|
دعواتكم لزميلنا المفكر د.الباقر العفيف بالشفاء العاجل
|
|
 Re: ملف المفقودين, فى السودان (Re: محمد عوض احمد)
|
فرضية الاختطاف, تبدو, غير مقبولة, فى شوارع السودان,
الاختطاف فى الغالب مربوط بجهد جسدى, وعراك, بين الطرفين, و نحن نتميز بفضول غير طبيعى احيانا, واكثرنا مستعد احيانا للتدخل حتى فى مناقرة بين رجل وزوجته فى سوق امدرمان مثلاً, لا شئ يحدث فى اى مكان عام , الا وتجد اكثر من شخص, ينظر ويستمع, ويشاهد..!!
| |
 
|
|
|
|
|
|
|
|
Re: ملف المفقودين, فى السودان (Re: محمد عوض احمد)
|
لو في تجار اعضاء ما يمشو بالليل شارع عبيد ختم..حسب ما مشاع عنه اسمه شارع عبيد ختف
ساهل جدا....وبلا جهد ولا تعب
Quote:
فرضية الاختطاف, تبدو, غير مقبولة, فى شوارع السودان,
الاختطاف فى الغالب مربوط بجهد جسدى, وعراك, بين الطرفين, و نحن نتميز بفضول غير طبيعى احيانا, واكثرنا مستعد احيانا للتدخل حتى فى مناقرة بين رجل وزوجته فى سوق امدرمان مثلاً, لا شئ يحدث فى اى مكان عام , الا وتجد اكثر من شخص, ينظر ويستمع, ويشاهد..!!
|
عموما عاصمتنا بها فوضي وعدم حسم
و
.
.
| |
|
|
|
|
|
|
|
|
|
Re: ملف المفقودين, فى السودان (Re: Arif Nashed)
|
Arif Nashed
المواطن اصلاً متلهى,
لكن عموما ما مستبعد احيانا توجيه الأمن, للشارع وللأخبار بشكل معين,
بس فى العادة تستهدف شخصيات كبيرة وصاحبة نجومية, فى الالهاء العام,
لا ينفع الامن اختفاء مواطن عادى, عن منزله,
| |
|
|
|
|
|
|
|
|
|
Re: ملف المفقودين, فى السودان (Re: محمد عوض احمد)
|
الطفلة بانه احمد بركات
اختفت خلال رحلة نيلية مع اسرتها منذ العام 2010
قامت حملات تضامن وبحث كبرى من اجلها ولم يظهر لها أثر, الى اليوم
عائلة بانه تعرض 100 مليون جنيه سودانى لمن يعثر على طفلتهم المفقودة
ولم يتقدم احد, بمعلومة مفيدة, ايضاً
| |
|
|
|
|
|
|
|
|
|
Re: ملف المفقودين, فى السودان (Re: محمد عوض احمد)
|
طبعا اهلنا بقولو سيد الرايحة بـ يكوس خشم البقرة..
لكن مسألة الحوافز المالية, فى حالة العثور على مفقود, يجب الا تركز عليها الاسر المكلومة,
لانها تفتح باب الابتزاز, ووربما تفتح الباب لأجرام بشكل جديد لم يعرف فى السودان من قبل..
| |
|
|
|
|
|
|
|
|
|
Re: ملف المفقودين, فى السودان (Re: محمد عوض احمد)
|
Quote: مرحب بيك اخونا اباذر
ناس عبيد ختف دايل بركبو مع بعض بكامل الرضا,
بس فى الاخر برضو شكل من اشكال الجريمة |
حبابك عشرة
القصد انو تجار الاعضاء بدل خطف بي مجازفة
يمشو يشيلوا من الجاهز في عبيد ختم من غير تعب
وبيعوا اعضاء بدل مطاردة الابرياء\
ديل اصلهن مارقات للربا والتلايف
| |
|
|
|
|
|
|
|
|
|
Re: ملف المفقودين, فى السودان (Re: محمد عوض احمد)
|
| Quote: اب زرد لو حسبناها بالمنطق كدا, ناس عبيد ختف حتى لو فى تجارة اعضاء ما بنفعو دى ح تكون اسبيرات غير مطابقة للمواصفات ومستخدمة, يعنى خردة ساكت . |
ههههههاي حكاية عجيبه ..
