دعواتكم لزميلنا المفكر د.الباقر العفيف بالشفاء العاجل
|
|
 هوووووي ها .. بـدُور أتـلوتر!!
|
عارف تمام إنو حظي زي الزول الكبو ليهو الدقيق في الشوكـ
يوم الهبوب قايم داكـ .. لكن غايتو السنة دي قررنا إننا نتلوتر .. أي نعم!!
_
شوف يا الخير محمد عوض يا عمكـ
أنا ما بعارف أي حاجة ولا داير أعمل أي حاجة
تقول لي رسل كـدا وكـدا وكـدا .. وتعمل الداير
تعملوا .. إن شاء الله تقدم لينا عُمرة وزوغة زاتو!!
قروش ما عندي .. نهي!
يعني تقدم لي بقروشكـ بعدين نتحاسب!
يا أكلنا بيتزا في واشنقطون على حسابي
يا كمان أكلنا بوش في الحاج يوسف على حسابي برضو
* ركزنا على أخونا الخير لأنو قادينا كل سنة اللوتري اللوتري
أها يا عمكـ .. جاتكـ الفرصة يا جبت لينا اللوتري دا
يا كمان من السنة الجاية تقد سلكـ البورض دا وتبلع من سكات
فـ أدونا النجيضة باركـ الله فيكم!!
|
|
 
|
|
|
|
|
|
|
 Re: هوووووي ها .. بـدُور أتـلوتر!! (Re: عفاف الصادق بابكر)
|
الموضوع ده لو فيه غسيل صحون وشغل سكيورتي وتعبئة في المصانع وتحرس العجايز وتسرح القطط احسن ليك ارخيه
وتمشي تاااااني زي هنوف 51 تقعد تخش كلاسات انجليزي من الـ كي جي 1
خليك مع خادم الحرمين الشريفين،لامن يجي يقول ليكم ده آخر ريال في البلد دي ويخته في جيبه
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: GamarBoBa)
|
بوبا يا عمكـ .. ما شايفنا سألنا من الولفير في الأول!
ياخ الشغل أصلوا ما فيهو مشكلة .. بعدين الأشغال القلتها
دي حقت ناس عُمرة وزوغة .. نحن ماشين لوتري يا عمكـ
يعني تعمل حمد لبد كم سنة كـدا وتجي متجارخ بالباسبورط الأمريكي!!
وتاااااني تجي داقش الخليج العربي
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: طارق جبريل)
|
| Quote: على الاقل الواحد يزورك انت وخالي علي ابو دية في مشوار واحد في العيد |
عليكم الله عاينو زي دا!
هياااا طلبة .. يعني أسيب ليكـ اللوتري والإسنو والولفير
وأمش أقعد في الحاج يوسف عشان تجي تزورني في العيد!!
ياخ أفرض زرتني .. أها وبعد داكـ حصل شنو!!
يا زول قوم لف!!
_
جهّزت الأمور للعيد؟
حاسي بيكـ ح تنط!!
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: محمد عبد الماجد الصايم)
|
ود الصايم
شــــنو يا حبه أشـــوف لي زميل غيرك ولا شــنو؟
عــارف يا عمكــ زمان لما كان اللوتري دا ليهو شنه ورنه
عندي جــاري اسمو الخير الله يطراهو بالخير من ناس بيت المال
المهم الوقت داك انا في الجامعة ما اتخرجته قال يا اللمين يــاااخ عايز تقرأ الكلام دا وتعبي الفورم دا عايز أقــدم للوتري
أها بعد قراية الشروط قلت ليهو يا الخير الناس ديل قالوا لازم يكون عندك شهادة سودانية أو خبرة عمليه
قال لي : طيب أنا ما عنــدي خبرة.
