|
|
|
 Re: أهــا .. والحنكـ شنو!! (Re: omer osman)
|
Quote: غايتو نحن برنامجنا مليان ......
نظام حلا الخريف حلا أهلاً به وسهلا |
جنابو .. برنامج شنو ياخ!
مش راسكـ الخاتيهو زي الأبجورة دا!
يا كافي البلا غير مكيف العربية ما قاعد
تستعمل أي مكيفات! معقولة ياخ!
تكيفو تكيفو!
| |
 
|
|
|
|
|
|
|
|
Re: أهــا .. والحنكـ شنو!! (Re: عبد الدائم سيد أحمد)
|
Quote: اصبر شوية بعد شهر الدورى السعودى حيشتغل
اقول ليك انيستا تقول لي عبــدو بـرناوى ... |
عبد الدائم يا عمكـ
تسلم ياخ على الاتصال
بعدين الدوري السعودي زاتو رحمة!
ياخ راجعين لـ قلق ووارقو!!
إنا لله!
غايتو الشعب السوداني دا مسكين خلاس!
| |
|
|
|
|
|
|
|
|
 Re: أهــا .. والحنكـ شنو!! (Re: عبد القادر بابكر)
|
ياود الصائم اولا البنت مبروكة
ودي تاني مرة نبارك اولها في بوست داليا
ثانيا ما علمتنا بالولادة وكمان تجاهلتنا في العقيقة
المهم يا قول تبارك الان بطل الجقلبة وقوم بعمل المطبخ
والكنس والمسح
البنت سميتا منو
| |
|
|
|
|
|
|
|
|
|
Re: أهــا .. والحنكـ شنو!! (Re: tmbis)
|
| Quote: عليك برفع واحد خروف في السطوح .. ما السطوح حقكم طبعا |
تامبا يا عمكـ
والله بالجد محتاج للمشروع دا ياخ!
تعرف ترجع من الشغل غاغة وحروم وشفّع .. أنسى بس!!
الحجر زاتو بقى يضيع هوا ساي!
غايتو بباصر حتة من الخروف .. كان لقينا حقو!
| |
|
|
|
|
|
|
|
|
|
Re: أهــا .. والحنكـ شنو!! (Re: محمود بكر)
|
Quote: ثانيا ما علمتنا بالولادة وكمان تجاهلتنا في العقيقة
المهم يا قول تبارك الان بطل الجقلبة وقوم بعمل المطبخ |
بكر يا عمنا
معليش ياخ في قصة الولادة دي .. غايتو الأمور بتكون
جايطة جوطة السنين .. العقيقة لسع ما عققناها!
بعدين عمل المطبخ وين ياخ!
إنت ما عارف حالتنا السودانية دي!
يمين المطبخ ما تفرز فيهو الحريم من الحلل!
سميناها جوان!
| |
|
|
|
|
|
|
|
|
|
Re: أهــا .. والحنكـ شنو!! (Re: فدياس نجم الدين)
|
Quote: على مدافع البرازيل ولا شنو ؟؟
ألف مبروك وتتربى في عزك يا راجل يا طيب |
فدياس يا عمكـ
ياهو .. بس زي ما قلت كـدا
بس إن شاء الله ما تطلع لينا شبهو .. تكون القصة جاطت!
الله يباركـ فيكـ يا حبيب
| |
|
|
|
|
|
|
|
|
|
Re: أهــا .. والحنكـ شنو!! (Re: عبد القادر بابكر)
|
| Quote: عراقي وسروال وعلي المطبخ عدييييل ...!! |
عبد القادر يا عمكـ
مطبخ شنو ياخ! اليومين ديل في المجلس (ما البلدي)
ما قادرين نقعد .. القصة جابت ليها رطوبة في الرياض!
يا دوب الواحد متصبر بقطعتين ..
لو ما الضيوف كان قعدنا ميطي عديل!!
| |
|
|
|
|
|
|
|
|
|
Re: أهــا .. والحنكـ شنو!! (Re: سارة كرودى)
|
Quote: ود الصايم ..
كان عرفته باصى لى فى الماسنجر |
ســرور .. ياخ الميزانيات المفتوحة دي قاعدين
تعلموا بيها شنو .. في الأجــواء السمحة دي!
