01:43 PM September, 04 2017 سودانيز اون لاين Biraima M Adam-أمريكا الشمالية مكتبتى رابط مختصرالشعب السوداني يقول "من لامك فقدك" .. أي إنك لا تلوم شخص ما لم يكن يمثل لك شيئاً .. أخي الفلسطيني الشاب في الفيديو أنت أفتقدتنا .. وهذا شرف لنا وليس إساءة.أنت فخر للأمة الأسلامية .. وللشعوب العربية الصابرة .. ونحن معكم قلباً وقالباً في القضية الفلسطينية .. ونحيي غيرتك علي الشعب السودانى الذي تعتبره نصيراً .. وغيرتك علي القضية الفلسطينة التي تعتبرها هي قضية الأمة العربية والأسلامية ..أخي لا أذيعك سراً أن قلت لك نحن شعب خليط من أجناس عدة .. وشعوب عدة .. تمازجت وتلاقحت ثقافاتها .. والدولة السودانية .. يجب أن تكون هي ثيرمومتر أحساس الشعب بأكلمة وليس جزء منه .. فالذين يعادون العروبة هم من غير العرب .. ومن بينهم زنوج .. أقحاح .. ولكننا مسلمون أغلبنا إن لم نقل جميعنا .. فالوزير، السيد مبارك الفاضل، ربما عبر عن رأيه مستلهم أراء أخوتنا من غير العرب والذين هم الذين ظهروا في الفيديوهات بكثافة .. ومن بينهم عرب سودانيون يعادون مواقف الدولة السودانية ..القول بأن الشعب السودانى شعب موحد تحت مشاعر وطنية موحدة غير صحيح ..القضية الفلسطينية .. هى تمثل لنا دين .. وكرامة .. وضمير الأمة العربية والأسلامية.ولا تسمع لأصوات النشاز السوداني والمخذلين ..الحوار ما بين دكتور الكودة ودكتور الجزولي .. حول التطبيع مع أسرائيل ..بريمة
أنت عايش في أمريكا وبتعمل وتتعايش مع الجميع بما فيهم اليهود، وأكيد بتكون تتدهنس لهم في مكان العمل، ويمكن برضو تكون زرت الهلكوست وبكيت فيهو زي ما بكى الكوز المنافق وإمام مسجد منطقتكم.
بريمة أختشي.
09-04-2017, 04:51 PM
عثمان عمر صالح عثمان عمر صالح
تاريخ التسجيل: 08-15-2017
مجموع المشاركات: 32
في بداية الفيديو يقول بدك تتعامل ما بدك تتعامل منو السائل فيكم .. بطريقتهم الاستهزائية المعروفة .. سخرية من ال"زول" وشتائم مبالغ فيها .. والعنصرية البغيضة حاضرة انتبه كيف كان ردو على السوداني الاساء للحبشية .. رغم اني اشك انو ممكن يجي سوداني يسيئ للحبشية .. ومن باب المبادء تجدنا قبلك يا"خرتيت" انت ضد السوداني الاساء للحبشية .. المهم :- انت حارق رزك في شنو لو " منو السائل فينا" ..؟!
المصيبة الاكبر انو يجي زول يخليك في صف مبارك الفاضل .. مجبور كراعك في رقبتك .. والعياذ بالله ..
بعدين اسرائيل دي دولة قائمة في علم اليوم لها ما لها من ثقل سياسي اقتصادي عسكري .. وغيره .. والسودان مفروض تكون دولة كاملة السيادة ومن حقها تتعامل مع من تراه مناسب لها .. في هذا العالم من غير اي تاثيرات جانبية من اعضاء في هذا العالم .. اي كانو .. "دي البقولو عليها سيادة واستقلال"
ثم:- ياصاحب البوست الاخ/ بريمة ادم .. شخصيا ما بتهمني فلسطين ولا الاقصى الان. وك مواطن سوداني عندي اولويات .. عندي حروب داخلية .. لاجئين .. مشردين .. مرضى .. جوعى .. عطالة .. امية .. وحدة مجهجهة ...... عندي الاهم من الاقصى ومن حماس ومن الفلسطينيين الارهابيين الي يجبروك غصبا عنك تتعاطف .. مع مشاكلهم مع اسرائيل .. عندي الاهم منهم بكثير ..
بالتأكيد نتمنى السلام في كل العالم وفلسطين جزء من هذا العالم .. من غير اي اخوة او عروبة او دين او غيرو .. فقط من اجل الانسانية والسلام في العالم .. واي زول مخير في رأيو واولوياتو بعيييييد من التحدث بإسم شعب وبلد كامل.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
Deng
عثمان عمر صالح
فيس بوك
تويتر
انستقرام
يوتيوب
بنتيريست