|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
عليَ أن لا أنتظر كثيراً لأقول للباشمهندس بكري ابوبكر، الذي حفر لاسمه موطئاً في تاريخ الشخصيات السودانية لك شكري ليس للعضوية البورد التي لم تطاوعني نفسي لطلبها خلال أكثر من ١٥ سنة تابعت فيها سودانيزاونلاين وتطورها خاصة من الناحية الحوارية فالطبع السوداني غليظ حاد منفعل لا يرضى بمبدأ الحورا وعلى هذه نشأنا في بيوتنا ومدارسنا ومشيخاتنا وعمودياتنا هذا في سابق التاريخ أما الآن تقول بقم يلحقوك امات طه شكراً بكري ولكل من رفد هذا المنبر بالكتابة او الإطلاع أو الحوار
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: عبد المنعم سيد احمد)
|
ما اجمل ترحيبك يا أخ عبدالمنعم نفول دايرين شربة من موية النيل تقوم تجيب النيل بحالو؟ يا اخي ما اجمل سودانيزاونلاين أن تتيح لنا معرفة رجال بهذا الجمال ونتكمن من زيارة مدن ما كنا ببالغيها إلا بشق الأنفس مع انو التصوير تم في شارع واحد بس لاحظت امرين الأول: مافيش اكياس وهي سمة لكل مدينة وقرية سودانية ثانياً: سمعنا أنو عطبره بلد العجلات ما شايف إلا عجلة واحدة لك ودي
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
العزيز على الكنزى الحمد لله أن أتيت فقد تأخر فرسك ولكن حتماُ سيضاعف سرعة اللحاق ويتقدم الكل بلا أدنى لم أكحلك غير الآن وعلك والأسره بألف خير وقدومك جد مفرح وجد مفيد فلك من الدربة ما يغنيك ولك من المعارف ما ستبسطه على الناس وينبسطون، لك جميل السلام والتحايا
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
معقولة بس؟ ٥٣٨ زائر يطلع منهم خمس مرحبين؟! والله كان كدي انتو يا ناس سودانيزاونلاين صعبين شديد؟ الدخول ليكم إلا خلسة شوفو كان ما رحبو بي عشرة ماني داخل تب، والضحية جاية واللحمة بناكلا، بعدين وين الناس أنا المعجب بيهم في السعودية وكندا وامريكا والدوحة والسودان وقليل منهم في أوربا ما تقول خير!!!
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: عرفات حسين)
|
مرحبا بكم ابن الكنوز ناس ام درمان الناس العزاز انتم السودان الف مرحب يا ابو العبس ما اجمل الترحيب لو كنت جنبي كان عانقتك صدقت في قولك ([انتم السودان) والله السودان ما اظن في زول بحبو اكتر مني في عصرنا الحاضر وفي حب السودان فليتنافس المتنافسون زمان جائز والمهدي اولهم ابوسليم ثانيهم
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: جلالدونا)
|
عندما يحضر جلادونا وجب ان لا تمد نعليك ولا رجليك انت من قبيل وين والله بتجلد جلد تمتام وانت واحد من الانا معجب بيهم في المنبر واقرأ طرحك كنتا عايزكم تلتفتو لي بس جنس التفاتك دي تحسب نيران صديقة يا اخي اول حصة طوالي ننجلد مش تصبر لمن تكتمل عضويتنا بالمناسبة انا في شبابي اتهمت قي قريتي بأني شيوعي لأني حاربت الدجل الصوفي والاستغلال الطبقي لاصحاب المشاريع الزراعية للمزارعين في منطقتنا النيل الأبيض أنا من قرية من هناك وفي كبري أتهمت بأني شعيي لانو بقول للناس ما نراه الآن لعبة سياسية وحرب طائفية يفنى فيها البسطاء ويبقى امراء الحرب شقتا انت بتكتب كيف
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
الأخ عرفات حسين يا زول ردك كيفني عديل كدي و زادني فخراً وافتخاراً و ح ارجع ليك رجوع خاص تكسير تلج شديد فليشرب جلادونا من البحر إن اراد ومرحباً بنيرانه الصديقة التي لن تقلق مضجعي بعد قول الشاعرة ايمان متوكل والله اكبر ولله الحمد (انصار عديل) بس ما حزب امة
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
نداء اخير قبل الرد الختامي للأخ عرفات حسين الذي ايغظ في داوخلي التحزب للقبيلة وهي من الجاهلية ولكنه امر يساير ما نحن فيه خلال سنوات الإنقاذ التي غاب فيها سطلان الدولة ولجأ فيه كل ذي عرق لعرقه وما الكنوز إلا فئة قليلة وكم من فئة قليلة غلبت فئة كبير بأذن الله ولكننا ننتصر للحق والمظلوم ولا ننتصر لانفسنا نحن الكنوز لذا سيمنا كنوزاً
