|
Re: هل استهلاك الكهرباء(قدرة الكيلووات) ملعوب (Re: عبدالحفيظ ابوسن)
|
لا استبعد انا لاحظت كدة زمان ناس الاتصالات واحدة من الشركات كانت بتحسب الدقيقة 45 ثانية . ودي قسناها تلاعب في البرمجة وكل البرمجة في الخرطوم . ما بعيد عليهم اذا كان السيخة تلاتة لينية بتقصوها والزنكي بنقصوهو الزنكي زمان تطلع فيهو هسة بقا شرقانية بس ________________________________________________________________________________ بلد زبالة والله لاحظ انو شركة الاتصالات اكتر من واحدة يعني ممكن تحول الى شركة آخري تحاسب بالثانية لكن الكهربا ما عندك مفر ...حسبنا الله ونعم الوكيل
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Khalid Elsayed)
|
سلام يا خالد وشكراً على البوست المهم .. الناس ديل انتهازيين وما تستبعد عليهم أي حاجة وانتهازيين دي بقولها لأنو رقم البلاغات حقهم -مدفوع القيمة- والمفترض انو يكون مجاني زي أي شركة محترمة بتستقبل بلاغات العملاء بتاعنها يعني تتصل ورد آلي ودخل رقم العداد وبعد داك يجيك الموظف واول ما تبدا تحكي مشكلتك الخط يقطع !! نعم أنا بقدر أأكد اني لاحظت الموضوع ده طوالي في بيتي .. يعني أولادي كانوا كم يوم مع أهلهم ورغماً عن كده اضطريت أشتري كهرباء تاني مع اني في العادة بشتري كهرباء بتقعدني شهر واسبوع على أقل تقدير .. المرة دي والله الشهر ما كملتو ودي رسمت في ذهني مليون علامة استفهام افتكرت في مشكلة خاصة بي وعايزة مراجعة لكن لقيت الجيران وصاحب السوبرماركت الجنبي برضو بيشتكو من الإستهلاك الخرافي ده يعني الفرقة ما بسيطة بل كبيرة جدا وواضحة زي الشمس من ناحية برمجية التلاعب ده ممكن ، العدادات كانت شغالة كويس لو عايزين يعملوا حركة زي دي لازم يكون عندهم (تحكم عن بعد) للعدادات عشان يغيروا البرمجة الكانت موجودة وانا هنا بقصد العدادات وليست الشاشات ، لأنو الشاشات البنقرا بيها الكهرباء وندخل بيها الكهرباء ما عندها علاقة بالموضوع ده لو في زول شغال في الكهرباء يورينا حتى لو في الخاص وما بنجيب اسمو اذا كانت ادارة الكهرباء عندها امكانية الوصول والتحكم عن بعد في العدادات وعشان ما يودونا السجن بقول نحنا بنشك في وجود شئ غير طبيعي ولا نتهم إدارة الكهرباء بالسرقة ولو الزحمة دي خفت شوية عايز أجيب جهاز استهلاكو عالي جدا واركبو جنب الشاشة ونفصل كل الأجهزة في البيت ونشوف الحسابات كيف .. بيان بالعمل
تحياتي ..
