|
كتب الكاتب الفاتح جبرا المتوفرة بمعرض الدوحة
|
|
 Re: يا أهل الله : هل أسعار العقارات في الخرطوم (Re: عادل ابراهيم احمد)
|
السلام عليكم سيد عادل
الاقتصاد السوداني يعاني من التضخم
فما تسمع مبلغ 15 مليار تقوم تنخلع
الفيلا سعرها ممتاز (لقطه)بالضمة وكمان شامل قيمة الارض
في السعودية المبلغ دا بعمل ليك فيلا (بدون قيمة الارض)
مع العلم ان السعودية المواد متوفرة ورخيصة نوعا ما
بعدين المبلغ ما 15 مليار ، مليون ونص بالجديد ههههه
| |
 
|
|
|
|
|
|
|
|
Re: يا أهل الله : هل أسعار العقارات في الخرطوم (Re: Mohd Ibrahim)
|
| Quote: بعدين في السودان المثل بقول ليك الكاش بقلل النقاش ...يعني لو جبت نص المبلغ دا وكشكشتو قدام المالك في النهاية برضي ....الناس بتتعلم من الحكومة تجيب ايك ضرايب بي 25 مليون تحكها معاهم بشيلو 7 مليون ..عالم عجيب |
اخي محمد ابراهيم تحياتي
والله لو برضوا بنصف المبلغ كان كويس ..
هل تصدق انو بيوت في شندي عادية بي مليار ونصف؟
ودكان في السوق بي 3 مليار ؟
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: Frankly)
|
Quote: مرة وقفت في طرمبة أعبي بنزين قلت ليه بميتين جنيه عاين لي كأني مجنون قال لي تقصد متين ألف قلت ليه ايوة
فوّل لي العربية لقيتها بتساوي 10 دولار
|
حبابك استاذ فرانكلي
بالنسبة للزول الجاي من برة بشوفها بسيطة لكن العايش هناك بشوفها غالية ..
في دولة افريقية مرة شفت في برنامج وئاثقي القروش بشيلوها بالدرداقات ولا تساوي 100 دولار هاهاهاهاها
تحياتي
| |
|
|
|
|
|
|
|
|
 Re: يا أهل الله : هل أسعار العقارات في الخرطوم (Re: محمد فضل الله المكى)
|
الشغلانه برمتها غسيل اموال لاغير!!!
البخلي رجال الأعمال في السودان ماسكين بتلابيب
الكورة شنو غير غسيل الأموال مع انو، مافي واحد
فيهم رياضي او بيؤمن بها او بشبة ناسها !!!!
دخل المباراة لو كان 100 ألف دولار يقوموا يعملوه
كم مليون دولار ويدخلوهو البنك، دا من دون زيادة المصروفات الاخري من بيع للعيبة،ترميم وبناء
الدور الرياضية وغيرها !
مبالغ هائلة زي دي بتمشي وين يعني!!
مش لازم تمشي عشان تستثمر ليها في محل ما!!!
هل هناك محل أحسن من العقارات!!!
قيمة موقع بأمبدة - تقريبا - يعادل قيمة موقع
بقراوند زيروا منهاتن!!
أسعار العقار بالسودان امر مفتعل ليس
بالحقيقي، يزول، بزوال الفساد والمفسدين !!.
| |
|
|
|
|
|
|
|
|
Re: يا أهل الله : هل أسعار العقارات في الخرطوم (Re: Mohamed Adam)
|
Quote:
الشغلانه برمتها غسيل اموال لاغير!!!
البخلي رجال الأعمال في السودان ماسكين بتلابيب
الكورة شنو غير غسيل الأموال مع انو، مافي واحد
فيهم رياضي او بيؤمن بها او بشبة ناسها !!!!
دخل المباراة لو كان 100 ألف دولار يقوموا يعملوه
كم مليون دولار ويدخلوهو البنك، دا من دون زيادة المصروفات الاخري من بيع للعيبة،ترميم وبناء
الدور الرياضية وغيرها !
مبالغ هائلة زي دي بتمشي وين يعني!!
مش لازم تمشي عشان تستثمر ليها في محل ما!!!
هل هناك محل أحسن من العقارات!!!
قيمة موقع بأمبدة - تقريبا - يعادل قيمة موقع
بقراوند زيروا منهاتن!!
أسعار العقار بالسودان امر مفتعل ليس
بالحقيقي، يزول، بزوال الفساد والمفسدين !!.
|
هذا هو اخي محمد ادم
الاراضي بالسودان اكبر مغسلة لتنظيف الاموال ..
لا يعقل هذا الارتفاع الجنوني
لك تحياتي
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: محمد فضل الله المكى)
|
Quote: .
تعرف يا عادل
مشكلتنا نحن الإصرار على تسمية الأشياء بغير مسمياتها !
