ناس الحريق عندهم تقاليد طبعا بكونوا في واحدين حرفاء واحدين كيشة أو ضيوف أو ناس عندهم قروش القروببير الحرفاء بيجوهو بدري ومنتظرين الكيشة وناس القروش تلقاه يتلفت بوفق الحيطة لما يشوف الجماعة جو يرجع للحرفا ويقول ليهم الصيد ورد
هسه اليومين ديل في المنبر شايف في صيد ورد من الاعضاء القدامى
07-08-2017, 08:56 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
كيفك يا جمال عودة كثير من القدامى فيها وفيها لو عايز تقرا بتقرا لو عايز اكشن برضو في وبوست الاكشن كان بستمر 4 ارشفات او 10 صفحات ايهما اكثر في كباتن مخسوسين بتعاقدوا معاهم للكركبات دي انت قايل اي زول بكركب زي هسه هههههههه
07-09-2017, 06:22 AM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
زمان أوي أوي يا حمد، إتّا كنت بتغني في كافتيريا البيطرة، أنا جيت بشرت وأديتك ورقة صغيرة طلبت فيها أغنية الأغنية المطلوبة كانت: الليمونة الجوة قلبي مشتولة
الكلام دا بتذكرو؟
07-09-2017, 07:00 AM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
هلا ابو بكر يا سلام عليك ياخ شوف عشان اثبت ليك متذكر كنت بغني في لو احبك عمري كلو وقبلك جاء محمد صلاح نقرية وحنان الشافعي بشروا
بس ما غنيتا لاني كنت فنان ملتزم ما بغني غنا هابط في الحفلات العامة يعني سابقك في الاستنارة بسنين كتيرة انت مصيبة بس الغريبة يا ابو بكر اسمك معلق في راسي بس الصورة غابت مني لحدي ما نزلت صورتك في المنبر حتى الهارد ديسك عمل باك اب
07-09-2017, 07:56 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25109
معناتا كنا قريبين لبعض في حفل محمد الأمين الشهير أمام كافتريا البيطره ونحن ننصت قرب الحسان من جوار الهزبندري ..ههه .. أمبارح أواخر الليل شايف صاحبي خضر حسين عمل إبرار مظلي بالمنبر قربت أضرب ليك تلفون (أتصل فيك بلغة مغتربي السعوديه)..أقول ليك والله الصيد ورد جد وكما قال محمد المنسي قنديل (ظباء مكه صيدهن حرام)..
07-09-2017, 07:29 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
معناتا كنا قريبين لبعض في حفل محمد الأمين الشهير أمام كافتريا البيطره قطع شك قريبين حفلات أبو الامين ووردي في كلية البيطرة كانن حفلات استثنائية لاشيء البتة يقف حائلا دون حضورها خضر خليل صيدة كبيرة من السافنا الغنية كمان شوف - خضر خليل - شيقا - هباني - عمر محمد أدريس وانت وكم نفر لا استحضرهم حاليا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة