|
|
 يا ود الصايم ... نسأل عنك لا هدأت جراح العمر
|
يا ود الصايم ليه كدا يعني ؟؟؟؟!!!
سويتو شين وأعوج عدييييييل كدا والله
المنبر دا بصراحة كدا من غيرك ما بندخل
ودا ما كسير تلج ...
ولكنها حقيقة .. مجردة من كل كسير تلج ودردقة
_____
على الرغم من كرهي فتح بوستات معنونة بأسماء أشخاص
ولكن للضرورة أحكام
|
|
 
|
|
|
|
|
|
|
 Re: يا ود الصايم ... نسأل عنك لا هدأت جراح العمر (Re: Hadeer Alzain)
|
Quote: هدير كل سنة وانت طيبة ..
الزول ده لغاية امس مكشوح هينا ..مالك علينا خلينا نروس يومين تلاته بهدوء .. |
فائز وإنت طيب وربنا يجعلها سنة خير عليك وعلى السودان
عليك الله كان حاييم لغاية امس هنا؟؟؟
يعني معناها ما عيان ولا حردان
يا ود الصائم هلا عدت وظهرت مرة أخرى؟؟ 
الدنيا أول سنة ياخ
| |
|
|
|
|
|
|
|
|
 Re: يا ود الصايم ... نسأل عنك لا هدأت جراح العمر (Re: السيد المسلمي)
|
Quote:
النبي توديهو وين الود القاطع اللهجي دة
|
طارق جبريل عام سعيد عليك وعلى الأسرة
والسنة الجاية مرووس في السودان مع الحبان
ود الصايم دا تقرا بوستاتو ولا ردودو ما بتحتاج ليك لي أنتي دبريسنت
أو حبة مسكنة أو حتى بندول يعنى علاج بالمجان ومن غير تأثيرات جانبية.
شفت فايدتو وين؟ 
_________
يا ود الصايم عد من أجل المرضى والمهمومين والمغمومين
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: Hadeer Alzain)
|
Quote: لا لعودة ودالصائم ..
ونعم لتفعيل لوائح المنبر
كلنا بكري .
ـــ
سلامات ياهدير . |
يا ود المسلمي أحد حبان ود الصايم
عساك طيب ... وسنة سعيدة عليكم يا آل المسلمي
الزول دا كان واااصل الحصل ليهو شنو؟
هي حصلت بالله لمن جابت ليها لوائح منبر ؟؟
طيب أنا كان كدا ما روحت فيها!! 
دعني إذن أهتف معك:
لا لعودة ودالصائم ..
ونعم لتفعيل لوائح المنبر
كلنا بكري
كلنا الإدارة
__________
يا ود الصايم ما زلنا في إنتظارك
| |
|
|
|
|
|
|
|
|
 Re: يا ود الصايم ... نسأل عنك لا هدأت جراح العمر (Re: Yassir Tayfour)
|
يعني تغيبي تغيبي
و تجي ....داخلة شمــــــــــــــال!!!
اول شئ..
تقدمي اعتذار للغياب الطويل...
وثانيا عليك ملاحق...في بوستات كتيرة منتظرة منك طلة وتعليق..
اخبارك و كل سنة و انت طيبة
والسنة الجديدة ربنا يحقق كل الامنيات
ويجعلها سعيدة عليك و علي الاسرة
______
لو ما ظهرتي الليلة...
كنت ناوي اعمل ليك بوست زي ده كده....
لك و لي ود الصائم احترامي و تقديري
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: فايزودالقاضي)
|
Quote: لو داير ليك هارون أخو ببقى ليك هارون أخو لحين عودة هارون
في دردقة أكتر من كدا؟ |
لا وربي ... تلك هي قمة الدردقة ... إنتي ذاتك كنت لابدة وين؟؟ يبدو ان هذا البوست من باب الهجوم خير وسيلة للدفاع.
يلا يا ود الصايم حا تلقى دردقة أكتر من كده فين!!!
يا هدير كل سنة إنت وود الصايم بألف خير.
تحياتي
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: haroon diyab)
|
Quote: اصيلة يا تفيدة
هو كسير التلج دا الا يدينا الرزاز ؟
--------------
كل سنة و انت طيبة |
قيقراوي يا أصيل
عام سعيد عليك وعلى الأسرة وربنا يديكم العافية
يا قيقر بيت الشعر يبدأ بي:
أسأل عنك لا هدأت جراح العمر
قمنا خفنا من جنس دا وكتبنا البوست بصيغة الجمع خوفآ
منكم ومن أي حكومات محلية .. أو إقليمية (إن وجدت)
برضو يا أصيل إعتبرته كسير تلج؟!
مودتي وإحترامي
______
يا ود الصايم المنبر دا كلو يلاهي بيك
ليه كدا يعني؟؟
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: Hadeer Alzain)
|
Quote: إنت ذاتك وين يا هديرنا !
كل سنة وإنت طيبة وكل الأماني محُققة..