قلت ليهو خبرتك شـــنو ؟
قال لي : يا الامين انا لي 20 سنة شغال زبــال بزبل في البيوت دي (زمن بيوت الجالوص)
| Quote: الموضوع ده لو فيه غسيل صحون وشغل سكيورتي وتعبئة في المصانع وتحرس العجايز وتسرح القطط احسن ليك ارخيه |
ديــل ساهلات والله يا بــوبــا
انا خايف يقولوا ليهو خـــري الكلـــب دا كل يوم
أصلوا الكــلاب ديل أولاد كلـــب ما يخــروا إلا الســـاعة 3 صباحاً
عــارف اللوتري دا أنا قنعته منو لي زي 10 سنوات بقدم ليهم وما شالوني
التقول قالوا ليهم اسامة بن لادن دا خالي
عشـــان كدا وللضمان لو في واحـــدة أمريكية دايره ليها عريس نحن حاضـــرين تب
الله يعدل طريقك
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: محمد عبد الماجد الصايم)
|
ود الصايم
أخوك ما عنده أي حيل للسفر عبر المحيطات
ياخي السودان القريب دا بقى لينا صعب
زمان لمن كنا شباب في أخريات القرن الماضي قدمنا للوتري وحظنا طلع ضارب (زي الزبادي )
عموما أنصحك بالانتظار حتى العام القادم
عسى ولعل دولة جنوب السودان تفتح لينا باب هجرة ونمشي نسكن جوبا
ونشتغل معاهم خبراء أجانب
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: جعفر محي الدين)
|
لا حولااااااااااااا يا ود الصايم
والله اخوك قلبو دقا ادييييييييييييل كدا
وحصل لي توتر اسفيري ما انزل الله به من سلطان هههههههه
والله والله يا ود الصايم بكتب ليك هسي في المداخلة دي وما
عارف زاتو اللوتري فتح وللا لسا لكن ليك علي امشي من دربي
دا اشوف الموضوع الموضوع دا وليك علي برضو انك تكون في
اول قائمة المقدمين .... واللع يا ود الصايم عندي احساس قوي
انك حا تكون من الموفقين في الموضوع دا وربنا يسهل بس
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: سيف الدولة كامل)
|
Quote: عموما أنصحك بالانتظار حتى العام القادم
عسى ولعل دولة جنوب السودان تفتح لينا باب هجرة ونمشي نسكن جوبا
ونشتغل معاهم خبراء أجانب |
عمنا جعفر .. العام القادم شنو ياخ!
دا تقديم اللوتري بتاع 2012 يا عمكـ
يعني لحدي ما تخلص أوراقكـ ولو ضربت معاكـ
زاتو لحدي ما تفيّز وتصل هناكـ تكون بقت 2017!
الوقت داكـ ناس الجنوب يكونوا بدوا (جنوبة) الوظائف
تسلم ياخ!
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: سيف الدولة كامل)
|
Quote: والله يا ود الصايم عندي احساس قوي انك حا تكون
من الموفقين في الموضوع دا وربنا يسهل بس |
أوووو .. أبشروا بالخير جا ـ زي ما قلت
غايتو ربنا يخلي لينا إحساسكـ دا يا عمكـ!
تصدق أنا قدر ما قالوا لي قدّم أبيت كل ليهم جلونا
من الموضوع دا .. والجانب المتأمركـ من العائلة عاملين
لي سافوتة في راسي .. غايتو النجرّب!
غايتو لو ضربت يا عمكـ .. بجيب ليكـ معاي
شربوت أصلي وارد الشمالية مدفون من العيد الفات
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: الخير محمد عوض)
|
| Quote: علما بأن المذكور أعلاه عندو أقارب من الدرجة الأولى متكندين!! |
سلامات يا ود الصايم
دا يعتمد على الولاية المقيمين فيها الأقارب من الدرجة الأولى ديل. بعض الولايات لها نظام هجرة خاص و يفيدك فيه جدا أن يكون لديك أقارب من الدرجة الأولى مقيمين في الولاية (زي ولايتنا ساسكاتشوان). إجراءات الهجرة لكندا واضحة جدا لكن عيبها الوحيد دايرة ليها زول روحه طويلة.
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: Rawia)
|
| Quote: كما نرجو توضيح طريقة الحصول على الولفير ـ أو أي كان اسمه!! |
داخل داقي سدري عشان أساعد لقيتك بتدور تتولفر!