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: محمد عبدالله مختار)
|
لام يا خالد وشكراً على البوست المهم .. الناس ديل انتهازيين وما تستبعد عليهم أي حاجة وانتهازيين دي بقولها لأنو رقم البلاغات حقهم -مدفوع القيمة- والمفترض انو يكون مجاني زي أي شركة محترمة بتستقبل بلاغات العملاء بتاعنها يعني تتصل ورد آلي ودخل رقم العداد وبعد داك يجيك الموظف واول ما تبدا تحكي مشكلتك الخط يقطع !! ___________________________________________________________________________________________
دا غير العداد البشتريهو وتدفع عليهو ايجار شهري
نعم أنا بقدر أأكد اني لاحظت الموضوع ده طوالي في بيتي .. يعني أولادي كانوا كم يوم مع أهلهم ورغماً عن كده اضطريت أشتري كهرباء تاني مع اني في العادة بشتري كهرباء بتقعدني شهر واسبوع على أقل تقدير .. المرة دي والله الشهر ما كملتو ودي رسمت في ذهني مليون علامة استفهام افتكرت في مشكلة خاصة بي وعايزة مراجعة لكن لقيت الجيران وصاحب السوبرماركت الجنبي برضو بيشتكو من الإستهلاك الخرافي ده يعني الفرقة ما بسيطة بل كبيرة جدا وواضحة زي الشمس من ناحية برمجية التلاعب ده ممكن ، العدادات كانت شغالة كويس لو عايزين يعملوا حركة زي دي لازم يكون عندهم (تحكم عن بعد) للعدادات عشان يغيروا البرمجة الكانت موجودة وانا هنا بقصد العدادات وليست الشاشات ، لأنو الشاشات البنقرا بيها الكهرباء وندخل بيها الكهرباء ما عندها علاقة بالموضوع ده لو في زول شغال في الكهرباء يورينا حتى لو في الخاص وما بنجيب اسمو اذا كانت ادارة الكهرباء عندها امكانية الوصول والتحكم عن بعد في العدادات وعشان ما يودونا السجن بقول نحنا بنشك في وجود شئ غير طبيعي ولا نتهم إدارة الكهرباء بالسرقة ولو الزحمة دي خفت شوية عايز أجيب جهاز استهلاكو عالي جدا واركبو جنب الشاشة ونفصل كل الأجهزة في البيت ونشوف الحسابات كيف .. بيان بالعمل ___________________________________________________________________________________________________________
انا جربتها فعلا .. عندي مكيف اسبليت باظ جبت مكيف موية وسبحان الله الاستهلاك الشهري زاد مع ان استعمال بقية الاجهزة ما اتغير
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Khalid Elsayed)
|
رمضان الفات جبت لي مكيف اسبليت سامسونغ وضربت الطراوة وحاة الطلاق 4 يوم بس ضربت السكلي بياكل يومياً كهرباء بي 25 جنيه معطت ليك اسلاكه ورجعت لدفار الموية أبو صوتاً رعدة والبسألني المكيف دة شكلو جديد مالو ما شغال بقول ليه يا عمك السوق بقى كلو صناعة صينية تعبانة ياخ قياس الجهاز الواحد يا محمد مختار ممكن يتم في دقيقة واحدة تفصل بقية الأجهزة وتنتظر دقيقة للتأكيد ثم تضغط #1# - تقريباً - في العداد بتجيب ليك استهلاك الجهاز دة في الساعة يعني إذا عارف الجهاز استهلاكه كم ممكن تجيب الفرق ما عارف بفرضية وجود تلاعب هل ممكن يتلاعبوا في الاستهلاك الحقيقي ويخلو المقياس بتاع #1# بدون تلاعب ولا لأ ودي ممكن التأكد منها بسهولة برضو بقياس استهلاك البيت بحالته الراهنة وكل أجهزته الشغالة ثم انتظار انتقال العداد إلى رقم وحساب ساعة بالضبط وتشوف هل الكهرباء الاتشالت قدر المقياس ولا لأ
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: أحمد محمد عمر)
|
تحياتي خالد مشكلة شركة الكهرباء أنّها محتكرة للخدمة وعقودها عقود اذعان ولا أظنها تطبق انظمة ضبط جودة وإسعاد مستهلك عشان تقدر تشتكي وتطالب بمراجعة! و البلد يها هيئة مواصفات لكن اظن يدها مغلولة, جمعية حماية المستهلك وأمينها العام الرجل الشجاع نزار ميرغني أحسن حالا, يا ريت يصلوا الموضوع دا ويتولاه ويمكنه المتابعة مع ادارة الكهرباء وعمل قياسات و معايرات لعدد من العدادات التي يشتكي اصحابها
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: محمد البشرى الخضر)
|
Quote: تفصل بقية الأجهزة وتنتظر دقيقة للتأكيد ثم تضغط #1# - تقريباً - في العداد بتجيب ليك استهلاك الجهاز دة في الساعة |
يا حبيب العداد بقا متهم عشان كده ما ممكن نستخدم قرايتو .. أنا قصدي نشوف طريقة تانية للقياس ..
