|
Re: الشكشاكة (Re: عبدالحفيظ ابوسن)
|
عيبها بتسقي البيوت لو طال زمنها بيوت زمان ومزبل للخريف عمة كما قال القدال البيوت مبنية من اللبن ( الطين ) ولازم قبل الخريف تتزبل بروث البقر او بعر الحمير او روث الارز بتخمر كم يوم ويتعمل بياض . بحافظ علي الحيطة ما تنماص لي قدام الناس اتطورت . بقت تدق مسمار اربعة بوصة في مسافات متقاربة وتلف بالسلك وتبيض بالاسمنت . تسليح بلدي
| |
|
|
|
|
|
|
Re: الشكشاكة (Re: عبدالحفيظ ابوسن)
|
واحد من اعمامنا كان رجل ظريف ومرح بلقط رزقو من السوق وهو شخص محبوب وحلال مشاكل تقول ليهو كيف اللعب الليلة يقول ليك لعب وين مع الشكشاكة دي يعني الليلة السوق مكهرب وما مطلع حقو ويضيف لك محذرا ارقد طرف ارقد طرف يعني اعمل حسابك .. المطرف بتخارج بدري
| |
|
|
|
|
|
|
Re: الشكشاكة (Re: عبدالحفيظ ابوسن)
|
اها البورضي الايام دي شكشاكة جد ارقدو طرف علي بي جملة الايمان دة زمن مافي فرز تخش بلقطوك بلقطوك وتلوم نفسك غايتو انا دة بعاين بس وامكن مرات ما اعاين زاتو
| |
|
|
|
|
|
|
Re: الشكشاكة (Re: أحمد الشايقي)
|
بنقول البحر قلب محمر دى كلام مثقفاتية مفصولين حتى من بداية عكر الدميرة شكشاكة انتا ياخ و محممر انتا ياخ ___ فى عضم الامر نحن بخير طال ما فينا حس من سودانية الى ان يسلط الله علينا من يخافه فينا فى الحتة دى الجنّة ياها السودان
| |
|
|
|
|
|
|
Re: الشكشاكة (Re: جلالدونا)
|
Quote: اها البورضي الايام دي شكشاكة جد ارقدو طرف علي بي جملة الايمان دة زمن مافي فرز تخش بلقطوك بلقطوك وتلوم نفسك غايتو انا دة بعاين بس وامكن مرات ما اعاين زاتو |
بسسسس .... ياها دي ...
يا زول كل اتنين متشبكين في بعض .. وكل واحد من الإتنين عندو مشجعينو ومطبلينو.
تعاين شنو ..... لو عاينت ساي يقولوا ليك إنت مع البطل والا مع الخاين ....
إتخارج بس .... أو .... أرقد طرف
| |
|
|
|
|
|
|
Re: الشكشاكة (Re: عبدالحفيظ ابوسن)
|
الشكشاكة هينة يا قريبك كدا كدا أمرها واضح كان عنقريبك بلاستيك بتلف المرتبة و تكمل نومتك فيها عادي أو كمان دخلت البرندة, كعبة النقناقة تكب زين اول ما تدخل جوة تقيف ترجع تفرش السرير مع الهمبريب تكب تاني
| |
|
|
|
|
|
|
Re: الشكشاكة (Re: عبدالحفيظ ابوسن)
|
يا جلال عكران بتقولوها انتو ناس النيل بحر ازرق عرقو قوي وفي الدميرة مويتو بتحمر عديل كدة بتجرف القيفة والطمي وفيهو شيمة بتغرق العوام بجيكم حيلو مهدود لكن عكران
| |
|
|
|
|
|
|
Re: الشكشاكة (Re: عبدالحفيظ ابوسن)
|
سمعت بي كبير المكاراب الما بنهي من خراب بقيف في درب الناس . ممسح كراع بالزيت والتانية غبشة تجي ماشي في شارعو يقول ليك غبرتنا وعاين لي كراعي القصادك غبشة كيف منك . تتلادح عيالو تسعة يعلقوك ويقلعو حقك تمشي غادي منو يقول ليك مالي مجرب وبرضو تنجلد قالو ليك البحلك من ريحة التوم قل اكلو اها في الدواس الناس زي البقر الشوش ما بفرزو
| |
|
|
|
|
|
|
Re: الشكشاكة (Re: عبدالحفيظ ابوسن)
|
ايوة يا غالي اسمو التبن لكن هنا في النيل الابيض بسمو القش الناشف بتاع الرز والعبش رووث . رووث الرز بسقفو منو البيوت وببيضو بيهو اقرب للنال
| |
|
|
|
|
|
|
Re: الشكشاكة (Re: عبدالحفيظ ابوسن)
|
الشكشاكة بتكون رهيبة في البلكونة ياحفيظ بتديك احساس خرافي وجو رومانسي وبتجوعك .. واحد من جماعتنا من يشوفها يقولك ماشين نجهز الشية الغريبة لمن تحول الالف لـ واو بتبقى بيض بالطماطم وده ياهو حال المنبر
| |
|
|
|
|
|
|
Re: الشكشاكة (Re: عمر التاج)
|
بلكونة شنو يا عمر وحياتك نحن بنشيل هم عديل كدة المطرة دي لامن عليك امان الله يدنا في قلبنا تعرف الشكشوكة اكلة سودانية اظنها ما يجي واحد يغالتني كمان بيض بالطمام .. اولا تخت الطوة ناشفة في النار لامن تسخن عشان الاكل ما يمسك حتي تكب زيت بسيط مسحة بس .. وتقطع الطماطم وترميها وتقفلها زمن . تضرب البيض بعد اضافة ملح وفلفل وترمي وتقفلها بالهناء هههه الاكلة الوحيدة البعرف اعملها المدام لو سافرت بجيني زلالي
| |
|
|
|
|
|
|
Re: الشكشاكة (Re: حمد عبد الغفار عمر)
|
يا عبد الحفيظ اصلو ما قادر اقرا العنوان دا صاح الا بعد ارجع البصر كرتين .. لدرجة بقيت اسال نفسي انت الواحد بقرا اولا بعينو ولّ بى ذهنه ؟ افتكر السؤال ما بعيد من مرمى قرط البوست .