رحلة .. رحلة طوالي
الجمعة قرييبة!!
وما تنسي تجديد اشتراكـ الشوتايم!
دي حلول فردية!
| |
|
|
|
|
|
|
|
|
|
Re: أهــا .. والحنكـ شنو!! (Re: humida)
|
Quote: جرب
Zumba Fitness Class |
هدير يا شغيغة
زومة شنو في الزحمة دي!
يا دوب الواحد لاقي ليهو حتة يخت فيها (رجلو)!
غايتو نخلص من المراسم وبعد داكـ نشوف الحاصل شنو!
| |
|
|
|
|
|
|
|
|
|
Re: أهــا .. والحنكـ شنو!! (Re: humida)
|
Quote: و الله يا ود الصايم مشكلتك كبيرة .. انتو بدون ولادة بيكون عندكم سماية ..
..
..
المهم ..
اشتري ليك جيتار .. |
حميدة يا عمكـ .. يمين ما شفت حاجة!
هلال مريخ بس!
بالمناسبة .. عندي جيتار عضم
قسما بالله قبل يومين قاعد أتأمل فيهو!
قلت أشيلو وأمش لصاحبي تمبس دا نشوف حنكو شنو!
| |
|
|
|
|
|
|
|
|
|
Re: أهــا .. والحنكـ شنو!! (Re: محمد عبد الماجد الصايم)
|
Quote: جنابو .. برنامج شنو ياخ!
مش راسكـ الخاتيهو زي الأبجورة دا!
يا كافي البلا غير مكيف العربية ما قاعد
تستعمل أي مكيفات! معقولة ياخ!
تكيفو تكيفو! |
ده رأس استاندر ياعمك ...... ضمان الشركة او زي مابتقولوا (ضمان الوكيل) ...........
مش زي ناس لو فتحو راسم يمين يلقوهو دايرة مخرطة وقمصان كمان.......
| |
|
|
|
|
|
|
|
|
|
Re: أهــا .. والحنكـ شنو!! (Re: داليا حافظ)
|
Quote: ده رأس استاندر ياعمك ...... ضمان الشركة او زي مابتقولوا (ضمان الوكيل) ...........
مش زي ناس لو فتحو راسم يمين يلقوهو دايرة مخرطة وقمصان كمان |
غايتو يا جنابو .. لقيتكـ مكنيكي!
عشان كــدا شغال مع الوكيل .. مش كـدا؟
ياخ نحن كويسين .. شوف عمكـ وهبة الخسائر
بتاعتو اتعدت الروسين ودخلت فيما جاورها!
| |
|
|
|
|
|
|
|
|
 Re: أهــا .. والحنكـ شنو!! (Re: omer osman)
|
Quote: كأس العالم خلّص .. والمرة والدة!
الحنكـ شنو بعد دا؟ |
لا حولالالالالالالالالالالالالالالا!!!!
إنت برنامجك كلو ياهو الإتنين ديل بس ولا شنو يا عمك!!!!
والله السعودية بنين بتبالغ مرات !!
والله يكون فى عون الكورة وزوجات المغتربين
| |
|
|
|
|
|
|
|
|
|
Re: أهــا .. والحنكـ شنو!! (Re: أيمن الطيب)
|
Quote: لا حولالالالالالالالالالالالالالالا!!!!
إنت برنامجك كلو ياهو الإتنين ديل بس ولا شنو يا عمك!!!!
والله السعودية بنين بتبالغ مرات !! |
أيمنوف يا عمكـ
والله إنت القاعد تبالغ!
آمال العوائل في السعودية محموووولة ليه؟
ياخ لما تمش الحديقة مرتكـ زاتا ما تفرزا من الباقين!
| |
|
|
|
|
|
|
|
|
|
Re: أهــا .. والحنكـ شنو!! (Re: محمد عبد الماجد الصايم)
|
| Quote: يمين المطبخ ما تفرز فيهو الحريم من الحلل |
بكرة الحريم ديل بلفحن عباياتن ويمشن بيوتن
تلقى نفسك براااك لايص في الشقة ..
المرة الوالدة من أمامك .. والبحر .. أقصد المطبخ من خلفك !!!!
ده فيلم هندي دخلناهو كثير يا عمكـ ....