Quote: ما عارف بفرضية وجود تلاعب هل ممكن يتلاعبوا في الاستهلاك الحقيقي ويخلو المقياس بتاع #1# بدون تلاعب ولا لأ |
نعم يمكن التلاعب في (إظهار) الإستهلاك الحالي ، في البرمجة كلو شئ ممكن بل اعتقد انو لو فعلا تم التلاعب في موضوع الكيلووات ما حيفوت عليهم إنو ممكن اي مهندس أو اي زول بيفهم في الكهرباء انو ممكن يعمل مراجعة للموضوع ده بإستخدام #1# بالتالي ده برضو حيكون ملعوب!
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: ناصر حسين محمد)
|
الموضوع ملاحظ بشكل واضح لدي الناس كلها انا شخصيا كل اول شهر بشتري 200 كيلوواط . المدعوم . بحتاج ازيدو مرات بي مية وحاجة واط ال200 الاولي بي 30 ج البعدها ال 100 بي 26 ج اها في الشتاء بتوفر معاي هسة حساب كدة بستهلك اكتر من 500 كيلو واط مافي اجهزة جديدة وبخش في الزون بتاع ما فوق ال400 كيلوواط ودة قالو زادوهو من غير اعلان اكرر البرمجة كلها في الخرطوم مركزية
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: عبدالحفيظ ابوسن)
|
لموضوع ملاحظ بشكل واضح لدي الناس كلها انا شخصيا كل اول شهر بشتري 200 كيلوواط . المدعوم . بحتاج ازيدو مرات بي مية وحاجة واط ال200 الاولي بي 30 ج البعدها ال 100 بي 26 ج اها في الشتاء بتوفر معاي هسة حساب كدة بستهلك اكتر من 500 كيلو واط مافي اجهزة جديدة وبخش في الزون بتاع ما فوق ال400 كيلوواط ودة قالو زادوهو من غير اعلان اكرر البرمجة كلها في الخرطوم مركزية _______________________________________________ حتي ال500 كيلو دي ( بالسعر الجديد) ما تديك نفي القدرة الحقيقية لل500 كيلو
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: ناصر حسين محمد)
|
ههههههه والله مااستبعد القصة دي حقيقة ناس بيتنا اشتكو منها بقولو كهرباء ب50 بقت ما بتقعدهم زي زمان وتنتهي سريع
غايتو في السودان ده ما تستبعد شي _________________________________________________________ ككمية كيلووات يعني الكان بجيب في الشهر 500 كيلو ( بغض النظ عن السعر ) في الشهر بقت تكفيهومن 20 الي 25 يوم بنقصان33% الى 16% شهري ( ودي اللعبة في الموضوع)
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: ناصر حسين محمد)
|
تحياتي خالد .... 1 :- اي جهاز كهرباء فيهو بليت بتوضح استهلاكو للكهرباء خلال ساعة عادة" ومنها يمكن القياس والتأكد. 2 :- اجهزة التسخين والتبريد تستهلك كهرباء اضعاف لمبات الانارة. 3 :- يمكن التلاعب في برمجة استهلاك الكهرباء في اجهزة القياس الرئيسية يعني 100 كيلووات/ساعة اعتبرا 90 كيلووات/ساعة ... ودي بتعتمد علي مهندسي البرمجة باشراف مهندسي الكهرباء وديل طبعا" ما ممكن يكونو كلهم كيزان وإلا تكون قيامتكم قامت. 4 :- في بداية كل شهر في كهربا مدعومه من الشركة (600 كيلووات/ساعة في حساب 32 قرش) واي زيادة في حساب 85 قرش. 5 :- الاجهزة المستهلكه للكهرباء بي نهم هي :- الاسبلت ، المكوة ، سخان الماء للدش والشاي ، المايكرويف ، الموتور الموصل مع مكيفات التبريد الماءيه ، الثلاجات ، الأفران والبوتجازات الكهربائية ، الغسالة. 6 :- بيت فيهو 2 سبلت و2 مكيف ماء وتلاجة وعدد 8 لي 10 لمبات في وجود استهلاك محدود لي سخان الشاي والمكوة والغسالة والمايكرويف بيستهلك ما قيمته 1500 لي 2000 جنيه. 7 :- عموما" قيمة الكهرباء في السودان أرخص من ابوظبي بي مقدار الضعف.