____
بالمناسبة ود الصايِّم ده منو؟ ومالو؟ ووين؟ |
ياسر طيفور كيفك ياخ؟
عام سعيد عليك ونشوفكم جوز السنة دي يا رب
تفقدك العافية .. والله يا ياسرنا شغلتنا أبحاثنا وأهلونا
قلت لي ود الصايم دا منو؟!!!
ودالصايم دا اللي كان في السودان
ود الصايم الراقل الحبوب العامل فيها دلوأتي تيئيل وعاوز بأه يشوف
حب القماهير قام كدا أهو إختفى عن الأنظار .. وكمان آال ما راح يقيش
إلا وفي دراعو هارون أخوه .. أصلآ هو ما بحبش العزف المنفرد يا حبة عيني
بعدين بأه الحكومة مصعباها أوي اليومين دول .. وإنت عارف كدا كويس
سرنا كثيرآ مرورك يا زعيم مدرسة المشاغبين
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: Hadeer Alzain)
|
Quote: يعني تغيبي تغيبي
و تجي ....داخلة شمــــــــــــــال!!!
اول شئ..
تقدمي اعتذار للغياب الطويل...
وثانيا عليك ملاحق...في بوستات كتيرة منتظرة منك طلة وتعليق..
اخبارك و كل سنة و انت طيبة
والسنة الجديدة ربنا يحقق كل الامنيات
ويجعلها سعيدة عليك و علي الاسرة
______
لو ما ظهرتي الليلة...
كنت ناوي اعمل ليك بوست زي ده كده.... |
أخي العزيز هواري
أولآ وقبل السلام نقدم لكم إعتذار طويل لغيابنا المبرر
ثانيآ إمتحنا جميع الملاحق وجبنا باص
تالتآ أخبارنا تمام مع الجري .. غايتو ربنا يدي العافية
سنة سعيدة عليك وربنا يحقق أمنياتك .. والسنة دي حا أشيل
مفراكتي وأحوم عليكم واحد واحد لحدي ما تعرسو وتجونا رافعين شعار
لا للعزوبية والوحدة .. نعم للهموم المشتركة
تسأل عنك العافية ياخ
ونفرح بيك قريب كدا يا رب
والتحية لك ولود الصايم
| |
|
|
|
|
|
|
|
|
 Re: يا ود الصايم ... نسأل عنك لا هدأت جراح العمر (Re: Hadeer Alzain)
|
Quote: كل سنة وانت طيبة يا هدير,,,, حباب ود الصايم وان شاء الله ما يطول غيابه.
ما أظنه زعلان يا هدير لانه قلبه طيب,,,لكن بكون تقل في الشربوت شويه |
الأستاذ المحترم سيف الدولة
وإنت طيب وبخير وعافيتين
الشربوت الفي العيد دااااااك؟!!!! .. لا ياخ ما أظن
معك نناشد ود الصيام بألا يطول الغياب
تشكر على الدعم والمؤازة يا أستاذ
مع التقدير والإحترام
| |
|
|
|
|
|
|
|
|
 Re: يا ود الصايم ... نسأل عنك لا هدأت جراح العمر (Re: Hadeer Alzain)
|
Quote: لا وربي ... تلك هي قمة الدردقة ... إنتي ذاتك كنت لابدة وين؟؟ يبدو ان هذا
البوست من باب الهجوم خير وسيلة للدفاع.
يلا يا ود الصايم حا تلقى دردقة أكتر من كده فين!!!
يا هدير كل سنة إنت وود الصايم بألف خير.
تحياتي |
الأخ العزيز محمد هارون
أيامك كلها أعياد وأفراح يا رب وعام سعيد عليك والأسرة
والله بس كنت مشغولة شوية مع بعض امور العملية والحياتية
تسأل عنك العافية يا رب وتابعت من على البعد رحلتك الكرسمسية
ويا لها من رحلة!!
ود الصايم ربنا يدي العافية خلاني أدردق وأكسر في التلج
آخر عمري .. لووووول
لك إحترامي وتقديري أخي
وما عدمناك
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: haroon diyab)
|
Quote: يغيب شنو يااستاذة
ياهو ده قااااااااعد
يكسر التلج في بوستات بكري
والدليل.....
Re: رجاء مهم
كل سنة وانتي طيبة |
هارون دياب سلامات ..
وعام سعيد .. وكل سنة إنت والأسرة بخير وعافية
طلعت خطير ومتابع أكتر مني
قلت لي كان حاييم بجاي قبل يومين مع الريس في أماكن منبرية سرية ؟؟؟!! 
يعني تلجي دا مكسراهو ساي على الرهاب .. لووووول
على العموم ربنا يطمنك
وتسلم على المؤازرة وما عدمناك
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: Hadeer Alzain)
|
Quote: فعلا يا هدير اختي الزول ده عملها ظاااااهرة , اهميات وكده ..
معا لعودة القفشات والابتسامات للمنبر |
يا حاج العوض
يا قدم الخير ووش الخير شوفتا جيتك جابت زولنا الرايح !
والريس الكبير ما قصر أطلق سراح كل المربوطين بما فيهم هارون أخيه
له جزيل الشكر والتقدير
ويا حاج العوض ما تسمع لي كلام الضلاليين ديلك فيما يختص بعلاج البرد 
أبقى بس على اللبن الدافئ شديد ويا حبذا لو خلطتو بشوية عسل نحل.