| |
|
|
|
|
|
|
Re: الشكشاكة (Re: محمد على طه الملك)
|
Quote: افتكر السؤال ما بعيد من مرمى قرط البوست . |
مهوى ما مرمى يا ملك شكلك محتاج ترقد طرف _____ النز برضو بعمل نفس الشغلة و اكتر و اصعب حاجة حكاية ينز فيك زول
| |
|
|
|
|
|
|
Re: الشكشاكة (Re: محمد على طه الملك)
|
ود او سن اطمنك ما تخاف ..ممكن تاكل ان شاء الله عشرة بيضات في اليوم وما تجيك حبة العوجة.... فالعلماء الامريكان اكتشفوا ان حكاية اكل البيض الكتير بيسبب ارتفاع في نسبةالكوليسترول وارتفاع الزلالي اشاعة كبيرة ،، وان اكل البيض لا يؤدي الى اي شئ من هذا القبيل.... وعشان كده ريح المدام شوية من شغل المطبخ اليومي واعمل البيض بالطماطم (الشكشوكة)،،، لمدة اسبوع كامل كل شهر وكل البيض بالهنا والشفا..وخاصة وانت خبرة في عمل البيض ،،،بس استعمل زيت الزيتون لانه صحي ... واظن . كلمة الشكشوكة دي مصرية،،يعني خلط الطماطم بالبيض،،،، ودمت بالف خير وصحة وعافية
| |
|
|
|
|
|
|
Re: الشكشاكة (Re: عبدالحفيظ ابوسن)
|
ههه يا ملك بتقراها شنو قول واطمن ليك زول يسألك مافي ولو سألوك فراري قاعد تعرف يا ملك انت ما بتتهجا الكلام بتقراهو . جملة كاملة ولا سطر . بتقراهو وفقا لمعارفك المخزنة جواك وخبرة القراءة والكتابة . يعني عادي ما تنتبه لخطأ املائي او حرف سابق حرف . ذهنك بستعدلها براهو . دة عموما لكن بالجد معارفك وخبرتك قرتك العنوان شنو
| |
|
|
|
|
|
|
Re: الشكشاكة (Re: عبدالحفيظ ابوسن)
|
مره والولد رحمه الله نايم في الحوش ، بدت المطر تنقنق .. دخل البرنده .. وقفت المطر .. والدنيا كتمت .. طلع الحوش المطر بدت تنقنق .. رجع تاني البرنده .. وقفت المطر والدنيا كتمت طلع الحوش .. بدت تنقنق .. هاجت جينات الأرابيب ، وحلف بالتقطعه مايدخل البرنده الغريبة المطر اظنها حلفت بالتقطعه تحدده مع الوالد .. واصلت نقته .. بعد شوية النقة بقت كواريك عديل كده رعد وبرق ههههههه .. في اقل من ربع ساعة لقينا الوالد رحمه الله .. في نص البرنده وعراقيه مبلول كله موية هههههههههههههههههههههههههههه دحين ياحبيبنا ابو سن .. المنبر كان بده النقة .. اخير لينا البرنده رغم الكتمه .. تحياتي ليك ولي كل الناس القاعدة في الشكشاكة
| |
|
|
|
|
|
|
Re: الشكشاكة (Re: عبدالحفيظ ابوسن)
|
يا ود ابسن ابوي الله يديهو الصحه والعافيه علي وزن المثل البي يقول ابعد من الشر وغنيلو بقولك :- (ابعد من الشر ولا تغنيلو يمكن يطرب يقع فوقك ) فتعرف شنووو مرات فلقت المشاهير بتشهرك فشايفك تقبب في الملك رغم إنك ما ناقص شهره
: : : : : : : مع التحيات لله الزاكيات
| |
|
|
|
|
|
|
Re: الشكشاكة (Re: عبدالحفيظ ابوسن)
|
ههههه براحا يا شيخ العرب أنا ما حمل فرارك ..