| Quote: بالجنبة كدا, اتى الاقتباس دا ما شغال عندى لي شنو؟ |
بالنسبة للاقتباس اول شئ شوف المتصفح اعمل ليه ابديت
تاني شئ انت قبل تكتب الرد اعمل نسخ للنص العاوز تقتبسو
لمن تفتح الصندوق البتكتب فيهو الرد فوق في الشريط
على يدك الشمال تختار اقتباس بظهر ليك مربع بره براهو
نزل فيهو النص واعمل اوكي ....
كدي يكون تم الاقتباس ....
.
.
| |
|
|
|
|
|
|
|
|
|
Re: ملف المفقودين, فى السودان (Re: محمد عوض احمد)
|
من الصعب جدا" إختطاف أحد من الشارع في الأوقات العادية داخل الخرطوم والمدن عموما" بدون
أن يراك احد ( صعب جدا" جدا" في السودان) وحتى لو المكان خالي لن يرتكب أحد هذه الحماقة والمجازفة
مالم يكون في سبب قوي جدا" عشان كده أي عملية إختطاف يكون في شهود عليها الفاعل واحد ولا شك أبدا" أبدا"
انه جهاز الأمن !! هو الوحيد القادر على اختطاف اي أحد وفي اي وقت وعندو الإمكانيات غير كده مافي.
وأعتقد أي إختفاء لاشخاص عاديين اول شئ الناس تفكر فيهو هو الجريمة لأي سبب قد تكون سرقة تطورت لقتل
وقد يكون شجار تطور طبعا" بالأضافة للحوادث المرورية والحالات المرضية ودي سهل العثور عليها بمراجعة المستشفيات
ومراكز الشرطة.
سرقة الأعضاء اشاعة فقط وفرضيتها ضعيفة جدا" جدا" في السودان من ناحية تقنية ومن ناحية تكلفة ومجازفة وأعتقد البيع بالتراضي
أسهل كتييير من عمليات إختطاف عشوائية لنساء وأطفال وأصحاب امراض قد يكون لو أتوا متبرعين برضاهم لما تم قبولهم طبيا".
وسائل التواصل أدت لانتشار الأخبار بسرعة وتسليط الضو عليها وقد تكون حالتين حقيقيات وتضاف اليها خمسة اخرى لأغراض لا
أدري ما المغزي منها ولا السبب الحقيقي وراء التلفيق والكذب حوله .
أكثر عمليتين إختفاء مثيرة هي قصة إختفاء عضو البورد شهاب كرار والبروف الذي إختفى قبل فترة وأعتقد جهاز الأمن هو المسئول عنهما
ربنا يردهما سالمين ان شاءالله .
سلامات سيد البوست والزوار
| |
|
|
|
|
|
|
|
|
|
Re: ملف المفقودين, فى السودان (Re: عثمان الأمام)
|
عثمان الأمام, مرحب وشكرا للاضافة الجيدة للموضوع,
واظنك تقصد ب البروف المختفى البروفيسور عمر هارون الخليفة, وهو من زمرة علماء النفس الاشهر فى العالم
الغريب ان من احد مؤلفات بروف عمر كتاب بعنوان علم النفس والمخابرات..والاغرب انه صديق للبروف الزبير بشير طه لا اعرف لماذا لما يستخدم
بعض من نفوذه القديم فى البحث ..!! خصوصا وانه كان وزير داخلية عديل فى عهد الانقاذ
ياريت افادة اضافية عن شهاب كرار..
| |
|
|
|
|
|
|
| |
محمد عوض احمد
اباذر عبد العال
Arif Nashed
فيس بوك
تويتر
انستقرام
يوتيوب
بنتيريست