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Salah Zubeir)
|
حياتي خالد .... 1 :- اي جهاز كهرباء فيهو بليت بتوضح استهلاكو للكهرباء خلال ساعة عادة" ومنها يمكن القياس والتأكد. 2 :- اجهزة التسخين والتبريد تستهلك كهرباء اضعاف لمبات الانارة. 3 :- يمكن التلاعب في برمجة استهلاك الكهرباء في اجهزة القياس الرئيسية يعني 100 كيلووات/ساعة اعتبرا 90 كيلووات/ساعة ... ودي بتعتمد علي مهندسي البرمجة باشراف مهندسي الكهرباء وديل طبعا" ما ممكن يكونو كلهم كيزان وإلا تكون قيامتكم قامت. 4 :- في بداية كل شهر في كهربا مدعومه من الشركة (600 كيلووات/ساعة في حساب 32 قرش) واي زيادة في حساب 85 قرش. 5 :- الاجهزة المستهلكه للكهرباء بي نهم هي :- الاسبلت ، المكوة ، سخان الماء للدش والشاي ، المايكرويف ، الموتور الموصل مع مكيفات التبريد الماءيه ، الثلاجات ، الأفران والبوتجازات الكهربائية ، الغسالة. 6 :- بيت فيهو 2 سبلت و2 مكيف ماء وتلاجة وعدد 8 لي 10 لمبات في وجود استهلاك محدود لي سخان الشاي والمكوة والغسالة والمايكرويف بيستهلك ما قيمته 1500 لي 2000 جنيه. 7 :- عموما" قيمة الكهرباء في السودان أرخص من ابوظبي بي مقدار الضعف. ___________________________________________________________________________________ سلام Salah Zubeir بس هي نمرة 3 الله ينور عليك :- يمكن التلاعب في برمجة استهلاك الكهرباء في اجهزة القياس الرئيسية يعني 100 كيلووات/ساعة اعتبرا 90 كيلووات/ساعة ... ودي بتعتمد علي مهندسي البرمجة باشراف مهندسي الكهرباء وديل طبعا" ما ممكن يكونو كلهم كيزان وإلا تكون قيامتكم قامت.
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: محمد البشرى الخضر)
|
تحياتي خالد مشكلة شركة الكهرباء أنّها محتكرة للخدمة وعقودها عقود اذعان ولا أظنها تطبق انظمة ضبط جودة وإسعاد مستهلك عشان تقدر تشتكي وتطالب بمراجعة! و البلد يها هيئة مواصفات لكن اظن يدها مغلولة, جمعية حماية المستهلك وأمينها العام الرجل الشجاع نزار ميرغني أحسن حالا, يا ريت يصلوا الموضوع دا ويتولاه ويمكنه المتابعة مع ادارة الكهرباء وعمل قياسات و معايرات لعدد من العدادات التي يشتكي اصحابها _________________________________________________________________________________________________ لو عندك تلفون نزار ميرغني ممكن ترسلو في الخاص والاغرب لمن عدادك يبوظ ويكون فيهو باقي كهرباء بتضيع عليك لكن بعد مرات بترجع لك ( مسألة حظ ولا تخضع لاي معايير علمية )
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: أحمد محمد عمر)
|