ما تنسى يا صايم عندك فرصة تدخل بسهمين
فورم باسمك وتضيف المدام والكتاكيت
والتاني باسم المدام وتضيفك مع الكتاكيت
بس خلي بالك قانون اللوتري بيشترط إنو حليفة (علي الطلاق) تكون لصاحب الفورم الفايز أياً كان نوعه،
دازنت مارا رجلُ كان أم مرة
استلم الصور وجلي حنانو يا خيركو، المان دا داخل على طمع
شغال بنظرية قام من سريرو لقى ولفيرو
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: Ashraf el-Halabi)
|
سلام ود الصايم
امشي استديو النيل في شارع الجمهورية معاك المدام والاولاد
واطلب منهم صور لوتري ( او صور الفيزا الامريكية) ده احسن استديو بعرف المواصفات
وشيل الصور منهم في فلاش او سي دي
وارسلها لي في الايميل ومعاها المعلومات الاتية
الاسم بالكامل وتاريخ ومكان الميلاد لجميع افراد الاسرة
وعدد سنوات التعليم ومراحل التعليم لكل فرد
email : [email protected]
good luck
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: Manal Mohamed Ali)
|
فايت مروح وين ما لسه الوقت بدري
تشتري علينا لستر أصلي؟؟؟
ياخ طفرت الدموع في عيني
و دخلتني في خلوة مع نفسي بالله لمن الشاي برد
قالك وطن حدادي مدادي
و ورؤيتنا صقرية
ربنا يوفقك حمودي انت واسرتك وكل البيحبوك معانا
أو براهم ... ربنا يجبر بخاطرك ويديك الفي مرادك
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: osman righeem)
|
| Quote: دا يعتمد على الولاية المقيمين فيها الأقارب من الدرجة الأولى ديل |
العوض يا عمكـ
جماعتنا تورنتاب
| Quote: إجراءات الهجرة لكندا واضحة جدا لكن عيبها الوحيد دايرة ليها زول روحه طويلة |
يا عمكـ نحن مشكلتنا، أو مشكلتي أنا بالذات، مع حصلت سألت
إجراءات الهجرة المطلوبة شنو، بشوف إعلانات الهجرة لكندا دي
كتير لكن أغلبها تتصل يقولوا ليكـ أهم حاجة يكون عندكـ رأسمال!
ياخ أنا لو عندي رأسمال ما أمش ابني بيت الحاج يوسف دا وانتهينا!!
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: osman righeem)
|
Quote: ركز يا ودالصايم
بالطريقة دي الشافك في الحاج يوسف ما كضب |
أبو شوارب يا عمكـ .. ما ياهو دا التركيز زاتو!
في الاستمارة بتاعت امتحان المتوسط مش بتكتب تلاتة رغبات!
أها نحن ما دام نوينا الهجرة الجد جد يبقى
نكتب الخيارات كلها .. يا خابت يا خابت
وما نيل المطالب بالتمني
ولكن تطلب اللوترة بالبوستات!!
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: osman righeem)
|
Quote: أنا إشتغلت خمسة سنين في الولفير دا
ماعندك اي مشكلة بزبطو ليك تمام التمام |
رايوة
يا سلام ياخ .. أموت أنا في الشغل العملي دا!
أهو كـدا خلصنا 70 % من الموضوع
خلصنا الكتير وباقي القليل .. وكـدا!
غايتو لو اللوتري ضرب في كمية ناس ح تدقس معاي!!
_
كيف الوالدة إن شاء الله بلغت العافية
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: osman righeem)
|
Quote: ما تنسى يا صايم عندك فرصة تدخل بسهمين
فورم باسمك وتضيف المدام والكتاكيت
والتاني باسم المدام وتضيفك مع الكتاكيت |
أيوااا يا حلبي .. هنا في سؤال مهم جدن جدن!!
الفورم دا بشمل العائلة بس؟ يعني المرة والبنات بس
ولّ ممكن أضيف أمي وأخواتي في الموضوع دا؟
بالمناسبة .. الولفير دا حاجة كعبة ولّ شنو؟
Quote: قانون اللوتري بيشترط إنو حليفة (علي الطلاق)
تكون لصاحب الفورم الفايز أياً كان نوعه |
هاع هاع هاع هاع .. كان بدقس ليهم!!
التقول عارفين إنو المدام ما لاقية طريقة تتخارج مني!
_
بعد كتبت (المرة) اتذكرت واحدة أختنا شاكلتني في التلفون
وقالت لي تاني ما تقول (المرة) .. قول (المدام) أو (أم روان)!!
ياخ أم روان لما تكون دايرة تبدأ أي خرخرة
أول حاجة بتقولا (هووووي .. يا راجل هووي)
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: osman righeem)
|
Quote: امشي استديو النيل في شارع الجمهورية معاك المدام والاولاد
واطلب منهم صور لوتري ( او صور الفيزا الامريكية) ده احسن استديو بعرف المواصفات
|
يا سلاااام يا منال ياخ!
خطوة عملية في طريق التقدم للوترية!
بس كمان قصة ستوديو النيل دي صعبة بالحيل ياخ!
