أفــــــــــراح عصـام .. تـــــونا!

Quote: يا عمكـ .. أفراح عصام عاملة إعلان بتاع تونا!

Quote: تونا نونا جننتونا. نحن مغبييييين ما شايفين حاجة أحكي لينا.

أرفع راسي أشوف ليكـ
أفراح عصام .. ياها زاااتا .. بتغني في إعلان تونا .. توووونا

Quote: و إنت أفراح عصام دي حتى في الإعلانات متابعة و كمان مساهر ليها لغاية أسي علشان تكتب ليها بوست

Quote: لافراح عصام التونة وللحاقدين الكجيك او التركين

Quote: ليه الاحراج بس؟

Quote: يعني بعد دا نأكل تونا بقراصة

Quote: اذا فرفور بغني للشامبيون مفروض افراح دي تغني للصارقيل زاتو،،

Quote: انت هسي زعلان لمنو: التونة ولا افراح؟

زعلان لنفسي يا عمكـ
أي والله! زعلان عديل كـدا

Quote: فنان بلا وعي وثقافة كارثة

والله دي مكيفاني تكييف مركزي عديل

كلامكـ نجيض يا عمكـ
الزولة دي بالجد راح ليها الدرب!

Quote: وحياة خوتنا التافهة دي يا ود الصايم

ياااا شيمو .. خوة تافهة بالجد ياخ!
أخير ليها التونا كيف يعني .. ونحنا؟

Quote: الناس بتستثمر حنجرتا

Quote: بوست مغرض!!

إنت قايلنا بنغير من التونة ولا شنو؟

Quote: اسي الواحد يقوم يتغدا بي تونة ولا شنو جوعتنا يا ود الصايم

Quote: تـــــــــونــــــــا عدييييييييييل كده شى تمام

شنو يا عمكـ من أمس تشخّت لينا بالاحمر بتاعكـ دا
اشتريت قلم باركر جديد وداير تجرّبوا فينا ولّ شنو؟


توونا الوااحدة دي!

Quote: عمران رايو شنو في الموضوع دا؟

Quote: خليني أشوووووووووف أول يا عباس واجيب ليكـ الدعاية زاته هنا عشان يكون بعد داكـ الشرح واضح

Quote: بالرغم من اعلان التونة الا انها لا زالت صوت شجى وفيهو تطريب عالى ...النصيحة لى الله اسمع ناس المشاهير فاتحين بوست بعنوان دعوة الشريف بتاع نيجيريا لافراح ومعاها واحد تانية والله يكضب الشينة

Quote: المصيبة شعبنا المصاب بسخرية لاذعة تتشكل في إطلاق الألقاب ... أكيد أفراح تونا ... لو تقبلته ستدب حمرة خجل ... تتحول مع الأيام إلى حمرة غضب عارم من ذلك الاعلان الكارثة ... كان من الأفضل أن تختار إعلان يلصق بها لقب رشيق ... مثل ... مناديل فاين التي تتفتت في وجه مستخدمها في السودان..."أفراح فاين" أو إهي هي هي كلين .... "افراح كلين" ...

وحليل أفراح الشعب!

Quote: بقينا ما فاهمين زاتوو .. وفقدنا عنصر الدهشه ..

Quote: والله يا محمداتخيل سبحان الله انا من زمان بسمع لتونه دي

Quote: ندي القلعة ... ودعاية ( الحلو مر ) الفن كما يقول السمؤل خلف الله ضرورة لحياتنا فالساحة السودانية تعج كل فترة بجيل جديد ربما يقول البعض انه جيل الفن التجاري وهذا ماجعل كل من يحفظ اغنية يسير علي خطى الفن وزي ماعرفنا زمان ان الوصول لهذه القمة صعب شديد .. وزي مابيقول احد الاصدقاء الان تقوم من النوم علي طول علي ساهور ودي ليها يوم براها كمان لكن الذي دعاني ان اكتب هو اتجاه الفنانين للاعلانات الدعائية وبالذات الباحثين عن الشهرة لكن هل اي اعلان يمكن ان يجعلني كفنان في قمة الشهرة مثلا جمال فرفور قبل فترة في دعاية عن شامبيون وهو مشروب نافس رئيس الجمهورية في الانتخابات، امبارح وانا اشاهد في قناة النيل الازرق وعلي الفور ارى مجموعة تنتظر علي صفرة الطعام وتقول وين التونة؟؟ وانا زاااااتي بقيت اتلفت لمن طلعت ( افراح عصام ) شايلة بالتونا وعرفت دعاية التونة وعرفت التونة دي ليه عاملين ليها دعاية غايتو انا قلت التونة ربما تكون تحتاج لطعم وطعموها بافراح كنوع من التشهير وده بيديني احساس بانو سوق التونا في السودان نايم ) اها ياربي القادم من الاعلانات سيكون شنو .. غايتو انا فكرت ان اقوم بفكرة دعائية وتكون عن المشروب الشعبي ( الابري) او (الحلو مر) بس اختار ليه منو عشان اكسب مبلغ كبير، رايكم شنو في ( ندي القلعة)بس مايجيني ود الحاج ولا صبري يقول ليك دي ضد المؤتمر الوطني ناطين، انا عايز البت دي تقوم بالدور علي الاقل نساهم في زراعة الذرة وانتشاره في كل ربوع السودان .. وممكن الفكرة تكون سببا في عودتي للسودان نهائي ؟

Quote: بمروركم أفرحـ ـتونا

والله يا ميزو .. ياها زاتا!
أفرحـ تونا .. وأفرحـ تو الشعب زاتو!