رمضان الفات جبت لي مكيف اسبليت سامسونغ وضربت الطراوة وحاة الطلاق 4 يوم بس ضربت السكلي بياكل يومياً كهرباء بي 25 جنيه معطت ليك اسلاكه ورجعت لدفار الموية أبو صوتاً رعدة والبسألني المكيف دة شكلو جديد مالو ما شغال بقول ليه يا عمك السوق بقى كلو صناعة صينية تعبانة ياخ قياس الجهاز الواحد يا محمد مختار ممكن يتم في دقيقة واحدة تفصل بقية الأجهزة وتنتظر دقيقة للتأكيد ثم تضغط #1# - تقريباً - في العداد بتجيب ليك استهلاك الجهاز دة في الساعة يعني إذا عارف الجهاز استهلاكه كم ممكن تجيب الفرق ما عارف بفرضية وجود تلاعب هل ممكن يتلاعبوا في الاستهلاك الحقيقي ويخلو المقياس بتاع #1# بدون تلاعب ولا لأ ودي ممكن التأكد منها بسهولة برضو بقياس استهلاك البيت بحالته الراهنة وكل أجهزته الشغالة ثم انتظار انتقال العداد إلى رقم وحساب ساعة بالضبط وتشوف هل الكهرباء الاتشالت قدر المقياس ولا لأ _____________________________________________________________________________________________ هههههههههههههههههههههههه عاقل والله #1 ما تديك قراءة حقييقية لانو العداد مشكوك فيهو
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Khalid Elsayed)
|
المسالة سهلة جدا
الكرت او الرصيد الذي يعبأ به العداد يوضح مقدار القيمة التي دفعتها العداد يقوم بحساب قروشك و عدد الكيلواطات التى يمكن لك ان تستهلكها و يقوم بوقف مرور التيار بمجرد انتهاء الفلوس هذه العدادات يتم التحكم فيها عن بعد بنظام الاسكادا و التيلميترى يعني ببساطة اذا قررت ادارة شركة الكهرباء تغيير سعر الكيلواط فانها تقوم بتغيير السعر من عنها عبر البرمجيات التي تتيح لها الاتصال بكل العدادات ...يعنى انتو دايرنهم يمشو يغيروا تمنية ولا عشرة مليون عداد يدويا
في مثل حالتنا دي قامت الشركة بزيادة سعر الكيلواط دون اخطار المستهلك لاسباب سياسية
ودي قمة في الفساد والاستهتار
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: هشام المجمر)
|
لمسالة سهلة جدا
الكرت او الرصيد الذي يعبأ به العداد يوضح مقدار القيمة التي دفعتها العداد يقوم بحساب قروشك و عدد الكيلواطات التى يمكن لك ان تستهلكها و يقوم بوقف مرور التيار بمجرد انتهاء الفلوس هذه العدادات يتم التحكم فيها عن بعد بنظام الاسكادا و التيلميترى يعني ببساطة اذا قررت ادارة شركة الكهرباء تغيير سعر الكيلواط فانها تقوم بتغيير السعر من عنها عبر البرمجيات التي تتيح لها الاتصال بكل العدادات ...يعنى انتو دايرنهم يمشو يغيروا تمنية ولا عشرة مليون عداد يدويا
في مثل حالتنا دي قامت الشركة بزيادة سعر الكيلواط دون اخطار المستهلك لاسباب سياسية
ودي قمة في الفساد والاستهتار _________________________________ اخونا هشام كلامك صحيح 100% لكن نحن نتكلم عن كيلووات كقدرة بغض النظر عن زيادة السعر .. دي زاتا ملعوب فيها ال500 كليو الكان بتكفيك شهر بقت تقعد حوالي 22 يوم رغم انو استخدام الاجهزة الكهربائية ما اتغير
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: عبدالعظيم عثمان)
|
Quote: اذا قررت ادارة شركة الكهرباء تغيير سعر الكيلواط فانها تقوم بتغيير السعر من عنها عبر البرمجيات التي تتيح لها الاتصال بكل العدادات ...يعنى انتو دايرنهم يمشو يغيروا تمنية ولا عشرة مليون عداد يدويا |