ــــــــــــــــــــــــــــــ
كامل التضامن مع ( ليفة السلك )
| |
|
|
|
|
|
|
|
|
|
Re: أهــا .. والحنكـ شنو!! (Re: abas)
|
والله امبارح بعد الكورة خلصت دي اول كلمة قلتها لي ازهري اها وبعد دا تاني شنو ؟
ههههههههه
---
(جوان) شايلة اسمها ان شاء الله ..
--
المسج ديك ما رديت عليها كسل ساي ( )
| |
|
|
|
|
|
|
|
|
|
Re: أهــا .. والحنكـ شنو!! (Re: نادر النور آدم)
|
..
.
الحنكـ .. سرير ومكيف واسطوانات مصطفى سيداحمد
وكل شوية تدى الحلة طله والمرا والبيبي طله ..
حتكون مليان سعادة
--------------
وجوان تتربي فى عــزك ياخى ..
ما كلمتنا مالك ؟؟
ما تقول لى دا حنكك .. :)
| |
|
|
|
|
|
|
|
|
|
Re: أهــا .. والحنكـ شنو!! (Re: أيمن الطيب)
|
أيمن الطيب 
ما شهر كامل كاس العالم وكاس العالم ..
عندنا باقي زيارات عائلية (نظام عرسان) ما عملناها لي هسة بي سبب كاس العالم دا ،
غايتواظن من الليلة بندور فيها هههههه
---
اما منتظرة تعليق ودا الصايم لكن لقيتك اخطر منه ..
| |
|
|
|
|
|
|
|
|
|
Re: أهــا .. والحنكـ شنو!! (Re: ناصر جبريل)
|
Quote: يا عمك عليك الله اسأل طارق صاحبك خليهو
يوريك جوان دي معناها شنو في المغرب |
ناصر يا عمكـ
لو انتظرنا ناس المغرب ديل قصتنا جاطت!
ياخ ديل قالبين أي حاجة في الدنيا دي!!
غايتو بديها لوحة تشيلا (مع مراعاة فروق الثقافات)!
| |
|
|
|
|
|
|
|
|
|
Re: أهــا .. والحنكـ شنو!! (Re: محمد عبد الماجد الصايم)
|
يا عمك . جوان تتربي فى عزكم وربنا يحفظها
بالعكس انا شايف دى فرصة ممتازة جداً رئيس الميز يكون عنده ما يشغله.. وانت خليك حريف استغل الفرصة دي فى حاجة قبال ما رئيس الميز يفضي ليك ..
كاس العالم صحي انتهي وفكانا عكس الهوا لكن الحريف ما بيغلب حيلة
لك الود
| |
|
|
|
|
|
|
|
|
|
Re: أهــا .. والحنكـ شنو!! (Re: إسماعيل حسن)
|
يا النعوم,,Quote: ما شهر كامل كاس العالم وكاس العالم ..
عندنا باقي زيارات عائلية (نظام عرسان) ما عملناها لي هسة بي سبب كاس العالم دا ،
غايتواظن من الليلة بندور فيها هههههه |
يا زولة بعد الكلام دا!!
حنكك شويييييييية ما سنين,,
عشان أبو الزهور حا نمشيهو..
قومو إلى زياراتكم العائلية يرحمكم الله,,,
ابقوا زورونا فى لفتكم الجاية,,,
تحياتى لك وأبو الزهور ,
| |
|
|
|
|
|
|
|
|
|
Re: أهــا .. والحنكـ شنو!! (Re: إسماعيل حسن)
|
| Quote: وانت خليك حريف استغل الفرصة دي فى حاجة قبال ما رئيس الميز يفضي ليك |
إسماعيل يا عمكـ
أنا الميز دا ما عندي فيهو أي استغلال إلا سفّ اللبن!
