|
دعواتكم لزميلنا المفكر د.الباقر العفيف بالشفاء العاجل
|
|
 Re: البسوم أمو بلقا البتمنا (Re: عبدالحفيظ ابوسن)
|
يسوم يعني يعرض للبيع
سومتا بيتي يعني عرضتو للبيع
يتمن يعني يدفعو فيهو سعر .. ثمن
البودي امو للبيع بلقا زول يدفع فيها سعر
وقالوا في المثل
المسيومة مرخوسة
مرخوسة يعني رخيصة وبالتحديد برخصو ليك سعرها . لو ما عرضتها للبيع سعرها غالي ولو عرضتها بتجيب سعر اقل
اها
يا جلال كدة واضح
| |
 
|
|
|
|
|
|
|
|
Re: البسوم أمو بلقا البتمنا (Re: عبدالحفيظ ابوسن)
|
رمزية الام اكثر كثافة
والام اقرب للطفل صغيرا
واحن عليه كبيرا
لاتجدنا نستحي من مشاعر ضعفنا قصادها عكس الاب
فالام في دواخل كل شخص تمثل المشاعر والمحبة والدفء
أيسوم احدهم امه!؟
نعم
من افتقر للمروءة والاخلاق والشهامة
| |
|
|
|
|
|
|
|
|
|
Re: البسوم أمو بلقا البتمنا (Re: عبدالحفيظ ابوسن)
|
تشكر منعم
وهذا تأكيد علي المثل
لاحظ وليتك مش بنتك ولا اختك
وليتك
بمفهوم سوداني قح
ما تجي سارة ابو تنط لي في حلقي
ولا ناس الفيمينزيم
بمفهوم سوداني لا يعني انتقاصا من قدرها بل تعزيزا لها ورفعة
المرأة عزيزة مكرمة عند وليانها وغالية فلا يرخسوها
شكرا منعم
| |
|
|
|
|
|
|
|
|
|
Re: البسوم أمو بلقا البتمنا (Re: عبدالحفيظ ابوسن)
|
حفيظ ياخي أنا العربي دا مرات ببقي لي صعب ليه مش عارف
يعني بوستيك دا اكل معاي القماشات والشكبزورات والشمبرات
زاتا ... قدر ما بحتا ما لقيت المعني الإنتا قاصدو ... بعدين كدي
قول آمنا بالمعني بتاعك دا ... كيف يعني الواحد يبيع امو
ويلقي الشي البتمناهو وهو سعر رخيص علي حسب افادتك ...
ياخي معني المثل بتاعك ابي ينزل في دقنوسي حتي بعد
الاستعانه بي صديق ... كدي سكك لي البسوم دي في اللول ...
هل اصلها سام يسوم ولا بسوم دي كلمة غير ...
في الايات المعني مختلف تماما" إذا كانت هي نفس الكلمة ...
| Quote: وإذ نجيناكم من آل فرعون يسومونكم سوء العذاب |
| Quote: بَلَىٰ ۚ إِن تَصْبِرُوا وَتَتَّقُوا وَيَأْتُوكُم مِّن فَوْرِهِمْ هَٰذَا يُمْدِدْكُمْ رَبُّكُم بِخَمْسَةِ آلَافٍ مِّنَ الْمَلَائِكَةِ مُسَوِّمِينَ (125) |
| |
|
|
|
|
|
|
|
|
|
Re: البسوم أمو بلقا البتمنا (Re: عبدالعزيز الفاضلابى)
|
ود اب سن سلام
مرة فى احدى اجازاتى الصيفية سقت معاى بكسى نجاضة موديل 81 حالة الوكالة
وديتو الكرين واندرعو فيهو اهلك البطاحين وقالو لى البكسى دا ما تسومو فى السوق
نحن بناخدو منك فواحد منهم قال لى سومتك للبكسى دا بتذكرنى واحد متعلقلو فى بت نجفو
وقال فيها:
بشكِر كامل الأوصاف مشِى الخُتخيت
ناير جسمو عرقو بقاوم الكَبَريت
لذيذ فى ضوقو عسلو بِشِرقك إن مقيت
مَقْنى أماتو كان باعنو كنت شريت
دحين ياخى البكسى دا ما تسومو هنا بكتلولك سعرو وهو يستاهل الكتير
تحياتى لك ولزوارك بلا حدود
| |
|
|
|
|
|
|
| |
عبدالحفيظ ابوسن
جلالدونا
محمد البشرى الخضر
نعمات عماد
عبدالمنعم الطيب حسن
د احمد حمدان
Salah Zubeir
يحي قباني
عبدالعزيز الفاضلابى
على احمد النعيم
حيدر حسن ميرغني
فيس بوك
تويتر
انستقرام
يوتيوب
بنتيريست