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: عادل الباهي عبدالرازق)
|
شكراً لهذا الترحيب يا الباهي لكن والله جلادونا عمل لي عقدة نفسية قبل ما عضويتي تكتمل قال عني بكسر تلج هو قايلني عضو في مجلس ادارة النادي الفلاني ولا كاتب عمود رياضي في الجريدة ديك؟ أسا داير اشكر طلتك الحلوة دي والله جننت الجلاليب جن عديل كدة وبغرتنا في العمة والملفحة فعلاً باهي الكلام على الشماعة ؟ مش؟ خلي جلادونا ينهري هري برا كسير تلج برا كلام فارغ والجواب يكفيك عنوانو
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Sudany Agouz)
|
والله انت من اوائل الذين حببو المنبر لي ايها العجوز فدعوة رسولنا الكريم وعيسى بن مريم هي دعوة للمحبة والسلام لدى الكتاب المقدس بثلاث لغات العربي والانجليزي والفرنسي دخلت سجن كوبر في عهد نميري وتم سجني وتحويلي لمستشفى السجن يقاسمني الغرفة عجوز مسيحي وعندما تغيب الشمس اقوم لصلاة المغرب ويقوم هو ياداء شعائرة لك ودي ومحمد الامين يذكرني بخالي على جلاال الدين بقطر الآن ودكتور احمد عبدالحميد عرفت منهم في صغرى محمد الأمين ومن خلال الراديو في ستينات القرن الماضي
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: د.محمد بابكر)
|
يا هلا بالدكتورة نعمات وشكراً لهذا الترحيب وان شاء الله الاقامة تكون سعيدة مع أُناس مثلكم ثم شنو التواضع الشديد اسا في السودان الواحد بقولو ليهو يا بروف وهو ما عندي التكتح وفني المعامل دكتور والسسترة دكتورة والواقف في الاخزخانة كان قرا ٣ شهور دكتور وانتي طبيبة اسنان وما بتقولي دكتورة شفتي اهلنا صدقو وقالو (العارف عزو مستريح(
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
أهلاً الاخ الدكتور محمد وشكراً على الترحيب غايتو يا حاسوبي ولا سودانيزاونلاين فيها مشكلة حاولت ارد عليك بعد دكتورة نعمات والكمبيوتر كجر يقول ليك بلسان أعجمي (إرور) اسا انا دحين ماشي احجز خروف العيد وبجي صادي ليكم نحن في بلد إلا تحجز عشان يضبحو ليك وبعدين صاحب المزرعة اجبرتو السلطات المحلية يعمل سلخانة صغيرة مهيأءة بكل شي وعليه أن يصعق الخروف بالكهرباء قبل ذبحه لكن اخوك راجع ان شاء الله محل ما تضبح في أي محل مافي زول بسعلك نعم بسعلك وليس بسألك بعد غربة دامت لعقود طوال موداي
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
أعود كما وعدت في مداخلة الأخ عرفات حسين الذي اتحفنا بقول شاعرة كنزية ما سمعت مثل فحوى قولها إلا عند فحول الشعراء لهذا اردت ان اقف عندها هنة فهنة علنا نعطيها ما تستحق من الثناء مننا نحن الكنوز الذي جُهلَ دورنا وقدرنا في تاريخ مصر والسودان ويوماً في قريتي تطاول على جاهل وادعى أن القرية، لهم وما نحن إلا دخلا عليها فتعجبت من قوله وقلت له يكفيني فخراً ان جدي يس كان جندي تحت راية ابراهيم النور الكنزي عند فتح الخرطوم ودخلها من ناحية بري وان جدي كان جنديا في حملة ود النجومي وكان برفقته ابنه محمد يس وهو ابي وقتل جدي يس في توشكي بمدافع الانجليز وهو يهم بجلب الماء للجنود وفي طريق العوددة ولد شقيقه الوحيد علي يس وهو عمي ولم يكن له من اخ او اخت غيره اما انت يا من تدعي ان هذه القرية قريتكم فقد جاء لها جدك تحت عباءة الاستعمار وحكم الناس بمعاونة الاستعمار وحيداً ليس معه احد إلا زوجته التي ينتهي اسمها بأغا أي اباءكم لا اعمام لهم في السودان ولا خيلان فلا يوجد سوداني جده أغا وأغا هي لقب وليست اسم ولم يعط هذا اللقب لأحد في السودان وجدك أتي به مرافقاً له من الخارج اذن من منا يفتخر بان القرية له؟ ونعود لقول الشاعرة الكنزية
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
فلنعاود قراءة ما قالته الشاعره إيمان متوكل ونعلق عليه فيما بعد: أنا بت الأصول زينا ومكارم وطيبة بت عز الرجال عزة وكرامة وهيبة اتحدى الخلق من الصغير لابشيبا من بلد الرسول يا اخوانا اصلاً جينا سمونا الكنوز اسماً مسمى علينا جوانا النضيف شايفا الخلوق في عيننا قدام الصفوف الحارة عرضت لينا يوم قسم الشرف أول بشر ادونا يوم قسمو الكضب قصداً عديل فطونا الدين والعلم والله هم رفعونا رفعونا السماء لي الليلة ما دلونا