أها القصة دي ساهلة جدا في الحالات العادية، لكن كمان
مع (الأمطار الصابة دي) ما حلوة الواحد يمش يفتش علبة النيدو!!
| |
|
|
|
|
|
|
|
|
|
Re: أهــا .. والحنكـ شنو!! (Re: محمد عبد الماجد الصايم)
|
والله ياودالصائم مبروك البنية وتتربى في عزك
لكن لقيت ليك تمبس دا غتيت خلاص
إنت عارف ليه يا ودالصائم؟؟
لأنك مما كتبت الكلام التحت دا
| Quote: غايتو بباصر حتة من الخروف .. كان لقينا حقو |
تاني هو ما خش البوست دا ولا بالغلت
الصادق
| |
|
|
|
|
|
|
|
|
|
Re: أهــا .. والحنكـ شنو!! (Re: الصادق صديق سلمان)
|
Quote: والله ياودالصائم مبروك البنية وتتربى في عزك
لكن لقيت ليك تمبس دا غتيت خلاص |
الصادق يا عمكـ
تسلم يا حبيب ويباركـ فيكـ
تمبس دا من ناحية الغتاتة موضوع منتهي!
غايتو براهو فرّط .. هسي لو دفرنا بحاجة
مش كان ضمن خروف السطوح دا!
تسلم ياخ!
| |
|
|
|
|
|
|
|
|
|
Re: أهــا .. والحنكـ شنو!! (Re: أيمن الطيب)
|
| Quote: معقولة يا ديجانقو تلخبت العسكرى بتاعك!!!!!! |
يا عمكـ .. العساكر دي في مرحلة من المراحل
بكونن شي واحد .. عبارة عن عباية سودا ماشة!
أها .. أقعد أفتش في النمر أنا!
| |
|
|
|
|
|
|
|
|
|
Re: أهــا .. والحنكـ شنو!! (Re: أيمن دياب)
|
Quote: موعودين بلحمة سواكني..
من الضحية ما أكلنا لحمة زي الناس.. |
أيمن دياب يا عمكـ
ياها بقت علينا ولادة وخروف سماية!
السماية دي ماف طريقة نعملا عيش صامولي وجبنة كاسات؟
| |
|
|
|
|
|
|
|
|
|
Re: أهــا .. والحنكـ شنو!! (Re: مدثر قرجاج)
|
Quote: ياود الصايم من انبارح عارض كرت الجزيرة بتاعى للبيع ده برنامجى
لحدى ما القى ليه بيعة افش مغستى فى قروشى الراحت ساكت ياخى
اى كورة فتحوها للناس انا دقسته والجاتك فى مالك |
قرجاج يا عمكـ
ياخ لقيتكـ قديم لمن قدوم عديل!
ياخ إنت من زمن بشتروا الكروت؟
والله حالتكـ دي أخير منها حالتي!
انطلق إلى حيث الفضاء يا عمكـ
إلى حيث الإشارة جات ولّ قاطعة!
ما سمعت بالغراب؟ صندوق الأمل؟، الأحلام؟
ياخ الدنيا اتغيرت يا عمكـ!
| |
|
|
|
|
|
|
|
|
|
Re: أهــا .. والحنكـ شنو!! (Re: أيمن دياب)
|
إن شاء الله الغاز يقطع عليكم يوم الجمعة الساعة 11
والموية تكمل بعد ماتجي من صلاة الجمعة
كده البرنامج بكون مليااااااااااااان مع زحمة النسوان
وكله البركة في جوان
| |
|
|
|
|
|
|
|
|
|
Re: أهــا .. والحنكـ شنو!! (Re: أبوعبيدة محمد الأمين)
|
Quote:
كأس العالم خلّص .. والمرة والدة!
الحنكـ شنو بعد دا؟ |
ود الصائم يا عمك .. الحنك مديدة تمر وحلبة
امشي انبرش اصلك منبرش
كاااااااااااااامل تضامني مع الدشاديش
والجلابية الانصارية ام واجهتين
مشاققة
لما تلبس الانصارية خت جوان فى الجيب الورا خلي امها تنوم بالله
مبروووووووووووكة جوان
| |
|
|
|
|
|
|
|
|
|
Re: أهــا .. والحنكـ شنو!! (Re: اسماء الجنيد)
|
Quote: إن شاء الله الغاز يقطع عليكم يوم الجمعة الساعة 11
والموية تكمل بعد ماتجي من صلاة الجمعة |
أبو عبيدة يا عمكـ
لقيتكـ حاقد بريمة عديييييييييل!
ياخ يوم الجمعة دا السخانة فيهو بتكون براها!
أقل حاجة 46 .. أها ولو اتأخرت وصليت في الشارع كمان
تكون كملت .. شوشوة ألف عديل!