يعني الورقة مكتوب عليها 100 جنيه .. نحن مصرين نقول ميَّة ألف !
.
التضخم حاصل ... لكن نحن مصرين نضخم التضخم .
.
كل المودة عادل وزوارك |
مرحب والله سعادتو عمنا محمد فضل الله مكي
التضخم عال جدا .. ولكن برضو الاسعار خرافية ..
معقول اقل بيت متواضع باطراف الخرطوم مليار ونصف؟
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عثمان الأمام)
|
حبابك اخي عثمان الامام ..
Quote: نفس رأي ابراهيم الفوق ده
الأسعار رخيصة لكن قروشنا نحن الواقعة
ما تتخلع من المليار كأسم لانو قيمتو الحالية
ما بتصل ال 180 الف ريال اللهي 50 الف دولار بس!!
والشريحة المستهدفة هي المغتربين والناس البتصرف بالعملة الحرة
عشان كده في بيع وشراء والسوق متحرك. |
والله يا اخي عثمان المغتربين رايحين ساكت .. الشغل دا كلو لي الناس ابان عناقر القاعدين جوة السودان .. هاهاهاهاها
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: Frankly)
|
مودتي للجميع وصاحب البوست
قالوا شركة زين ناس محجوب عروة لصعوبة التحويل
يقوموا بشراء العقارات وتركها كموجودات ..
أنا عشان متخصص ما فهمت المقصود شنو من الكلام
أنا أعمل في شركة جزء منها عقارات ملاحظ أن قيمة الشقق
وهي شمال جدة منطقة جميلة هنا أقل سعر من السودان
شقة ثلاثة غرف وصالة .. إلخ ما يعادل 60 - 50 دولار
وفي السودان اكثر
مودتي ..
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: Frankly)
|
.
| Quote: والشريحة المستهدفة هي المغتربين والناس البتصرف بالعملة الحرة |
ياتو مغترب ده العندو 15 مليار = 750 ألف دولار= 3مليون ريال سعودي تقريبا!؟؟
بعدين قيمة الاراضي السكنية في اي بلد تقارن بمستوي دخل الناس، فمن هي الفئات التي تتاجر في الأراضي والبيوت السكنية خاصة على وجه الخصوص في السودان؟
السعودي الذي يمتلك 3 مليون يستطيع شراء الأرض وينتهي من بناء 6 طوابق خلال ثلاثة شهور، واذا احتاج دعم عن طريق البنك يحصل عليه بكل سهولة .
.
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: سيف اليزل الماحي)
|
قطعة الأرض ال 2200 متر المشار اليها في مطلع البوست تبلغ قيمة المتر المربع بالضبط 909 دولار..... هل هذا السعر طبيعي
============
عباس أمبس .. شكراً على التعديل ..
تعرف المتر المربع في طريق الملك في جدة أغلى منطقة 600 ريال
نعم في مكة في منطقة الحرم يمكن المتر مليون بسبب الجدوي الاقتصادية ..
909 ولا في شارع التحلية ..
كمان في الخرطوم لا مجاري لا تصريف لا خدمات ، لا صحة ، لا بيئة .. كيف الكلام ده
زي ما قال أحد الاخوان الحكاية فيها غسيل أموال ..
شكرا صاحب البوست
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: علي عبدالوهاب عثمان)
|
| Quote: ياتو مغترب ده العندو 15 مليار = 750 ألف دولار= 3مليون ريال سعودي تقريبا!؟؟ |
طبعا" ما أي مغترب ممكن يشتري فيلا وفي كافوري وبمساحة أكتر من 600 متر ومبنية جاهزة بدروم
وطابق أرضي وطابق تاني ومعاها شقة كمان !!!! دي عندها ناسها براهم
لكن سوق الأراضي في المناطق الجديدة والأغلب أسعارو في حدود 400 لي 700 أغلب المشتريين مغتربين
يعني حدود ال100 الف ريال 30 الف دولار وده سعر في متناول أغلب المغتربين متوسطي الدخل
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عثمان الأمام)
|
مشكلة أسعار الأراضي سببها الأساسي أنها أصبحت الطريقة الوحديدة للحفاظ علي قيمة العملة في بلد عملته في حالة سقوط عمودي يومي!
كذلك تواجد القوة الشرائية الوجيدة في سودانيي الخليج حيث لا خدمة معاشية ،ضدكل تشريعات العمل فب العالم، يحعل المدخرات تذهب للعقارات غي محاولة
لتوقير وسيلة معاش بعد الرجوع-غالباً ،سياة فاشلة حيث أصبح المغتربون يصلون سن ال٨٠ و لا يرجعون للسودان!
