|
|
|
 Re: المشكلة الكُبرى في حال فــوز صلاح إدريس برئاسة اتحاد كرة القدم!! (Re: محمد عبد الماجد الصايم)
|
Quote: ياخ نحن شعب مغلوب على أمرنا
البمسكـ ليهو كرسي أصلوا ماف
|
نحن شعب ملول عايزين التغيير على طول
بصراحة صلاح إدريس رغم معاركه الكثيرة
وما يقال عن إنفراده بالأمر في الهلال
وتطفيشه للكثيرين الحادبين على مصلحة الهلال
ولكن الهلال في عهدة شهد إستقرار نسبي
ومع حدوث كبوات بسيطة لكن سرعان ما ينهض منها الفريق
صفقات المحترفين معظمها ناجحة جداً رغم عدم
ومع أن حواء الهلال والدة .. ولكن لا أعتقد
أن في الساحة ( حالياً ) من هو بمقدرة صلاح الإدارية
مالياً قد تلقى الكثيرين ولكن لا يملكون فكر إداري
وتعامل واقعي مثل صلاح إدريس
غايتو كان صلاح إدريس بينط لينا فيها الكاردينال
ويزعمط لينا الهلال .. ويلحقو الوصيف
| |
 
|
|
|
|
|
|
|
 Re: المشكلة الكُبرى في حال فــوز صلاح إدريس برئاسة اتحاد كرة القدم!! (Re: عبد اللطيف السيدح)
|
Quote: على الأقل عندو فهم وشخصية بترعب كل عباقرة
( كرة القدم) من لعيبة واداريين وتخت اى زول فى علبو |
قلقو يا عمكـ
كلام سليم .. إضافة لأنو عندو قوة إقناع شديدة جدا!
وأنا متأكد إنو الوزير زاغ منو عشان ما يقنعوا!
لكن الإنجاز شنو؟
العملوا شداد للرياضة شنو؟
ما ياهو الخلافات مع الفرق لا أكثر ولا أقل!
أكتر حاجة عجبتني فيهو موقفه من قضية تجنيس اللاعبين
كلام سليم مية مية .. مليون في المية كمان!
| |
|
|
|
|
|
|
|
|
|
Re: المشكلة الكُبرى في حال فــوز صلاح إدريس برئاسة اتحاد كرة القدم!! (Re: قلقو)
|
شوف يا ولد يا ودالصائم رغم مريخيتي
الان اني اقول ان صلاج ادريس اخطاء بترك الهلال والترشح
للاتحاد لسبب ان الهلال اكبر من كل اتحاد وان الاتحاد لا يضيف
له شيئا اكثر مما اضافه له الهلال كما ايضا لن يعطيه
كما اعطاه الهلال
الجماعة في اتحاد الكرة ديل يعرفون اصول اللعبة الانتخابية
وهم عارفين صلاح ادريس سوف يترشح وانه اي صلاح اعتمد على ان مجموعة شداد
قائمة واحدة فاذا رفضت المفوضية ترشيح شداد فاز هو بالتزكية
لكن اللعبة ان ينسحب معتصم جعفر من القائمة ليترشح لمنصب الرئاسة
منافسا لشداد مع قفل منصب نائب الرئيس وامين المال لاتحاد الخرطوم الذي كان
يقف ضد المجموعة
الامر سيكون على النحو الاتي:
* ترفض المفوضية شداد ليواجه صلاح ادريس معتصم جعفر مدعوما من اتحادات الاقاليم
وهو لاحالة ساقط
* تقبل المفوضية ترشيح شداد ويفوز شداد حسب التربيطات برضه صلاح ساقط
صاحبك لم يحسب اللعبة صاح فخسر الاثنين الهلال والاتحاد
هناك قول اخر :
ان صلاح ادريس وجد ان اسرع وافضل طريقة للمخارجة من الهلال هي هذه
لان الرجل لو قدم استقالة عادية لجرت الوساطات والاجاويد
| |
|
|
|
|
|
|
|
|
 Re: المشكلة الكُبرى في حال فــوز صلاح إدريس برئاسة اتحاد كرة القدم!! (Re: عطية المحسي)
|
Quote: الان اني اقول ان صلاج ادريس اخطاء بترك الهلال والترشح
للاتحاد لسبب ان الهلال اكبر من كل اتحاد وان الاتحاد لا يضيف
له شيئا اكثر مما اضافه له الهلال كما ايضا لن يعطيه
كما اعطاه الهلال |
عمنا بكر .. تحياتي
كـلام سليم جدا .. وتحليل ماشي على السيناريو
الح يطلع لينا بعد كم يوم .. وربّكـ يهون!