الحمد لله .. عندنا أنبوبتيييييييين والموية بالكراتين
| |
|
|
|
|
|
|
|
|
|
Re: أهــا .. والحنكـ شنو!! (Re: اسماء الجنيد)
|
سومة .. الله يباركـ فيكـ وتسلمي
والله رشّة الانبراشة دي لمّن كيفتني!
تعرفي الجلابية الأنصارية دي عندي معاها غرام عديل!
الجلابية العادية دي أصلا ما بتنزل لي في راسي!
أها غايتو بعد دا الواحد يكبّر الأنصارية زاتو!
دشاديش ماكو .. إنت قايلانا مستلبين جد جد ولّ شنو؟
هسي دشاديش دي واحد يفهما ليكـ جمع (ديش) و(ديشكـ زاتو)!
تسلمي ياخ!
| |
|
|
|
|
|
|
|
|
|
Re: أهــا .. والحنكـ شنو!! (Re: إدريس محمد إبراهيم)
|
Quote: كأس العالم خلّص .. والمرة والدة!
الحنكـ شنو بعد دا؟ |
وحات الله زى المجنون لى ساعة اكتب وامسح واضحك ..
ياخ والله غلبنى اكتب ليك شنو زاااااتو ..
خايف عليك انت والبوست فى كومر واااحد ..
هوووووبااااااااح فى الخور
ـــــــــــــــ
اعمل نايم زيى كدا بس !!!
| |
|
|
|
|
|
|
|
|
|
Re: أهــا .. والحنكـ شنو!! (Re: محمد عبد الماجد الصايم)
|
| Quote: يا عمك شوف ليك دروس تعليم فن الباليه |
يا طلبة .. الباليه دي سامعا في حتة
جوه البورض دا قبل كم يوم .. القصة شنو ياخ؟
_
بعدين الباليه دا بلبسو ليهو مايو ولّ الأمور عادي؟
تخيل بقى الواحد لابس بيارة ومستمع بالباليه!!
| |
|
|
|
|
|
|
|
|
|
Re: أهــا .. والحنكـ شنو!! (Re: عاطف رميتي)
|
| Quote: أقول ليك يا عمك .. عليك بي ناس تامبا ديل ، وعينك ما تشوف إلا الوست ومقصات من النوع البحبو قلبك داك .. لامن الناس دي تعرف حاجه .. ولمن تحصل السيك المدنكله ديك .. تعال ورينا التفاصيل في بوست كارب كده ... |
درسو يا عمكـ
ياخ ناس تامبا ديل عندهم برنامج أخطر من الوست زاتو!
بس اليومين ديل الواحد منقطع شوية .. لما أفضى ليهم
بأجزولم عدييييييييل! لكن بيني وبينـ الوست زاتو
قاعدين نفتش فيهو!
تسلم يا عمكـ والله يباركـ فيكـ
ما قاعد تقصر كلو كلو
معليش القطعة جات فيكـ برضو
غايتو الواحد بقى يتحسس معاكـ عدييييييييل!
| |
|
|
|
|
|
|
|
|
|
Re: أهــا .. والحنكـ شنو!! (Re: عاطف رميتي)
|
Quote: وحات الله زى المجنون لى ساعة اكتب وامسح واضحك ..
ياخ والله غلبنى اكتب ليك شنو زاااااتو ..
خايف عليك انت والبوست فى كومر واااحد .. |
أبو الشوش يا عمكـ
كومر شنو وخور شنو ياخ!
معآآكـ مؤلللم!
انداح يا عمكـ!!
باللاي الأخ نايم برضو
| |
|
|
|
|
|
|
|
|
|
Re: أهــا .. والحنكـ شنو!! (Re: عاطف رميتي)
|
Quote: مع صفارة الحكم امبارح بدينا نعد كم باقي للدوري الإنجليزي!!!
السبت والأحد أحلي السهرات الرمضانية |
عبعزيز يا عمكـ!
يعني معقولة .. من كورتين وأربعة في اليوم
نجي ننتظر السبت والأحد؟ غايتو لينا الله!!
_
رمضان قرب؟
| |
|
|
|
|
|
|
|
|
|
Re: أهــا .. والحنكـ شنو!! (Re: عاطف رميتي)
|
Quote: اخبار العروس وام العروس
انت بس اعمل نائم |
رميتي يا عمكـ
تسلم يا حبيب .. كلهم بخير والحمد لله
غايتو اليومين ديل نوم الله السنقل دا ما لامين فيهو!!!
