|
|
|
 Re: امطار غزيرة في الخرطوم ،،،، و المطار أخر ب (Re: عزالدين عباس الفحل)
|
سافر ابني ايهاب .
امس عبر الخطوط الخليجية.
من ابوظبي الي الخرطوم.
مرورا بالبحرين..
لكن لسوء الأحوال الجوية .
في مطار الخرطوم.
تعذر هبوط الطيارة في مطار الخرطوم.
و تم تغيير الرحلة الي مطار جدة الدولي.
في السعودية
ثم عادت الطايرة مرة اخري.
الي مطار الخرطوم.
لتجد المطار غارقا في السيول.
اين البنية التحتية ؟
اين غرف الاستورم وتر ؟
نحن في القرن ال 21.
***
مداخلة عن غضب.
عزالدين عباس الفحل
ابوظبي
| |
  
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: سيف الدين محجوب)
|
عادي ياعزو
ده البشير وامرك علي الله
يسافر في الشهر مليون مرة
ينزل في مطارات العروبة اللي اتبنت بعد مطارنا ولا يحاول يشعر بحبة غيرة وطنية عشان يقدر يستقبل فيه زوار البلد من كبار الشخصيات خليك من اهل البلد اللي اصلا هو ماشغال بيهم اللهم الا يشفط من عرق جبينهم
ياريت لو حميتك دي ماكان سببها جهجهة ابنك يرعاه الله وانت المعروف بتاييدك للبشير ورهطه من اللصوص
المطار هين .. مطرة مربوطة بموسم خريف
لكن تعال شوف بافي الغلب والهم العصف بالعباد في متطلبات معيشتهم اليومية.
المطار كما قال شاعر .. الدهشة الاولى وانت داخل لبلد الاندهاشات الكثيرة
احزن يا اخي من هذا الحال ولو لوهلة
عسى ولعل حزنك يكون مصباح يضيء ليك التغبيش المعشش في وعيك
تحياتي لك
| |
|
|
|
|
|
|
|
|
 Re: امطار غزيرة في الخرطوم ،،،، و المطار أخر ب (Re: حيدر حسن ميرغني)
|
حبيبنا ود الفحل
سُعال لو سمحت ،،، المداخلة عن غضب دي برضو من الآيفون ؟
حمد لله على سلامة الولد
مودتي
سيف الدين محجوب
____^^^^_____^^^^____^^^^^_____^^^^^____
ود محجوب.
سلام ياخي.
تخيل الواحد اتعود يكتب من الاندرويد.
لسهولة التعامل بالأجهزة الصغيرة.
و الغضب انو مطار الخرطوم دا .
اصبح أضحوكة.
اقل رذاذ يؤثر فيه زي الغربال.
مطار الخرطوم واجهة البلد.
لكن لا حياة لمن ..........
اشواقي.
عزالدين عباس الفحل
ابوظبي
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: عزالدين عباس الفحل)
|
عادي ياعزو
ده البشير وامرك علي الله
يسافر في الشهر مليون مرة
ينزل في مطارات العروبة اللي اتبنت بعد مطارنا ولا يحاول يشعر بحبة غيرة وطنية عشان يقدر يستقبل فيه زوار البلد من كبار الشخصيات خليك من اهل البلد اللي اصلا هو ماشغال بيهم اللهم الا يشفط من عرق جبينهم
ياريت لو حميتك دي ماكان سببها جهجهة ابنك يرعاه الله وانت المعروف بتاييدك للبشير ورهطه من اللصوص
المطار هين .. مطرة مربوطة بموسم خريف
لكن تعال شوف بافي الغلب والهم العصف بالعباد في متطلبات معيشتهم اليومية.