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
بلغنا السماء بجدنا وجدودنا
أنا بت الأصول زينا ومكارم وطيبة بت عز الرجال عزة وكرامة وهيبة اتحدى الخلق من الصغير للشيبة انظر لقول شاعرتنا ائمان هنا فهي بنت اصول لأن جذورها تتسم بمكارم الأخلاق وطيبة النفس وهي أخلاق محمد بن عبدالله قبل أن يكون رسولاً لأنها قيم انسانية تجعل لمن تزين بها هيبة وكرامة وزاده الله حلماً بعد أن صار نبياً
لهذا نجد الشاعر النابغة الجعدي لا يجد ما يميز قبيلته إلا حسن الخلق والحلم فانظر لقوله: وإِنا لنرجو فوق ذلك مظهرا ولا خير في حلم إِذا لم تكن له بوادر تحمي صفوه أن يكدرا
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
سمونا الكنوز اسماً مسمى علينا جوانا النضيف شايفاهو الخلوق في عيننا والكنوز ليس اسم قبيلة ولكنه لقب اعطاه الحاكم بامر الله الفاطمي لابي المكارم محمد بن علي وسماه كنز الدولة لذا عُدَ وسُميَ من جاء من صلبه بالكنزي والشاعرة هنا تعتز باللقب الكنوز الذي صار اسما وقبيلة وتقول أن المَعَني يطابق المعْني هذا ما يشابه قول قريط بن أنيف التميمي: كأنك ربك لم يخلق لخشيته سواهم من جميع الناس إنساناً
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
ليس اثارة لنعرات قبلية لكن من مشاهير الكنوز فى السودان الامام المهدى عبدالله خليل الاستاذ محجوب محمد صالح و الراحل الفنان ابراهيم عوض و ممن عرفتهم اثناء تجوالى فى نجوع السودان صديقى الدكتور احمد عبدالحميد و الرجل من قرية الكنوز بالنيل الأبيض و قد شغل الرجل منصب مدير شركة طرق الماشية ولا زال مستقراً فى الأبيض . و صديقى الراحل نزار ايوب و والده العم ايوب بحلة حمد و أسرتهم أسرة فكر و أدب . و مؤخراً غادرنا الى دار البقاء زميل الدراسة بباكستان ابن كوستى الدكتور محمد الفاتح الكنزى و لا ادري ان كان من الكنوز أم لا نسال الله العلى القدير ان يتغمده بواسع رحمته و لك التحايا مجدداً يا الكنزى.
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: د.محمد بابكر)
|
عارف يا دكتور محمد لو لا تدخلك لحسبت أن الأمر monologue أي الحوار مع النفس أو من طرف واحد اها صديقك المن الكنوز دا ود اخوي في الحسبة وحبيبي الروح بالروح ودكتور احمد يكبرني قليلاً وعشنا طفولتنا سوياً بين قرانا واحبي كان حبيب ابيه اليوم كان معاي في الواستاب ورسلتا ليهو قول الشاعرة ايمان اعوذ بالله مما استعاذ منه رسول الله صلى الله عليه وآله وسلم وهي النعرة القبلية فكلنا لأدم وآدم من تراب بس حاولت احرر (ازيدو حرارة) طرحي بس ترا ناس سودانيزاونلاين ديل بتاعين قبائل واحزاب بحررو سوق بعض (الحزبي والقبلي والمعارض) يا زول زمن عبدالله خليل حلايب كانت شنو؟ صدقت الشاعرة وهي تقول: قدام الصفوف الحارة عرضت لينا
شفتا عبدالله خليل اتصرف كيف يوم الحارة قال حلايب سودانية وارسل ارطة من الجيش وانسحب عبدالناصر رحمة الله عليهم جميعاً وتفهم الأمر بيسر دكتور الفاتح كنزي حزب امة واستوزر في الانقاذ أما المهدي دا كوم براهو عشان كدا انا بقول انصاري لكن ما حزب امة تصدق شكرا ليك يا دكتور
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
Quote: عارف يا دكتور محمد لو لا تدخلك لحسبت أن الأمر monologue أي الحوار مع النفس أو من طرف واحد اها صديقك المن الكنوز دا ود اخوي في الحسبة وحبيبي الروح بالروح ودكتور احمد يكبرني قليلاً وعشنا طفولتنا سوياً بين قرانا واحبي كان حبيب ابيه اليوم كان معاي في الواستاب ورسلتا ليهو قول الشاعرة ايمان
|
يا سلااااام دكتور احمد " ابو عبد الحميد" حبيب الكل .. ياخى قضيت معه ايام جميلة فى كردفان و لى معه ذكريات لا يتسع المجال لذكرها و كم أتوق لتلك الايام ربنا يديك و يديه الصحة و العافية .
