|
Re: طلب نصائح من مربي 🐶 (Re: نعمات عماد)
|
احولك لي عماد ولدي يا نعومة معلق في كلب وانا رافض مرة جاب كلب ورجعتو بيهو مجنون كلاب . حافظهم حفظ قراية ونت ومرجع عديل تابعي ابوظبي ناشونال جيوقرافيك ونصيحتي اهدي الكلب سمعتي بي سماحة الجريوات
| |
|
|
|
|
|
|
Re: طلب نصائح من مربي 🐶 (Re: عبدالحفيظ ابوسن)
|
اذا عايزة الكلب : اديه في الفترة الحالية حليب وتابعي جلده ما يكون فيه قراد وللضمان امشي اقرب بيطري جمبكم لو كنت في الخرطوم في عدد من الصيدليات البيطرية خلي يدوو حقنة ايفومك وتتكرر بعد 15 يوم تقريبا وتابعي نضافة جلده والبيت وتاني ما عندك مشكلة ممكن تطعمي ضد السعر انا اذا ما عايزاه وديه حوش المستشفى البيطري في ابو حمامة
| |
|
|
|
|
|
|
Re: طلب نصائح من مربي 🐶 (Re: د.محمد حسن)
|
حبيب ألبي يا عماد ... لازم تبقى بيطري في المستقبل .
مشكور على النصائح يا ابسن . في طفولتي كان عندنا
كلب 🐕 بيفهم الأوامر و كان هادئ ، لكن كلب الجيران
الشرس كان عامل رعب لكل اطفال الحي، عقدنا عديل.
أها ما عايزة ده يحصل لأطفال الجيران بسببنا.
| |
|
|
|
|
|
|
Re: طلب نصائح من مربي 🐶 (Re: muntasir)
|
تحياتي نعمات و كل الضيوف، سؤال منتصر ده مهم و مفصلي. بس ذكرني قصة لمن كنت في المرحلة المتوسطة، قالوا نكتب موضوع Composition عن حيوان أليف. كتبت عن كلب و رمزته ليهو في القصة كلها بHe, طبعاً الأستاذ كمل فيها القلم الأمر و قال لي أعد و عاقبني على سوء فهمي، المفروض يكون It.. بعد جيت أميريكا لقيت الكلب هنا، He حضرة المحترم كمان، و اتذكرت الأستاذ الله يطراهو بالخير.. دحين أنتي عوزاهو He المحترم و لى مجرد It ساي. و الفرق كبير في كل شئ. كوني بخير
| |
|
|
|
|
|
|
Re: طلب نصائح من مربي 🐶 (Re: muntasir)
|
صديق مهدي ماذا تقصد بمداخلتك الغريبة دي؟
خلي عندك شجاعة و وضح بالتفصيل .
يا باشمهندس بكري ابوبكر أتمنى ان تكون متابعا
قبل ان يحذف صديق مداخلاته .
| |
|
|
|
|
|
|
Re: طلب نصائح من مربي 🐶 (Re: نعمات عماد)
|
عيب عليك يا منتصر بعدين المداخلة موجودة وهى تعقيب على مداخلة المعتوه منتصر لان المثل بقول الفيك بدربو يا منهزم هههههه حلوة دى وبعدين يا نعمات مفروض تسالى المعتوه منتصر ماذا يقصد بتربية خواجات تحياتى
| |
|
|
|
|
|
|
Re: طلب نصائح من مربي 🐶 (Re: صديق مهدى على)
|
يا نعمات... طبعا البورداب ما قصروا فى النصائح واتفق معاهم فى كل نصيحة قالوها.. داير اقيف عند سؤال منتصر...لانه عندى زميلة إسمها أنكا هولمباري كنت عايز افتح بوست بخصوصها بعنوان (أنكا والجرويات)..اتزوجت ليها شاب إسمه لامين من جامبيا وسكنت معاها هناك فى جامبيا..بنت ليها بيت هناك واستقرت. ونحنا متابعين معاها كل قصة حياتها من الفيسبوك
يوم لقت ليها ٦ جرويات وعملت منها دراما كبيرة جدا.. تابعنا قصة الجرويات لحدى ما اعتمدوا على نفسهم.. بحاول كان لقيت نفس ارفع ليك صور من جرويات أنكا.
نشوفك رعاية الخواجات للجرويات فى افريقيا..
| |
|
|
|
|
|
|
Re: طلب نصائح من مربي 🐶 (Re: سيف اليزل سعد عمر)
|
تحياتي د . محمد حسن
غدا صباحا إن شاء الله سأبدأ تنفيذ النصائح التي اسديتها لي.
بداية البحث عن عيادة بيطرية بمساعدة قوقل .
ثم عمل بيت معقول لينام فيه ( روكي) ، و دا الأسم الأدوهو
ليهو الطفلين اصحابو الأصليين .
إحتمال الطفلين يرجعو يطالبو بيهو عشان كده حأقرر بعد
العيد لو ح أمشي حوش البيطري في أبو حمامة و طبعا إجازة
العيد جاية و إحتمال يعاني لو دويتو قبل العيد .
و برضو إحتمال يمشي الحال و نربيهو في البيت عندنا، ربنا يسهل.
شكرا ليك كتير .
| |
|
|
|
|
|
|
Re: طلب نصائح من مربي 🐶 (Re: عليش الريدة)
|
سلام منتصر
ما تبخل علينا بالنصائح .
و الله لو في طريقة يتربى تربية خواجات زي الشايفاهم في اليوتيوب
ويتدرب على ( التواليت) لا مؤاخذة . و نشوف ليهو فرزبي و مرة مرة
نوديهو الحديقة القريبة مننا . لكن مافي طريقة للمنتجات الخاصة
بال كلاب و لا تأمين طبي الأ عند اللزوم .
يا منتصر ما تشغل بالك بالشخص الإسمو صديق ، في شئ ما طبيعي
في شخصيتو وليس مجرد ترول قصدو تخريب البوستات .
| |
|
|
|
|
|
|
Re: طلب نصائح من مربي 🐶 (Re: نعمات عماد)
|
ناس الحوش هوي سلام، كيف أصبح روكي؟ نعل الأمطار دي ما أسّرت عليه. بكرة يكبر ليكم ويبقى كَلْب ويحرس كل الحي... أها، فتكم بعافية.. قلت أصبِّح على جريوكم و أمشي.
| |
|
|
|
|
|
|
Re: طلب نصائح من مربي 🐶 (Re: عليش الريدة)
|
صباح الخير أخ ابا ذر
قصتك في المدرسة المتوسطة تدل على ذكاءك و على قلة انتباه
الاستاذ لتأثير أسلوبه على طلابه الصغار .. المهم يا زول تم رد
اعتبارك كأحسن ما يكون .
هات طرق التربية الاثنين، الخواجية و البلدية و ان شاء الله احاول
جهدي علما بان الناتج سيكون خلطة من الاثنين .
شكرا مقدما .
| |
|
|
|
|
|
|
Re: طلب نصائح من مربي 🐶 (Re: نعمات عماد)
|
يا صباح النور و السرور عليكم الاخوة الكرام
قصي و عليش
يسأل منكم الخير . بعدين ان شاءالله ح انزل صورة لروكي .
كان شفتو مسكنتو و براءتو يحنن . ماشة اشوف العيادة
و الجرعات الوصفها د. محمد حسن و بعد ما أرجع اشوف
الخواجية السويدية المبدعة عملت شنو يا سيف اليزل ؟
| |
|
|
|
|
|
|
|