السبب الآخر هو إعتقاد كل سكان المدن الأخري في السودان أنه لا توجد جياة خارج الخرطوم منج عنه هجرة مهولة في مساحة صغيرة حولت الخرطوم لقرية مهولة الحجم
سيئة الخدمات و لا تحمل أي ملمح مدني، رغم غلاء الأسعار " يعني كوشة غالية" !!
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: Adil Isaac)
|
حبابك اخي عادل اسحق
والله فعلا كما قلت ..
الخرطوم اصبحت " كرش فيل" كل شخص يريد ان يمتلك فيها .. اصبحت قرية كبيرة وتلاشت عنها صفة المدينة في معظم انحاءها ..
يعني مثلا الدروشاب .. منطقة لعهد قريب كانت اشبه بالقرية .. شوف هسة بي كم .. فيها بيت بي 5.5 مليار :
"منزل ف الدروشاب سمال مربع 10شكل فيلا مساحة 950 متر 5 غرف كبيرة 3 هول مطبخ حمام داخلي 2 حمام خارجي مع مغاسل كبيرة صالون خرجي منفصل 2 مطلة كبيرة 4×6 4×5 مطبخ خارجي حديقة داخلية كبييرة قابل لي 2 طابق ناصية مطلوب 5.5 مليار"
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: tabaldy)
|
Quote:
السلام عليكم
ما تنسوا الايجارات
معظم المنظمات والشركات الاجنبية مثلاً على استعداد لإيجار عقار زي بيت كافوري المذكور بقيمة أضعاف قيمة الإيجار العادي
دا غير التلاعب بتاع بعض المسئولين البعرضوا فيهو ممتلكاتهم للإيجار لنفس المؤسسة البعمل فيها،
تحياتي |
حبابك اخي تبلدي
مصداقا لحديثك مرة في استاذ جامعي بالابيض عندو بيتو اجرته منه الامم المتحدة لانه قربب جدا من سكنهم بثلاث اضعاف مستوى الايجارات في ذلك الوقت ..
طوالي فضاهو ليهم ومشى اجر بيت محترم جدا قريب منو بثلث مبلغهم ووضع الباقي في جيبو ..
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: سيف اليزل الماحي)
|
اخي سيف اليزل تحياتي
اضف الى ما قلت هذا الخبر :
الأسمنت المصري ... هل يخفض الأسعار ؟
أعلنت مصر بدء تصدير (10000) طن اسمنت اسود للسودان سيتم زيادتها لاحقاً لتصل إلى (40000) طن شهرياً من إنتاج شركة ميدكوم أسمنت أسوان.
وقال رئيس مجلس ادارة هيئة وادي النيل للملاحة النهرية اللواء مصطفى عامر، لـ (وكالة الشرق الأوسط للأنباء) أمس، أن الهيئة تساهم في تصدير الاسمنت للسودان علي وحدات الهيئة عبر الخط الملاحي النهري تنفيذًا للاتفاقية التي وقعتها الهيئة مع شركة ميدكوم أسمنت أسوان لنقل 10000 طن اسمنت أسود من إنتاج الشركة كمرحلة أولي يتم بعدها زيادة الكميات لتصل إلي معدلاتها السابقة عام 2008 لتصل إلي 40000 طن شهريا.
صحيفة الجريدة
حتي اسعار البناء عندنا غالية جدا ..
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: ابراهيم عبد الوهاب)
|
Quote:
السلام عليكم سيد عادل
الاقتصاد السوداني يعاني من التضخم
فما تسمع مبلغ 15 مليار تقوم تنخلع
الفيلا سعرها ممتاز (لقطه)بالضمة وكمان شامل قيمة الارض
في السعودية المبلغ دا بعمل ليك فيلا (بدون قيمة الارض)
مع العلم ان السعودية المواد متوفرة ورخيصة نوعا ما
بعدين المبلغ ما 15 مليار ، مليون ونص بالجديد ههههه |
حبابك اخي ابراهيم
كلامك صاح لو كان مستوى الدخل والخدمات والشوارع والبيئة بالخرطوم تتناسب مع هذه الاسعار .. لكن مثلما قلت التضخم عال جدا ..
في السعودية البنية التحتية متوفرة ..
والمبلغ 15 مليار يعادل 15 مليون بالجديد ..
لك تحياتي
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عادل ابراهيم احمد)
|
يا عادل ده اسعار غير منطقية على الاطلاق ..
بنك "الريان" عامل offer لي شقق في لندن بتبدأ من 750 الف ريال وبالتقسيط .. في لندن يا عادل .. وعائداتها الايجارية لا مقارنة بينها والعقارات في السودان .. وهناك منافع أخرى بالتأكيد .. يعني بدل تشتري البيت ده ممكن تشتري اربعة شقق صغيرة في لندن وتقبض ليك حوالي اربعة الف استرليني كل شهر ,, حوالي 6 الف دولار .. تطلع منهم 3 الف دولار (70 مليون جنيه) وتسكن في ذات الفيلا بالايجار ويفضل معاك 3 الف دولار مصاريف ..