أقوم أسوق العيال وطيارة ماشة وطيارة جاية عشان صور اللوتري!!
أنا في السعودية (بنين) ياخ!!
بمناسبة السعودية بنين دي، طبعا هنا التقديم للسفارة الأمريكية أو الكندية
بطلبوا منكـ التصوير في ستوديوهات معينة، عاملين معاهم اتفاقية عديل كـدا
وطبعا على حس الكلام دا الاستويو بعمل ليكـ الصور بقيمة مضاعفة 1500 %!!
شكرا يا منال .. الصور والمعلومات تصلكـ عن قريب جدا
_
بالمناسبة .. سؤال تاني: التقديم دا مفروض يكون مرّة واحدة
ولّ ممكن أقدم عن طريق كمية محلات والتضرب تضرب والباقي يجلي؟
يعني لو قدمت في اللوتري الواحد أكتر من مرة بحصل شنو؟
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: osman righeem)
|
| Quote: فايت مروح وين ما لسه الوقت بدري |
أبو رغيم يا عمكـ
بدري من عمكـ ياخ .. كفاية 20 سنة سعودية بنين!
أهو ما دام الواحد مغترب مغترب .. نمش الاغتراب الجد
عشان الواحد يشبكم ما عندي كيبورض عربي .. دايرين نجرب
قصة الكلكات والتعقيب بالإنجليزي ياخ!!
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: معاوية المدير)
|
Quote: عارف تمام إنو حظي زي الزول الكبو ليهو الدقيق في الشوكـ
يوم الهبوب قايم داكـ . |
طيّب يا عمّك،
وكت إنت عارف نفسك كُج متبهدل، ومبهدل
معاك الناس لشنو؟ ما تهبط قبلك...
حاول تفتح بوست تاني.
بكرة يوم الخور العالمي...
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: معاوية المدير)
|
| Quote: وماتقول لى ماشى اريزونا وسيد الحوش وشنو شنو.. |
يا كمنضدان .. أخباركـ ياخ!
بعدين إت قايل أخوكـ بدقس؟
أريزونا دي ما مشكلتا سيد الحوش!
المشكلة في الزول المجهجه باكات سيد الحوش زاتو!
أول حرف من اسمو صديق مهدي
غايتو لو ضربت .. ح نشوف التصرف بعد داكـ
لكن في الغالب ح نعتمد على الزول الـ ح يرسل
لينا التذكرة نتخارج عليهو طوالي
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: معاوية المدير)
|
Quote: وكت إنت عارف نفسك كُج متبهدل، ومبهدل
معاك الناس لشنو؟ ما تهبط قبلك |
ود المدير .. الأرضة جرّبت الحجر ياخ!
بعدين المدام كل شوية دايرة تسافر لأمها
دايرين نوديها بلاد الجليد ديكـ عشان كل
تفكيرها يكون منحصر حول (البرد دا مالو شديد كـدا)!
| Quote: بكرة يوم الخور العالمي... |
ماف أي هنت؟ إن شاء الله حذف إجابتين؟
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: Ali Sirelkhatim)
|
كللللل الاحباب والاصدقاء ابشروا (بالخير) اللي هو انا
وعوجة تب مافي باذن الله....اما فيما يتعلق بهذه المناسبة
فلدينا وصية صغمبوتية كدا لمن لا يدي وهي انك بعدما تقدم
تطنش الموضوع وتعمل فيها نظام ما هاميك وانو حظك عاثر ونظام
غايتو نحن عملنا العينا لكن انا عاااااارفو ما بجيني وكدا
اييييي زول اخد الوصفة دي جاهو اخونا اللوتري دا واي واحد
ببلع ليهو حبوب شفقة نفيسة دا من هسي ينسى الفكرة.
اقول قولي هذا واعلن لكم مبدئيا ان التقديم لهذا اللوتري
سيبدا في ظهيرة خمسة اكتوبر وساخصص البوست السنوي للمساعدة
في نشر الفائدة العامة للاعضاء والقراء.
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: الخير محمد عوض)
|
يا معاوية ياخ ود الصايم دا الله مسهل حب الناس ليهو
ما يسهل ليهو اللوتري !!! يا مان دا زول مبروك كان
هسي فتح ليهو بوست واحد بس قال يا جماعة محتاجين دعوات
والله دعوات احبابو ساي توديهو البيت الابيض توووووووش
بتلعب انت
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: الخير محمد عوض)
|
Quote: اقول قولي هذا واعلن لكم مبدئيا ان التقديم لهذا اللوتري
سيبدا في ظهيرة خمسة اكتوبر وساخصص البوست السنوي للمساعدة
في نشر الفائدة العامة للاعضاء والقراء. |
أبشروا بالخير .. أو كمال قال
الخير يا عمكـ .. حبابكـ ألف ياخ!
