واكثرهم فهم بيسميها طقطقه واكشن
    نضيف ،،، الخ ... والمعلمين الله ديك
    يقولو ليك شالو فوق وضربيهو الواطه ...
    غايتو سبحان الله وله في خلقه شؤن وشجون ...
                   |Articles |News |مقالات |بيانات

12-05-2018, 09:16 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30727

للتواصل معنا

FaceBook
تويتر Twitter
YouTube


Re: القراد الإلكتروني ! (Re: Salah Zubeir)

    مشكلتك يا ود التاج - كبقية شلة بوغبينة - خاتين النتيجة أوّل ثم بعد داك تفتّشوا ليها في المبرّرات و الأسباب البتوّصلكم ليها
    انت قلت بالواضح ضلّل الناس! هسّي الله يسألك تيريراتك ديل ينطبق عليهن قولة ضلّل!

    بعدين قلت لي حافظ السجانة بيت بيت هههه
    تعرف سعدية خميس طيب

    يا ترى لو كان ما اتساخف معاك ومرّر ليك تظارفك بتاع الجغرافيا كان ح تتهافت كدا برضو

                   |Articles |News |مقالات |بيانات

12-05-2018, 09:56 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 573

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)


    الأخ صلاح شكراً كمان على الترحيب
    مع إنه للمكان رهبة تخصه
    بحاول اضاري بعض المخاوف تحت معينات التعبير.
    ،
    احترامي
                   |Articles |News |مقالات |بيانات

02-07-2018, 02:30 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6953

للتواصل معنا

FaceBook
تويتر Twitter
YouTube


Re: القراد الإلكتروني ! (Re: تماضر الطاهر)

    قريبا على صفحات المنبر ..
    قصة قصيرة بعنوان (مخالب الشبح)
    أرجو أن لا تمتد اليها يد بكري بالحذف والطبل كما حدث في بوست (أشباح المنبر) الأسبوع الماضي
    وإلا ..
                   |Articles |News |مقالات |بيانات

02-07-2018, 03:12 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30727

للتواصل معنا

FaceBook
تويتر Twitter
YouTube


Re: القراد الإلكتروني ! (Re: عمر التاج)

    استاذنت من كبر في قولة مخالب دي ولاّ لخّيت ساي؟

    Quote: وإلا ..
    ههههههههههههههههههههههه
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de