طبعا هناك فئات ما بتحسبها زينا كناس مغتربين ساي .. في ناس عندها ال 15 مليار دي عمولة في صفقة سريعة .. وبالتالي زي ديل ممكن يشتروا عشرة فلل زي دي من أموال (الصفقات)
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: اخلاص عبدالرحمن المشرف)
|
.
Quote: لكن سوق الأراضي في المناطق الجديدة والأغلب أسعارو في حدود 400 لي 700 أغلب المشتريين مغتربين
يعني حدود ال100 الف ريال 30 الف دولار وده سعر في متناول أغلب المغتربين متوسطي الدخل |
أخي عثمان تحياتي
إذا عملت إحصائية للمغتربين متوسطي الدخل ستجد ان أكثر من 90% لايستطيعون إدخار هذا المبلغ ولو جلسوا عشرين سنة جديدة!
هذا واقع معروف ومعلوم، وفي الحقيقة من يستطيع الشراء وفقا لهذه الأسعار هم المغتربين أصحاب الدخول العالية والوظائف الكبيرة بالإضافة للتجار وأصحاب الاعمال الخاصة في دول الخليج،
أضف اليهم تجار الأراضي والسماسرة والطفيليون وتجار الحكومة وشركاتها، هذه المجموعات هي التي تتحكم في تجارة الأراضي وتتحكم في ايجارات السكن وطالت يدها حتى ايجار البيوت العادية،
في السعودية وحتى في أمريكا لايعجز المواطن عندهم في الحصول على سكن بالإيجار، ولذلك لا يقع ضمن تخطيطهم شراء ارض أو منزل، يسكن الواحد منهم في شقة بالايجار لأكثر من ثلاثين عاما
ولا يجدون في ذلك حرجا ولا عيبا، يعيشون حياة عادية بعيدا عن هوس شراء الاراضي، بينما عندنا يكرس الرجل حياته كلها لأجل بناء منزل خاص ودونك الكثير من المغتربين الذين تمكنوا من ذلك بعد مجهود
تجاوزت اعمارهم السبعين فماذا تبقى من العمر للإستقرار والشعور بالأمان.
.
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: اخلاص عبدالرحمن المشرف)
|
السيد الراقية اخلاص
تحياتي
لم اقصد بردي ان اسكت احدا ولا علم لي بهذه الثقافة
هو راي ادليت به بدون اي قصد متعمد
وهسه انتي سكتي ما ياهو رديتي وقلتي السعر غالي
والاغلبية في البوست قالوا غالي
البيت المعروض دا معروض لفئة معينة
السعر دا بالنسبة لدخولهم عادية ولا في سرقة لشاقوهم ولا يحزنون
بل بالعكس هم شافطين حنانا زاتووو
هسه براكي قلت في تلاته سالو وقروشهم جاهزة
ناس بفيرلي هيلز في وناس امبدة في
وكل واحد يبني على حسب قدرتو
اكرر السعر دا عادي ولقطه في ظل وجود هذه التضخم
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: محمد حيدر المشرف)
|
Quote: يا عادل ده اسعار غير منطقية على الاطلاق ..
بنك "الريان" عامل offer لي شقق في لندن بتبدأ من 750 الف ريال وبالتقسيط .. في لندن يا عادل .. وعائداتها الايجارية لا مقارنة بينها والعقارات في السودان .. وهناك منافع أخرى بالتأكيد .. يعني بدل تشتري البيت ده ممكن تشتري اربعة شقق صغيرة في لندن وتقبض ليك حوالي اربعة الف استرليني كل شهر ,, حوالي 6 الف دولار .. تطلع منهم 3 الف دولار (70 مليون جنيه) وتسكن في ذات الفيلا بالايجار ويفضل معاك 3 الف دولار مصاريف ..
طبعا هناك فئات ما بتحسبها زينا كناس مغتربين ساي .. في ناس عندها ال 15 مليار دي عمولة في صفقة سريعة .. وبالتالي زي ديل ممكن يشتروا عشرة فلل زي دي من أموال (الصفقات) |
حبابك دكتور محمد
ايوة بالضبط كدة .. مثلا هنا في الدوحة بعرف من اشترى بالمنصورة شقة بحوالى مليون وخمسمائة ألف .. وعائد ايجارها 6 الاف كحد ادنى .. يعني 35 مليون جنية سوداني تعيشه ملك بالسودان ..
دا غير استثمار اللؤلؤة مثلا .. وممكن اكون معاها اقامة دائمة ..