Quote: عيبها بتسقي البيوت لو طال زمنها |
خليني أقول أو أفترض دي الجملة المفتاحية للبوست حسب فهمي المتواضع .. ولما البيت يروى اكيد بكون عرضة للانهيار جزئي أو كلي .. إذا دا المعنى المراد من مفردة ( شكشاكة) في هذا البوست.. طيب شنو البخلي ذهني ينصرف لمعن آخر للمفردة ؟ مداخلة تاج الذكية خلتك أنت وبتنا بسمات تبنو عليها.. ومن ثم نفهم إنو شكشوكة تعنى أكلة .. أكييد بكون لمفاهيم الواحد الثقافية أثرها .. لما اقرا مفردات زي دي دلالة المعنى عندي بتنصرف من الوهلة الأولى لسلوك اجتماعي سالب.. نعم بعيد من دلالة معنى استخدام الكلمة عندكم بس دي حقيقة كما بدت لي.. لماذا ؟ ببساطة لإني من بيئة غير ممطرة وربما لا تستخدم المفردة أو تستخدمها بمفردة مختلفة .. برضو كلمة ذي شكشوكة كأكلة أيضا ما معلومة عامة في بيئتي .. عشان كدا سالت (نفسي ) .. الواحد بقرا أولا بعينو ولّ بذهنه ؟ طيب وكت في فرق بين قراية العين والذهن زي ما انت شايف .. وزي ما تفضلت القراية بتكون وفق المعارف المخزونة .. يبقى الحاصل في المنبر حيكون الاصل فيهو التباين ولو عايزين ندلع نقول التنوع .. ياريت تكون فهمتني وعفيت لي غفلة التفكير بصوت عالي.
| |
|
|
|
|
|
|
Re: الشكشاكة (Re: عبدالحفيظ ابوسن)
|
تخاف الله شافك يا الملك عرفتها نفتح البوست ونقرة من هنا ونقرة من هناك بعد يوم لا تعرف كاتب البوست منو ولا عن شنو زاتو والكيتا شغالة اهلنا بقولو بشوف القلب . القلب اياهو المخ زوغتك بالدو ما بتحلك . مرات بكون كرت فتوح للمفتحين وقافلين انا زاتي الشينات والكافات راجعتهن كم مرة تصدق
| |
|
|
|
|
|
|
Re: الشكشاكة (Re: عبدالحفيظ ابوسن)
|
حبوبتا ليّ لله يرحمها .. مع انها كانت عايشه في امدرمان عشرات السنين إلا لكنة لسانا ما فارقتا .. مشت الحج مع ولدا .. عادة كان ولدا بنتظر معاها في الحرم بعد تخلص من فروضا ونوافلها بسوقا للبيت .. ولدا ذاتو مقيم هناك .. مرة ولدا خلالها في الحرم وطلع وتاخر في الرجعة .. مرقت ما عرفت وجهتها وين .. وهي لايصة لمت ليها في سوداني .. - ياولدي انت سوداني ؟ + ايوه يا أمي - حمد لله انا ياولدي تشيت وما ارفت منزلتي وين؟ + اوصفي لي المكان وأنا بوديكي .. - انا ما عارف اوسف ياولدي ... أيوه اذكرت جبنا في شراميت كتيييير .. + وين ديل يا حجة ويييييين انا لي عشرين سنه هنا !!!!؟ - لالالا يا ولدي الله تهديك انت ما تعرفي لحم الشرموت البالقوه في الهبل ؟ + آآآآآه طيب ما تقولي كدا.
أيوه الدو ممكن ياذاك كان لاعب حريق.. بس في النهاية نحن كدا .. ميزانا متفرد .. كل الموازين في الدنيا كفتين حق وباطل إلا ميزانا .. كفتو اليمين حق ومنطق وكفتو التانية كرامة وعزة نفس ما عندنا شيتا اسمو الباطل .. عشان كدا ميزانا مستحيل يظبط في يوم من الأيام .. نحن كدا.. عارفين الشرك انواع .. في البتقدر تدخل فيهو وتفرنبو .. وفي البمسك فيك لبعض الوقت بس بتقدر تباصرو وتتفكفك .. أما النوع داك البقرضك إذا دخلتو .. بتركب ليهو سي دي الكرامة وعزة نفسي مابيا عليّ.
| |
|
|
|
|
|
|
Re: الشكشاكة (Re: محمد على طه الملك)
|
نحن اصلنا ناس محبة يا ملك زول نعزو وزول نريدو جوانا ابياااااااض بوبلين بس ما تقول لي البوبلين دة شنو طيب ابيض بفتة بس الشرك داير صياد و فريسة ف شنو ما تشرك ذلك قانون الغاب
| |
|
|
|
|
|
|
|