تحياتي يا المجمر .. صحيح نظام المراقبة والتحكم (اسكادا) موجود من زمن مكاوي وشفتو بي عيني بداية الألفينات لكن المعلومة العندي الوقت داك كانت للمراقبة والتحكم في المحطات لكن العدادات ما عندي فكرة والله بالنسبة لي زيادة التسعيرة أعتقد ما عندها علاقة بالعداد بي صورة مباشرة بل بالسوفتوير بتاع ناس الكهرباء والخوارزمية البيعمل بيها جنريت للرقم البيتم ادخالو عبر شاشة العداد قصدي انو العدادات مبرمجة مسبقاً بتحويل الرقم المدخل عبر خوارزمية محددة الى كيلووات ، الخوارزمية دي قابلة لحساب زيادة التعرفة مقابل الكيلووات لكن على العموم المنطقي انو يكون عندهم وصول للعدادت عن بعد على الأقل لتغيير الخوارزمية في حال تفكيكها من قبل هاكرز وكراكرز بس البيخليني اتوقف في الفرضية دي انو لا بد من وجود شبكة واي ماكس عشان يكون في وصول للعدادات ودي عايزة تأكيد أو الوصول ليها عبر أسلاك الكهرباء نفسها ودي تقنية متوفرة لكن لمساحات محدودة جدا -حسب المعلومة العندي- وما اعتقد انها تنجح في المساحات الشاسعة المنتشرة فيها شبكة الكهرباء
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: محمد عبدالله مختار)
|
عايز اقول انو في احتمال وارد برضو انو الخوارزمية بتاعتة العداد بعد ما تستقبل الرقم المدخل عبر الشاشة بتطلع منو باراميترات وممكن يكون في بارميتر لحساب كمية الكهرباء مقابل الكيلووات وبالتالي يصبح الكيلووات هنا مجرد باراميتر وليس كيلووات حقيقي أي يمكن نظرياً خصم 10% من الكيلووات الحقيقي دون الحوجة لإعادة برمجة العدادات ..
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Khalid Elsayed)
|
Quote: تقدم النائب المستقل محمد علي نمر، بمسألة مستعجلة لاستدعاء وزير الموارد المائية والكهرباء معتز موسى لاستجوابه حول زيادة تعريفة الكهرباء دون سند قانوني ومخالفته قانون الرسم الاضافي لسنة 2016م المصادق عليه من قبل رئيس الجمهورية. وقال نمر إن الوزارة فرضت قرشين في الفئة الثالثة والرابعة دون سند قانوني، وتساءل عن المبرر لمخالفة قانون الرسم الاضافي للعام 2016م المصادق عليه من الرئيس والقاضي بتحديد اسعار الكهرباء. وأوضح نمر خلال المسألة المستعجلة انه سبق وأن أثار الامر خلال الدورة الماضية، الا ان رئيس البرلمان ابراهيم احمد عمر، طلب من الوزارة الإفادة كتابة ولكن الاخيرة لم تقدم الافادة المطلوبة حتى الوقت الراهن، علماً بأن الزيادة مستمرة من نوفمبر 2016م وحتى الآن، واستفسر عن المبالغ المتحصلة من هذه الزيادة واين تورد. البرلمان: سارة تاج السر الجريدة |
لا أري إمكانية غش او خداع في انظمة التحكم والمراقبة والقياس خصوصا" اذا احتاج الأمر النزول من طبقة إتخاذ القرار إلى تنفيذ ذلك القرار بواسطة المهندسين في البرمجة او مهندسي الكهرباء وهم من عامة الناس واهلهم من مستهلكي الكهرباء. لا انفي امكانية الغش والخداع ولكن تنفيذه وسط ذلك الكم من الناس امر في غاية الصعوبة وكان تفشى الخبر وزاع وعم القري والحضر.