واتفق معك ايضا دا ما شغل ناس بدوهم رواتب .. دي حاجات اخرى .. يعني رئيس الجمهورية راتبه مثلا لا يتعدي الثلاثين مليون ..
ولو وضعنا حسن النوايا يكونو تجار متخمين ..مثلا اعرف تجار قدامى مؤجرين لجهات اجنبية في الخرطوم 2 مثلا لسفارات وهيئات بالدولار .. وفعلا مجزية جدا ..
لكن زي ما قلت نحن المغتربين خارج الحسبة تماما ..
كدى تخيل معاي البيت ادناه في كافوري برضو وتمنو 17 مليار قال :
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عادل ابراهيم احمد)
|
حبيبنا عادل .. بيت كافوري دا جميل .. يعني تقريباً ثلاثة مليون ريال سعودي ..
لكن حبيبنا عادل واجهة البيت المساحة أمام البيت تعكس البيئة البائسة عندنا كمية من التراب والوسخ
وكذلك الاشجار جافة ..
المشكلة يا عادل عندنا البيئة .. يعني ممكن واحد ساكن في مثل هذا المنزل الجميل ولكن أولاده ( ملاريا ..إلخ )
لاحظ البيئة حول المنزل ( التصريف ، الشارع ، النظافة )
يعني ما في فرق بين الحي الشعبي والفاخر من حيث البيئة
أنا ملاحظ ابناءنا الشباب بدأوا يتجهون نحو القاهرة مع هبوط العملة المصرية
شقق بـ 200 ، 300 الف جنيه مصري مريحة بالنسبة لهم وخاصة نحن في أقصى الشمال وقريبين من الحدود ( الريال السعودي = 4.80 مصري )
لأن إمكانية هؤلاء الشباب تقريباً ما بين 50 - 70 ريال ( توفير )
وطريق شريان المحس يساعد كثيراً ..
شكراً عادل بوست مفيد .. واصبح السكن هم الجميع ..
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عادل ابراهيم احمد)
|
تحياتي صديقنا عادل وضيوف البوست الكرام وكل عام وإنتم بخير
واحد من الأصدقاء قبل شهرين باع شقته في لندن (منطقة برستول) بما
يعادل 2800 دولار وزاد عليه تقريبا نفس المبلغ عشان يشتري بيت في
إم درمان (المهندسين) قلت ليه كان أحسن تشتري ليك جزيرة في المتوسط
قصاد إيطاليا أو أسبانيا قال والله عارف الكلام ده لكن بلدنا نسوي شنو
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: محمد محمد قاضي)
|
تحياتي عادل
طبعا موضوع البوست و الأسعار دي زي ما قلتو ما موضوع ناس مواهي وآخر شهر وكدا لذا لا تعليق لي على شهر ما لي فيه نفقه
لكن عايز اعلق على صورة البيتين الفخميين الجبتهم يا عادل, وللدقة ليس على البيوت نفسها ولكن على الشارع امام البيت! و الفرق الكبير
دي مشكلة والله عندنا يعني بيت يكلف مليارات يفسده منظر شارع وسخان او حشيش قايم باهمال لا يكلف نظافته او حتى رصفه بالانترلوك عدة ملايين تشكل نسبة ضئيلة من قيمة البيت المليارية
لكن عندنا مشكلة في احساسنا بالعام و بالشارع ونرى دائما انه مشكلة آخرين حتى لو كان في خشم بابنا!!
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عادل ابراهيم احمد)
|
الاخ عادل .. وضويفك .. سلام
اسعار العقارات في الخرطوم مرتبطة بسعر الدولار ..
كلما زاد سعر الدولار زادت الاراضي تلقائيا ..
والناس فكرت بدل تحوش بنكنوت
تشتري اراضي وسعرها يزيد مع ارتفاع الدولار ..
وفي النهاية تلقى نفس نسبة الزيادة ..
انا كان عندي عقار في جبرة .. بعتو قبل خمسة سنوات تقريبا
بمبلغ مليار وميتين .. كان سعر الدولار الوقت داك 6 جنيه
يعني ما يعادل 200 الف دولار ....
الان الـ 200 الف دولار تعادل 4 مليار ( بسعر 20 جنيه )
وهو سعر نفس العقار الان في السوق ..
ومن المتوقع ان ترتفع العقارات اكثر من ذلك
حيث ان الدولار سوف يواصل الارتفاع ..
الله يكون في عون الغلابه ....