وربنا يردكم سالمين غانمين للوطن من التلوج العجيبة دي.
أوصيك يا ريس ما تنسى اللبن بالعسل
إحتراماتي ..
| |
|
|
|
|
|
|
|
|
 Re: يا ود الصايم ... نسأل عنك لا هدأت جراح العمر (Re: Hadeer Alzain)
|
Quote:
تسلمي يا هدير!
تسلمي شديد والله
هسي جراحات العمر دا الجرّحو منو باللاي!
ما كان كويس لحدي ما خليتو في نهاية ألفين وتسعة؟ |
ود الصايم
مرحب بطلتك الضاحكة البهية .. وجيدآ جيت
وربنا يرد غربتنا كلنا قريب إنشاءالله ..
جراحات العمر دي القصيدة الجميلة ما أنا
نحنا من كترة الهم والجراح أصبحنا لا نشعر ولا نحس
تحياتنا للأسرة ونأسف لأي إزعاج لربما سببناه لك
وأبشرك
هارون أخيك قد عاد! .. حمدالله على سلامتو
نورتا المنبر ..
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: نادية عثمان)
|
Quote: حمودي ؟
إنت جيت ؟
بركة الجيت بركة الجيت !
شكراً هدير العزيزة
|
ندويتنا الغالية
يا سلاااام
وأنا أقول البوست دا بقى يضج بالطاقة الموجبة والجمال كدا مالو ؟؟؟؟؟!!
تمي لينا باقي الأغنية دي ياخ
وتمي ونستك الحلوة دي مع ود الصايم دا
وشرفتينا والله يا طيبة الأخلاق
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: وجن)
|
Quote: . والسنة دي حا أشيل
مفراكتي وأحوم عليكم واحد واحد لحدي ما تعرسو وتجونا رافعين شعار
لا للعزوبية والوحدة .. نعم للهموم المشتركة |
الكريمة والعزيزة...هدير
بركة الطليتي و جيتنا راجعة ..
والسنة الجديدة مبروكة ....
أها المفراكة دي كدي ابدي بيها
من البيت.....ههههههههههههههههههه
اخوي الكاشف داااااااك....حيدر ود الزين ....الزول الزين
وبعدين لفي علي الباقين....
يلا و ربنا يحقق الامنيات جميعا...
ويسمعك منك ربنا...
تحياتي و احترامي....
| |
|
|
|
|
|
|
|
|
 Re: يا ود الصايم ... نسأل عنك لا هدأت جراح العمر (Re: هواري نمر)
|
Quote: أها المفراكة دي كدي ابدي بيها
من البيت.....ههههههههههههههههههه |
هواري يا أخوي العزيز
دا ما البيت الكبير وكلكم أخوان في الحد السوا
المشروع المفراكة يتكون من خطوبة وعقد وعرس وحفلة كللللو في يوم واحد (رأفة بكم)
والعروس لو شغالة تجيب شيلتها براها لكن الدهب منكم ... لوووول
أهلنا قالو الراجل لو لقى العرس ساهل بعملا تاني وتالت
دا البجيب الضغط الشديد عليكم من العروس وأهلها
فعشان كدا قدمو ضمانات في الأول وندخلكم عرس المفراكة دا
قلت شنو؟ نختك أول اللستة؟
سلامي لك
| |
|
|
|
|
|
|
|
|
|
Re: يا ود الصايم ... نسأل عنك لا هدأت جراح العمر (Re: وجن)
|
Quote: إزيك ياهدير
عام سعيد
ياستي تعالي النوشوشك الزول دا عمل ليه حيطة بهناك رش الحوش وقشاه وقال باي باي حوش بكري
كل زول بحيطه بتاعو لكن على منو الاما نبقى جيرانو نخلي ليك يجري جري ويبيع الوراه والقدامه ويجي راجع بجاي
يدينا حقنا من الفرفشه
دمتم بخير وتحياتنا يا ود الصائم |
وجن العسولة أم البنوتة العسولة
كل سنة وإنتي طيبة وأسرتك ترفل في صحة ونعيم
أتاري عامل ليهو برندة بيغادي؟ والله أنا فكرت أعمل نداء في المنبر
لمستخدمي الشي داك يشوفوه لو باني بهناك .. تاني غيرت صيغة النداء لهذا.
غايتو الحمدلله صالحنا بيجاي وظهر!
تسلمى والله على الزيارة المقدرة ونجيك في السمح
وتحياتي وحبي لصغيرتك الحلوة ... ماشاءالله عليها
| |
|
|
|
|
|
|
| |
Hadeer Alzain
فايزودالقاضي
طارق جبريل
قيقراوي
Yassir Tayfour
هواري نمر
سيف الدولة كامل
Mohammed Haroun
haroon diyab
العوض المسلمي
محمد عبد الماجد الصايم
Adam D.El-Asha
وجن
saadeldin abdelrahman
محمد يوسف الزين
فيس بوك
تويتر
انستقرام
يوتيوب
بنتيريست