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Salah Zubeir)
|
لا أري إمكانية غش او خداع في انظمة التحكم والمراقبة والقياس خصوصا" اذا احتاج الأمر النزول من طبقة إتخاذ القرار إلى تنفيذ ذلك القرار بواسطة المهندسين في البرمجة او مهندسي الكهرباء وهم من عامة الناس واهلهم من مستهلكي الكهرباء. لا انفي امكانية الغش والخداع ولكن تنفيذه وسط ذلك الكم من الناس امر في غاية الصعوبة وكان تفشى الخبر وزاع وعم القري والحضر. ______________________________________________________________________ كلامك منطقي لكن الحاصل شنو كل الناس تشتكي من زيادة الاستهلاك ( بغض النظر عن الزيادة في سعر الكيلووات)
اكيد في حاجة غلط
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Khalid Elsayed)
|
(-) سلامات الحضور الكريم (-) التلاعب قد يحدث ولكن صعب جدا ان تتحكم مؤسسة في ضبط العداد او التلاعب به وخصوصا الرقمي (-) ولكن الملاحظ ان الاسلاك في السودان والمواد واللمبات والترانسات حتى ادوات الكهرباء ذات الصناعة السودانية في حد ذاتها نوعيات سيئة ردئية (-) ملقطه من مصر ومصانع لا تستوفي الشروط العالمية لذلك هذه المواد المستخدمة تكون مقاومتها كبيره نوعا ما ولا ننسى طريقة التوصيل في السودان عشوائية\ وان السلك يقطع بلاد في الحيشان وقد يوصل للجار وياتي دون الاستفادة منه (-) المواد وطريقة التوصيل الخاطئة ونوعية الاسلاك والادوات المستخدمة هذه اظنها لوحدها 7 % من الهدر الحاصل في الكهرباء (-) لابد من وضع هذه النقاط في الاعتبار موادنا مقاومتها الداخلية كبيره تحتاج لجهد وتيار استهلاك
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: البرنس ود عطبرة)
|
-) سلامات الحضور الكريم (-) التلاعب قد يحدث ولكن صعب جدا ان تتحكم مؤسسة في ضبط العداد او التلاعب به وخصوصا الرقمي (-) ولكن الملاحظ ان الاسلاك في السودان والمواد واللمبات والترانسات حتى ادوات الكهرباء ذات الصناعة السودانية في حد ذاتها نوعيات سيئة ردئية (-) ملقطه من مصر ومصانع لا تستوفي الشروط العالمية لذلك هذه المواد المستخدمة تكون مقاومتها كبيره نوعا ما ولا ننسى طريقة التوصيل في السودان عشوائية\ وان السلك يقطع بلاد في الحيشان وقد يوصل للجار وياتي دون الاستفادة منه (-) المواد وطريقة التوصيل الخاطئة ونوعية الاسلاك والادوات المستخدمة هذه اظنها لوحدها 7 % من الهدر الحاصل في الكهرباء (-) لابد من وضع هذه النقاط في الاعتبار موادنا مقاومتها الداخلية كبيره تحتاج لجهد وتيار استهلاك ________________________________________________________________________________________________________ دا كلو حاصل وموجود لكن الفرق الاستهلاك عالي جدا قريب ال30% مافي طريق للتأكد غير انك تجيب جهاز كهربائي ذو جودة عاليا وتشغلو هو بس وتشوف الاستهلاك عامل كيف
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Khalid Elsayed)
|
بالتاكيد في حاجة غلط .... اذا استبعدنا السياسة وركزنا علي الامور الفنية مثال 1 :- العدادات اجهزة قياس وتحتاج لي معايرة (calibration) كل فترة زمنية محددة غالبا" كل سنة او بالكتير سنتين وتتم عن طريق شركة الكهرباء ولابد من تذهب اليهم لانو ما حا يجوك اصلا". 2 :- نقاط البرنس عن تصنيع المواد والأسلاك والادوات الغير مطابقة للمواصفات لها اكبر من نسبة ال 7% . 3 :- التاكد من توصيل خطك الناقل للكهرباء الي منزلك فقط اذ ان الكثير من فني الكهرباء يقومون بي تجاوزات لزيادة دخلهم في ظل عدم كفاية الراتب الدائم . 5 :- اللجوء لي مهندس كهرباء لحساب استهلاك الكهرباء في منزلك وكل المعلومات المحتاجه هي معرفة استهلاك الجهاز او اللمبة في الساعة (مكتوبة مباشرة او في بليت) مضروبة في عدد ساعات الاستعمال في اليوم مضروبة في 30 يوم بديك تقريبا " استهلاكك في الشهر وبي كدا ممكن تعمل كروس جيك مع العداد اذا سليم وزيد ليها ال 7% بتاعت البرنس. ملحوظة ... لا احمل اي مؤهل/هويه في هندسة الكهرباء فمافي داعي للقبقبه يا احمد محمد عمر.