غايتو الله يحلنا من كلّ من تمسّكـ بأي كرسي!
| |
|
|
|
|
|
|
|
|
|
Re: المشكلة الكُبرى في حال فــوز صلاح إدريس برئاسة اتحاد كرة القدم!! (Re: محمد عبد الماجد الصايم)
|
ودو كماين بتاع الوهمات ..
خلاص بقيت سوبر مان المنبر
تفتي وتهرجل في أية حاجة العندك بيها علم والفهمك فيها زي فهمي للغة شعب الأسكيمو..
اتفتح بوست عن الغناء جائي ناطي تكورك وتعمل فيها السر قدور
إنفتح بوست في السياسة عملت فيها حسن مكي
إنفتح بوست عن الرياضة لبست بدلة بلاتر
اتفتح بوست عن النكت عملت فيها عادل إمام
إتا آزول ما بتتعب من المسساقة ونطيط أم الحفر دا ؟؟؟؟؟؟؟
هسع عليك الله طلحة دا متين لقيتو بتكلم في حاجة غير التيوة دي ..؟؟؟
وبعدين ياخ هي كان ما سوق طماطم اتا وود البشري تجوا تتكلموا في شداد؟؟؟؟؟؟؟؟؟
عينة هرجلتكم دي ذاتا المودية أية حاجة في السودان وراء قبة المقابر .
يللا اتكشح بلا أنا بلا وجع مفاصل معاك .
| |
|
|
|
|
|
|
|
|
|
Re: المشكلة الكُبرى في حال فــوز صلاح إدريس برئاسة اتحاد كرة القدم!! (Re: معاوية عبيد الصائم)
|
سلامات ود الصائم
طبعا العملية القام بيها صلاح ادريس دى حركات ساي داير
يشترى بيها ود كمال شداد بعد ما تيقن انه معاركو مع
شداد ماحيخرج فيها منتصر .. فصلاح عايز يعيد علاقتو بشداد
باللفة كده اول حاجة لما عايز يترشح استاذن منو تانى
حاجة لما علم انه شداد حيترشح قال ليه أنا ح انسحب ليك
تالت حاجة والاهم صلاح ادريس نزل الانتخابات فب آخر دقائق
لاعندو ليها برنامج انتخابي لامجهز ليها لا عمل اتصالات
باتحادات عشان تدعمو..اها في النهاية النبشرك
صلاح ادريس حيجي رااااجع للهلال تانى وهو الهالة اللاقيها
في الهلال ما حيلقاها لو مشي الاتحادفاحسن ليهو يقعد
في كشافات الهلال وصلاح بحب الاضواء شديد ومابيقدر علي
عيشة الضلمة..
مع تحياتى
| |
|
|
|
|
|
|
| |
محمد عبد الماجد الصايم
abuguta
عابدون محمد عابدون
السيد أحمد إبراهيم
نور الدين عثمان
قلقو
عبد اللطيف السيدح
عطية المحسي
أحمد عبدالوهاب الأحمدى
طلحة عبدالله
معاوية عبيد الصائم
معتصم مصطفي الجبلابي
Hisham Ibrahim
عبدالرحيم أبراهيم العبيد
فيس بوك
تويتر
انستقرام
يوتيوب
بنتيريست