المطار كما قال شاعر .. الدهشة الاولى وانت داخل لبلد الاندهاشات الكثيرة
احزن يا اخي من هذا الحال ولو لوهلة
عسى ولعل حزنك يكون مصباح يضيء ليك التغبيش المعشش في وعيك
تحياتي لك
حيدر حسن مرغني
____^^^^^_____^^^^^____^^^^_____^^^^
الحبيب الغالي حيدر
سلام
نقدك بناء و موجع.
والشرط الساخن لا يوضع علي الجراح الملتهبه
لكن الانقاذ قدمت الكثير.
المفيد للشعب السوداني.
و ال Curve حدث بعد انفصال الجنوب.
برضو لا تنسي جهد الساسة في معالجة الكوارث.
اكيد ما في زول بيرضي لبلده الوحل.
ساسة ام مسوسين.
تحياتي.
عزالدين عباس الفحل
ابوظبي
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: باسط المكي)
|
احمد الله إنه لا زال هناك مطار ..
أو الاصح نقول عليهو مهبط طيارات ..
لانه ده مش مطار ..
القروش السرقوها تبني بلد تاني مش مطار ..
يأخ حتى طياراتنا وخط لندن اتباع ..
الراجيها شنو ..
جمال ود الفوز
__^^^__^^^___^^^^___
عزيزي ود القوز.
الانقاذ نفذت السدود. و الجسور.
و فجرت البترول ينابيع.
يعني غالبها تشيد مطار دولي للسودان.
الأمر في غاية البساطة
دراسة جدوي + استشاري هندسي+مقاول.
Feasibility study +Consultant +Contractor
وخلي الاستشاري يكون من بيوت الخبرة العالمية.
وعندنا مهندسين اكفاء
اكرر المشروع بسيط بس العزيمة.
تحياتي.
عزالدين عباس الفحل
ابوظبي
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: عزالدين عباس الفحل)
|
مصيبة كبيرة
مافي مسؤول سوداني واحد عنده غيرة على البلد,,, ياخي المطار لمن يكون بي مستوى عالي بكون مصدر فخر ودخل كبير للدولة,,, أنا كنت في مطار جدة وعرفت أن المواقف تدخل في السنة أكثر من مليار ريال,, ومرة كنا في مطار نجران لمن كان المطار شغال وبدءنا دردشة مع بعض العاملين في كافتريا صغيرة جدا وسألناهم عن سبب غلاء الأسعار في الكافتيريا, قالوا لينا إيجار الكافتيريا السنوي تقريبا سبعمية ألف ريال يعني قريب من المليون ريال ع, لذلك الأسعار سياحية.
أنا ما عارف ليه الدولة في السودان ما تكمل تشييد المطار الجديد بمواصفات عالمية,, مطار نفتخر به ويدر دخل محترم للدولة.
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: Asim Ali)
|
الله يحفظ اهلنا فى شتي ارجاء الوطن ,,,
بصراحة الحال اصعب من الصعوبة خصوصا برة الخرطوم
متذكر اخر مرة خريف في السودان من 3 سنين وتأثر شرق النيل و الاماكن الطرفية فى الخرطوم من المطر
الحكومة طبعا دور المشارك الصامت فى الامطار لا بيهم ولا عليهم المواطن فى شىء
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: Salah Habib)
|
الله يسألك لو ما ولدك إتجهجه ودخلت
فيك خوفة شديدة علي سلامتو كان كتبت
البوست دا ؟؟!
أها في شباب في عمرو كدا ماتوا في المظاهرات
ضد الظلم ونتيجة للإسهالات المائية التي ما زالت تحصد الأرواح
وفي المستشفيات وفي حوادث المرور وغيرها .. وإنتو شابكننا سيدي
الرئيس وسعادة الفريق !!
نفاقكم المقيت دا بخلينا نحتقركم لي يوم الدين.
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: Abureesh)
|
البلد دي ما يا هو حاكما زولك البتشكر فيهو ليك مية سنة هنا ده !!!
هسي عشان بقت في ولدك
ياخي المشكلة مافي البشير ولا الجن اللحمر العاضي البلد دي
المشكلة فيكن اتو ديل !!