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Salah Zubeir)
|
بالتاكيد في حاجة غلط .... اذا استبعدنا السياسة وركزنا علي الامور الفنية مثال 1 :- العدادات اجهزة قياس وتحتاج لي معايرة (calibration) كل فترة زمنية محددة غالبا" كل سنة او بالكتير سنتين وتتم عن طريق شركة الكهرباء ولابد من تذهب اليهم لانو ما حا يجوك اصلا". 2 :- نقاط البرنس عن تصنيع المواد والأسلاك والادوات الغير مطابقة للمواصفات لها اكبر من نسبة ال 7% . 3 :- التاكد من توصيل خطك الناقل للكهرباء الي منزلك فقط اذ ان الكثير من فني الكهرباء يقومون بي تجاوزات لزيادة دخلهم في ظل عدم كفاية الراتب الدائم . 5 :- اللجوء لي مهندس كهرباء لحساب استهلاك الكهرباء في منزلك وكل المعلومات المحتاجه هي معرفة استهلاك الجهاز او اللمبة في الساعة (مكتوبة مباشرة او في بليت) مضروبة في عدد ساعات الاستعمال في اليوم مضروبة في 30 يوم بديك تقريبا " استهلاكك في الشهر وبي كدا ممكن تعمل كروس جيك مع العداد اذا سليم وزيد ليها ال 7% بتاعت البرنس. _________________________________________________- Valid Points لك التحية
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Khalid Elsayed)
|
رد من احد المهندسين
دا كله ما عندو علاقة بالتلاعب في البرنامج المشكلة في الشبكة القومية في انه انخفاض ضغط الكهرباء الفولت في الشبكة عامة يؤدي الي ضعف في جميع مستويات الجهد في الشبكة وذلك يكون فقط وقت الذروة في الصباح الساعة العاشرة ويستمر حتي الثالثة والمسائية من الساعة الثامنة حتي العاشرة فقط في الصيف لارتفاع درجة الحرارة و رمضان لانه الاستهلاك في الكهرباء يكون كببر جدا اما بعد رمضان ينخفض الاستهلاك و يتحسن الجهد
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: عبدالحفيظ ابوسن)
|
Quote: مداخلاتي هنا ما بتخصك براك بتخص كل الفالقيننا بالحقانية ومتصدرين بوستات الزرزرة والقبقبة وهسة خشمهم فوقه الموية |
طبعا" المداخله دي ما فضل ليك إلا تكتب في الظرف بره ود البشرى CC النادي الرياضي لحجز حلبة المصارعة ...
Quote: وحاة الله مسيكين والغنمايه تاكل عشاي :) |
قال مسيكين .... زكرتني الكضمي ... ههههه .... قبقب بحري كلها. غايتو متعتونا حتي الاشباع ...
| |
|
|
|
|
|
|
Re: هل استهلاك الكهرباء(قدرة الكيلووات) ملعوب (Re: Khalid Elsayed)
|
رد من احد المهندسين
دا كله ما عندو علاقة بالتلاعب في البرنامج المشكلة في الشبكة القومية في انه انخفاض ضغط الكهرباء الفولت في الشبكة عامة يؤدي الي ضعف في جميع مستويات الجهد في الشبكة وذلك يكون فقط وقت الذروة في الصباح الساعة العاشرة ويستمر حتي الثالثة والمسائية من الساعة الثامنة حتي العاشرة فقط في الصيف لارتفاع درجة الحرارة و رمضان لانه الاستهلاك في الكهرباء يكون كببر جدا اما بعد رمضان ينخفض الاستهلاك و يتحسن الجهد ______________________________________________________________________________________________________________________________---
الحال ياهو نفس الحال ولا علاقة له بالاستهلاك في رمضان بعدين إنخفاض ضغط الكهرباء و الضعف في جميع مستويات الجهد في الشبكة دا حاجة ستنادرد وللا عندنا بس في السودان
| |
|
|
|
|
|
|
|