عاالم بطاالــــــــــــــــة ,,
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: محمد مجيدو)
|
السلام عليكم
يا سعادتك مجيدو الكلام ده كان يكون معقول لو الناس بتصرف بالدولار
تحرير الاسعار خلا في اكثر من سعر للدولار والهجرة خلت في اكثر سعر للعمل
يعني لو في 3 اطباء متخرجين في يوم واحد من نفس الجامعة واحد قعد في السودان التاني مشي محل اليورو
الثالث مشي السعودية يكون عندنا 3 اسعار للمجهود
ده رزق ما بنقول شئ بس الدول بتسعي لترجيح كفة الداخل أو علي الاقل تقرب الشقة
ناسنا ديل فكو الجميع عكس الهوا
وطبعآ ما في انتخابات غير مخجوجة عشان يسعو لارضاء زول
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: اخلاص عبدالرحمن المشرف)
|
Quote: السلام عليكم
ثقافة اسكات الاخر ب ياخ الاسعار دي عادية يأخ دي لقطة
يأخ دي اسع ثلاثة سألو عنها وقروشهم جاهزة
اسعار غير عادية واراضي ما بتستاهل وسرقة لشقاء وعرق السودانيين
وبرضو الناس بتشتري والحكومة رافعه القزاز
صدق القال الحكومة بت لزينا وبت ستين |
الاستاذة اخلاص المشرف تحياتي
اسعار خرافية فعلا بالمستوى لمستوى الدخل بالسودان والبنية التحتية والخدمات ..
مة في شندي عرضوا دكان بالسوق بي 3 مليار .. دكان .. شيء عجيب
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: اخلاص عبدالرحمن المشرف)
|
Quote: السلام عليكم
ثقافة اسكات الاخر ب ياخ الاسعار دي عادية يأخ دي لقطة
يأخ دي اسع ثلاثة سألو عنها وقروشهم جاهزة
اسعار غير عادية واراضي ما بتستاهل وسرقة لشقاء وعرق السودانيين
وبرضو الناس بتشتري والحكومة رافعه القزاز
صدق القال الحكومة بت لزينا وبت ستين |
الاستاذة اخلاص المشرف تحياتي
اسعار خرافية فعلا بالمستوى لمستوى الدخل بالسودان والبنية التحتية والخدمات ..
مة في شندي عرضوا دكان بالسوق بي 3 مليار .. دكان .. شيء عجيب
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عادل ابراهيم احمد)
|
Quote:
حبيبنا عادل .. بيت كافوري دا جميل .. يعني تقريباً ثلاثة مليون ريال سعودي ..
لكن حبيبنا عادل واجهة البيت المساحة أمام البيت تعكس البيئة البائسة عندنا كمية من التراب والوسخ
وكذلك الاشجار جافة ..
المشكلة يا عادل عندنا البيئة .. يعني ممكن واحد ساكن في مثل هذا المنزل الجميل ولكن أولاده ( ملاريا ..إلخ )
لاحظ البيئة حول المنزل ( التصريف ، الشارع ، النظافة )
يعني ما في فرق بين الحي الشعبي والفاخر من حيث البيئة
أنا ملاحظ ابناءنا الشباب بدأوا يتجهون نحو القاهرة مع هبوط العملة المصرية
شقق بـ 200 ، 300 الف جنيه مصري مريحة بالنسبة لهم وخاصة نحن في أقصى الشمال وقريبين من الحدود ( الريال السعودي = 4.80 مصري )
لأن إمكانية هؤلاء الشباب تقريباً ما بين 50 - 70 ريال ( توفير )
وطريق شريان المحس يساعد كثيراً ..
شكراً عادل بوست مفيد .. واصبح السكن هم الجميع .. |
حبابك اخي علي
تسلم والله
اعتقد أن البيئة المحيطة اهم من المنزل نفسه ..وفعلا دي مشكلة كبيرة ..
الاجازة الفاتت مشيت المعمورة في الخريف كانت حالتها صعبة جدا رغم البيوت الفارهة ..لكن الشوارع كئيبة ..
لذا مثلما قلت اتجه الناس لخيارات مصر ودول اخرى ..اثيوبيا مثلا ..
اضف لذلك التكلفة العالية لمواد البناء .. شوف مثلا الاسعار :
#الأسعد:16500
#أوميقا ولبيرتي:15000
#أسمنت عطبره:2020
#أسمنت بربر:2050
#قلاب رمله كنجر دور18: 2800
#قلاب رمله بياض ومباني:1500
#قلاب خرسانه دور18: 3000
#طوب أحمر(1000)طوبه:650
#طوب بلك أسمنتي(1000)طوبه:6000
#سيراميك رأس الخيمه سعر المتر: 140
#جردل بوهيات المهندس:245
#جردل الطليه:125
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عادل ابراهيم احمد)
|
Quote:
الاخ عادل .. وضويفك .. سلام
اسعار العقارات في الخرطوم مرتبطة بسعر الدولار ..
كلما زاد سعر الدولار زادت الاراضي تلقائيا ..
والناس فكرت بدل تحوش بنكنوت
تشتري اراضي وسعرها يزيد مع ارتفاع الدولار ..