الواحد شايل ليهو طار او اي فون ولا اي تلفون بقشوه باللصبع
وشغال تطبيل وما شايف اكتر من قبيلتو او سروالو
الله لا تاجركن
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: Othman Al-Hasan Babikir)
|
قال الحكومة فجرت البترول وبنت السدود!!!!!!!!!!
البترول دا اذا ما ظهر على الاقل في واجهة البلد الفايدة منو شنو؟؟
السدود اتبنت بالقروض الربوية وانت عارف كدا .. بطلو النفاق
بعدين دي  لي شنو يعني ؟؟
غايتو البوست دا فضحك لو ما ولدك والحمدلله على سلامته ما اظن كان حا يهمك لو المسافرين كلهم غرقو جوة الصالة
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: ابوحراز)
|
الغاضبون علي سوء التخطيط.
في مطار الخرطوم اللا دولي.
سأقوم بالرد علي كل متداخل.
و هذا البوست مقروء.
لكل المسؤولين في السودان.
مطار الخرطوم واجهة البلد.
و مشروع استثماري ضخم.
و العجب السودان كله.
ليس به مطار دولي.
حري بنا .
ان يكون في شندي مطار دولي.
و في بورتسودان مطار دولي.
و في مدني مطار دولي.
حتي في كبوشية مطار دولي.
خواطر فيل.
لا خير فينا ان لم نقلها.
وعند الطواري للطايرات.
عليها بالإتجاه خارج الأجواء السودانية.
لانقاذ الأرواح.
***
مداخلة عن غضب .
عزالدين عباس الفحل
ابوظبي
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: عماد الدين الطيب عمر)
|
والله يا الفحل
دا طرفنا من المجندين في التنظيم الحديدي مغسولين الادمغة ناس الإشارة
عينهم في الوجع ويتضهبوا منه ويجدوا العذر لمن اهلك الحرث والنسل 28 سنة بالتمام والكمال
وما شايفين انه دا عهد مفروض يولي إلى غير رجعة وتاتي بعده عهود رشاد ومحاسبة وروح وطنية
انا شايف انه دا عقوق بالوطن وبالارض وبالحبوبات والعمات والخالات والأطفال وبالسمر الطيبين
واجيالهم القادمة
وغمط للنصيحة وكتمان للحق
مفروض ديل يغورو بــس ولا شيء غير انهم يغورو سوى انه نصــر على انهم يطرشــوا
أي قرش جبايات اخذوه بحمرة عين القانون وما أدوا حقـه
والزيك يا ود الفحل لو ما داير يقول الكلام دا عديل ويواجه فقدان الحظوة عند التنظيم
مفروض بس ينقطنا بسكاته
أحمد الشايقي
| |
|
|
|
|
|
|
|
|
|
Re: امطار غزيرة في الخرطوم ،،،، و المطار أخر ب (Re: Hussein Mussa)
|
يا سلام على الصور الجميلة وريحة الدعاش والتوحل فى الطين.جو فول.
ابو الريش.
____^^^^^_____^^^^^_____^^^^^^______^^^^^____
سلام الحبيب ابو الريش.
الحمد لله الأجواء في الخرطوم .
دعاااااااش الخريف.
ومهما يكن الجميع بحب الامطاااااار.
في الخريف.
ولو خلص الفول انا مش مسؤول.
اشواقي.
عزالدين عباس الفحل
ابوظبي
| |
|
|
|
|
|
|
| |
عزالدين عباس الفحل
سيف الدين محجوب
حيدر حسن ميرغني
جمال ود القوز
باسط المكي
Khalid Elsayed
aosman
Asim Ali
Anas Babekr
Abd Alla Elhabib
Abureesh
Elsanosi Badr
ابوحراز
أحمد الشايقي
الحاج حمد الحاج
فيس بوك
تويتر
انستقرام
يوتيوب
بنتيريست