شنو يعني إلا الواحد يبلغ عنكـ ناس المطافي
من ناحية ما هاميهو دي .. فأخوكـ ما هاميهو بالحيل!
غايتو أهـو الواحد يجرب حظو وانتهى الموضوع عشان بعدين
ما نقعد في خرخرة والواحد لو كان قدم أيام شبابو
_
يا عمكـ .. في أسئلة مهمة فوق دايرة إجابات!!
| Quote: والله دعوات احبابو ساي توديهو البيت الابيض توووووووش |
يا زول ها .. كلام ساي
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: ALZOLZATOO)
|
| Quote: تجينا فى ولاية نبو بورك |
لو فزت واخترت ولاية ناس علي دي أنصحك تشيل معاك شوالين يايات
وإلا حا تبقى (ود الصابم)
كمان ما تنسى تجيب فافات مع كاكاتك
بصباع أمير تركب الفا على الكاك علي اليمين تدخل السيستم في شهرين
فكـــاااك
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: Ashraf el-Halabi)
|
| Quote: اخوك ياخي عندو ماستر في التقديم لكن مافي حظ انا بقدم من زمن كان الطلب ورقة صغيرة كنا بنشيل الشروط من باب السفارة الامريكية في الخرطوم اها من الزمن داك مرة جربنا عن طريق المكاتب بي قروش وباقي المرات مجاني لكن الحظ ماضرب لسع |
زاتو .. بتبالغ يا عمكـ
شنو لسع ما ضرب دي .. إت داير تقدم تاني!
ياخ أنا لو من الأمريكان ديل أجيب ليكـ الجواز لحدي البيت!!
عذبتهم ياخ!!!
بمناسبة الحبشي دي .. مرة لقيت إعلان الهجرة دا مدقوق
في حتة كـدا وكاتبين سجل اسمكـ ورقم التلفون والإيميل
يا عمكـ الجماعة قاموا ليكـ فيني تلفونات كل يوم ضاربين
أدينا رقم الفيزا عشان نعمل ليكـ الطلب .. ياخ فيزا!!
قلت ليهم رسلوا لي فيزا في الأول بديكم كرت الفيزا زاتو!!
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: ALZOLZATOO)
|
في اللينتظار
تعرف يومداك مشيت لي دكان بتاع جماعة سيخ، لزوم العدس وبعض السلع النافقة.
جو شبان أمريكان (بريئين جدا) شايلين شيشتهم معاهم وفي منتهى الوداعة
سألوا سيد الدكان:
الداهية دي بتشتغل كيف؟!
أها كان وصلت يا صايم ما بتغلب حيلة
الـ (ديمو) بالشي الفلاني
والشيشة من عند الزبون...
زي ماقالوا واحد من مواطنينكم الهناك عاوز يشكر ويعلي من شأن دكتور فحيص قيل أنه سوداني
فقال عنه مخاطبا رفيقا له:
رجل طيب والله يفحصلك (الكاكا) زين
والعينة كمان من عندا..
أو كما جرى عليه لسان العربان من تالاكم
والعهدة على الراوي
رحم الله الكباريت.
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: Ahmed Elmardi)
|
Quote: امشي استديو النيل في شارع الجمهورية معاك المدام والاولاد
واطلب منهم صور لوتري ( او صور الفيزا الامريكية) ده احسن استديو بعرف المواصفات
وشيل الصور منهم في فلاش او سي دي
وارسلها لي في الايميل ومعاها المعلومات الاتية
الاسم بالكامل وتاريخ ومكان الميلاد لجميع افراد الاسرة
وعدد سنوات التعليم ومراحل التعليم لكل فرد |
البوست دا فتح نفسى للتقديم للوترى لاول مرة
الا اشوف حظى مع ود الصايم بطلع كيف
بعدين يامنال الخدمات دى لود الصايم براهووووووووووو لى
| |
|
|
|
|
|
|
|
|
 Re: هوووووي ها .. بـدُور أتـلوتر!! (Re: نجاة محمد بابكر)
|
انت يا ولدنا قلنا ليك كوس لينا شغل عندكم ..