وفي النهاية تلقى نفس نسبة الزيادة ..
انا كان عندي عقار في جبرة .. بعتو قبل خمسة سنوات تقريبا
بمبلغ مليار وميتين .. كان سعر الدولار الوقت داك 6 جنيه
يعني ما يعادل 200 الف دولار ....
الان الـ 200 الف دولار تعادل 4 مليار ( بسعر 20 جنيه )
وهو سعر نفس العقار الان في السوق ..
ومن المتوقع ان ترتفع العقارات اكثر من ذلك
حيث ان الدولار سوف يواصل الارتفاع ..
الله يكون في عون الغلابه .... |
حبابك والله استاذ محمد مجيدو ..
طيب ليه في اراضي ما زادت نهائيا ..أو زادت زيادة طفيفة ؟ في ظل التصاعد المستمر للدولار ..
اعتقد ان عامل السماسرة هو عامل اهم من عامل الدولار .. السماسرة هم المتحكمين في ارتفاع او انخفاض الاراضي ..
اضف لذلك استعداد اصحاب غسيل الاموال للشراء باي ثمن ..
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عادل ابراهيم احمد)
|
Quote: تحياتي عادل
طبعا موضوع البوست و الأسعار دي زي ما قلتو ما موضوع ناس مواهي وآخر شهر وكدا لذا لا تعليق لي على شهر ما لي فيه نفقه
لكن عايز اعلق على صورة البيتين الفخميين الجبتهم يا عادل, وللدقة ليس على البيوت نفسها ولكن على الشارع امام البيت! و الفرق الكبير
دي مشكلة والله عندنا يعني بيت يكلف مليارات يفسده منظر شارع وسخان او حشيش قايم باهمال لا يكلف نظافته او حتى رصفه بالانترلوك عدة ملايين تشكل نسبة ضئيلة من قيمة البيت المليارية
لكن عندنا مشكلة في احساسنا بالعام و بالشارع ونرى دائما انه مشكلة آخرين حتى لو كان في خشم بابنا!! |
مرحب أخي محمد البشرى
فعلا اتفق معك تماما ..الاحساس بالعام معدوم تماما .. وممكن ترى ذلك بيانا في كل الاحياء الراقية او معظمها ..دونك المهندسين ام درمان مثلا او المعمورة ..
يعني نحنا مثلا بالسودان معظم الاحياء شعبية .. لو اهتمينا فقط بالتشجير والحدائق لاصبحت بلادنا جنة الله في الارض ..
عشان كدة ضاع بهاء البيوت الراقية وسط الشوارع الكئيبة المتربة المليئة بالحفر ..
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عادل ابراهيم احمد)
|
Quote: عشان نطلع من تأثير التضخم هذه دعونا نحول سعر القطعة أو المنزل لدولار ونشوف بعدهاواقعية السعر من عدمه !
يعني عشريين مليار حولها لدولامثلا تجدها تساوي مليون دولار!!
شوف الثمن دا يجيب ليك ت ليك شنو في لندن وباريس وفرانكفورت والمدنالأمريكية التي تماثل الخرطوم بل وتتفوق عليها بمراحل عديدة! وممكن تجيب ليك شنوفي أبوظبي وجدة والقاهرة وقطر ونيروبي !مع مراعاة الخدمات العامة والكهرباء والمياه والشوارع والمياديين ومنافذ الترفيه والمواصلاتوالجو والطبيعة والمجاري والتصريف والنفايات الخ!
( عدل لخطأ مؤثر في تحويل قيمة الجنيه لدولار) |
مرحبا استاذ كمال
فعلا المقارنة معدومة بين هذه العواصم والخرطوم من حيث البنية والخدمات وسبل الراحة .. لكن الذي يرجح بكفة الخرطوم هو وجود الاهل وان السودان هو الوطن ..
قابلت احد ارباب المعاشات هنا بالدوحة ولا زال يسكن في قطر مع اولاده الذين تزوجوا واشتغلوا .. فقلت له : لماذا لا تعود للوطن وتستمتع مع اهلك ؟
فقال لي : "يا ابني الاهل ليسوا هم الاهل ..اضافة لان هنا في قطر الحياة سهلة .. من معيشة وعلاج ..اي حاجة جنبك .. الحياة صعبة بالخرطوم "
فعلا كلامو صحيح لانو في السودان حتى لو كنت ساكن في فيلا ضخمة وانقطعت الكهرباء او المياه ماذا ستفعل ؟ ستكون انتومن يسكن في اقل منزل بالخرطوم سواء ..
وايضا سالت احد الذين عملوا في قطر مدة طويلة ويسكن في طه الماحي في بينت جميل وهو من احدى قرى الجزيرة .. استقر بالسودان وياتي لقطر زيارات ..