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: د.محمد بابكر)
|
عارف يا دكتور احمد دا ح يطلعنا من الموضوع ولكن ما اعظمه واكرمه من سبب واجمل ما عند احمد (ابو عبدالحميد) زوجتو امتثال يا اخي ديل بحبو بعض بشكل عقد حياتنا انحنا المتزوجين قريب خمسين سنة بحبو بعض زي يوم الخطوبه الله يحفظهم ويرعى حبهم يا ريت كل بيت سوداني فيهو هذا القدر من الحب والسلام الله ينصر دينك يا دكتور ودين احمد موجتي
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
ارف يا دكتور احمد دا ح يطلعنا من الموضوع ولكن ما اعظمه واكرمه من سبب واجمل ما عند احمد (ابو عبدالحميد) زوجتو امتثال يا اخي ديل بحبو بعض بشكل عقد حياتنا انحنا المتزوجين قريب خمسين سنة بحبو بعض زي يوم الخطوبه الله يحفظهم ويرعى حبهم يا ريت كل بيت سوداني فيهو هذا القدر من الحب والسلام الله ينصر دينك يا دكتور ودين احمد مودتي
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: معاوية المدير)
|
بالله معاوية المدير بحالو يرحب بينا والله يوم الاثنين يوم جميل عارف عندي بنات حلوات شديد وصغار عندهم لعبة واحدة تطرق الباب والتانية ست البيت تسأل منو الفي الباب ويدور الحوار على النحو التالي: طق طق طق منو الفي الباب انا بت الوزير بت المدير لا انا بقوليك بت الوزير ايوا عرفتك يا بت المدير يا مرة افتحي الباب انا بقول ليك بت الوزير تبقيني بت المدير ويمضي الحوار هكذا ننتظر وزير ولا نقفل على كدة مودتي
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: Ali Alkanzi)
|
وها هي شاعرة الكنوز تختم فخرها بكنزيتها بما يستحق الفخر به حقاً فعندما يجتمع العلم مع الدين تسمو روح الإنسان للسماوات العلى ويترقى المرء لمراتب أعلى رقيٌ يقود الروح للرقة والشفافية بذكر الله ألا بذكر الله تطمئن القلوب من ارتقى بذكر الله لا يعود منتكساً إلى الأرض وقولها : الدين والعلم والله هم رفعونا رفعونا السماء لي الليلة ما دلونا لهذا نجد وقولها يتطابق في المعنى بما قال به النابغة الجعدي: بلغنا السماء بجدنا وجدودنا وإِنا لنرجو فوق ذلك مظهراً
| |
|
|
|
|
|
|
Re: قادم للتو . هل من بينكم أحد يرويني من ماء ا� (Re: أبوذر بابكر)
|
الكنزي
كنز الدوله هبة الله مملكة ربيعة العربية في بلاد النوبة http://naifgh.com/abhath/nabah.htmhttp://naifgh.com/abhath/nabah.htm
http://www.up-00.com/
اللهم صلي على سيدنا محمد وعلى آله وصحبه وسلم تسليما كثيرا..
الكنوز و المحس هم اصحاب الخرطوم و الكنوز و المحس هم اساس الخرطوم
العمد الشيوخ الاعيان الخفر اول ضباط الشعراء الفنانون الافنديه الاساتذه الخلاوي التجار الجمعياة الادبيه النوادي الخ
الثوره المهديه اساسها الكنوز و المحس
الامام محمد احمد عبدالله الامير احمد ود سليمان الامير محمد ود سليمان
الكنوز و المحس هم الذين اقامو اول دوله اسلاميه بعد ان ازالو حكم الاقباط
لماذا لا نفتخر بنسبنا ؟؟؟؟ والرسول عليه افضل الصلات والسلام تحدث عن النسب
والكنوز كثر في هذا المنبر اولهم ال ابوريش
وأخيرا يكفيني قول هذا البيت
ولا تحسب الأنساب تنجيك من لظى *** ولو كنتَ من قيسٍ وعبد مدانِ أبو لهب في النّار وهو ابن هاشــم *** وسلمانُ في الفردوس من خرسانِ
| |
|
|
|
|
|
|
|