يالله .. الحياة تجارب!
| |
|
|
|
|
|
|
|
|
|
Re: أهــا .. والحنكـ شنو!! (Re: طارق جبريل)
|
كأس العالم الكل أربعة سنة دا، والولادة الكل كم سنة دي ؟
طيب لو الرقابة القبلية قفلت سودانيز أونلاين اليوماتي دا حالتك تكون كيف يا عمك؟
يا طارق جبريل قلت ليهو باليه .. في السعودية! الاقتراحات عندكم يا ناس كازا
مشتاقين لي بلدكم ياخ الما محتاجة لي باليه ولا باليك
| |
|
|
|
|
|
|
|
|
|
Re: أهــا .. والحنكـ شنو!! (Re: الفاتح ميرغني)
|
Quote: خذلتنا يا عمك ياخي قلنا ليك وجدان.
على الاقل كان خروف السماية ده جاك طاير. |
الفاتح يا عمكـ
اعتبرا كلمات متقاطعة ياخ!
ما ياهو اختلاف في الترتيب بس!
بعدين خروف شنو يااا عمكـ
اليومين ديل السماية بقت (هاي ديفنشن)!
الله يباركـ فيكـ يا حبيب
تسلم والله
| |
|
|
|
|
|
|
|
|
|
Re: أهــا .. والحنكـ شنو!! (Re: محمد عبد الماجد الصايم)
|
ألف مبروك يا ود الصايم وإنشاء الله تتربى في عزكم
عجبني ليك!! ويك واك، تاني أربعة شهور لحدي ما تفهم حاجة والشخة بي ريال (بمبرس تقيل) أنا خايفك انت ذاتك تدور في البامبرس ده (يلا يا ود البشرى أتخيل!)
مبروك مرة تانية
أمير
| |
|
|
|
|
|
|
|
|
|
Re: أهــا .. والحنكـ شنو!! (Re: Nader Abu Kadouk)
|
Quote: يا عمك الحنك بقى قوالات رجال على اخر الزمن
البنيه مشت ولا لسع |
نادر يا عمكـ
كلام شين والله!
قسما بالله ما اتوقعت الحكاية تصل للدرجة دي!
غايتو بس ربّكـ يدي العافية .. أهـو بعد دا
تمسكـ خشمكـ وتقعد .. أي سيكـ ميكـ يقولوا
ليكـ سنة تلاتة وأربعين يا عم جبارة .. أكلت آيسكريم!
البنية يا دوب مرقت أمس من المستشفى ياخ!
| |
|
|
|
|
|
|
|
|
|
Re: أهــا .. والحنكـ شنو!! (Re: نادر النور آدم)
|
Quote: شايف مزمل خيري (هدَّن) منك شوية..
عملت ليهو شنو المان ده..
وطال شوقي للسواكني.. السماية السماية ياحاج.. |
أيمن يا عمكـ
غايتو رسّلت ليهو حق السماية تاني!
أها بالطريقة دي سمايتنا أجلناها لبعد الـ 40!
احتمال نعملا في شارع الـ 60 أو كوبري الخليج عديل!
| |
|
|
|
|
|
|
| |
محمد عبد الماجد الصايم
omer osman
ALZOLZATOO
عبد الدائم سيد أحمد
عبد القادر بابكر
tmbis
فدياس نجم الدين
Hadeer Alzain
humida
داليا حافظ
أيمن الطيب
abas
انعام حيمورة
نادر النور آدم
ناصر جبريل
على محمد على بشير
إسماعيل حسن
الصادق صديق سلمان
محي الدين جبريل
مدثر قرجاج
أبوعبيدة محمد الأمين
اسماء الجنيد
إدريس محمد إبراهيم
الشاذلى خيرى عبد الله
Abdlaziz Eisa
ياسر عبدالكريم محمد
طارق جبريل
معاوية الزبير
محمد البشرى الخضر
الفاتح ميرغني
محمد الامين محمد
Nader Abu Kadouk
خالد المحرب
جعفر محي الدين
فيس بوك
تويتر
انستقرام
يوتيوب
بنتيريست