سالته : كيف الحال هناك؟
فقال لي انا في الخرطوم طوال الاسبوع واذهب الجمعة والسبت للقرية .. هل تصدق انني لا استحم بالدش الا في القرية ؟ .في الخرطوم استحم بي الجردل ..هاهاهاهاهاها ..الموية قطوعاتها كتيرة ..
اذن اتفق معك في ان البيئة المحيطة بالمنزل مهمة جدا من خدمات وبنية تحتية وخلافه ..
تحياتي
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: عادل ابراهيم احمد)
|
Asset bubble
يعني المبالغة في أسعار الأصول مثل المباني والأرض.
سببين:
1- ندرة المعروض وفي حالة السودان هذا ظاهري أو (مفتعل)
نظراً لاتساع الرقعة القابلة للسكن، لكن لوجود عاملين مهمين تحدث الندرة
الظاهرية، قلة الخطط الإسكانية والتأخير المبالغ في طرحها، كذلك شح الخدمات
وتركيزها في المدن والعاصمة على وجه التحديد.
2- انحسار سعر العملة المحلية بسبب التضخم يجعل الجميع يتجه للاستثمار
فيما يعتبرونه مخزن آمن للثروة (الذهب، العقارات) بالمضاربة في أسعارها وهو ما يحدث الآن
رغم أن هنالك أوجه استثمار أخرى مثل شهادات الاستثمار الحكومية عالية العائد
لكنها في الواقع غير مجزية على المدى الطويل بسبب التضخم.
| |
|
|
|
|
|
|
|
|
|
Re: يا أهل الله : هل أسعار العقارات في الخرطوم (Re: حاتم إبراهيم)
|
تحياتي استاذ حاتم ابراهيم
سبيين مقنعين جدا ..
فعلا السودان بمساحته الحالية - ناهيك عن السابقة - يستحق فيه اي سوداني بالغ قطعة ارض من الدولة مجانية ..
لكن لا زال مسلسل الارتفاع الجنوني للاراضي والعقارات مستمرا ..ومعها بالطبع مواد البناء ..
معقول سعر طن الاسمنت ثلاث اضعاف سعره في مصر ؟ ..
شوف الاسعار امبارح :
Quote: فزت أسعار الحديد والأسمنت بنسبة كبيرة في أسواق مواد البناء بالسجانة، وارتفع سعر طن الحديد إلى ألفي جنيه خلال شهر فيما قفز بمقدار (5) آلاف جنيه مقارنة بشهر أبريل الماضي. ووصل سعر الأسمنت إلى مستويات قياسية لأول مرة متجاوزاً الألفي جنيه، إذ بلغ سعر طن أسمنت صخر السودان (2050) جنيهاً بدلاً عن (1900) جنيهاً في يوليو الماضي وأسمنت عطبرة بلغ (2030) جنيهاً بدلاً عن (1950) جنيهاً في يوليو.
وارتفع سعر طن حديد الأسعد (3) لينية من (15.5) ألف جنيه في يوليو الماضي إلى (17) ألف جنيه، وطن الأسعد (4.5) لينية ارتفع من (15) ألف جنيه إلى (16.5) ألف جنيه، وحديد أبانوب (3) لينية بلغ (15.5) ألف جنيها مقارنة بسعر (15.3) ألف جنيه في يوليو الماضي، وأبانوب (4.5) لينية ارتفع من (14.8) ألف جنيه إلى (16.2) ألف جنيه.
أما الحديد التركي فسعر الطن (3) لينية في يوليو الماضي (15.2) ألف جنيه وبلغ السعر اليوم (16.2) ألف جنيه، و(4,5) لينية كان في يوليو (14.7) ألف جنيه، وحديد ليبرتي (3) لينية أرتفع من (15.2) ألف جنيه إلى (16.2) ألف جنيه، و(4,5) لينية قفز من سعر (14.7) ألف جنيه في يوليو إلى (15.7) ألف جنيه، وأوميغا ارتفع من سعر (15) ألف جنيه إلى (16) ألف جنيه و(4,5) لينية وصل إلى (15.5) ألف جنيها بدلاً عن (14.5) ألف جنيه في يوليو.
الخرطوم ـ سيف جامع
المجهر السياسي |
| |
|
|
|
|
|
|
| |
عادل ابراهيم احمد
ابراهيم عبد الوهاب
Mohd Ibrahim
محمد فضل الله المكى
محمد أبوالعزائم أبوالريش
Frankly
Mohamed Adam
علي عبدالوهاب عثمان
عباس محمود
Adil Isaac
Sulaiman Adam
محمد حيدر المشرف
محمد محمد قاضي
محمد البشرى الخضر
كمال عباس
محمد مجيدو
حاتم إبراهيم
فيس بوك
تويتر
انستقرام
يوتيوب
بنتيريست