جاي داخل للازمة الاقتصادية دي بي راسك..
احسن زول اداك نصيحة يا هو قمر بوبا دا..
بس نسى يكلمك انو البور دا ما حتشوفو الا مرة في الاسبوع ولمد ساعتين ثلاثة بالكتير..
وقصاد كل دولار يدوك ليهو بشيلو منك ربع كيلو لحمة صافي من غير شحم وعروق ودم.. اضرب الكبسة بي ايدينك الاتنين واستعد..
بعدين تعال قول انا ماكلمتك:)
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: حسين نوباتيا)
|
أووو أحمد المرضي يا عمكـ
غايتو لو ضربت ناس فيلي ديل تعبو معاي!!!
اتذكرت قصة يوم المعسل في البيت خلص قلت
للشباب داير لي معسل، قالوا لي يلا نمش دكان العرب
قلت ليهم الله .. العرب ديل وصلوا هنا وعملوا دكاكين كمان!
وماشي على الفكرة دي لحدي ما وصلت الدكان اشترينا وطالعين
عاينت الجماعة كلهم لبنانيين .. سألت أصحابي (وين العرب)
.. طبعا بضحكوا فيها لحدي الليلة!!
Quote: رجل طيب والله يفحصلك (الكاكا) زين
والعينة كمان من عندا |
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: حسين نوباتيا)
|
| Quote: بعدين تعال قول انا ماكلمتك:) |
حسين يا عمكـ
أيواااا .. بعد ما ضربت التراطيب
لا لا يا عمكـ .. دايرين نشوف بعينا ياخ!
ذكرتني قصة شبابنا في السودان والفيز للسعودية
أصلوا الواحد ما يقتنع كلو كلو .. داير يجي السعودية بس!
تقول ليهو البلد ببح .. يقول ليكـ قاعدين تعملوا في شنو!!
أها .. إنتو قاعدين تعملوا في شنو
| |
|
|
|
|
|
|
|
|
|
|
Re: هوووووي ها .. بـدُور أتـلوتر!! (Re: ابراهيم الرشيد عبدالرحمن وراق)
|
Quote: اها يا غالي من كايس للولفير تعال كندا!!
واتحمل معانا البرد. |
أوووو ترجرج!
برد شنو ياخ .. والله تشوفي السخانة عندنا هنا فوق 55 درجة!
تحمدي الله على البرد بتاعكم .. مسحوا فازلينكم ساي وأقعدوا
الجو البارد دا متعة والله!
إن شاء الله سالب مليون زاتو!!
أها ولفير كندا دا سمح بالحيل كـدا؟
_
سلامتكـ من الأزمة ياخ .. أزمة البلد براها كفاية!!
| |
|
|
|
|
|
|
|
|
|
Re: هوووووي ها .. بـدُور أتـلوتر!! (Re: ابراهيم الرشيد عبدالرحمن وراق)
|
Quote: والله السنة دى كلنا ناوين السودان ظروفه بقت ما مضمونة
وكان الله اراد نتقابل هناك وكل مصاريف الشيشة على حسابى |
أوو سعادتكـ إبراهيم الرشيد
غايتو لقيتكـ طماع خلاس .. يعني قدرنا نكسب
اللوتري أنا وإنت الاتنين ونصل بلاد الحلم الأمريكي
ونقعد نفتش في الشيشة
غايتو أنا من دربي دا لو لوتروني
مخدرات بس
| |
|
|
|
|
|
|
|
| |
محمد عبد الماجد الصايم
داليا الكباشى
عفاف الصادق بابكر
Maawya Hussein
GamarBoBa
خضر حسين خليل
أميرة فاروق عبد العال
يسرى معتصم
طارق جبريل
الامين موسى البشاري
مرتضى احمد عبد القادر
عبدالفتاح أبوشيمة
جعفر محي الدين
الخير محمد عوض
سيف الدولة كامل
محمد البشرى الخضر
Elawad
Rawia
osman righeem
Ali Sirelkhatim
معاوية المدير
ALZOLZATOO
Ahmed Elmardi
نجاة محمد بابكر
حسين نوباتيا
Osman Musa
بكري عباس علي
Tragie Mustafa
إدريس محمد إبراهيم
أمير فتحي
خالد عبد الحليم سعيد
سمندلاوى
فيس بوك
تويتر
انستقرام
يوتيوب
بنتيريست